Morgunblaðið - 13.12.2005, Qupperneq 10
10 ÞRIÐJUDAGUR 13. DESEMBER 2005 MORGUNBLAÐIÐ
FRÉTTIR
STEFÁN Reynir Krist-
insson, framkvæmda-
stjóri Spalar ehf., lést á
Landspítalanum 10. des-
ember síðastliðinn, sex-
tugur að aldri.
Stefán fæddist í
Reykjavík 20. september
árið 1945. Foreldrar
hans voru Kristinn Stef-
ánsson, áfengisvarna-
ráðunautur og fríkirkju-
prestur í Hafnarfirði, f.
22. nóvember 1900 og
Dagbjört Jónsdóttir hús-
mæðrakennari, f. 20.
september 1906.
Stefán Reynir varð stúdent frá
Menntaskólanum í Reykjavík 1966.
Hann stundaði nám í stærðfræði og
hagfræði við University of Sheffield í
Englandi 1966 til 1967 og lauk kandi-
datsprófi í viðskiptafræði frá Háskóla
Íslands 1971. Hann var viðskiptafræð-
ingur hjá Rafmagnsveitu Reykjavíkur
frá 1971 til 1973 og hjá hagfræðideild
Reykjavíkurborgar frá 1973–1976.
Hann starfaði hjá Flugleiðum 1977–
1980, fyrst sem innri endurskoðandi og
síðan fjárreiðustjóri.
Stefán Reynir sat í
stjórn Marels hf. frá
1983–’87. Hann var fjár-
málastjóri Íslenska járn-
blendifélagsins á Grund-
artanga 1981–1998.
Stefán Reynir var
einn af stofnendum
Spalar ehf., félags um
gerð og rekstur jarð-
ganga undir Hvalfjörð.
Hann var fulltrúi Járn-
blendifélagsins í fyrstu
stjórn félagsins og sat í
stjórn Spalar þar til
hann tók við starfi framkvæmdastjóra
Spalar 1. mars 1998. Því starfi gegndi
hann til æviloka. Hann tók þátt í öllu
samningaferli fyrir hönd Spalar og átti
drjúgan þátt í því að unnt var að semja
formlega um gerð Hvalfjarðarganga í
febrúar 1996.
Stefán Reynir var kvæntur Guðríði
Þorsteinsdóttur, lögfræðingi og skrif-
stofustjóra í heilbrigðis- og trygginga-
málaráðuneytinu. Dóttir þeirra er
Ingibjörg Stefánsdóttir verkefnastjóri
hjá Mími símenntun.
Andlát
STEFÁN REYNIR
KRISTINSSON
„VIÐ bíðum nú eftir formlegu svari
frá launanefnd sveitarfélaga,“ segir
Björg Bjarnadóttir, formaður Fé-
lags leikskólakennara (FL), en
nefndin mun funda á morgun. „Í
ljósi þess að launanefndin á eftir að
funda um málið finnst mér ein-
kennilegt að borgarstjóri skyldi
koma með jafn afdráttarlausar yf-
irlýsingar fyrir þennan fund,“ segir
Björg og tekur fram að af við-
brögðum frá sínum félagsmönnum
að dæma séu yfirlýsingar Stein-
unnar Valdísar Óskarsdóttur borg-
arstjóra í Morgunblaðinu í gær til
þess gerðar að gera fólk enn reiðara.
„Það má segja að það sjóði á fólki,“
segir Björg. Fundur verður í
Reykjavíkurdeild FL nk. miðviku-
dag þar sem farið verður yfir stöð-
una og rætt um gildi menntunar.
Árs bið of löng
FL sendi í síðustu viku formlegt
erindi til launanefndar sveitarfélaga,
sem fer með samningsumboð
Reykjavíkurborgar gagnvart FL,
þar sem óskað var eftir viðræðum
um breytingar á
launum leikskóla-
kennara á grund-
velli bókunar í
kjarasamningi.
Bendir Björg á að
í bókun um kjara-
samning leik-
skólakennara fel-
ist að hægt sé að
óska viðræðna
um endurskoðun hans ef breytingar
verða á launum annarra starfs-
manna leikskóla sem sinna sam-
bærilegum störfum og leikskóla-
kennarar og áhrif hafa á launa-
viðmiðun í kjarasamningi þeirra.
„Við teljum að þessi bókun sé nú
orðin virk. Mér finnst borgarstjóri
hins vegar tala eins og hún átti sig
ekki á þessari bókun sem er í kjara-
samningi okkar. Með yfirlýsingu
sinni í dag [mánudag] virðist mér
borgarstjóri vera að segja að fé-
lagsmenn okkar eigi að bíða í heilt ár
og vera á lægri launum en aðrir hóp-
ar í heilt ár og það er eitthvað sem
ég held að okkar fólk eigi afar erfitt
með að sætta sig við, svo ekki sé nú
sterkar til orða tekið.“ Björg mót-
mælir þeim orðum borgarstjóra að
langstærstur hluti ófaglærðra muni
áfram verða með lægri laun en fag-
menntaðir leikskólakennarar. „Eftir
því sem ég kemst næst eru á bilinu
100–150 félagsmenn Starfsmanna-
félags Reykjavíkurborgar sem
starfa inni á leikskólum. Þeir eru all-
ir réttindalausir, en eru á 25–30 þús-
und króna hærri launum en fé-
lagsmenn FL. Það er því ekki rétt,
eins og borgarstjóri gefur í skyn, að
þetta séu aðeins örfáir einstaklingar
sem séu á hærri launum. Hins vegar
finnst mér þessi hártogun um það
hvort þetta séu fáir eða margir í
raun algjört aukaatriði. Aðalatriðið
finnst mér vera viðhorfið sem birtist
í orðum borgarstjóra gagnvart
menntun. Við héldum í sakleysi okk-
ar að það væri almennt sátt um það í
samfélaginu að menntun væri einn
af þáttum sem lægi til grundvallar
við ákvörðun launa,“ segir Björg.
