Morgunblaðið - 06.10.2005, Blaðsíða 58
58 FIMMTUDAGUR 6. OKTÓBER 2005 MORGUNBLAÐIÐ
Kvikmyndir | Kuno Becker leikur aðalhlutverk í Goal!
Tæklaður fram og til baka
„Menn voru ískaldir; maður missti tilfinninguna í höndunum, andlitinu og fótunum,“ segir Kuno Becker.
Eftir Ívar Pál Jónsson
ivarpall@mbl.is
KUNO Becker fer á kostum með knöttinn sem
Santiago Munez í myndinni Goal!. Þar leikur
hann ungan Mexíkóa sem fær tækifæri til að
sýna sig og sanna sem leikmaður Newcastle
United, eftir að fyrrverandi umboðsmaður frá
Englandi kemur auga á hann á knatt-
spyrnuvelli í Kaliforníu, þar sem Munez býr
ásamt fjölskyldu sinni.
Ástríða Beckers í æsku var þó ekki knatt-
spyrna og ekki leiklistin heldur. Hann spilaði á
fiðlu í barnæsku og þótti mikið efni á því sviði.
Honum var meðal annars boðið að stunda fiðlu-
nám í Salzburg í Austurríki og Nacional de Mu-
sica-skólanum í Mexíkó. Hann valdi hins vegar
leiklistina og hefur síðan 1996 leikið í fjölda
sjónvarpsþátta í mexíkósku sjónvarpi. Goal! er
stærsta verkefni hans til þessa, en nú er verið
að taka upp Goal! 2 í Madríd á Spáni. Becker
sló á þráðinn til blaðamanns á dögunum, hress
og kátur í bragði.
„Halló, Inga?“
Nei, Ívar.
„Ó [greinileg vonbrigði í röddinni]. Hvernig
hefurðu það?“
Bara fínt. Vindum okkur í fyrstu spurn-
inguna. Ertu virkilega svona góður knatt-
spyrnumaður?
„Nei, ertu frá þér, ég er ekki knatt-
spyrnumaður. Ég æfði mig samt stíft fyrir
myndina, var í æfingabúðum í 3–4 fjóra mánuði
áður en tökur hófust. Sjö tímar á dag. Ég
ökklabrotnaði á báðum fótum, nefbrotnaði og
tognaði á hinum og þessum vöðvum. Þetta var
rosalega erfitt, en ég held að okkur hafi tekist
að gera fótboltasenurnar trúverðugar og
skemmtilegar á að horfa.“
Voru notaðar tæknibrellur?
„Bara í örfáum tilvikum. Þetta var að mestu
leyti bara ég.“
Ertu knattspyrnuáhugamaður?
„Já, ég hef gaman af fótbolta, en þegar ég
var yngri hafði ég meiri áhuga á listum. Mig
dreymdi ekki um að verða heimsfrægur knatt-
spyrnumaður, eins og Santiago. En þegar ég
las handritið sá ég strax að þetta var mjög frá-
brugðið því sem ég hafði gert áður og þess
vegna vildi ég takast á við þetta verkefni.“
Sástu sjálfan þig í Santiago? Þú spilaðir á
fiðlu. Áttirðu þér draum eins og hann?
„Já, reyndar átti ég mér nokkra drauma þeg-
ar ég var ungur. Ég stundaði klassískt tónlist-
arnám og langaði að verða atvinnutónlist-
armaður. En nei, mig dreymdi ekki um að
verða knattspyrnumaður.“
Hefurðu lagt fiðluna á hilluna?
„Já, ég byrjaði að leika á hana þegar ég var
sex ára og hætti þegar ég var sextán. Síðan þá
hef ég ekkert spilað.“
En víkjum aftur að myndinni. Hvernig var að
leika með Danny Cannon, leikstjóranum?
„Það var mjög gott, því ég fékk svolítið frjáls-
ar hendur. Hann leyfði mér að leggja mitt af
mörkum, breyta textanum að einhverju leyti og
breyta persónunni svolítið. Vonandi tókst mér
að hafa áhrif til hins betra. Ég er honum mjög
þakklátur fyrir þetta. Hann er frábær náungi.“
Hvernig var að vera í Englandi? Var rign-
ingin jafnslæm og í myndinni?
