Morgunblaðið - 15.11.2005, Blaðsíða 23
MORGUNBLAÐIÐ ÞRIÐJUDAGUR 15. NÓVEMBER 2005 23
MINNSTAÐUR
Klæddu þig vel
Ný sending
Kápur, jakkar, dragtir,
skinnkragar og bolir
Hafnarstræti 97, 600 Akureyri.
Sími 462 3505
Opið virka daga 10-18
laugardaga kl. 10-16Christa
NÝTT KORTATÍMABIL
Krýsuvík | Krýsuvíkursamtökin
hafa undanfarin ár átt í samstarfi
við Menntaskólann í Kópavogi, sem
felst í því að skjólstæðingar Krýsu-
víkursamtakanna í meðferðarstöð-
inni í Krýsuvík eiga kost á kennslu í
fögum til stúdentsprófs. Hefur
þessi kennsla, sem er þó með örlítið
þéttara sniði en hefðbundin kennsla
til stúdentsprófs, gengið afar vel og
hafa margir skjólstæðingar notið
góðs af henni, að sögn aðstandenda
verkefnisins.
Helgi Kristjánsson, aðstoðar-
skólameistari Menntaskólans í
Kópavogi, kveðst afar ánægður með
starfið sem unnið er í Krýsuvík.
„Undanfarin ár höfum við sent fjóra
kennara suður eftir til að kenna, tvo
og tvo í einu. Þeir eru þarna í fjóra
tíma þá daga sem þeir eru og kenna
fólki m.a. ensku, félagsfræði, stærð-
fræði og íslensku auk tölvufræði og
sænsku,“ segir Helgi og bætir við
að þetta fyrirkomulag hafi gefið af-
skaplega góða raun og bæði kenn-
arar og nemendur auk aðstandenda
Krýsuvíkursamtakanna hafi verið
ánægðir.
Helgi segir fólk vera á mjög mis-
munandi stigi hvað varðar nám þeg-
ar það kemur til meðferðar í Krýsu-
vík. „Þegar við komum þarna á
haustin höldum við fund með skjól-
stæðingum samtakanna og staða
þeirra er athuguð. Þá er athugað
hver styrkleikinn er, t.d. í ensku,
hvort þeir séu að byrja, lengra
komnir eða mjög færir. Síðan er
þeim fengið námsefni og annað í
samræmi við styrkleikann,“ segir
Helgi. „Ég mætti þarna síðasta
haust og fylgdist með hvernig þetta
fór fram og það vakti athygli mína
að fólk mat sjálft sig yfirleitt lægra
en raunhæft var. Það vildi þá byrja
lægra en það í rauninni gat og vildi
frekar bæta á sig seinna.“
Stærðfræðiástríða vaknar
Ánægjulegur árangur markar
spor verkefnisins að mati Helga.
„Nú í vor útskrifaðist ein stúlka
sem var þarna sem stúdent og það
var alveg yndislegt og mikill sigur
að útskrifa hana,“ segir Helgi. „Hún
hafði átt eitthvað af frönsku eftir og
lærði hana hjá okkur og árangurinn
var slíkur að hún vann til verðlauna.
Það kom henni mjög á óvart. Þarna
höfum við líka m.a. fengið einhverja
bestu stærðfræðinga sem við höfum
kennt. Þeir hafa alveg heillast af
stærðfræðinni. Fíknin er óháð and-
legum gjörvuleika. Þetta er oft
mjög vel gefið fólk sem lendir í
þessu. Það er því þeim mun ánægju-
legra að horfa á það ná bata. Það er
grunnurinn að því að byggja upp
einstaklinginn svo hann geti starfað
í samfélaginu að hann setjist niður
og fari að takast á við ný og ögrandi
verkefni.“
Námsfyrirkomulagið felst í stutt-
um lotum sem teknar eru, þar sem
heilir dagar eru lagðir undir eitt fag
og nemendur undirbúa sig „heima“
á milli. „Þetta er þéttur pakki, en
við ofbjóðum þeim ekki,“ segir
Helgi. „Sumir eru að ná hefðbundn-
um áföngum á framhaldsskólastigi
á meðan aðrir eru að byggja upp
grunninn til að hefja nám á fram-
haldsskólastigi. Við höfum þurft að
takast á við mjög ólík verkefni og
þetta hefur verið mikill skóli fyrir
kennarana og nýr heimur sem þeir
eru að kynnast þarna.“
Hefur tvímælalaust
meðferðaráhrif
Undir orð Helga tekur Þorgeir
Ólafsson, forstöðumaður á meðferð-
arheimilinu í Krýsuvík, og bætir við
að það sem sér þyki best við verk-
efnið sé að finna þann mikla áhuga
hjá MK til að koma inn í baráttuna
gegn vímuefnavandanum. „Það sem
þetta þýðir hér er að þetta hefur
svo mikið meðferðarlegt gildi til að
auka getu, styrk, þroska og hæfni
einstaklinganna,“ segir Þorgeir.
