Morgunblaðið - 15.11.2005, Side 6

6 ÞRIÐJUDAGUR 15. NÓVEMBER 2005 MORGUNBLAÐIÐ
FRÉTTIR
„LÍKLEGA hafa þjófarnir keyrt
bílinn um þúsund kílómetra en
samt er hann í toppstandi að því
undanskildu að það hafði sprung-
ið á honum. Kannski hafa þjóf-
arnir ekki haft efni á viðgerð eða
ekki þorað að fara með stolinn
bílinn á verkstæði,“ segir Laufey
Óladóttir sem á föstudag end-
urheimti bíl sinn tæpum mánuði
eftir að honum var stolið frá
henni.
„Vinur bróður míns fann bílinn
fyrir utan Blómaval í Skútuvogi
og fær hann bestu þakkir fyrir.“
Búið að stela úr bílnum
Þegar bíllinn fannst var búið að
stela úr honum hljómflutnings-
tækjunum, geisladiskum og að-
göngumiðum í Hvalfjarðargöngin.
Það eru þó smámunir miðað við
sjálfan bílfundinn. „Þetta var al-
veg ótrúleg heppni og ég vil skila
þakklæti til allra sem leituðu að
bílnum,“ segir Laufey.
Bíllinn er af gerðinni VW Polo
sem stolið var 17. október. Laufey
hafði þennan dag rétt brugðið sér
inn til vinkonu sinnar á Fálkagöt-
unni og kom til baka aðeins
tveimur mínútum seinna. En þá
var bíllinn horfinn og virðist
þjófnum hafa nægt hinn örstutti
tími til að taka bílinn. Næstu vik-
urnar virðist sem bíllinn hafi ver-
ið í sífelldri notkun, eða allt þar
til sprakk á honum og vinur bróð-
ur Laufeyjar fann hann.
Morgunblaðið/Árni Sæberg
Laufey Óladóttir og Rúnar Gunnarsson voru að vonum ánægð með að fá bílinn sinn aftur.
Þjófarnir höfðu ekið stolna bílnum 1.000 kílómetra
„Ótrúleg heppni að finna bílinn“
KJÖRIN á jólapökkum Icelandair nú eru
svipuð og á síðasta ári ef tekið er mið af
verðhækkunum á eldsneyti á árinu, að
sögn Guðjóns Arngrímssonar, upplýs-
ingafulltrúa Icelandair.
„Með jólapökkunum erum við að bjóða
ferðir til Evrópu og Bandaríkjanna eftir
áramótin á frábærum afsláttarkjörum.
Ef tekið er mið t.d. af eldsneytisverð-
hækkunum á árinu eru kjörin svipuð og á
síðasta ári, þegar við seldum gríðarlegt
magn sæta,“ segir Guðjón Arngrímsson.
Hann segir eftirspurnina ekki virðast
minni nú. Jólapakkarnir séu vinsælir hjá
allskonar fólki og sumir kaupi marga
pakka.
„En ætli það sé ekki algengast að hjón
ákveða að gefa sér dekurferð í jólagjöf
og þá er þessi kostur frábær, því hægt er
að nota janúar til að velta fyrir sér í ró-
legheitum hvert á að fara og hvenær.“
Guðjón segir söluna fara vel af stað og
að selst hafi á þriðja hundrað jólapakkar
fyrsta sólarhringinn. Mest sé salan hins-
vegar yfirleitt í síðustu vikunni fyrir jól.
Svipuð kjör miðað
við hækkun
eldsneytisverðs
ICELAND Express hyggst bjóða jóla-
pakka, flugsæti til allra átta áfangastaða
sinna, og hefst salan síðar í vikunni. Birgir
Jónsson, framkvæmdastjóri Iceland Ex-
press, segir fargjaldið vera 19.900 óháð
stað og að meðtöldum sköttum.
Áfangastaðir Iceland Express eru
Kaupmannahöfn, London, Berlín, Frank-
furt, Friedrichshafen, Gautaborg, Stokk-
hólmur og Alicante. Birgir segir að þús-
undir farmiða hafi selst í fyrra á þennan
hátt og kveðst gera ráð fyrir góðum við-
tökum nú. Í fyrra var fargjaldið 17.000 kr.
„Hjá okkur þarf að bóka farið fyrir 1.
febrúar og ljúka ferðinni fyrir 1. júlí, en að
öðru leyti eru engin skilyrði,“ sagði Birgir
í samtali við Morgunblaðið. Hann bendir á
þann möguleika að ferðast út til eins
áfangastaðar og koma heim frá öðrum
sem hann segir að farþegar noti sér í vax-
andi mæli. Einnig segir hann unnt að
breyta bókunum þessara farmiða fyrir
2.500 króna gjald.
