Morgunblaðið - 15.11.2005, Blaðsíða 41

MORGUNBLAÐIÐ ÞRIÐJUDAGUR 15. NÓVEMBER 2005 41
DAGBÓK
Árnaðheilla
dagbók@mbl.is
Nýtt námskeið fyrir konur, Þriðja skeið-ið, verður kennt á vegum Endur-menntunar Háskóla Íslands í byrjundesember. Leiðbeinendur á námskeið-
inu eru sálfræðingarnir Álfheiður Steinþórsdóttir
og Guðfinna Eydal.
„Fyrir tveimur árum kom út bók eftir okkur
Álfheiði, Í blóma lífsins, sem ætluð var fólki á
miðjum aldri. Meiningin var alltaf að fylgja bók-
inni eftir með námskeiði sem nú er orðið að veru-
leika,“ segir Guðfinna. „Sjálfar erum við á miðjum
aldri og sem sálfræðingar vinnum við mikið með
miðaldra fólki og vitum því vel hvers konar um-
breytingarskeið er um að ræða, hvernig fólki líður
á miðjum aldri og hvað það er að takast á við.“
Guðfinna segir þetta tímabil ævinnar hafa verið
nokkuð vanrækt af sálfræðingum: „Fólk lifir leng-
ur og hefur miðbik lífsins lengst að sama skapi.
Þetta er mjög merkilegt tímabil og spennandi:
fullt af tækifærum en oft mjög ögrandi og átaka-
mikið. Þetta æviskeið einkennist af miklum um-
brotum, uppgjörum og tímamótum í einkalífi og
starfi. Mikið sem fólk þarf að takast á við og mörg
hlutverk sem þarf að valda.
Þetta er um leið það þroskaskeið í lífinu þar
sem fólk er hvað best reiðubúið að öðlast dýpri
innri þroska, enda verða flestir meira og meira
uppteknir af því eftir því sem líður á ævina að
finna eigin tilgang í lífinu, skilja sjálfan sig betur
og styrkja tengsl við þá sem þeim þykir vænst
um. Til að geta gert þetta og verið sáttur þarf
maður gjarna að sjá samhengið í lífinu: hvernig
fortíð, nútíð og framtíð tengjast,“ segir Guðfinna.
Við þurfum að skilja hvernig fortíðin hefur mót-
að okkur, þurfum að lifa í núinu og njóta þess, en
einnig leggja á ráðin um hvernig við viljum nálg-
ast og móta framtíðina. Þetta er heilmikið verk-
efni að takast á við og til að vera í stakk búin til
þess þarf maður persónustyrk. Það er þessi styrk-
ur sem við viljum efla hjá konum á námskeiðinu
og hjálpa þeim að skoða eigin lífsskeið, leggja mat
á aðstæður í dag og gera endurmat ef þess er þörf
svo að hægt sé að nálgast framtíðina sáttur.“
Námskeiðið er haldið þrjú kvöld og byggist á
fyrirlestrum og verkefnavinnu. „Í verkefnunum
vinnur fólk með, eins og fyrr segir, fortíð sína, nú-
tíð og framtíð. Einstaklingarnir vinna stakir og
einnig í hópum. Það má kalla þetta „pæling-
arnámskeið“ þar sem einstaklingurinn skoðar
samhengið í lífinu og hvernig hann vill reyna að
hafa áhrif á stefnuna áfram. Hver og einn lítur á
hvaða hlutverkum hann er í, í lífinu í dag, hvort
hann er sáttur eða ósáttur, hverju hann myndi
vilja breyta, og hvernig.“
Námskeiðið verður kennt dagana 6., 8. og 13.
desember og er skráning hafin.
Námskeið | Endurmenntunarstofnun heldur námskeið ætlað konum á miðjum aldri
Að sjá samhengið í lífinu

Guðfinna Eydal lauk
embættisprófi í sál-
fræði frá Kaup-
mannahafnarháskóla
1975. Sálfræðingur við
sálfræðideild skóla í
Reykjavík 1976–78.
Sérfr. í klínískri sál-
fræði frá 1992 og hefur
auk kennslustarfa unn-
ið við Foreldraráðgjöf-
ina 1979–83 og við
rannsóknir á Heilsuverndarstöð Rvk. Sat í
Barnaverndarráði Ísl. 1979–83 og 91–02. Frá
2002 setið í kærunefnd barnaverndarmála.
Frá 1983 starfað við Sálfræðimiðstöðina.
Guðfinna er gift Agli Egilssyni eðlisfræðingi
og eiga þau þrjú uppkomin börn.
75 ÁRA afmæli. Í dag, 15. nóv-ember, verður 75 ára Gunnar
Guðbjörnsson, bifreiðastjóri, Sól-
eyjarima 11, Reykjavík. Hann og Þór-
dís kona hans taka á móti gestum á
heimili sínu eftir kl. 15 í dag.
80 ÁRA afmæli. Í dag, 15. nóv-ember, er áttræður Börkur
Benediktsson, bóndi í Núpsdalstungu,
Miðfirði í V-Hún. Eiginkona hans er
Sólrún Kristín Þorvarðardóttir.
Velvakandi
Svarað í síma 5691100 frá 10–12
og 13–15 | velvakandi@mbl.is
Breiðband, Síminn,
hvers eigum við frum-
notendurnir að gjalda?
