Morgunblaðið - 06.10.2005, Blaðsíða 64
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 6. OKTÓBER 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
UMHVERFISSAMTÖK sem berj-
ast fyrir verndun úthafanna segjast
aðeins vera einu atkvæði frá því að
fá teknar upp viðræður um bann við
botnvörpuveiðum á úthafinu. Ísland
hefur lagst gegn slíku banni.
Árlegar samningaviðræður um
fiskveiði- og hafréttarályktanir hóf-
ust á allsherjarþingi Sameinuðu
þjóðanna í New York í gær en gert
er ráð fyrir að viðræðurnar fari
fram daglega allt til 11. nóvember
nk. Botnvörpumálið mun koma til
umfjöllunar í viðræðum um fisk-
veiðiályktunina, væntanlega aðal-
lega í næstu viku. Fyrir ári varð nið-
urstaða allsherjarþingsins sú að
beina því til ríkja og svæðisbund-
inna fiskveiðistjórnunarstofnana að
bæta stjórnun á botnfiskveiðum,
einkum með tilliti til verndunar við-
kvæmra vistkerfa á hafsbotninum.
Tillögu um hvers konar hnattrænt
bann gegn botnvörpuveiðum á út-
hafinu var hins vegar hafnað, m.a.
fyrir tilstuðlan Íslands.
Regnhlífarsamtök sem berjast
fyrir verndun úthafanna hafa mjög
þrýst á um að sett verði allsherjar
bann á veiðar með botnvörpu á út-
höfum. Segir í frétt á vef breska rík-
isútvarpsins, BBC, að fjölmörg ríki
muni nú styðja bannið, til að vernda
viðkvæm og lítt þekkt vistkerfi. Þar
á meðal ríki sem fram til þessa hafi
lýst sig andvíg banninu, s.s. Spánn.
Þannig vanti aðeins samþykki einn-
ar þjóðar á allsherjarþinginu til að
hefja umræður um bannið.
Sátt meðal lykilríkja
Tómas H. Heiðar, þjóðréttar-
fræðingur í utanríkisráðuneytinu,
segir að afstaða íslenskra stjórn-
valda í þessu máli sé í samræmi við
andstöðu þeirra gegn hnattrænum
afskiptum af fiskveiðistjórnun, enda
sé hún ýmist málefni einstakra ríkja
eða svæðisbundið málefni. „Við
munum leggja áherslu á það í kom-
andi viðræðum um botnvörpuveið-
arnar að áfram verði unnið á fram-
angreindum grundvelli og hefur
verið vaxandi sátt um það meðal
lykilríkja á þessum vettvangi. Ís-
land hefur fyrir sitt leyti gert ráð-
stafanir til að bæta stjórnun botn-
fiskveiða og verndun viðkvæmra
vistkerfa á hafsbotni, bæði innan
efnahagslögsögu sinnar og í gegn-
um Norðaustur-Atlantshafsfisk-
veiðinefndina, NEAFC, að því er
úthafið varðar. Að því er varðar
svæði á úthafinu þar sem ekki eru
fyrir hendi svæðisbundnar fisk-
veiðistjórnunarstofnanir hefur alls-
herjarþingið lagt áherslu á að við-
komandi ríki komi slíkum
stofnunum á fót og hafi fram að því
ábyrgt eftirlit með fiskiskipum er
sigla undir fána þeirra. Við styðjum
þessa nálgun heils hugar,“ segir
Tómas.
Úthafsbotnvörpuveiðar ræddar á allsherjarþingi Sameinuðu þjóðanna
Vilja banna botnvörpu
Vantar eitt atkvæði til að hefja umræður um bannið á vettvangi SÞ
Eftir Helga Mar Árnason
hema@mbl.is
MIKLAR skemmdir urðu en enginn slas-
aðist þegar eldur kviknaði í kjallaraíbúð
við Háengi rétt fyrir klukkan 21 í gær-
kvöld.
Þegar lögregla og slökkvilið komu á
staðinn var mikill eldur í íbúðinni. Ein
stúlka var inni þegar eldurinn kom upp og
komst hún út af sjálfsdáðum.
Slökkviliðinu tókst fljótlega að ráða nið-
urlögum eldsins, en íbúðin er mjög mikið
skemmd og er talið að allt sem í henni var
sé ónýtt.
Talið er að kviknað hafi í út frá kerti.
Eldur í
kjallaraíbúð
á Selfossi
VIÐSKIPTARÁÐ gefur í dag út álit þar
sem kemur fram að skrifræði íþyngi veit-
ingamönnum landsins verulega. Dæmi eru
um að vegna opnunar eins kaffihúss hafi
þurft að skila inn 35 eyðublöðum og segir
Þór Sigfússon, framkvæmdastjóri Við-
skiptaráðs, að dæmi séu um að veitinga-
menn, sem verið hafi í samfelldum rekstri
áratugum saman, kvarti undan afarkostum
sem eftirlitsaðilar setja.
