Morgunblaðið - 06.10.2005, Blaðsíða 2

2 FIMMTUDAGUR 6. OKTÓBER 2005 MORGUNBLAÐIÐ
FRÉTTIR
VILJA BANN
Umhverfissamtök sem berjast
fyrir verndun úthafanna segjast að-
eins vera einu atkvæði frá því að fá
teknar upp viðræður á allsherjar-
þingi SÞ um bann við botnvörpu-
veiðum á úthafinu. Ísland hefur
lagst gegn slíku banni.
Rafmagnslaust í borginni
Netsamband raskaðist víða auk
þess sem slokknaði á útsendingum
margra útvarpsstöðva í kjölfar raf-
magnsleysis, sem varð rétt fyrir
klukkan 18 í gærkvöld. Rafmagns-
leysið náði til stórs hluta Reykjavík-
ur og slökkti m.a. á umferðarljósum
víða á Miklubrautinni.
Húsleit vegna fjársvikamáls
Starfsmenn efnahagsbrotadeildar
Ríkislögreglustjóra gerðu húsleit í
fyrirtækinu Skúlason og í heimahúsi
í gær. Var leitin gerð að beiðni
breskra lögregluyfirvalda í
tengslum við viðamikið fjársvikamál.
Eigendur Skúlason segjast vilja
sýna fullan samstarfsvilja.
Aðstoða uppreisnarmenn
Bretar saka íranska bylting-
arverði um að láta uppreisnar-
mönnum í Írak í té búnað og tækni-
þekkingu til að útbúa flugskeyti,
sem hafa kostað átta breska her-
menn lífið í nokkrum árásum það
sem af er þessu ári. Íranar neita sök
og væna Bretana um lygar. Þeir
krefjast sannana fyrir því sem þeir
séu ásakaðir um.
Breytingin afturkölluð
Íraska þingið hætti í gær við
breytingar sem fyrirhugaðar voru á
kosningalögum. Með breytingunni
átti að koma í veg fyrir að súnnítar í
Írak gætu fellt drög að nýrri stjórn-
arskrá. Í lögunum felst nú, sem og
áður, að drög að stjórnarskrá teljist
felld með tveimur þriðju atkvæða í
þremur héruðum.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
 

  



 & 

 
 

'() *

 +,,,

   


  






   





 



