Morgunblaðið - 06.10.2005, Page 22

22 FIMMTUDAGUR 6. OKTÓBER 2005 MORGUNBLAÐIÐ
MINNSTAÐUR
AUSTURLAND
Fáskrúðsfjörður | Í gærmorgun
var farið að landa fyrstu síldinni á
haustvertíðinni hjá Loðnuvinnsl-
unni á Fáskrúðsfirði. Hoffell SU
kom inn í fyrradag með um 100
tonn af síld, sem fór öll í vinnslu,
enda stór og feit. Ekki reyndist
unnt að landa síldinni þegar til átti
að taka, þar sem móttökustöð
Loðnuvinnslunnar var ekki tilbúin
til að taka við aflanum fyrr en í
gærmorgun.
Morgunblaðið/Albert Kemp
Fyrsta síldin á
haustvertíðinni
Egilsstaðir | Samkvæmt upplýs-
ingum frá flugmálastjórn eru lend-
ingar flugvéla á Egilsstaðaflugvelli
það sem af er ári 1.855 talsins, en
voru 1.790 allt árið í fyrra, eða
3,6% færri. Farþegar sem fóru í
gegnum flugstöðina á Egilsstöðum
árið 2004 voru 81.143 talsins, en
eru á þessu ári orðnir 93.211 tals-
ins og nemur aukningin 14,9 af
hundraði. Frakt um Egilsstaða-
flugvöll er nú í öndverðum októ-
bermánuði orðin svipuð og allt árið
í fyrra.
Farþegafjöldi nú 15%
meiri en allt árið í fyrra
Eskifjörður | Þessar hressu
dömur heita Guðrún Friðriks-
dóttir og Vilborg Björnsdóttir,
kallaðar Rúna og Bogga í dag-
legu tali og eru báðar búsettar
á dvalarheimilinu Hulduhlíð á
Eskifirði. Þær segjast áttatíu og
sjö ára og því jafnöldrur og
fermingarsystur. Rúna og
Bogga eru alveg ómögulegar
komist þær ekki á „rúntinn“
daglega og segja það bæði gott
og hressandi að ganga úti við.
„Lífið er yndislegt,“ sögðu þess-
ar hressu dömur og brostu út
að eyrum.
Morgunblaðið/Helgi Garðarsson
Njóta útiverunnar Guðrún Friðriksdóttir og Vilborg Björnsdóttir á
röltinu á Eskifirði.
Lífið er yndislegt
Matareitrun | Ekki fundust nein
skaðleg efni eða bakteríur í mat-
vælum sem notuð voru í heim-
ilisfræðitíma í Grunnskólanum á Eg-
ilsstöðum. Þar veiktust sex börn af
því sem virtist vera matareitrun og
voru flutt á heilsugæslu til aðhlynn-
ingar. Sýkingin reyndist þó væg.
Þrjú önnur börn fundu væg einkenni
en jöfnuðu sig fljótt. Heilbrigðiseft-
irlit Austurlands tók sýni úr matvæl-
unum í kennslueldhúsinu, m.a.
pasta, pylsum, brauði og osti, og
voru þau send í rannsókn til rann-
sóknarstofu Umhverfisstofnunar,
sem greindi ekkert skaðlegt í sýn-
unum. Þá fannst ekkert óeðlilegt í
kennslueldhúsinu við skoðun.
Verklýðsfélög | Stjórn Afls,
starfsgreinafélags, vill að Verka-
lýðsfélag Reyðarfjarðar sameinist
Afli. Félögin hafa verið í samstarfi
vegna verkalýðsmálefna í Fjarða-
byggð undanfarna mánuði, en Afl
hyggst slíta því að óbreyttu. Stjórn
Verkalýðsfélags Reyðarfjarðar var á
aðalfundi í vikunni falið að kanna
kosti þess og galla að sameinast Afli
og á að kjósa af eða á um sameiningu
meðal almennra félagsmanna að því
loknu. Félagið gæti hugsanlega farið
í sameiningarviðræður við Stétt-
arfélagið Vökul en starfssvæði þess
er á sunnanverðu Austurlandi.
  
Rannsóknarsjóður | Á morgun,
föstudag, munu Austurbyggð og
Landsbanki Íslands skrifa undir
samstarfssamning um stofnun
Rannsóknarsjóðs Austurbyggðar og
Landsbankans. Markmið sjóðsins
verður að efla samstarf Austur-
byggðar við háskólastofnanir lands-
ins og hvetja stúdenta til að vinna
lokaverkefni sín í og um Austur-
byggð.
