Morgunblaðið - 15.11.2005, Blaðsíða 46

46 ÞRIÐJUDAGUR 15. NÓVEMBER 2005 MORGUNBLAÐIÐ
HANN kallar sig einfaldlega Þóri en heitir
fullu nafni Þórir Georg Jónsson og er frá Húsa-
vík. Á síðasta ári gaf hann út sína fyrstu sóló-
skífu I Believe in This sem hlaut mjög góðar
viðtökur gagnrýnenda og nú um daginn kom út
plata númer tvö, Anarchists are hopeless rom-
antics en listamannsnafnið á umslaginu er ekki
heldur af styttri endanum, My summer as a
Salvation Soldier.
Þórir kom fram á 12 Tónum á nýafstaðinni
Airwaves-hátíð og þar sá hinn virti blaðamaður
Rolling Stone, David Fricke, kauða og hafði
þetta um hann að segja í Morgunblaðsviðtali
við Árna Matthíasson: „Alla jafna kann ég ekki
að meta tónlist á við þá sem hann er að spila, en
það var mjög áhrifamikið að hlusta á hann í 12
Tónum, að vera í hópi áheyrenda, sem allir voru
komnir á staðinn til að hlusta á hann og gerðu
það af athygli og einbeitingu.“
Þórir samsinnir því að tónleikarnir í 12 Tón-
um hafi gengið mjög vel.
„Það er voða erfitt að skilja það,“ svarar
hann spurður um galdurinn. „Ætli það sé ekki
bara ég að vera ég. Ég reyni að hafa þetta ein-
falt, þægilegt og einlægt og fólk verður að gefa
eitthvað af sér á móti til að geta haft gaman af
tónleikunum mínum. Þetta er ekki eins rokk-
tónleikar þar sem allt er í botni og maður getur
staðið og kjaftað við þann sem er næst þér en
samt kemst maður ekki hjá því að fylgjast með
hljómsveitinni á sviðinu. Það krefst aðeins
meiri einbeitingar og þolinmæði að vera á tón-
leikum með mér.“
Miklu meiri plata
Þórir hefur spilað á gítar frá tíu ára aldri en
byrjaði ekki að búa til músík fyrr en hann varð
sextán, sautján ára gamall. „Þessi tónlist sem
ég er að gera í dag varð hins vegar ekki til fyrr
en rúmu ári áður en fyrsta platan kom út. Elstu
lögin á þeirri plötu voru um eins árs gömul.“
Sérðu einhverja þróun frá I Belive in this og
Anarchists are hopeless romantics?
„Já, mér finnst síðari platan vera miklu meiri
plata. Á fyrri plötunni var þetta bara safn laga
sem ég valdi úr þegar 12 Tónar báðu mig um að
gera plötu. Þessi plata er hins vegar samin sem
plata og einbeittari sem slík. Ég hafði hugmynd
um það hvernig ég vildi að hún hljómaði og tók
hana náttúrlega upp sjálfur yfir lengri tíma en
hin platan var tekin upp á tveimur kvöldum í
stúdíói.“
En hvað með yrkisefnið á þessum tveimur
plötum?
„Ég vona að textarnir séu betri. Maður verð-
ur vonandi betri eftir því sem maður gerir það
oftar. Þeir eru bara um það sem er í gangi hjá
mér og það er náttúrlega ekkert alltaf það
sama í hverri viku eða mánuði.“
Eru textarnir persónulegri núna?
„Ég veit það ekki. Kannski. Á fyrri plötunni
var ég meira að semja um vini mína og fjöl-
skyldu en núna er ég að syngja meira um mig
sjálfan og það sem er í gangi hjá mér.“
Harðkjarna-trúbador
Getur það ekki verið óþægilegt?
„Það er ekkert erfitt fyrr en maður gerir sér
grein fyrir því að fólk á eftir að heyra þetta. Þá
verður þetta svolítið óþægilegt. Sérstaklega
með fyrri plötunni þar sem ég var að yrkja um
fólk í kringum mig. Ég fékk símtöl frá vinum og
vandamönnum sem voru að velta því fyrir sér
hvort þeir væru í textunum.“
Þau hlustuðu þó á plötuna?
„Já, einmitt. Þau hafa þá heyrt hana. En
maður verður bara að ákveða hvað maður vill
gera og gera það síðan. Það er ekki hægt að
velta sér stanslaust upp úr því hvaða áhrif það
mun hafa.“
Áttu þér einhverja sérstaka áhrifavalda eða
hvað hefurðu verið að hlusta á í gegnum tíðina?
„Allt frá dauðarokki yfir í froðupopp. Það eru
svo margir áhrifavaldar í mínu lífi á mismun-
andi sviðum en tónlistarlega séð myndi ég
nefna trúbadúra á borð við Elliott Smith og
aðra lágstemmdari indí-tónlistarmenn. Ég hef
hins vegar verið mest í pönki og harðkjarna-
tónlist og það hefur haft mikil áhrif á mína tón-
list og túlkun. Sú stefna hefur líka haft mikil
áhrif á persónulegt viðhorf mitt til tónlistar og
hvernig ég verð að vera með í ráðum í einu og
öllu sem viðkemur minni tónlist.“
Á þín trúbadoratónlist eitthvað skylt við
harðkjarnatónlistina?
„Eiginlega allt – fyrir utan tónlistina. Þetta
eru hvorar tveggju tónlistastefnur sem snúast
um tjáningu á því sem þér liggur á hjarta og allt
frá því að þjóðlagatónlist og trúbadúratónlist
byrjaði að þá var hún alltaf pólitísk, jafn mikið
og hún var persónuleg. Manns persónulega sýn
á pólitík og hvernig hlutirnir ganga fyrir sig í
heiminum eru mestu áhrifavaldarnir um það
hvernig manni líður.“
Ertu pólitískur?
„Ég myndi segja það. Ekki á þann hátt að ég
sé með það á hreinu hvað er á stefnuskrá
Framsóknarflokksins en yfir höfuð er ég póli-