 Í dag
Sigmund 8 Viðhorf 34
Fréttaskýring 8 Umræðan 34/41
Erlent 16/18 Bréf 41
Minn staður 20 Minningar 42/46
Höfuðborgin 21 Myndasögur 50
Akureyri 22 Dagbók 50/52
Austurland 22 Staður og stund 52
Landið 23 Leikhús 54
Daglegt líf 24 Bíó 58/61
Neytendur 25/27 Ljósvakamiðlar 62
Menning 28/19 Veður 62
Forystugrein 32 Staksteinar 63
* * *
RICK Perry, ríkisstjóri í Texas,
synjaði á þriðjudag náðunarbeiðni
Arons Pálma Ágústssonar, sem
ríkisþing Texas hafði samþykkt og
mælt með fyrir sitt leyti í ágúst
síðastliðnum, að því er fram kemur
í tilkynningu frá RJF-hópnum,
stuðningshópi Arons Pálma.
Þessar fréttir bárust Aroni
Pálma síðdegis á þriðjudag. Segja
stuðningsmenn hans að hann hafi
sagt að hann mætti jafnframt bú-
ast við að verða að fara í fangelsi á
ný, því óvíst væri hversu lengi
hann fengi að dveljast þar sem
hann nú er og hann kæmist ekki
til Beaumont í bráð þar sem þar
væri enn rafmagnslaust eftir að
fellibylurinn Ríta gekk þar yfir.
Fram kemur að Knut S. John-
son, lögfræðingur RJF-hópsins,
hafi stuttu síðar staðfest fréttir
ríkisstjórans. „Knut mun ganga
eftir skriflegu svari á morgun og
jafnframt kanna hvort synjunin
nái aðeins til náðunarbeiðninnar
eða til varakröfunnar líka, sem er
sú að Aron Pálmi fái að ljúka af-
plánun sinni heima á Íslandi,“ seg-
ir í tilkynningunni.
Málið rætt á Alþingi
Ágúst Ólafur Ágústsson, vara-
formaður Samfylkingarinnar, hef-
ur óskað eftir utandagskrárum-
ræðu á Alþingi um máefni Arons
Pálma. Í fréttatilkynningu frá
Ólafi Ágústi segir að eftir að rík-
isstjórinn í Texas hafnaði náðunar-
beiðni Arons Pálma sé ljóst að að-
koma íslenskra stjórnmálamanna
að málinu sé nauðsynleg. Þess
vegna hafi verið beðið um að mál
Arons Pálma verði rætt á Alþingi í
þeirri von að hægt sé að koma
hreyfingu á málið. „Hér er um að
ræða íslenskan ríkisborgara sem
hefur verið beittur miklum órétti
og því ber að beita öllum tiltækum
leiðum til að koma honum til hjálp-
ar,“ segir í tilkynningu frá Ólafi
Ágústi.
Náðunarbeiðni Arons Pálma synjað
MIÐSTJÓRN Alþýðusam-
bands Íslands sendi frá sér
ályktun í gær þar sem hún lýsir
yfir vonbrigðum með þá efna-
hags-, atvinnu- og félagsmála-
stefnu sem birtist í fjárlaga-
frumvarpi ríkisstjórnarinnar.
Í ályktuninni segir, að á
grundvelli eigin fjárlagafrum-
varps spái fjármálaráðuneytið
um 4% verðbólgu næstu árin,
miklu ójafnvægi í þjóðarbú-
skapnum og áframhaldandi
háum vöxtum og sterku gengi
með tilheyrandi vandræðum
fyrir útflutnings- og samkeppn-
isatvinnuvegina. Þetta gerist
þrátt fyrir að ASÍ, Seðlabankinn
og fleiri aðilar hafi kallað eftir
ábyrgri efnahagsstefnu og meiri
festu í ríkisfjármálum. Ekki
verði heldur séð á frumvarpinu
að sátt geti orðið um þá félags-
málastefnu sem þar birtist.
ASÍ vill beita
ríkisfjármálum
„Miðstjórn ASÍ skorar á rík-
isstjórn og Alþingi að taka með
ábyrgum hætti þátt í efnahags-
stjórninni og beita ríkisfjármál-
unum með þeim hætti að það
dragi úr þörf fyrir harkalegar
aðgerðir Seðlabankans í pen-
ingamálum samhliða því sem
verðbólga lækki. Jafnframt
leggur miðstjórn ASÍ áherslu á
mikilvægi velferðarkerfisins,“
segir í ályktun miðstjórnar.
Í samtali við Morgunblaðið
sagði Grétar Þorsteinsson, for-
seti ASÍ, forsvarsmenn sam-
bandsins hafa verið þeirrar
skoðunar nokkur undanfarin
misseri að stjórnvöld þyrftu að
haga efnahagsstjórninni með
ábyrgari hætti. „Það sem er at-
hyglisvert í þeirri stöðu er að við
höfum ekkert verið einir með
það viðhorf. Seðlabankinn hefur
ítrekað áréttað þetta, sama er að
segja um OECD og greiningar-
deildir bankanna. Ég man raun-
ar ekki eftir því að það hafi áður
verið svona sameiginlegur tónn
eiginlega allra aðila um að
stjórnvöld þyrftu að taka með
afdráttarlausari hætti á.“
Aðspurður segir Grétar Þor-
steinsson að of snemmt sé að
segja til um hvort kjarasamn-
ingar haldi eða þeim verði sagt
upp. „Vinna forsendunefndar
við endurskoðun á kjarasamn-
ingum er rétt að hefjast, en ein-
dagi samningsins er 15. nóvem-
ber nk. Úttekt nefndarinnar er
ekki lokið, en hins vegar er ljóst
að verðlagsforsendurnar eru
brostnar og var það ljóst fyrir
alllöngu síðan,“ segir Grétar, en
forsendur kjarasamningsins
verði til umræðu á ársfundi
Starfsgreinasambandsins sem
hefst í dag.
Ójafn-
vægi er í
efnahags-
málunum
FJÖLDI kvenna lagði leið sína á
