Morgunblaðið - 15.11.2005, Blaðsíða 4
4 ÞRIÐJUDAGUR 15. NÓVEMBER 2005 MORGUNBLAÐIÐ
FRÉTTIR
VERJENDUR sakborninga í Baugs-
málinu, að því er varðar átta ákæru-
liði af 40 sem ekki var vísað frá dómi
af Hæstarétti, kröfðust þess í fyrir-
töku málsins í Héraðsdómi Reykja-
víkur í gærmorgun að dómurinn úr-
skurðaði um hæfi dómsmálaráðherra
til þess að skipa sérstakan ríkissak-
sóknara, Sigurð T. Magnússon, í mál-
inu.
Að sögn Gests Jónssonar, verjanda
Jóns Ásgeirs Jóhannessonar, for-
stjóra Baugs, er krafan sett fram þar
sem skjólstæðingur hans lítur svo á
að Björn Bjarnason dómsmálaráð-
herra sé ekki hæfur til að taka
ákvörðun í máli sem varðar persónu-
lega hagsmuni Jóns Ásgeirs. Það sé
deginum ljósara að Jón Ásgeir hafi
fulla ástæðu til að efast um óhlut-
drægni dómsmálaráðherra í sinn
garð. Í því samhengi er vísað til um-
fjöllunar Björns Bjarnasonar um
Baug og Baugsmiðla á heimasíðu
hans á undanförnum mánuðum og ár-
um auk greina og orða sem hann hef-
ur látið falla á opinberum vettvangi.
Frestur til að reifa nánar þessa
kröfu svo og ósk ríkislögreglustjóra
um frest til að ljúka matsgerð í mál-
inu vegna beiðni setts ríkissaksókn-
ara Sigurðar T. Magnússonar um
dómkvadda matsmenn til að yfirfara
rannsóknargögn, er til miðvikudags-
ins 16. nóvember og verður þá annað
þinghald. Þá verður leyst úr ágrein-
ingi verjenda og sækjanda um æðsta
ákæruvald í málinu og heimildir setts
ríkissaksóknara til afskipta og eftir-
lits með málinu. Sækjandinn, Jón
H.B. Snorrason, lýsti því yfir í gær-
morgun að hann væri í umboði setts
ríkissaksóknara í málinu.
Aðferðir við afritun og prentun
tölvugagna verði metnar
Að sögn Sigurðar T. Magnússonar
er megintilgangurinn með beiðni um
dómkvaðninu matsmanna að afla
matsgerðar um þær rannsóknarað-
ferðir sem efnahagsbrotadeild ríkis-
lögreglustjóra beitti þegar ákveðin
tölvugögn voru afrituð og prentuð út
og kanna áreiðanleika þessara að-
ferða. Meira vildi hann ekki segja um
málið.
Gestur Jónsson lýsti því að settur
ríkissaksóknari hefði þegar verið
dreginn að málinu með framlagningu
gagna ríkislögreglustjóra, þ.e. afrit af
matsbeiðni Sigurðar T. Verjendur
lögðu einnig fram tvær skýrslur frá
PriceWaterhouse Cooper vegna
nokkurra ákærðu og einnig erindi til
ríkislögreglustjóra þar sem krafist
var skýringa á því hvers vegna ekki
var gefin út ákæra á hendur tiltekn-
um aðila sem er Jón Gerald Sullen-
berger. Þá lögðu verjendur fram
kröfu um aðgang að gögnum í vörslu
ríkislögreglustjóra og tóku fram að
umrædd krafa þyrfti sjálfstæða með-
ferð fyrir dómi. Þar er um að ræða
tölvupósta sem beðið hefur verið um
frá í ágúst sl.
Sækjandinn lagði fram m.a. afrit af
matsbeiðni sem Sigurður T. Magnús-
son hafði lagt fram í héraðsdómi. Var
jafnframt upplýst af dómara að
ákæruliðirnir átta sem nú eru fyrir
héraðsdómi séu reglulegum ríkissak-
sóknara, þ.e. Boga Nilssyni, óviðkom-
andi. Jakob Möller, verjandi Tryggva
Jónssonar, spurði þá hvaða heimildir
settur ríkissaksóknari hefði til af-
skipta af málinu sem nú væri fyrir
dómi.
Sækjandi lét þá bóka við þinghald-
ið að Bogi Nilsson ríkissaksóknari
hefði fyrst haft afskipti af málinu 10.
október að frumkvæði ríkislögreglu-
stjóra vegna ákæruliðanna 32 sem
síðar var vísað frá dómi.
Krefjast dómsúrskurð-
ar um hæfi ráðherra
Morgunblaðið/Árni Sæberg
Jón H.B. Snorrason, sækjandi málsins, afhendir verjendum sakborninga gögn í héraðsdómi í gærmorgun.
