Morgunblaðið - 06.10.2005, Blaðsíða 60

60 FIMMTUDAGUR 6. OKTÓBER 2005 MORGUNBLAÐIÐ
Með Steve Carell úr “Anchorman”
og “Bruce Almighty”
Must Love Dogs kl. 6 - 8 - 10.10
The 40 Year Old Virgin kl. 5.40 - 8 og 10.20
Strákarnir Okkar kl. 8 b.i. 14
Charlie and the... kl. 5.45
LANG VINSÆLASTA
MYNDIN Á ÍSLANDI Í DAG
VARÚÐ: Þú gætir farið úr
kjálkaliðum af hlátri
KVIKMYNDAHÁTÍÐ
29. september til 9. október
Nobody knows -
Sýnd kl. 10
The holy girl -
Sýnd kl. 10
Moolaade- Sýnd kl. 5.40
Strings - Sýnd kl. 8
FYRSTI HLUTI AF ÞRÍLEIK.
DÚDUR FÓTBOLTAMYND SEM
HITTIR Í MARK OG MIKLA
MEIRA EN ÞAÐ.
SÉRHVER DRAUMUR
Á SÉR UPPHAF
VARÚÐ: Þú gætir farið úr kjálkaliðum af hlátri

Frábær rómantísk gamanmynd sem
steinliggur fyrir stefnumótið. Með þeim
stórgóða John Cusack og hinni fallegu
Diane Lane.
Erfi ðasta brellan er að fá þá til að staldra við.
Diane Lane John Cusack

