Morgunblaðið - 15.11.2005, Blaðsíða 37
mótin og varst alltaf með á hreinu
hvernig átti að gera hlutina og
hjálpaðir mér mikið þegar á móti
blés.
Allar þær stundir sem við höfum
átt saman, hvort sem þær hafa ver-
ið á skíðum, veiði eða uppi í sum-
arbústað, eru ómetanlegar og eiga
alla tíð eftir að fylgja mér. Ég kveð
þig kæri afi minn með söknuði en
um leið þakklæti fyrir allar liðnar
stundir. Megi minningin um þig
verða okkur eftirlifendum vegvísir
inn í komandi framtíð.
Karl Maack.
Þá ertu farinn afi minn og það
heldur fyrr en ég átti á von á miðað
við heilsu þína á efri árum enda
skíðandi á 80 ára afmælisdaginn
þinn uppi í Skálafelli fyrir nokkrum
árum. Þegar ég hugsa til þín kemur
Skógarsel yfirleitt fyrst upp í huga
mér, enda eyddum við flestum
stundum þar á sumrin og á ég
margar góðar minningar þaðan. Það
gerðist oft að við bræðurnir náðum
að plata þig í fótbolta í bústaðnum
og yfirleitt varstu þá ber að ofan og
í brúnum stígvélum ef það viðraði
vel. Einnig var frábært að fara með
þér í veiði og hlusta á öll góðu ráðin
sem þú gafst mér. Svo áttir þú líka
margar skemmtilegar veiðisögur frá
því í „gamla daga“, t.d. þegar þú
barðist við tröllið í Blöndu. Þessar
góðu minningar munu alltaf fylgja
mér og minning þín mun lifa meðal
okkar um ókomin ár. Guð geymi þig
afi minn.
Baldur Maack.
Karl Maack, móðurbróðir minn,
er allur. Ég votta sonum hans eft-
irlifandi og systkinum mína dýpstu
samúð.
Allar fyrstu minningar mínar um
hann tengjast veiðiferðum á Álfta-
vatni. Við Gunnar sonur hans, sem
brottkvaddur var allt of snemma,
erum á leið út á vatnið í árabátnum,
sem geymdur hafði verið í bátaskýl-
inu um veturinn, en hann var nú bú-
inn að tjarga og mála rauðan og
hvítan. Kalli frændi rær bátnum ró-
lega en kröftuglega út á vatnið með
okkur pollana. Báturinn er kannski
óþarflega stór og þungur fyrir þetta
stillta vatn, en um leið öruggur við
verstu hugsanlegu aðstæður.
Fremst er hvalbakur þar sem stjór-
inn er geymdur og eitthvað fleira,
m.a. björgunarvesti. Þangað skreið
maður líka ef manni varð of kalt úti
á vatninu eða of hræddur.
Verstu hugsanlegu aðstæður voru
þær ef við rerum of langt, of vest-
arlega, og lentum í sterkum straumi
Sogsins, sem nær sér aftur á skrið á
leið sinni gegnum Áltaftavatn í suð-
vesturhorn þess. Þarna í straumn-
um er dýpið er líka grængolandi og
ógnvænlegt. Víða sér ekki til botns.
Ef straumurinn hrifi okkur niður í
iðuköstin undir Sogsbrúnni þýddi
það endalokin.
En það gerðist auðvitað aldrei.
Kalli sá alltaf til þess að við köst-
uðum stjóranum tímanlega og lægj-
um þannig tryggilega til að ná þeim
fiski sem þarna var að hafa. Og það
voru roggnir pollar sem komu heim
með Kalla eftir þessar veiðiferðir.
Við höfðum horfst í augu við lífs-
háskann og haft sigur.
Þau atvik úr æsku sem rifjast
upp af kynnum mínum við þennan
ástkæra frænda minn eru mörg
hver svona. Það er verið að takast á
við mörk hins mögulega: Er of
djúpt fyrir stjórann hérna? Kom-
umst við yfir þetta án þess að setja í
lága? Ekki fífldirfska, bara eðlilegar
vangaveltur í samskiptunum við
náttúruöflin í hálendis- eða veiði-
ferðum á sumrum eða í skíðaferðum
á veturna. Og aldrei var æðrast.
