Morgunblaðið - 15.11.2005, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 15. NÓVEMBER 2005 VERÐ Í LAUSASÖLU 220 KR. MEÐ VSK.
NÆR samfelldur hlýr
veðurfarskafli, sem
hófst síðla vetrar 2002
og stóð til loka síðasta
vetrar, virðist greini-
lega vera á enda, seg-
ir Einar Sveinbjörns-
son, veðurfræðingur á
Veðurstofu Íslands.
Frá mars 2002 til
og með september 2004 mældist 31 mán-
uður í röð með hita yfir meðallagi í
Reykjavík. Maímánuður á þessu ári mæld-
ist marktækt undir meðallagi í Reykjavík
og hefur sú þróun að einhverju leyti haldið
áfram því september og október mældust
um 1–1,5 gráður undir meðallagi.
Segir Einar að hafísinn sem barst inn á
norðurmiðin í mars á þessu ári hafi eitt-
hvað með þetta kólnandi veðurlag að gera.
Hafís í þessum mæli hafi ekki sést lengi og
þó svo að hafísinn hafi ekki orðið land-
fastur eins og gerðist gjarnan áður fyrr
náði hann að kæla niður yfirborðssjóinn
fyrir norðan og austan land í sumar. | 8
Samfelldur
hlýr veðurfars-
kafli á enda
KARLMAÐUR um fertugt lést eftir að hann
féll um 16 metra af þaki kerskála álversins í
Straumsvík síðdegis í gær. Maðurinn var
starfsmaður verktakafyrirtækis sem vann að
því að endurnýja þakklæðningu á kerskál-
anum.
Málið er rannsakað af lögreglunni í Hafn-
arfirði og Vinnueftirlitinu. Að sögn lögreglu
barst tilkynning um slysið klukkan 14:37.
Talið er að maðurinn hafi látist samstundis.
Samkvæmt upplýsingum frá Alcan var mað-
urinn ásamt öðrum að vinna á þaki kerskála 1
þegar slysið varð. Kerskáli 1 stendur fjærst
Reykjanesbraut af kerskálunum þremur.
Lést eftir fall
af kerskála
í Straumsvík
FORYSTUMENN verkalýðshreyfingar-
innar og atvinnurekenda eru bjartsýnir á að
niðurstaða náist í forsendunefnd fyrir mið-
nætti í kvöld og reikna báðir með að rík-
isstjórnin þurfi að koma að málinu. For-
sendunefndin fundaði í gær og að sögn
Grétars Þorsteinssonar, forseta ASÍ, mið-
aði viðræðunum áfram og í viðtali við Morg-
unblaðið í gær sagðist hann vera bjartsýnni
en áður á að aðilar komist að samkomulagi.
„Það hefur miðað áfram í dag [í gær] og það
eykur líkurnar á að menn nái saman.“
Hann sagði það liggja fyrir að rætt verði
við ríkisstjórnina. „Þar hafa menn ekki
gengið frá neinu og það er með hefðbundn-
um hætti, ríkisstjórnin er yfirleitt ekki til í
að spila út því sem hún vill spila út fyrr en
líkur eru á að aðilar séu að ná saman. Það
reynir á það á morgun [í dag].“
Hafa frest til miðnættis
Viðræðuaðilar hafa frest til miðnættis í
kvöld til að ná samkomulagi, en gangi það
ekki eftir eru forsendur samninga brostnar
og verkalýðsfélögin öðlast rétt til að segja
upp samningum fyrir 10. desember nk.
Ari Edwald, framkvæmdastjóri Samtaka
atvinnulífsins, tók í sama streng og Grétar
og sagðist bjartsýnn. „Ég tel horfurnar
vera þokkalegar. Ég hef nú reyndar alltaf
vonast til þess að þetta myndi nást. Það
liggur aldrei endanlega fyrir fyrr en það er
endanlega búið. Þeim punkti er ekki náð en
mér finnst þetta hafa mjakast í rétta átt.“
Bjartsýnir á
að samkomu-
lag náist
HÁSKÓLI Íslands stendur vel í
samanburði við aðra evrópska há-
skóla í kennslu og rannsóknum, en
stendur þeim flestum þó langt að
baki fjárhagslega, að sögn Tove
Bull, formanns nefndar á vegum
Samtaka evrópskra háskóla. Sam-
tökin luku nýlega við úttekt á rann-
sóknastarfi, kennslu og stjórnun
HÍ og kynnti Tove skýrsluna í gær.
Fram kom í máli Kristínar Ingólfs-
dóttur, rektors HÍ, að skólinn hefði
sett sér það markmið að fimmfalda
á næstu fimm árum fjölda doktors-
nema sem skólinn útskrifaði á
hverju ári.
Tove sagði helstu niðurstöður
úttektarinnar þær að HÍ væri al-
þjóðlegur, hágæða skóli og að jafnt
magn sem gæði rannsóknarstarfs
hans væri eftirtektarvert. Hún
benti á að skólinn stæði þrátt fyrir
þetta frammi fyrir stórum verkefn-
um og áskorunum samkvæmt
skýrslunni. Það væri staðreynd að
HÍ fengi ekki nægt fjármagn til að
sinna sínum verkefnum.