Eftir Örlyg Stein Sigurjónsson
orsi@mbl.is
TÆPAST er svigrúm til þess að
lækka vaxtaálag Íbúðalánasjóðs frá
því sem nú er, en væri tekið upp upp-
greiðslugjald á lánum sjóðsins mætti
lækka vaxtaálagið í um 0,25 pró-
sentustig fyrir þá sem það myndu
kjósa.
Vaxtaálag Íbúðalánsjóðs er um
0,60% af vöxtum sjóðsins sem nú eru
4,15% ofan á verðtryggingu. Vaxta-
álagið gæti orðið 0,35% ef tekið væri
upp valkvætt uppgreiðslugjald hjá
þeim lántakendum sem væru tilbún-
ir að greiða uppgreiðslugjald á lán
frá sjóðnum, að því er fram kemur í
svari Árna Magnússonar, félags-
málaráðherra, við fyrirspurn Jó-
hönnu Sigurðardóttur, alþingis-
manns. Miðað við núverandi vexti
sjóðsins yrðu vextirnir því 3,90% ef
lántakendur samþykktu upp-
greiðslugjald. Fram kemur einnig að
markaðshlutdeild Íbúðalánasjóðs á
íbúðalánum á höfuðborgarsvæðinu
sé um 44% á fyrstu níu mánuðum
ársins í ár en um 90% á landsbyggð-
inni. Á árinu 2004 má gera ráð fyrir
að markaðshlutdeildin hafi verið um
65% á höfuðborgarsvæðinu og yfir
95% á landsbyggðinni, en bankarnir
hafa komið inn á þennan markað af
miklum krafti á síðustu misserum
eins og kunnugt er.
11% með lægri vexti en 4,15%
Fram kemur einnig að um 40%
lántakenda hjá Íbúðalánasjóði
greiða 5,10% vexti og að 15% greiða
hærri vexti en það. Um 11% lántak-
enda greiðir lægri vexti en 4,15% og
þriðjungur lántakenda greiðir vexti
á bilinu 4,15%–5,10%.
Uppgreiðslugjald
myndi lækka
vaxtaálag ÍB
44% markaðshlutdeild á höfuðborg-
arsvæðinu en 90% á landsbyggðinni
LÍFEYRISSJÓÐIRNIR í landinu
hafa ekki tekið neina ákvörðun um að
hækka vexti á lánum til einstaklinga,
en flestir þeirra bjóða 4,15% fasta
vexti á lánum sínum. Landsbankinn
einn banka hækkaði vexti á íbúða-
lánum úr 4,15% í 4,45% eða um 30
punkta á föstudaginn var, en lán
Íbúðalánasjóðs eru einnig 4,15%.
Hrafn Magnússon, framkvæmda-
stjóri Landssamtaka lífeyrissjóða,
segir að vaxtahækkun á lánum lífeyr-
issjóða til einstaklinga sé ekki í píp-
unum. Sjóðirnir séu gerðir upp miðað
við 3,5% ávöxtunarkröfu og þessir
vextir á sjóðfélagalánum séu góður
fjárfestingarkostur og ekkert sé því
til fyrirstöðu að vera með þessa vexti
enn um sinn.
Hrafn benti á að lífeyrissjóðir væru
í allt annarri stöðu en bankarnir og
Íbúðalánasjóður, þar sem þeir væru
að lána sitt eigið sjálfsaflafé og þyrftu
ekki að afla sér lánsfjár á markaði. Á
meðan þetta væri talinn góður fjár-
festingarkostur myndu lífeyrissjóð-
irnir halda áfram að lána á föstum
vöxtum 4,15%. Þessir vextir væru vel
yfir reiknivöxtum lífeyrissjóðanna til
langs tíma, sem væru 3,5%.
Haukur Hafsteinsson, forstjóri
Lífeyrissjóðs starfsmanna ríkisins,
sagði að ekki hefði verið tekið til um-
ræðu ennþá að hækka vexti á lánum
sjóðsins til einstaklinga. „Við fylgj-
umst bara vel með vaxtaþróuninni og
tökum ákvarðanir í tengslum við þá
þróun,“ sagði Haukur.
Hann sagði að sjóðurinn byði ann-
ars vegar upp á lán með föstum vöxt-
um sem væru 4,15% og hins vegar lán
með breytilegum vöxtum, sem endur-
skoðaðir væru á þriggja mánaða
vexti, en þeir væru nú 4,22%. Næsta
vaxtaákvörðun breytilegu vaxtanna
væri í desember miðað við vaxtaþró-
unina næstu þrjá mánuðina þar á
undan og fyrir lægi að þeir myndu
hækka eitthvað. Hvað föstu vextina
varðaði hins vegar hefði ekki verið
tekin nein ákvörðun um hækkun á
þeim.
Lífeyrissjóð-
irnir hækka
ekki vexti
„ÞAÐ er stjórnar Íbúðalánasjóðs að
taka ákvörðun um vaxtakjörin,“
sagði Árni Magnússon, félagsmála-
ráðherra, aðspurður hvort til stæði
að hækka vexti ÍB í kjölfar þess að
Landsbankinn hækkaði vexti á
íbúðalánum á föstudaginn var.