Sérhver hindrun á leiðinni um lífið
var bara verkefni til að leysa. Þetta
herti mig og jók mér getu og þor og
fyrir það er ég ævinlega þakklátur
Karli Maack. Blessuð sé minning
hans.
Hallgrímur Thorsteinsson.
Heiðursfélagi Tennis- og badmin-
tonfélags Reykjavíkur Karl Maack
er látinn, 87 ára að aldri. Karl, eða
Kalli, eins og við félagar hans í TBR
kölluðum hann, spilaði badminton í
meira en hálfa öld, og hætti reyndar
ekki badmintoniðkun fyrr en hann
var kominn talsvert á níræðisald-
urinn. Karl átti marga vini og spila-
félaga í TBR í gegnum tíðina. Síð-
asti spilahópurinn hans, sem í voru
þeir Haukur Gunnarsson, Einar
Jónsson og Högni Ísleifsson, auk
Kalla, voru til samans yfir 320 ára
gamlir þegar þeir þustu um bad-
mintonvöllinn og léku sér að bad-
mintonboltanum af engu minni
ákefð en 60 árum yngri keppnis-
menn.
Þeir félagarnir voru reynar nokk-
urs konar auglýsing fyrir okkur.
Blaðamenn komu í heimsókn í
TBR og tóku viðtal við þennan ein-
staka hóp „elstu unglinga“ sem þeir
höfðu nokkru sinni séð á badmin-
tonvellinum.
Okkar á milli var þetta kallaður
„Antikhópurinn“.
Karl Maack var einn þeirra fé-
lagsmanna TBR sem stóðu að bygg-
ingu íþróttahúss sem tekið var í
notkun 1976. Hann var í bygging-
arnefnd hússins, sem skilaði verkinu
eins vel og hugsast gat. Karl var
sannkallað félagsmálatröll í badmin-
tonheiminum. Hans er fyrst getið i
fundargerðum TBR árið 1955, þeg-
ar hann er kosinn í flokkaskipunar-
nefnd félagsins. Næst kemur hann
við sögu í mótanefnd TBR og
keppnisráði TBR. Karl sat í stjórn
félagsins frá 1961–1963, og svo var
hann kosinn í byggingarnefnd TBR,
eins og áður er getið. Hann starfaði
um árabil sem badmintondómari og
sat í stjórn Badmintonsambands Ís-
lands í fjölda ára, þar á meðal sem
formaður BSÍ um nokkurt skeið.
Það er því ljóst að Karl var starf-
andi í sjálfboðavinnu í badminton-
heiminum yfir 30 ár. Verk hans eru
því orðin æði mörg á þeim slóðum.
Karl var góður félagi og hafði ein-
staklega þægilegt viðmót. Hann
færði gleði með sér í hópinn og sló
oft á létta strengi. Hann var líka
ákveðinn í skoðunum og lét mann
oft heyra það, því ekki vorum við
sammála í pólitíkinni. Á þeim velli
varð Kalla var hvergi hnikað. Hann
var traustur í öllu starfi og allt sem
hann tók að sér stóðst eins og staf-
ur á bók.
Við þökkum nú Karli Maack fyrir
samfylgdina og minnumst hans með
söknuði. Jafnframt eru honum færð-
ar þakkir fyrir allt hið mikla starf
sem hann vann í þágu íþróttahreyf-
ingarinnar á Íslandi.
Tennis- og badmintonfélag
Reykjavíkur,
Sigfús Ægir Árnason.
Kveðja frá Félagi húsgagna-
og innréttingaframleiðenda
Í dag verður jarðsunginn Karl P.
Maack húsgagnasmíðameistari og
fyrrverandi formaður Félags hús-
gagna- og innréttingaframleiðenda.
Karl hóf snemma afskipti af fé-
lagsstarfi iðnaðarmanna og tók virk-
an þátt í málefnavinnu Landssam-
bands iðnaðarmanna m.a. á
Iðnþingum um áratugaskeið. Hann
sat í framkvæmdastjórn Landssam-
bandsins á tímabili og var jafnframt
formaður í sínu fagfélagi, Félagi
húsgagna- og innréttingaframleið-
enda. Því embætti gegndi hann í
átta ár. Hann var ætíð boðinn og
búinn til að taka þátt í nefndarstörf-
um, koma á fundi og leggja sitt af
mörkum. Hann lét sig raunar allt
varða er laut að virðingu og veg-
semd íslensks iðnaðar og var
reiðubúinn að berjast fyrir því sem
til framfara horfði.