ÉG hef gegnum tugi ára verið við-
skiptavinur þessa fyrirtækis og
verið með fyrstu mönnum sem
hafa tekið þátt í þeim nýjungum
og framþróun sem þar hefur orðið,
t.d. NMT, GSM, simnet.is, ADSL
og nú síðast breiðbandsnotandi frá
upphafi og búinn að fara í gegnum
allar 4 uppfærslurnar, hliðræna 2
sinnum og stafræna (digital) og er
á 3. kynslóð stafrænna afruglara
(myndbandslykill með upptöku).
Hef sem sagt stutt með besta
hætti framþróun um leið og hún
býðst. Mín furða byggist á því að
aldrei hefur verið haft samband
við mig fyrir þennan dygga stuðn-
ing og hef ég ekki tölu á hversu
margir klukkutímar hafa farið í
að bíða í 800 7000 gegnum tíðina
þegar allt var í hönk hjá breið-
bandinu.
Nú síðast var byrjað að bjóða
upp á Myndveitu gegnum breið-
band ADSL. En ég hef hvorki
heyrt hósta né stunu frá Síman-
um til mín um það hvernig ég
geti öðlast þennan möguleika
gegnum Sjónvarp um ljósleið-
ara.
Það er með ólíkindum hversu
ópersónulegt er að hringja í 800
7000 því að það virðist vera víggirt
fyrir alla ráðamenn Símans sem
hinir ágætu þjónustufulltrúar
verða að verja.
Svo er þetta allt að 20–40 mín-
útna biðtími að ná sambandi við þá
og ef sá er svarar getur ekki leyst
úr málinu er maður bara settur á
bið hjá einhverjum öðrum fulltrúa
sem þekkir til málsins og tekur þá
við nýr biðtími (ekki öfundsvert að
vera þjónustufulltrúi í 800 7000).
Sigurður Einarsson,
030355-4239.
Lyklakippa týndist í
Lágmúla
LYKLAKIPPA með 3 lyklum á
svartri leðuról týndist í Lágmúla í
síðustu viku. Skilvís finnandi hafi
samband ísíma 585 4000.
Morgunblaðið/Kristinn
Á HÁSKÓLATÓNLEIKUM á morg-
un flytja Kolbeinn Bjarnason,
flauta, Guðrún Óskarsdóttir, semb-
all, og Úlfar Ingi Haraldsson, hljóð-
stjórn verk eftir Úlfar Inga Har-
aldsson og Johann Sebastian Bach.
Tónleikarnir hefjast kl. 12.30.
Aðgangseyrir er 1000 kr., 500 kr.
fyrir aldraða og öryrkja en ókeypis
fyrir nemendur Háskóla Íslands.
Úlfar Ingi og Bach á
háskólatónleikum
Johann
Sebastian Bach
Úlfar Ingi
Haraldsson
Sýningu Einars lýk-
ur um næstu helgi
RÖNG dagsetning var á lokum sýn-
ingar Einars Hákonarsonar listmál-
ara í Listasetrinu Kirkjuhvoli á
Akranesi í upplýsingadálki um
myndlistarsýningar í Lesbók Morg-
unblaðsins síðastliðinn laugardag.
Rétt er að sýningunni lýkur nk.
sunnudag, 20. nóvember.
Beðist er velvirðingar á þessu
ranghermi.
LEIÐRÉTT
Sverrir Kristinsson lögg. fasteignasali
Traustur kaupandi óskar eftir húseign í Reykjavík með
8-15 íbúðum. Eignin þarf ekki að vera í góðu ástandi.
Staðgreiðsla í boði.
Nánari upplýsingar veitir Sverrir Kristinsson.
HÚSEIGN MEÐ MÖRGUM ÍBÚÐUM
ÓSKAST NÚ ÞEGAR.
ME‹FER‹ PERSÓNUUPPL†SINGA
Í FYRIRTÆKJUM
Mán. 17. okt og þri. 18. okt. kl. 8:30–17:00Kynntu flér máli› og skrá›u flig á endurmenntun.is
Ætla› starfsfólki fyrirtækja sem vinna me› persónuuppl‡singar.
Sverrir Kristinsson lögg. fasteignasali
Traustur kaupandi óskar eftir 270-350 fm
einbýlishúsi í Garðabæ. Staðgreiðsla.
Nánari upplýsingar veitir Sverrir Kristinsson.
EINBÝLISHÚS Í GARÐABÆ ÓSKAST
Fræðslufundur Minja og sögu verður haldinn fimmtudaginn 17. nóvember nk. í
fyrirlestrasal Þjóðminjasafns Íslands við Suðurgötu og hefst kl. 17.00.
Að þessu sinni flytur Guðjón Friðriksson sagnfræðingur fyrirlestur er hann nefnir
„Hannes Hafstein og konurnar“. Um þessar mundir er að koma út ævisaga
Hannesar eftir Guðjón er hann nefnir Ég elska þig stormur. Í fyrirlestri sínum
mun Guðjón ræða um konurnar í lífi Hannesar og áhuga hans og forgöngu fyrir
kvenréttindum.
Að loknum fyrirlestri mun Guðjón svara fyrirspurnum.
Félagsmenn eru hvattir til að mæta og taka með sér gesti. Allir velkomnir.
Ókeypis aðgangur.
Stjórnin.
Fræðslufundur Minja og sögu
Ég elska þig stormur -
Hannes Hafstein og konurnar
Fyrirlesari: Guðjón Friðriksson