Iceland Express
býður jólapakka
á 19.900 krónur
NÝR bílavefur mbl.is var opnaður
á Hótel Nordica í gær þar sem
haldið var upp á 35 ára afmæli Bíl-
greinasambandsins. Ingvar
Hjálmarsson, vefstjóri mbl.is, opn-
aði vefinn og fór yfir það helsta
sem hann hefur upp á að bjóða en
á vefnum geta notendur meðal
annars leitað að draumabílnum.
Vefurinn er samvinnuverkefni
Bílgreinasambandsins og mbl.is
og nú þegar eru komnar inn upp-
lýsingar um 1.600 bíla frá fjórum
bílaumboðum; Bílalandi, Heklu,
Brimborg og P. Samúelssyni. Að
sögn Ingvars munu fleiri umboð
bætast við á næstunni.
Á vefnum er boðið upp á að leita
að draumabílnum en til þess að
finna hann setja notendur inn lýs-
ingu á því hvernig draumabíllinn
er. Þeir fá svo sendan tölvupóst á
sólarhringsfresti eða sms-skilaboð
jafnóðum með upplýsingum um þá
bíla sem uppfylla skilyrðin.
Hægt er að slá inn ýmiskonar
leitarforsendur á síðunni og í nið-
urstöðulista koma fram þeir bílar
sem uppfylla leitarskilyrðin auk
þess sem fram kemur hvort um til-
boðsbíl eða bíl í umboðssölu er að
ræða. Þegar smellt er á nafn bíls í
niðurstöðunum fást frekari upp-
lýsingar og stærri mynd.
Á vefnum er einnig hægt að búa
til sína eigin bílamöppu þar sem
safnað er saman þeim bílum sem
notandanum lýst best á. Tveir not-
endur geta skipst á lykilorðum og
þannig skoðað möppu hvor ann-
ars.
Ennfremur er boðið upp á
spjallþráð á vefnum og geta not-
endur þar skipst á skoðunum um
bíla og allt sem þeim tengist.
Einnig var í gær kynntur nýr
valmöguleiki á vef Bílgreina-
sambandsins, sem er að gera raun-
verð bíla aðgengilegt á vefnum.
Langþráður draumur
Í því felst að notendur geta séð
á hvaða verði sams konar bílar
hafa selst. Að því er fram kom í
máli Ernu Gísladóttur, formanns
Bílgreinasambandsins, í gær er
það langþráður draumur að opna
fyrir aðgengi að þessum raunverð-
um á síðu sambandsins.
Í ræðu sinni fjallaði Erna um
störf sambandsins á þeim 35 árum
sem það hefur verið starfandi og
sagði hún að margt hefði breyst.
Hún benti á að þegar sambandið
var stofnað hafi um 40.000 fólks-
bílar verið á landinu en í dag væru
um 180.000 bílar innan grein-
arinnar. „Þannig að það hefur
margt gerst á þeim tíma,“ sagði
Erna. Lægri opinber gjöld á bíla
eru enn stærsta baráttumál sam-
bandsins, að því er fram kom í máli
Ernu.
Lækkun opinberra gjalda
helsta baráttumálið
Sagði hún að tekjur ríkisins af
gjöldum á bíla næmu um 40 millj-
örðum á ári og á meðan stefna
stjórnvalda í þessum málum
breyttist ekki myndu lægri op-
inber gjöld vera aðalbaráttumál
sambandsins.
„Það er von okkar og markmið
hjá Bílgreinasambandinu að við á
Íslandi getum keypt okkur þann
bíl sem okkur langar í án þess að
hnjóta um neyslustýringu frá rík-
inu,“ sagði hún.
Morgunblaðið/Kristinn
Jónas Þór Steinarsson, framkvæmdastjóri Bílgreinasambandsins, Erna Gísladóttir, formaður sambandsins, Steinn E. Sigurðarson, forritari á net-
deild mbl.is, og Ingvar Hjálmarsson, netstjóri mbl.is, stilla sér upp við hlið bílavefjarins. Vefurinn er samstarfsverkefni mbl.is og sambandsins.
Nýr bílavefur mbl.is opnaður á 35 ára afmæli Bílgreinasambandsins
Draumabíllinn á mbl.is
Eftir Árna Helgason
arnihelgason@mbl.is
TENGLAR
............................................
www.bgs.is
www.mbl.is/mm/bilar