Árni sagðist vita til þess að stjórn
sjóðsins hefði rætt stöðuna á fund-
um sínum fyrir helgina og myndi
sjálfsagt ræða það áfram með tilliti
til þess sem uppi væri hverju sinni,
kröfunnar á markaði og annars
slíks.
Árni lýsti jafnframt undrun sinni
á viðbrögðum KB Banka vegna
vaxtalækkunar Landsbankans, sem
hefði lýst því yfir að hann ætlaði að
niðurgreiða vextina.
„Það er auðvitað þeirra ákvörð-
un. Ég er svolítið undrandi, en það
er ekki mitt að hafa áhyggjur af því
heldur miklu fremur eigenda bank-
ans,“ sagði Árni ennfremur.
Stjórn ÍB ákveður vextina
STARFSMAÐUR Rarik slasaðist
alvarlega í vinnuslysi í Blöndudal í
gær þegar hann fékk 11 þúsund
volta straum í sig er hann greip
um háspennulínu sem hann var að
vinna við.
Rafmagnið leiddi út um fót
mannsins og hlaut hann þar 2.–3.
stigs bruna. Honum tókst engu að
síður að klifra niður rafmagns-
staur á sérstökum stauraskóm þar
sem félagi hans kom honum til
hjálpar. Hann var fluttur á sjúkra-
húsið á Blönduósi og þaðan var
hann fluttur með sjúkrabíl á Land-
spítala – háskólasjúkrahús í
Reykjavík.
Maðurinn er rúmlega fimm-
tugur að aldri.
Slysið er í rannsókn hjá lögregl-
unni á Blönduósi og Vinnueftirliti
ríkisins.
Fékk í sig
11 þúsund volt
HÉRAÐSDÓMUR Reykjavíkur
féllst í gær á kröfu ríkislög-
reglustjóra um að Albani, sem
lögregluyfirvöld á Grikklandi
hafa farið fram á að verði fram-
seldur til Grikklands vegna
morðs sem hann framdi þar í
landi, sæti þriggja vikna gæslu-
varðhaldi.
Maðurinn er grunaður um að
hafa myrt samlanda sinn í Grikk-
landi í desember í fyrra. Nið-
urstaða héraðsdóms var kærð til
Hæstaréttar.
Maðurinn kom hingað til lands
frá Ósló í september síðast-
liðnum, framvísaði fölsuðum skil-
ríkjum og gaf upp rangt nafn við
komuna hingað. Sýslumaðurinn á
Keflavíkurflugvelli ákærði mann-
inn fyrir þessi brot og var hann
dæmdur í 45 daga fangelsi. Í
dómnum kemur fram að mað-
urinn sé fæddur árið 1972 og bú-
settur í Elbasan í Albaníu.
Smári Sigurðsson, yfirmaður
alþjóðadeildar ríkislögreglu-
stjóra, sagði manninn hafa lokið
45 daga afplánun sinni í gær.
Gæsluvarðhald
vegna morðs
í Grikklandi
BARNSHAFANDI kona á leið á
fæðingardeild Landspítalans í
fyrrinótt ól barn sitt á miðri leið
áður en tókst að ná á spítalann.
Henni var ekið í einkabíl niður
Ártúnsbrekkuna og þegar ljóst
þótti að barnið ætlaði ekki að
bíða komunnar á fæðingardeild
var hringt á sjúkrabíl á móts við
Nesti í Ártúnsbrekku. Þegar
sjúkrabíllinn kom um klukkan
þrjú var hin verðandi móðir flutt
í sjúkrabílinn og fæddi þar barn-
ið. Hún var síðan flutt á Land-
spítalann ásamt barni sínu til að-
hlynningar. Þeim heilsast báðum
vel.
Ól barnið
á miðri leið
KARLMAÐUR hryggbrotnaði og
hlaut ennfremur kjálkabrot er
hann datt af hestbaki á Hólum í
Hjaltadal í gær. Slysið varð laust
eftir hádegið að sögn lögreglunnar
á Sauðárkróki og var maðurinn
með reiðhjálm á höfði. Hann var
fluttur á Landspítalann í Fossvogi
með sjúkrabifreið og kom hún
þangað undir kvöld. Að sögn vakt-
hafandi læknis var hryggbrotið
ekki alvarlegt og líðan mannsins
ágæt. Gerð verði aðgerð á kjálka en
síðan verði maðurinn væntanlega
útskrifaður.
Aðeins klukkustund áður varð
einnig hestaslys þegar hestur
sparkaði í karlmann við Slát-
urhúsið á Sauðárkróki. Maðurinn
fékk hnykk á háls, skrámur og
tannmeiðsl. Var hann fluttur á
slysadeild á Sauðárkróki.
Féll af hestbaki
og hryggbrotnaði