konukvöld í Debenhams í Smára-
lindinni í gærkvöldi. Konukvöldið
var haldið til styrktar V-dags-
samtökunum og veitti Debenhams
samtökunum styrk að upphæð ein
milljón króna til stuðnings barátt-
unni gegn ofbeldi á konum.
„Þessi stuðningur hefur mjög
mikla þýðingu. Hann gerir okkur
kleift að halda áfram að gera góða
hluti. En þetta er frábær leið fyrir
einkafyrirtæki til að styðja við
svona málstað,“ segir Hildur Sverr-
isdóttir, framkvæmdastjóri V-
dagsins, og vonast til þess að for-
dæmið, sem Debenhams sýni þann-
ig, verði öðrum fyrirtækjum til
eftirbreytni.
Spurð hvernig fjármagninu verði
varið segir Hildur helming fjárins
eyrnamerktan forvörnum samtak-
anna gegn nauðgunum. „Við höfum
ákveðið að gefa hinn helming upp-
hæðarinnar til samstarfskvenna
okkar í Stígamótum. Við höfum
alltaf staðið við bakið á þeim með
andlegum stuðningi, en núna gafst
okkur loks tækifæri til þess að
sýna stuðning okkar við þær í verki
fjárhagslega.“
Meðal þess sem gestum var boð-
ið upp á var tónlistarflutningur,
brot úr Píkusögum og upplestur,
ásamt tískusýningu þar sem fjöldi
þjóðþekktra einstaklinga sýndi föt
úr Debenhams. Þeirra á meðal var
sjálfur Guðni Ágústsson landbún-
aðarráðherra. Aðspurð segir Hildur
alla þá sem leitað var til um fyr-
irsætustörf hafa tekið umleitan
þeirra vel. „Flest þeirra voru að
stíga sín fyrstu fyrirsætuskref, en
stíga þau til styrktar baráttunni
gegn ofbeldi á konum,“ segir Hild-
ur og bendir á að þau vilji þannig
sýna fram á að málefnið sé ekki
hornreka í samfélaginu. „Það ríkir í
raun einhugur í samfélaginu um að
binda enda á ofbeldi gegn konum,
en sú rödd má kannski alveg heyr-
ast oftast,“ segir Hildur.
Aðrar fyrirsætur kvöldsins voru
Arnmundur Ernst Björnsson,
Björn Ingi Hilmarsson, Elma Lísa
Gunnarsdóttir, Gísli Marteinn
Baldursson, Hildur Petersen, Kol-
brún Halldórsdóttir, Inga Lind
Karlsdóttir, Ingibjörg Stef-
ánsdóttir, Jasmine, Íslenski dans-
flokkurinn, Jón Ólafsson, Logi
Bergmann Eiðsson, María Björk
Sverrisdóttir, Stefán Jón Hafstein,
Stefán Hilmarsson, Svanhildur
Hólm, Þórunn Clausen og Þórunn
Lárusdóttir.
Konukvöld til styrktar
V-dags samtökunum
Morgunblaðið/Kristinn
Ýmsir þjóðþekktir einstaklingar stigu sín fyrstu fyrirsætuskref í gær-
kvöldi til styrktar baráttunni gegn ofbeldi á konum.
Eftir Silju Björk Huldudóttur
silja@mbl.is
HÉRAÐSDÓMUR Reykjaness
dæmdi í gær Scott Mckenna
Ramsay í 18 mánaða fangelsi, þar
af 15 mánuði skilorðsbundið, fyrir
að veita dönskum hermanni hnefa-
högg sem leiddi til bana hans.
Ákærði var einnig dæmdur til að
greiða foreldrum fórnarlambsins
1,5 milljónir íslenskra króna og
tæpar 65 þúsund danskar krónur í
bætur. Einnig ber hann sakar-
kostnað upp á 1,1 milljón króna.
Scott Ramsay, sem er breskur
ríkisborgari en búsettur hér á
landi, var ákærður fyrir stórfellda
líkamsárás svo að mannsbani
hlaust af, með því að hafa í nóv-
ember á síðasta ári slegið Flemm-
ing Tolstrup, hnefahöggi efst á
háls hægra megin, með þeim af-
leiðingum að blæðing sem fórn-
arlambið hlaut milli heila og innri
heilahimna af völdum höggsins
leiddi til dauða. Þetta gerðist á
skemmtistað í Keflavík.
Ekki ásetningur að
vinna manninum tjón
Í niðurstöðu dómsins segir, að
með skýlausri játningu ákærða og
öðrum gögnum málsins teljist sök
hans sönnuð. Með krufningar-
skýrslu og framburði réttarlæknis
fyrir dómi var talið sannað að and-
lát fórnarlambsins hefði verið bein
afleiðing þess hnefahöggs sem
ákærði veitti honum. Ákærði sagð-
ist hafa slegið Tolstrup vegna
stöðugrar áreitni hans við sam-
býliskonu sína.
Ákærði á engan sakaferil að
baki og segir í dómi að hann sé
reglusamur og stundi fasta vinnu.
Framlögð sérfræðigögn sýni fram
á, að hann geri sér grein fyrir að
ekkert réttlætanlegt tilefni hafi
verið til viðbragða hans í umrætt
sinn og verknaðurinn hafi lagst
þungt á hann.
Við mat á refsingu var litið til
þess að ákærði hafði ekki ásetning
til þess að vinna manninum það
tjón sem varð. Þá hafi afleiðingar
höggsins orðið mun alvarlegri en
það gaf tilefni til. Hins vegar yrði
ekki litið framhjá hinum alvarlegu
afleiðingum sem hlutust af
brotinu.
Gunnar Aðalsteinsson héraðs-
dómari dæmdi málið. Verjandi var
Ásgeir Jónsson hdl. og sækjandi
Kolbrún Sævarsdóttir frá ríkissak-
sóknara.
18 mánaða fangelsi fyr-
ir banvænt hnefahögg