Fyrsta úthlutun sjóðsins verður 1.
desember nk.
  
AKUREYRI
SIGMUNDUR Guðmundsson,
skiptastjóri þrotabús Slippstöðvar-
innar, segir ljóst að fasteignir á at-
hafnasvæði fyrirtækisins séu þing-
lýstar eignir Stáltaks og að það
þrengi stöðuna. Upptökumannvirkin
eru í eigu Hafnasamlags Norður-
lands og því sagði Sigmundur að lítið
væri eftir. Hann sagði að mál væru
að skýrast og að nokkrir aðilar hefðu
lýst yfir áhuga á aðkomu að rekstri
fyrirtækisins. Hann vildi að öðru
leyti ekki tjá sig um málefni félags-
ins að svo stöddu. Samkvæmt heim-
ildum Morgunblaðsins hafa KEA,
Sjöfn eignarhaldsfélag, Sandblástur
og málmhúðun og fleiri leitað sam-
eiginlega eftir aðkomu að rekstri
Slippstöðvarinnar.
Morgunblaðið hefur jafnframt
heimildir fyrir því að Slippstöðin hafi
keypt fasteignir á athafnasvæði fé-
lagsins af Stáltaki fyrir fáum árum.
Hins vegar hafi eignaskiptasamningi
þar að lútandi aldrei verið þinglýst. Í
ársskýrslu Slippstöðvarinnar fyrir
síðasta ár eru nokkrar fasteignir,
skemma, skipasmíðastöð, lager og
iðnaðarhús, skráðar sem eign félags-
ins. Fasteignamat þessara eigna er
skráð í ársskýrslunni upp á um 318
milljónir króna og brunabótamat
þeirra tæpar 730 milljónir króna.
Hákon Hákonarson, formaður Fé-
lags málmiðnaðarmanna, sagði að
menn biðu eftir staðfestum fréttum
af því hvernig eignarhaldi húseigna,
véla og tækja fyrirtækisins væri
háttað. Hann sagði að heyrst hefði að
allar þessar eignir hefðu verið færð-
ar upp í ársreikningi Slippstöðvar-
innar en svo eigi þær ekki að tilheyra
fyrirtækinu þegar til gjaldþrotsins
kemur. Um 100 fyrrverandi starfs-
menn Slippstöðvarinnar skráðu sig
atvinnulausa sl. þriðjudag, þar af um
50 félagsmenn í Félagi málmiðnað-
armanna. Hákon sagði að þegar á
þriðjudag hefðu einhverjir þeirra
verið komnir í vinnu annars staðar.
Því sé gríðarlega mikilvægt, ef tjónið
eigi ekki að verða meira en orðið er,
að starfsemin komist aftur í gang
sem fyrst. „Þótt nú sé ekki vinna fyr-
ir alla okkar menn hér á félagssvæð-
inu er mikil vinna í boði fyrir þá víða
um land. Ef mál fara ekki að skýrast
gætu þessir menn farið að týnast í
burtu og það er það versta sem gæti
gerst,“ sagði Hákon.
Gjaldþrot Slippstöðvarinnar
Morgunblaðið/Kristján
Atvinnulausir Um 100 fyrrverandi starfsmenn Slippstöðvarinnar skráðu sig
atvinnulausa í vikunni en einhverjir þeirra eru þegar komnir í aðra vinnu.
Fasteignir á svæðinu
þinglýstar eignir Stáltaks
RAGNAR Sverrisson, forsvarsmaður „Akureyri í önd-
vegi“, sendi frá sér yfirlýsingu í gær fyrir hönd verk-
efnisins, þar sem hann gerir alvarlegar athugasemdir
við þá ákvörðun umhverfisráðs að veita Samskipum lóð
undir framtíðaraðstöðu á Oddeyrartanga, áður en
vinnu við rammaskipulag miðbæjarins er lokið. Ragnar
telur að starfsemi félagsins eigi heldur ekki heima á
umræddu svæði, enda hafi þeir fjölmörgu bæjarbúar
sem sóttu íbúaþingið sl. haust, eindregið lagt til að
svæðið yrði nýtt fyrir íbúðabyggð og útivistarsvæði.
Ákvörðunin sé því með öllu óskiljanleg og að ástæða sé
til að mótmæla henni. „Vonandi verður þetta slys ekki
til þess að trufla annars ágætt starf sem beinist að því
að efla miðbæinn okkar,“ segir Ragnar.