tískur.“
Byrjaði það með harðkjarnatónlistinni?
„Bæði og. Það má eiginlega segja að þá hafi
ég fyrst pælt alvarlega í því. Það er nú líka
þannig að ástæðan fyrir því að maður tengist
einhverju er að það fellur við manns eigin skoð-
anir. Fyrir utan það er pólitík í öllum tónlistar-
stefnum, eins og til dæmis sést í pönki, metal og
hip hopi.“
En hvað með „Straight Edge“ stefnuna sem
margir harðkjarnatónlistarmenn hafa tileinkað
sér?
„Já, það er ein af aðalástæðunum fyrir því að
ég komst inn í þessa tegund tónlistar. Þar voru
gaurar að tala um að vera Straight Edge og að
vera grænmetisætur og vera dálítið meðvitaður
um hvernig maður hagar lífi sínu og hafa stjórn
á því.“
Ertu Straight Edge?
„Já, ég hef eiginlega alltaf verið það en vissi
ekki hvað það hét fyrr en var orðinn fimmtán
ára gamall. Straight Edge er í grunninn bind-
indisstefna; að reykja ekki og drekka ekki en
líka að taka ábyrgð á þínu eigin lífi og þar með
stunda ábyrgt kynlíf.“
Tónlistarnörd
„Þetta með kynlífið var fyrirferðarmeira á
níunda áratugnum þegar alnæmið var mikið í
umræðunni en mér finnst það alveg eins eiga
erindi í dag, að sofa ekki hjá hverjum sem er,
hvort sem þú ert Straight Edge eða ekki. Mað-
ur hlýtur að velta því fyrir sér ef maður ber
virðingu fyrir sjálfum sér.“
Er þetta stór sena?
„Nei, ég á kannski þrjá vini sem eru Straight
Edge og þetta er kannski tuttugu, þrjátíu
manna hópur í það heila.“
Og þeir sækja tónleika þína þrátt fyrir að þú
spilir ekki harðkjarnatónlist?
„Já, já. Að sjálfsögðu.“
Er þessi kúltúr kannski að færast frá harð-
kjarnanum?
„Ég veit það ekki. Ég hef náttúrlega alltaf
verið tónlistarnörd og grúskað í alls kyns tón-
list. Og hafi maður þetta áhugamál þá finnur
maður sér oftast einhvern með sama áhugamál.
Kannski er ég ekki dómbær á það.“
Hvernig finnst þér að spila einn?
„Það er ótrúlega erfitt en samt ótrúlega gam-
an líka. Maður er vanur því að vera í pönkbönd-
um þar sem allt er bara hækkað og svo talið í.
Núna verður maður að hugsa út í hvert einasta
smáatriði og það er alveg frábær andstæða við
pönkið.
Fyrir mér snýst þetta samt meira um and-
rúmsloftið sem skapast þegar ég spila frekar en
hversu vel ég spila eða syng. Það er meira mál
en meira gefandi þegar svona tónleikar heppn-
ast vel. Það getur líka verið erfitt ef illa gengur
og þá er maður þunglyndur í fleiri, fleiri vikur.“
Anarkismi á Íslandi
Hvað geturðu sagt mér um titil plötunar, An-
archists are hopeless romantics?
„Já, ég veit ekki hvað ég á að segja. Það er
viss tvíræðni í þessu. Bæði er ég að vísa í róm-
antíkina sem kemur fyrir á plötunni en líka þá
rómantík sem anarkisminn er. Anarkismi er
ákveðin draumsýn eða þrá um að heimurinn
gangi upp, að allir geti lifað í sátt og samlyndi
án þess að þeim sé sagt hvernig.“
Myndirðu segja að þú værir anarkisti?
„Já, ég myndi segja það. En það hafa allir
sínar útgáfur af anarkisma eins og fólk hefur
sínar útgáfur af kristinni trú.“
Hvaða augum líturðu þá íslenskt samfélag?
„Ég er raunsærri en það að búast við því að
einn dag rísi hér upp anarkistasamfélag en Ís-
land er mjög gott að því leyti að maður getur
búið til sitt anarkistasamfélag innan þess og
harðkjarnasenan vitnar um það.
Það eru stundum haldnir hér á landi tón-
leikar með frægum íslenskum rokkböndum,
sem selja þúsundir platna, en það mæta bara
fimmtán manns. Hins vegar geturðu haldið
pönk-tónleika með óþekktu pönk-bandi í ein-
hverri lítilli holu og það mæta alltaf fimmtíu
manns. það er vegna þess að það hefur myndast
samfélag og samheldni í kringum þessa tónlist.
Það gerir manni kleift að sneiða framhjá því
sem er manni ekki til geðs. Hvort sem það er
hvar þú kaupir þér að borða eða kaupir þér
plötur, í rauninni allt. Það er hægt að búa til
sína eigin útgáfu af fullkomnum heimi og það er
það sem ég held að fólk eigi að gera. Hvað vill
maður fá meira út úr lífinu en að hafa það gott –
eða stefna alla vega að því að vera hamingju-
samur?“
Tónlist | Tónlistarmaðurinn Þórir sendi á dögunum frá sér sína aðra breiðskífu
Draumsýn anarkistans
Morgunblaðið/Brynjar Gauti
„Maður er vanur því að vera í pönkböndum þar sem allt er bara hækkað og svo talið í. “
Eftir Höskuld Ólafsson
hoskuldur@mbl.is
Þórir verður með útgáfutónleika í kvöld í
Iðnó. Tónleikarnir hefjast stundvíslega klukk-
an 21 en húsið verður opnað hálftíma fyrr.
Aðgangseyrir er aðeins 350 krónur.
Ný Íslensk heimildarmynd sem
hefur farið sigurför um heiminn
ENGINN
SLEPPUR
LIFANDI
FARÐU TIL
HELVÍTIS!
Sýnd kl. 5.30 B.i. 16 ára Sýnd kl. 5, 8 og 10.45 B.i. 12 ára
Africa United
S.V. Mbl.
TOPP5.is