Viðskiptaráð setur í álitinu fram tillögur
til úrbóta. | B1
Skrifræði
of mikið
ÞAÐ munar
einni krónu á 23
vörutegundum af
35 í Bónus og
Krónunni í verð-
könnun sem
verðlagseftirlit
ASÍ gerði í mat-
vöruverslunum á
höfuðborg-
arsvæðinu í
fyrradag.
Bónus var með
lægsta verðið í
könnuninni,
vörukarfan þar var á 5.431 krónu, en í
Krónunni, þar sem karfan var næstódýr-
ust, kostaði hún 5.896 krónur. Dýrust var
karfan í versluninni 10-11 en þar kostaði
hún 8.951 krónu.
Í körfunni voru 35 algengar neysluvörur
til heimilisins en einungis voru teknar í
körfuna vörur sem fengust í öllum versl-
ununum í könnuninni. | 24
Lítill verð-
munur í Bónus
og Krónunni
E
FG
E
HC
C
FHI
C
*1 1 ( /%1
4 /1J
, %D% %
D% %
I
H
I
I
I
IHF
C
EIH
HE
ÞAÐ er kannski ekki tilviljun að Rauðavatn heitir einmitt Rauðavatn. Í
gærmorgun þegar þessi piltur var á leið í skólann speglaðist morg-
unroðinn í vatninu og allt tók á sig rauðleitan blæ. Það er ekki slæmt að
hafa svona útsýni í gönguferðinni.
Morgunblaðið/Brynjar Gauti
Morgunroðinn við Rauðavatn
GUNNAR Sæmundsson, bóndi í Hrúta-
tungu, er allhress eftir alvarlega met-
angaseitrun í haughúsinu á bænum 20.
september sl. Hann lá á gjörgæsludeild
Landspítalans í fáeina daga og var síðan
færður yfir á lungnadeild spítalans til frek-
ari aðhlynningar. Gunnar er nú kominn
heim til sín og farinn að stunda vinnu sína
eins og áður.
Að sögn Gunnars var aðdragandinn að
slysinu stuttur, en hann var með dælu í
fjárhúsinu til að hræra upp í haugnum þar.
Hann hafði rétt komið dælunni fyrir og
hafði gengið inn í hlöðuendann þegar hann
hné niður og lá þar meðvitundarlaus. „Lík-
lega hefur húsið ekki verið nógu opið og
gasið því komið beint í fangið á mér. Ég
hlunkast inn um dyrnar og er metra innan
við þær. Líklega hef ég legið þar í um þrjú
korter.“ Það varð Gunnari til lífs að eig-
inkona hans, Sigrún Sigurjónsdóttir, kom
fljótt að honum. Vegna rafmagnsleysis á
bænum varð hún að aka niður að Brúar-
skála til að komast í símasamband. Gunnar
var fluttur með sjúkrabíl að Dalsmynni í
Norðurárdal og tekinn um borð í þyrlu
Landhelgisgæslunnar sem flutti hann til
Reykjavíkur.
Þetta er ekki fyrsta raun Gunnars því 19.
nóvember 2004 kviknaði í hlöðunni á bæn-
um með þeim afleiðingum að fjöldi fjár
brann inni. Og fyrir rúmum áratug var
Gunnar skorinn upp vegna krabbameins og
annað nýra hans fjarlægt. „Það er seigt í
mér og ég vona að svo verði áfram. Án þess
að vera með nokkurt væl, þá finnst mér
vera komið nóg, en það ræður enginn sín-
um örlögum. Við vitum ekki hvað gerist á
næstu klukkustund.“
Gunnar hefur fengið gríðarlega mikil við-
brögð frá ættingjum og vinum eftir slysið
og hann tekur sérstaklega fram hversu ein-
staklega góð hjúkrunin á gjörgæsludeild og
lungnadeild hafi verið. | 32
„Það er seigt í mér“
Gunnar í Hrútatungu hefur orðið fyrir nokkrum
áföllum á síðustu árum, en staðið þau öll af sér.
♦♦♦
♦♦♦
♦♦♦
RAFMAGNSLEYSI sem náði yfir stóran
hluta Reykjavíkur olli talsverðum truflun-
um á netsambandi og útvarpssendingum í
gær.
Keðjuverkun í rafkerfinu olli því að að-
veitustöð A5 í Elliðaárdalnum sló út kl.
17.55 í gær og varð því rafmagnslaust í
mörgum hverfum í Austurbæ Reykjavíkur.
Þá urðu einhverjar rafmagnstruflanir í
Vesturbænum.
Um tuttugu mínútur tók að koma raf-
magni á. Bilunin hafði ekki enn fundist þeg-
ar síðast fréttist en starfsmenn Orkuveitu
Reykjavíkur munu leita hennar í dag.
Talsíma- og GSM-samband hélst stöðugt
þrátt fyrir að nokkur önnur kerfi, sérstak-
lega tengd ADSL-þjónustu, dyttu út. | 4
Rafmagnsleysi
olli truflunum í
netsambandi