„England er fallegt land; Newcastle er fögur
og London skemmtileg, en það var kalt og skýj-
að, þótt rigningin í myndinni hafi verið fram-
kölluð af tæknimönnum. Menn voru ískaldir;
maður missti tilfinninguna í höndunum, andlit-
inu og fótunum og ekki bætti úr skák að maður
var tæklaður fram og til baka, eins og sést í
myndinni.“
Þið tókuð upp atriðin með alvöru-
knattspyrnumönnum eins og Alan Shearer og
Patrick Kluivert.
„Já, nokkur atriði voru með atvinnumönn-
unum hjá Newcastle United og svo komu David
Beckham, Raúl og Zinédine Zidane fram í
leiknum atriðum sem þeir sjálfir. Önnur mynd-
in, sem við erum að fara að taka upp núna, ger-
ist í Madríd, hjá Real Madrid, eftir að Santiago
hefur verið seldur þangað.“
Hvernig var að vinna með þessum hetjum?
Fannst þér þú vera svolítið út úr kú?
„Jú, kannski. Það er erfitt fyrir knatt-
spyrnumenn að leika og leikara að spila knatt-
spyrnu. En allir gerðu sitt besta til að læra og
menn voru mjög þolinmóðir. En myndin snýst
auðvitað ekki bara um þessi fótboltaatriði; hún
segir sögu af ungum manni sem á sér draum.
Þetta er mynd sem lætur manni líða vel.“
Er þetta stærsta hlutverk þitt í kvikmynd
hingað til?
„Nei, ég hef leikið í þeim nokkrum áður, en
þetta er fyrsta myndin sem einhver mun horfa
á [hlær].“
Og núna er verið að gera framhald.
„Já, framhaldið gerist hjá Real Madrid á
Spáni og svo á að gera þriðju myndina á heims-
meistaramótinu í Þýskalandi 2006.“
Hlakkarðu ekki til að gera þessar myndir, á
hlýrri stað en þá fyrstu?
„Jú, en ekki kannski vegna þess beinlínis,
heldur einfaldlega vegna þess að það verður
gaman að sjá hvernig persónan þróast; hvernig
þessi ungi maður tekur á velgengninni og öllu
því sem henni fylgir. Það verður gaman að sjá
hvort hann lætur umheiminn breyta sér.“
Er ekki Santiago hinn nýi Rocky?
„Það segja menn [hlær], en það er stór full-
yrðing. Við sjáum til. Fólk hefur mjög mikið
gaman af myndinni hvar sem hún er sýnd. Mað-
ur veit aldrei.“
TÓNLIST
Geisladiskur
Jeff Who? – Death Before Disco
Geislaplata Jeff Who? Sveitina skipa Ásgeir Valur
Flosason, Bjarni Lárus Hall, Elís Pétursson, Þorbjörn
Sigurðsson og Þormóður Dagsson. Þeim til aðstoðar
Eiríkur Þórleifsson, Ágústa Eva Erlendsdóttir og
fleiri. Upptökur fóru fram í Sundlauginni og Leaves-
stúdíóinu en hljóðblöndun í Leaves-stúdíóinu og Sýr-
landi. Smekkleysa gefur út og dreifir.
AF ROKKI er nóg um þessar mundir og
jafnvel skemmtilegu. Ein þeirra sveita sem
gefa út sína fyrstu breiðskífu um þessar
mundir er hljómsveitin Jeff Who? sem er ný-
leg af nálinni en áberandi í tónleikalífi, kom
m.a. fram á tónleikum
Franz Ferdinand og verð-
ur á Airwaves-hátíðinni
síðar í mánuðinum.
Tónlist Jeff Who? verð-
ur ekki skilgreind öðru-
vísi en sem rokk, hvernig
sem á málið er litið. Við
fyrstu hlustun er freist-
andi að afskrifa sveitina sem Strokes-rokk,
sem stenst auðvitað ekki með öllu þegar að
er gáð.