Ó.H.T. Rás 2
S.k. Dv
hörku spennumynd frá
leikstjóra 2 fast 2 furious
og boyz´n the hood
Þeir voru leiddir í gildru...
nú þarf einhver að gjalda!
kl. 5.30, 8 og 10.20
Sýnd kl. 5.30, 8 og 10.20 B.i. 14 ára
Sýnd kl. 4 og 6
hörku spennumynd frá
leikstjóra 2 fast 2 furi-
ous og boyz´n the hood
Þeir voru leiddir
í gildru...
nú þarf einhver
að gjalda!
Sýnd kl. 5.45 og 10.30 bi. 16 ára

MBL
TOPP5.IS

Sýnd kl. 8 og 10.15 bi. 14 ára
Sýnd kl. 8

MMJ Kvikmyndir.com
Sýnd kl. 5, 8 og 10.40

MMJ Kvikmyndir.com

MBL
TOPP5.IS

Kóngurinn og Fíflið, XFM

VJV Topp5.is
Sjóðheit spennumynd með
ofurtöffaranum Paul Walker og
hinni stórglæsilegu Jessicu Alba.
Þetta var hið fullkomna frí
þangað til þau fundu fjársjóðinn!
Þetta var hið
fullkomna frí
þangað til
þau fundu
fjársjóðinn!
Miða sala opn ar kl. 15.30
Sími 564 0000
Sjóðheit spennumynd með ofurtöffaranum Paul
Walker og hinni stórglæsilegu Jessicu Alba.
Þetta var hið
fullkomna frí
þangað til
þau fundu
fjársjóðinn!
Sjóðheit spennumynd með
ofurtöffaranum Paul Walker og
hinni stórglæsilegu Jessicu Alba.
TOPP MYNDIN Á ÍSLANDI Í 2 VIKUR
TOPP MYNDIN Á ÍSLANDI Í 2 VIKUR
400 KR Í BÍÓ*