„Þau rök, sem dregin hafa verið fram, að þetta sé á
útjaðri umrædds svæðis og því verði ekki á næstu ára-
tugum gert þar neitt af því sem íbúaþingið lagði til, eru
haldlaus með öllu og lítilsvirðing við þá sem þátt tóku í
þinginu og einnig við þá arkitekta sem komu með
margar snjallar hugmyndir um útfærslu á þessum
hluta Oddeyrarinnar. Auk þess er bjarnargreiði að af-
henda umræddu fyrirtæki svæði sem það getur ekki
reiknað með að reka starfsemi sína á til langrar fram-
tíðar. Nær væri að beina augum norður fyrir bæinn
þegar um er að ræða aðstöðu fyrir þungaflutninga af
sjó og landi,“ segir Ragnar ennfremur í yfirlýsingu
sinni.
Hann bendir á að stýrihópur sem skipaður var í
framhaldi af niðurstöðum íbúaþings og arkitekta-
samkeppninnar, vinni nú gott verk og hafi ákveðið að
leggja fram fyrir áramót tillögu að rammaskipulagi
miðbæjarins. Það sé því rökrétt, sem fram hafi komið
hjá formanni umhverfisráðs, að ekki sé unnt að taka af-
stöðu til einstakra erinda innan þess svæðis sem skipu-
lagsvinnan beinist að fyrr en tillaga að rammaskipulagi
miðbæjarins liggur fyrir.
„Af þessu verður sú ályktun dregin að umsóknum
um lóðir á umræddu svæði beri að fresta þar til þetta
framtíðarskipulag hefur verið afgreitt af réttum að-
ilum. Þetta hefur raunar verið gert í nokkrum tilvikum
og nægir að nefna umsóknir Hagkaupa, P. Alfreðs-
sonar ehf. og KFC ehf. um lóðir á miðbæjarsvæðinu.
Þessir aðilar verða því að doka við með umsóknir sínar
og sýna nokkra þolinmæði.“
Ragnar segir að með ákvörðun um að veita Sam-
skipum lóð á þessu skilgreinda miðbæjarsvæði áður en
rammaskipulagið verður ákveðið, sé farið á svig við
þessa meginstefnu umhverfisráðs.
Mótmælir lóðaúthlutun til Samskipa á Oddeyrartanga
Ákvörðunin með öllu óskiljanleg
VINNA við endurskoðun skipulags
miðbæjarins á Akureyri er nú í full-
um gangi. Markmiðið er að gera
óskir bæjarbúa um breytingar á
miðbænum að veruleika. Kristján
Þór Júlíusson, bæjarstjóri og for-
maður stýrihóps, gerði grein fyrir
vinnu við gerð tillagna að nýju mið-
bæjarskipulagi Akureyrar og næstu
skrefum á fundi bæjarstjórnar í
vikunni. Kristján Þór sagði í sam-
tali við Morgunblaðið að stefnt væri
að því leggja fyrstu drög að
aðalskipulagstillögunni fyrir um-
hverfisráð um miðjan þennan mán-
uð. Þá er hugmyndin að afgreiða
lokatillögu að aðalskipulagi í nóv-
ember.
Þyrping sótti á dögunum um lóð
undir Hagkaupsverslun og minni
verslanir á Akureyrarvellinum en
umhverfisráð hafnaði þeirri umsókn
að svo stöddu, þar sem unnið er að
skipulagsmálum miðbæjarins.
Kristján Þór sagði að fleiri fjár-
festar hefðu lýst yfir áhuga á því að
taka þátt í uppbyggingu í miðbæn-
um á grundvelli fyrirliggjandi hug-
myndavinnu. Hann sagði að þarna
væri um ræða allt frá formlegri
umsókn Þyrpingar um lóð, upp í
það að kaupa Akureyrarvallarsvæð-
ið fyrir íbúðabyggingar og opin
rými, fyrir hundruð milljóna króna.
Einnig hafa komið fram fyrirspurn-
ir um lóðir undir um matvörumark-
að, húsgagna- og gjafavöruverslan-
ir, á um 1.500 til 2.000 fermetrum,
hugsanlega með íbúðum þar ofan á.
„Það er ánægjulegt að verða vitni
að þessum áhuga og vonandi getum
við svarað þessum erindum og þá
með þokkalegu samræmi og jafn-
ræði á milli aðila,“ sagði bæjar-
stjóri.
Endurskoðun skipulags miðbæjarins á Akureyri
Fjárfestar sýna áhuga