Jeff-menn blanda niðurnegldu rokki, hljóð-
gervlapoppi og níunda áratugar nýbylgju í
graut sem venst vel en gengur ekki alltaf
upp, hljómar öðru hvoru líkt og lagasmiðir
hafi ekki enn fullmótað stíl sveitarinnar, sem
er enda ung. Á plötunni eru mjög fín lög,
m.a. annað lag plötunnar, „The Golden Age“,
það þriðja, „Stop Wasting My Time“, sem
gæti næstum verið samstarf Fræbbbla og
Strokes, og að lokum það síðasta á plötunni,
„Bipolar Breakdown“. „Bipolar Breakdown“
er niðurtúr sem á ekkert skylt við önnur lög
á disknum en er um leið það besta, róleg
Rhodes- og kontrabassastemning sem fellur
vel að haustvindum.
Önnur lög eru misgóð, flest góð en önnur
hálfgert uppfyllingarefni, einkum um miðbik
plötunnar. Verst lagið um Bob Murray,
skrýtið Eurythmics-rokk. Titillagið er svo
tæknilega fullkomin tónsmíð, en lítið spenn-
andi.
Bjarni Lárus hefur kraftmikla og fjöl-
breytta rödd og hljóðfæraleikur er allur
prýðilegur. Það er skemmtilegt að hanga í
tónun milli gítara og bassa, á einum streng,
með þungan takt að baki og gengur sem bet-
ur fer upp við áheyrn þeirra sem ekki taka
þátt. Þá má nefna skemmtilegar bassalínur
Elísar Péturssonar sem lyfta oft tónlistinni.
Textasmíðar eru í meðallagi, á stundum
vondri ensku, en kemur ekki að sök að viti,
því söngur fellur vel að tónlistinni.
Þrátt fyrir hnökra sem áður eru nefndir
þá liggja gallar plötunnar ekki í lagasmíðum
eða flutningi heldur í umbúðum og fram-
leiðslu. Umbúðir disksins líða fyrir óspenn-
andi letur og plastumslag, eru nefnilega
ágætis pæling, diskóhauskúpur, sem hefðu
notið sín betur með meiri vinnu og á pappa.
En það sem verra er, platan hefði getað orð-
ið mun áheyrilegri með beittri hljóðblöndun,
mótaðri að taktföstu gítarrokki. Blöndunin er
ansi íhaldssöm, sígildur rokkhljómur,
áreynslulaus án þess að taka nokkra áhættu,
sem á einfaldlega ekki við í þessu tilviki.
Gísli Árnason
Beitt rokk
Sýnd kl. 4, 6, 8 og 10 B.i. 14 ára
RACHEL McADAMS CILLIAN MURPHY
Sýnd kl. 6, 8 og 10 b.i. 14 ára
Verðið á karlhórum hefur lækkað
töluvert fyrir evrópskar konur!
Sprenghlægileg gamanmynd!
Sýnd kl 4 í þrívíddSýnd kl. 10
Sýnd kl. 8
Göldrótt
gamanmynd! Göldrótt
gamanmynd!
Sýnd kl. 5.45, 8 og 10.15
Night Watch is F***ING COOL!
Quentin Tarantino
i t t i I !
ti r ti
Sýnd kl. 8 og 10.30 b.i. 16 ára
Ó.H´T RÁS 2
Sýnd kl. 4 ísl.tal
Sýnd kl. 4 og 6 íslenskt tal
kl. 4, 6, 8 og 10
HÖRKU SPENNUTRYLLIR FRÁ WES CRAVEN
LEIKSTJÓRA SCREAM MYNDANNA.
Óbeint framhald af þáttaröðinni Jesú og
Jósefína sem var sýnd við miklar vinsældir
á Stöð 2 síðustu jól.
HÖRKU SPENNUTRYLLIR FRÁ WES CRAVEN
LEIKSTJÓRA SCREAM MYNDANNA.
Sýnd kl. 6, 8, og 10 B.i. 14 ára
Sýnd kl. 6
Skemmtilega ævintýramynd
með íslensku tali.
Skemmtilega ævintýramynd
með íslensku tali.
RACHEL
McADAMS
CILLIAN
MURPHY
Topp5.is
Topp5.is
Miðaverð 450 kr.
Sími 564 0000í i
Miðasala opnar kl. 15.15i a ala na l. .
Miðaverð 450 kr.