Ferill Karls í félagsmálavafstri
fyrir iðnaðinn var langur. Eftir að
hafa hætt eigin rekstri og sest í
helgan stein tók hann áfram þátt í
starfi Félags húsgagna- og innrétt-
ingaframleiðenda og stýrði oftar en
ekki aðalfundum félagsins. Sem fyrr
var hann ætíð boðinn og búinn til
þessa verks en þó með þeim fyr-
irvara að fundartími væri ekki á
skjön við leikskrá KR – hún hafði
forgang. Af myndugleik og lipurð
stýrði hann fundum og var okkur
yngri mönnum góð fyrirmynd. Ald-
urinn fór honum einstaklega vel og
mér var oft hugsað til þess hve gott
það hlyti að vera að njóta jafn góðr-
ar heilsu til líkama og sálar og hon-
um hlotnaðist.
Karl var af þeirri gerð manna
sem vill gott úr öllu gera og var ein-
staklega bóngóður þegar leitað var
til hans. Með Karli er genginn höfð-
ingi sem ævinlega lagði gott til
mála. Við sem kynntumst honum í
félagsstarfi erum þakklát fyrir mik-
ilvægt framlag til framgangs iðn-
aðarins í landinu. Við vottum fjöl-
skyldu Karls samúðar og biðjum
fjölskyldu hans huggunar.
Árni Jóhannsson.
Vinur okkar og félagi, Karl
Maack, er látinn. Leiðir okkar lágu
fyrst saman á skíðum í Skálafelli en
þar var Kalli á heimavelli í yfir 60
ár. Hvenær sem skíðafæri var í
Skálafelli mátti ganga að því vísu,
að Kalli væri á svæðinu, og oftar en
ekki með synina með sér og síðan
barnabörnin. Stíllinn þekktist lang-
ar leiðir, þegar þessi fríski heið-
ursmaður þaut fimlega niður brekk-
urnar.
Það var um páska fyrir 36 árum,
þegar skíðadegi var lokið með
versnandi veðri, að allir héldu heim
í KR-skálann. Tókum við okkur þá
saman fjórir og settumst við að
spila bridge. Óveðrinu slotaði ekki
næstu dægrin og spilamennskan
hélt áfram með stuttum hvíldum.
Eftir þetta varð ekki aftur snúið og
spilaklúbbur var stofnaður, sem
starfað hefur ætíð síðan. Þarna var
Kalli fremstur í flokki, aldursforset-
inn með mestan áhugann og mestu
ákefðina. Við spilaborðið voru sér-
kenni Kalla hinar skemmtilega tví-
ræðu yfirlýsingar um, að enginn
vafi léki á, að allt stæðist í hans
gjörðum spilamennskunnar, og síð-
an jafn tvíræðar spurningarnar til
andstæðinganna um það, hvort þeir
ætluðu virkilega að hætta sér út í
óvissuna.
Ekki var Kalli aðeins spilafélagi
heldur einnig ötull foringi í öllu sem
fram fór í kringum skíðaíþróttina
hjá skíðadeild KR. Varla var svo
haldið skíðamót í Skálafelli á síðari
helmingi síðustu aldar, að Kalli væri
ekki meðal stjórnenda. Hann var
mjög sterkur félagsmaður og víða
liggja velmetnar gjörðir hans á
þeim vettvangi. Tryggð og heiðar-
leiki voru einkenni Kalla og alltaf
fylgdist hann með tíðarandanum og
þjóðfélagsmálum og hafði sínar
ákveðnu skoðanir á mönnum og
málefnum.
Kæri vinur, við bridgefélagarnir
minnumst þín með söknuði og með
þakklæti í hjarta fyrir allar sam-
verustundirnar, ekki síst stundirnar
í Skipholtinu hjá þér og Þóru, sem
við minnumst einnig með hlýhug og
þakklæti. Við sendum fjölskyldu
þinni innilegar samúðarkveðjur.