Kristín Ingólfsdóttir, rektor Há-
skóla Íslands, sagði skólann hafa
sett sér það markmið að á næstu
fimm árum yrði byggður upp rann-
sóknaháskóli eða vísindastofnun í
fremstu röð slíkra stofnana í ná-
grannalöndum okkar. Tilgangur-
inn væri að tryggja stöðu Íslands
sem þekkingarsamfélags og
treysta samkeppnisstöðu landsins.
Kristín sagði að eitt það mark-
mið sem skólinn hefði sett sér væri
að ná á næstu fimm árum að fimm-
falda fjölda þeirra doktorsnema
sem skólinn útskrifaði á hverju ári.
Hún sagði þetta mikilvægt því
gæði evrópskra og bandarískra há-
skóla væru jafnan metin í árangri í
vísindavinnu.
Þorgerður Katrín Gunnarsdóttir
menntamálaráðherra óskaði Há-
skóla Íslands til hamingju með þá
heildarútkomu sem hann hefur
fengið í þremur nýlegum úttektum
á starfsemi hans.
Tæki til að efla HÍ enn frekar
Ráðherra sagði að HÍ hefði nú
fengið það svigrúm að tvöfalda
fjölda meistara- og doktorsnema.
Úttektir sem gerðar hefðu verið á
skólanum yrðu nú notaðar sem
tæki til að efla HÍ enn frekar.
„Stjórnvöld eru reiðubúin að fara í
þessa vinnu með Háskóla Íslands,“
sagði Þorgerður.
Háskóli Íslands talinn standa framarlega en fjármagn sé ekki nægilegt
Stefnt að því að fimm-
falda fjölda doktorsnema
Eftir Sunnu Ósk Logadóttur
sunna@mbl.is
 Hágæðaskóli | Miðopna
ÞESSIR líflegu óskilakettir
brugðu á leik í Kattholti í gær en
um 120 óskilakettir fá nú húsa-
skjól þar. Í nýrri samþykkt Um-
hverfisstofu um kattahald í
Reykjavík er eigendum gert skylt
að örmerkja ketti sína svo fækka
megi óskilaköttum í borginni.
Verður hver köttur merktur
fimmtán stafa tölu til að auðveld-
ara verði að hafa upp á eigand-
anum ef kötturinn týnist. | 8
Morgunblaðið/RAX
Brugðið á leik í Kattholti
„ÞETTA var hreint ótrúleg uppákoma og þess-
um mönnum til vansa,“ sagði Hannes Karlsson,
formaður handknattleiksdeildar KA, um atvik
sem upp kom í KA-heimilinu eftir seinni Evrópu-
leik KA og Mamuli Tbilisi frá Georgíu á laug-
ardag. Leikmenn Mamuli fóru í búningsklefa,
sem leikmenn 2. og 3. flokks ÍR höfðu til afnota
og stálu frá þeim ýmsum varningi. Þetta kom í
ljós skömmu eftir að rútan sem flutti Georgíu-
mennina suður til Keflavíkur lagði af stað frá Ak-
ureyri og var henni snúið við í Öxnadalnum.
„Við urðum varir við að þessir menn voru að
fara inn í klefann sem ÍR-ingarnir höfðu til af-
nota og gerðum við það athugasemdir. Það kom
svo í ljós að ýmsar eigur strákanna höfðu horfið.
Við snerum rútunni við, fengum lögreglu á svæð-
ið og við leit í farangri mannanna fannst þýfið að
mestu.“ Að sögn Hannesar þóttust hinir erlendu
leikmenn ekkert vita, en að þeir hefðu verið frek-
ar kjánalegir þegar þýfið fannst í farangri
þeirra.
Stálu öllu verðmætu sem þeir náðu í
„Eftir að í ljós kom hvað þarna hafði gerst,
kom ekki annað til greina en að snúa rútunni við
og sem betur fer voru þeir ekki komnir lengra.“
Hannes sagði að mennirnir hefðu stolið öllu
verðmætu sem þeir náðu í, m.a. MP3 spilurum,
geislaspilurum, geisladiskum, snyrtivörum og
fatnaði frá gestunum úr Breiðholti, sem voru að
keppa við jafnaldra sína í KA.
Eftir að búið var að ná flestu því til baka sem
mennirnir höfðu tekið, héldu þeir för sinni áfram
til Keflavíkur og til síns heima með flugi. Eftir
seinni leikinn bauð KA gestunum frá Georgíu til
veislu, þar sem menn hefðu m.a. skipst á gjöfum,
að sögn Hannesar. „Og svo launa þeir okkur með
þessum hætti, sem er alveg með ólíkindum.“
Spurður um frekari eftirmál sagði hann að það
væri nú til skoðunar hjá stjórn deildarinnar. „Við
munum senda skýrslu til EHF, bæði hvað varðar
handboltaleikina og þessa uppákomu í framhald-
inu. Leikirnir voru þessu félagi til vansa og það
sást strax að leikmennirnir kunnu varla að kasta
á milli sín bolta.“ Hannes sagði að leikmenn KA
bæru að mestu leyti sjálfir fjárhagslega ábyrgð á
þátttöku sinni í Evrópukeppni og hefðu lagt á sig
mikla vinnu. Hann er þess fullviss að KA fái
verðugri andstæðing í næstu umferð.
Leikmenn Mamuli Tbilisi gerðust fingralangir í KA-heimilinu
Stálu varningi frá ungum ÍR-ingum
Eftir Kristján Kristjánsson
krkr@mbl.is
 Ekki nein skemmtun | C2
♦♦♦
♦♦♦