„Þetta er nánast þriðjungur af okk-
ar starfi að vera með þennan skóla
og það hefur sannað sig að það fólk
sem fer í gegnum skólann er með
meiri árangur en þeir sem fara
ekki.“
Nokkrir skjólstæðingar Krýsu-
víkursamtakanna hafa lokið stúd-
entsprófi frá MK og segir Þorgeir
að nokkrir skjólstæðingar hafi einn-
ig farið í nám í beinu framhaldi af
því aukna sjálfstrausti og von sem
þeir fengu við það að sitja áfanga og
ná árangri. „Þetta hefur tvímæla-
laust meðferðaráhrif á þessa ein-
staklinga og ég hugsa að það sé 50%
meiri árangur hjá þeim sem hafa
farið þessa leið,“ segir Þorgeir.
„Hingað koma einstaklingar með
brotna sjálfsmynd og brostið sjálfs-
traust. Þetta hefur því mikla þýð-
ingu fyrir þá og ef við horfum á
þetta í stóru myndinni er þetta einn
þáttur í því að vera eins framsækinn
og við erum, að taka inn mennta-
kerfið, því án menntunar ertu ekki í
sömu sporum.“
Þorgeir segir það lýsa miklum
kjarki hjá MK að koma með þetta
innlegg í meðferðarúrræðin. „Þeir
vinna líka á Litla-Hrauni og fleiri
stöðum. Þeir leggja mikið inn í
þetta og árangurinn er eftir því,“
segir Þorgeir. „Þeir eru metnaðar-
fullir og það starf sem þeir inna af
hendi er mjög óeigingjarnt. Þeir eru
persónulega fléttaðir inn í þetta og
það gefur okkur styrk til að halda
áfram þegar við fáum svona að-
stoð.“
Skjólstæðingar í Krýsuvík njóta góðs af kennslu Menntaskólans í Kópavogi til stúdentsprófs
Fíknin er
óháð andlegum
gjörvuleika
Eftir Svavar Knút Kristinsson
svavar@mbl.is
Áhugasamir nemendur Krýsvíkingar heimsóttu Njáluslóðir í fræðsluferð á dögunum og höfðu af því ánægju.
SUÐURNES
LANDIÐ
Öræfi | „Mér finnst athyglisvert að
þótt þeir bræður séu komnir á þenn-
an aldur, láta þeir ekkert stöðva sig
við mælingarnar. Vísindin eru svo
mikilvæg,“ segir Ragnar Frank
Kristjánsson, þjóðgarðsvörður í
Skaftafelli. Hann fór með Helga og
Hálfdáni Björnssonum á Kvískerj-
um í haustmælingar á jöklum. Helgi
er áttræður og Hálfdán 78 ára.
Breiðamerkurjökul og Fjallsár-
jökul. Stórt lón er fyrir framan
jökulinn. Þeir réru yfir Breiðárlón á
árabátnum Svani og gengu síðan
nokkra kílómetra. Ekki var hægt að
komast alveg að jöklinum til að
mæla hversu mikið hann hefur hop-
að. En þá dró Helgi fjarlægðarkíki
upp úr pússi sínu og mældi stöðu
jökulsporðsins.
Fjölskyldan á Kvískerjum hefur
mælt skriðjökla í austurhluta Öræfa
í tæp sjötíu ár. Fyrst stundaði Björn
Pálsson, faðir Kvískerjabræðra,
mælingarnar, þá Flosi Björnsson og
Helgi Björnsson hefur annast mæl-
ingarnar fyrir Jöklarannsókna-
félagið frá árinu 1988.
Ragnar slóst í för með Helga og
Hálfdáni þegar þeir fóru að mæla
Láta ekkert stöðva
sig við vísindastörfin
Ljósmynd/Ragnar Frank Kristjánsson
Tækni Helgi Björnsson notar fjarlægðarkíki til að mæla stöðu jökul-
sporðs Breiðamerkurjökuls. Feðgarnir hafa mælt jöklana í tæp sjötíu ár.
Á Svani Hálfdán og Helgi Björnssynir á
leið yfir Breiðárlón í mælingaleiðangri
sínum. Hálfdán er undir árum á Svani.
Bárðardalur | Tíðarfarið í Suður-
Þingeyjarsýslu hefur verið erfitt í
haust og mikil úrkoma. Upp úr 20.
september byrjaði að snjóa í Bárð-
ardal og þar hefur lítið þiðnað síð-
an og alltaf bætt á. Þar hafa verið
jarðbönn og allur búpeningur á
gjöf.
Kristlaug Pálsdóttir, bóndi í
Engidal, lætur tíðarfarið lítið aftra
sér og hefur verið önnum kafin í
haustverkum að undanförnu. Hún
viðrar ærnar daglega og reykhúsið
þarf sinn tíma, sérstaklega þegar
oft þarf að moka sig inn í fann-
fergið sem sest hefur að öllum hús-
um. Á myndinni má sjá Kristlaugu
með væn sauðalæri, en hún reykir
við tað og gulvíði sem gefur kjötinu
ómissandi bragð.
Morgunblaðið/Atli Vigfússon
Snjóþungt í Bárðardal