Megi ferð þín, Karl Maack, um
ókomna heima verða þér farsæl,
farðu í friði kæri vinur.
Ásbjörn, Einar
og Ingólfur.
MORGUNBLAÐIÐ ÞRIÐJUDAGUR 15. NÓVEMBER 2005 37
MINNINGAR
Atvinnuauglýsingar
Sprengjarar með full
réttindi óskast
Vegna mikilla verkefna viljum við ráða vana
sprengimenn með full réttindi til starfa sem fyrst.
Vinsamlegast hafið samband við Ólaf Þór Kjartans-
son í síma 660-0590 eða skrifstofu Jarðvéla í síma
564-6980. Einnig má fylla út umsóknareyðublað á
vefsíðu fyrirtækisins www.jardvelar.is Bakkabraut 14,
200 Kópavogur.
Raðauglýsingar 569 1100
Nauðungarsala
Uppboð
Uppboð munu byrja á skrifstofu embættisins í Hafnar-
stræti 107, Akureyri, sem hér segir á eftirfarandi eignum:
Norðurgata 3, Akureyri (214-9447), þingl. eig. Aron Þór Sigurðsson,
gerðarbeiðendur Akureyrarkaupstaður og Íbúðalánasjóður, föstudag-
inn 18. nóvember 2005 kl. 10:00.
Setberg, Svalbarðsstrandarhreppi (216-0359), þingl. eig. AUTO
ehf., gerðarbeiðandi sýslumaðurinn á Akureyri, föstudaginn
18. nóvember 2005 kl. 10:00.
Vestursíða 30E, 03-0301, eignarhl. Akureyri (215-1613), þingl. eig.
Garðar Hallgrímsson, gerðarbeiðendur Innheimtustofnun sveitar-
félaga og Kaldbakur hf. (samruni), föstudaginn 18. nóvember 2005
kl. 10:00.
Þverholt 1, eignarhl., Akureyri (215-2041), þingl. eig. Stefán Kristján
Pálsson, gerðarbeiðandi sýslumaðurinn á Akureyri, föstudaginn
18. nóvember 2005 kl. 10:00.
Sýslumaðurinn á Akureyri,
14. nóvember 2005.
Guðjón Jóel Björnsson, ftr.
Tilkynningar
Kynning fyrir foreldra
og aðstandendur
Menntaskólinn Hraðbraut verður með kynn-
ingu á skólastarfinu fyrir foreldra og aðstand-
endur fimmtudaginn 17. nóvember kl. 20:00.
Allir foreldrar og aðstandendur eru hvattir til
að mæta.
Nemendur eru einnig velkomnir.
Menntaskólinn Hraðbraut.
Húsbílar — hjólhýsi
útvega ég frá Þýskalandi og allt sem þeim
tilheyrir.
Nú er besti tíminn til að gera góð kaup.
Ég bý í nágrenni Bremen og er stutt á marga
góða bílamarkaði. Heimsókn og gisting er
möguleg og myndi auðvelda valið á drauma
húsbílnum eða hjólhýsinu. Þægilegast væri
að fljúga um London.
Geymið auglýsinguna.
Hlynur S. Óskarsson,
sími/fax 0049 (0) 420 351 77,
gsm 0173 82 860 89,
netfang oskarsson@foni.net .
Félagslíf
I.O.O.F. Rb. 4 15411158-E.T.2
HLÍN 6005111519 IV/V H&V EDDA 6005111519 I H&V
I.O.O.F. Ob. 1 Petrus 18611158
Kallanir-E.T.1*
Til leigu 4ra herb. íbúð
Snyrtileg og rúmgóða 4ra herb. íbúð í Lauf-
engi, Grafarvogi. Leiga 110 þús. kr. á mánuði.
Upplýsingar í síma 663 9270 eftir kl. 15.00.
Húsnæði í boði
Aðalfundur
Landeigendafélag Litlu-Borgar í Húnaþingi
Vestra auglýsir aðalfund sinn, sem verður hald-
inn á Grand Hóteli við Sigtún í Reykjavík,
þriðjudaginn 22. nóvember 2005, kl. 20:00.
Stjórnin.
Fundir/Mannfagnaðir