S.V. / Mbl.
STYRKTARTÓNLEIKAR gegn
kynferðislegu ofbeldi á börnum
verða haldnir í kvöld á Gauki á
Stöng. Þeir listamenn sem koma
fram á tónleikunum eru Ragnheið-
ur Gröndal, Buff, Hera, Lokbrá,
Hot Damn, Smack, Solid iv, Dr.
Spock og Ensími. Kynnir kvöldsins
er Davíð Þór Jónsson.
Svava Björnsdóttir, talsmaður
Blátt áfram, segir að tónleikarnir
séu bæði hugsaðir sem styrkt-
artónleikar en einnig sem vett-
vangur til ná til ungs fólks.
„Við erum alltaf að leita leiða til
að ná til ungs fólks sem hefur orð-
ið fyrir kynferðislegu ofbeldi og
hvetja það til að leita sér hjálpar.
Það er mikilvægt að halda þessari
umræðu uppi í samfélaginu og við
trúum að það sé hægt að ræða
þessi mál á jákvæðan og opinskáan
hátt. Þetta er staðreynd í okkar
samfélagi og hlutur sem fullorðnir
verða að taka ábyrgð á. Við bend-
um fórnarlömbum og aðstand-
endum á hjálparsíma Rauðakross-
ins 1717 og á Stígamót.“
Svava segir að tónleikarnir verði
teknir upp og efnið nýtt í heimild-
armynd um málaflokkinn. Í mynd-
inni verða fléttuð inn viðtöl við þol-
endur og sérfræðinga sem vinna
með þessi mál á Íslandi.
„Við erum einnig að undirbúa
auglýsingaherferð í fjölmiðlum og
verður aðgangseyririnn nýttur í þá
herferð.“
Ein þeirra hljómsveita sem fram
koma í kvöld er Smack. Þorsteinn
Gunnar Bjarnason, liðsmaður
sveitarinnar, segir að hugmyndin
að tónleikunum hafi komið í kjöl-
farið á því að honum hafi verið
boðið að kaupa geisladisk til
styrktar samtökunum.
„Ég afþakkaði diskinn pent en
bauð í staðinn fram hjálp mína til
að skipuleggja styrktartónleika.
Þetta er að sjálfsögðu þarft og
þakklátt málefni og ég fann það
fljótt þegar ég byrjaði að hafa
samband við listamenn að það voru
allir fúsir að leggja hönd á plóginn
og gefa vinnu sína.“ Tónleikarnir
hefjast kl. 21 og er aðgangseyrir
1.000 kr. Allir gestir fá blá vina-
bönd frá Blátt áfram.
„Við vonumst við til að sjá sem
flesta og rjúfa með okkur þögn-
ina,“ segir Svava að lokum.
Morgunblaðið/Árni Torfason
Sigríður og Svava Björnsdætur vilja opna umræðuna um kynferðislegt of-
beldi á börnum og vonast til að sjá sem flesta á tónleikunum í kvöld.
Tónlist | Styrktartónleikar gegn
kynferðislegu ofbeldi á börnum
Blátt áfram
www.blattafram.is
Á DÖGUNUM kom út platan Iceland með rokksveitinni
Cynic Guru. Það er fiðluleikari Sinfóníuhljómsveitar Ís-
lands, Roland Hartwell, sem er potturinn og pannan í
hljómsveitinni en hún hefur verið starfrækt frá árinu
1991. Hljómsveitina skipa ásamt Roland, þeir Ricky
Korn á bassa, sem er einnig kontrabassaleikari í Sinfón-
íuhljómsveitinni, John Mono á hljómborði, Ólafur Hólm
trommuleikari og Einar Jóhannsson á gítar.
Roland Hartwell vakti líklega fyrst almenna athygli
þegar myndband við lag hljómsveitarinnar „Drugs“ fór
að birtast á sjónvarpsstöðvunum en í því er fólk á öllum
aldri sýnt við heldur misjafna iðju allt í kringum Hart-
well sjálfan. Myndbandinu var leikstýrt af Barða Jó-
hannssyni sem einnig leikstýrir myndbandinu við lagið
„Catastrophe“ af nýju plötunni en það verður frumsýnt á
næstu dögum.
Hartwell er hins vegar alls ekki ókunnugur vinsælda-
tónlist þrátt fyrir að vera fastráðinn fiðluleikari í Sinfón-
íuhljómsveit Íslands og hefur meðal annars leikið inn á
hljómplötur fyrir Dr. Dre, Cher, P. Diddy, Mandy
Moore, Burt Bacharach, Elvis Costello, Bryan Adams,
Leanne Rimes, Dionne Warwick, og Barry White auk
fjölmargra íslenskra listamanna. Roland hefur einnig
samið nokkur lög sem hafa notið vinsælda í útvarpi hér á
landi og má þar nefna „Gleðitímar“ sem Kalli Bjarni
flutti og „Náttúrubarn“ sem Páll Rósinkranz gerði vin-
sælt síðastliðið sumar. Aðspurður hverju það sæti að
fiðluleikari Sinfóníuhljómsveitar Íslands gefi út rokk-
plötu segir Roland að við því sé einföld skýring.
„Sinfóníuhljómsveitin réð einfaldlega rokktónlist-
armann sem kann að leika á fiðlu.“ Roland hóf tónlist-
arferil sinn í klassíkinni en fljótlega fór hann að vasast í
rokktónlist – sérstaklega eftir að hann komst í Bítlaplöt-
ur föður síns. „Þá var eiginlega ekki aftur snúið og ég hef
fóstrað þessa tvo tónlistarheima jafnt síðan.“
Roland kom hingað til lands fyrir nokkrum árum eftir
að konsertmeistari Sinfóníuhljómsveitarinnar Guðný
Guðmundsdóttir bauð honum starf í hljómsveitinni eftir
að hafa heyrt hann leika á klassískri tónlistarhátíð í Ver-
mont í Bandaríkjunum. Í dag er hann kvæntur íslenskri
konu og hefur gefið út rokkplötu sem ber heitið Iceland.
Af hverju þetta nafn?
„Það er góð spurning. Hún heitir Iceland því að það
small allt saman hér á Íslandi. Þessi plata hefur verið í
kollinum á hljómsveitinni í mörg ár og við vorum næst-
um því búnir að klára hana í Los Angeles. Hefðum við
notið jafnmikils stuðnings þar og með því klárað plötuna
hefði hún heitið Los Angeles.“
Spurður hvort hann viti hvað meðleikurum hans í Sin-
fóníuhljómsveitinni finnist um þessa tónlistarlegu hjá-
leið, segir Roland að viðbrögðin séu blendin.
„Helmingurinn styður mig og finnst það sem ég er að
gera í fínu lagi. Hinir halda sig í hæfilegri fjarlægð frá
mér,“ segir hann og skellihlær.
„Ef ég á að vera algjörlega hreinskilinn eru sumir í
hljómsveitinni sem ég hef aldrei kynnst. Þetta er frekar
stór vinnustaður og það er ómögulegt að kynnast öllum í
sveitinni jafnt.“
Roland segir að hann búist ekki við neinum sérstökum
hlutum hvað varðar plötusölu.
„Við unnum þessa plötu eins vel og við gátum og við
erum afskaplega ánægðir með hana. Ég er með fasta
vinnu sem farsæll fiðluleikari svo að líf mitt veltur ekki
einvörðungu á þessari plötu. Á sama tíma er það þrá
okkar að vinna öll verðlaun sem hægt er að vinna í þess-
um heimi.“
Tónlist | Cynic Guru sendir frá sér hljómdiskinn Iceland
Hámenntuð rokktónlist
Ljósmynd/Kristinn Ingvarsson
Roland Hartwell er maður andstæðna. Hljómsveit hans
Cynic Guru sendi á dögunum frá sér diskinn Iceland.
ROKKHLJÓMSVEITIN Dr. Spock
sem hefur verið starfandi í rúm tíu
ár, sendi frá sér frumburð sveit-
arinnar á dögunum. Platan sem kall-
ast Dr. Phil hefur verið að fá ágætis
dóma víðast hvar og ljóst að sveitin
verður fyrirferðamikil í íslensku
tónlistarlífi á næstunni.
Í tilefni af því að platan er komin í
verslanir, ræðst sveitin í heljarinnar
tónleikaröð um höfuðborgarsvæðið í
dag og hefjast fyrstu tónleikarnir
fyrir utan Flensborgarskólann kl. 9.
Guðfinnur Karlsson söngvari Dr.
Spock segir að heljarinnar hljóð-
kerfi hafi verið tekið á leigu, rafstöð
og trukkur sem flytja muni hljóm-
sveitina frá einum tónleikastað til
annars.
Á eftir Flensborgarskóla verður
Dr. Spock í FB kl. 9.35, þar á eftir
leikur hún í FG kl. 10, MH kl. 11, MS
kl. 12 og Fjölbraut í Ármúla kl.
12.30. Guðfinnur segir að tveir til
þrír aðrir staðir í bænum komi til
greina eftir hádegi en það verði ekki
gefið upp að svo stöddu.
Tónlist | Dr. Spock fagnar plötuútgáfu á frumlegan máta
Tekur þetta
með trukki
Dr. Spock sendi frá sér plötuna Dr. Phil á dögunum.