Hjá Starfsmannafélagi Reykja-
víkur fengust þær upplýsingar að
samtals starfi um 180 félagsmenn á
leikskólum, þar af um 40 mat-
reiðslumenn, en restin séu háskóla-
menntað fólk, bæði kennarar,
þroskaþjálfarar og fólk með BA-próf
í sál- eða uppeldisfræði.
Formaður FL undrast yfirlýsingar borgarstjóra
Kennaramenntun
sýnd lítilsvirðing
Eftir Silju Björk Huldudóttur
silja@mbl.is
Björg Bjarnadóttir
FÉLAG grunnskólakennara hef-
ur einnig óskað eftir því við
launanefnd sveitarfélaga að þeg-
ar verði hafnar viðræður um
breytingar á launum grunn-
kólakennara á grundvelli grein-
ar í kjarasamningi, en hún hljóð-
ar svo að aðilar skuli taka upp
viðræður fyrir 1. september
2006 og meta hvort breytingar á
skólakerfinu eða almenn efna-
hags- og kjaraþróun gefi tilefni
til viðbragða. „Við teljum að þær
miklu breytingar sem orðið hafa
í efnahags- og kjaraþróun að
undanförnu virki þetta ákvæði
kjarasamnings okkar,“ segir
Ólafur Loftsson, formaður Fé-
lags grunnskólakennara, og tek-
ur fram að hann eigi ekki von á
öðru en að launanefndin taki vel
í beiðni félagsins um viðræður.
Aðspurður segir Ólafur ósk
um viðræður ekki sérstaklega
tilkomna vegna nýgerðs kjara-
samnings Reykjavíkurborgar við
Eflingu og Starfsmannafélag
Reykjavíkurborgar. „Við erum
að horfa á marga aðra þætti,
m.a. verðbólgu á þessum tíma
sem verið hefur og hækkanir á
launalið samninga. Þannig að
nýgerður
samningur
Reykjavík-
urborgar er
þar ekkert úr-
slitaatriði,“
segir Ólafur og
tekur fram að
hann sé ósam-
mála borg-
arstjóra um að
hægt sé að hreyfa við launum
eins hóps inni í bæði leik- og
grunnskólum þar sem margar
stéttir starfi hlið við hlið, án þess
að það geti haft áhrif á aðra
hópa. „Það er óskynsamlegt að
leiðrétta einn og skilja annan
eftir,“ segir Ólafur, en tekur
undir með borgastjóra að mik-
ilvægt sé að ná þjóðarsátt um
hækkun lægstu launa, sem sé yf-
irleitt að finna í kvennastéttum.
„Kennarastéttin er að mestu
leyti líka kvennastétt. Það hlýtur
því að vera markmið borg-
arstjóra til lengri tíma litið að
hækka laun allra þessara stétta.
Enda ljóst að gera þurfi eitthvað
róttækt í launamálum stéttanna
sem vinna við umönnunar- og
uppeldisstörf,“ segir Ólafur.
Efnahags- og kjara-
þróun gefur tilefni
til endurskoðunar
Ólafur Loftsson
FJÓRTÁN ára íslensk stúlka, Ingi-
björg Ólöf Benediktsdóttir, var
fulltrúi Íslands á evrópskri verð-
launahátíð í París á föstudaginn. Á
hátíðinni var ný bók, Tales from the
Cyber-Kingdom of Internet kynnt,
en hún inniheldur verðlaunasögur
um Netið og örugga netnotkun. Sög-
urnar eru eftir grunnskólanema frá
sextán Evrópulöndum, á ensku og
móðurmálunum.
Íslenska sagan, Undarlegir at-
burðir, er eftir Ingibjörgu en hún
hlaut fyrstu verðlaun í hópi 13-16
ára höfunda í sögusamkeppni SAFT
fyrr á þessu ári. SAFT er vakning-
arverkefni á vegum Heimilis og
skóla – landssamtaka foreldra, um
jákvæða og örugga notkun barna og
unglinga á Netinu og tengdum miðl-
um. Ingibjörg er nemandi í Varma-
landsskóla í Borgarfirði, en Fríða
Theodórsdóttir, í Klébergsskóla á
Kjalarnesi, hlaut fyrstu verðlaun í
aldursflokknum 9-12 ára. Sögu-
samkeppninni var hleypt af stokk-
unum á Alþjóðlega netöryggisdag-
inn 8. febrúar síðastliðinn, í átján
löndum auk Íslands.
Til verðlaunahátíðarinnar komu
sautján börn og styrkti Microsoft
þau til að koma til Parísar, ásamt
einum forráðamanni, í tvo daga. Á
hátíðinni fengu börnin viðurkenn-
ingu frá Horst Forster, yfirmanni á
sviði upplýsingasamfélagsins hjá
Evrópusambandinu og voru þeim af-
hent fyrstu eintök bókarinnar. For-
mála hennar ritar Viviane Reading,
framkvæmdastjóri Evrópusam-
bandsins í málefnum upplýsinga-
samfélagsins. Eftir hátíðina fóru
börnin upp í ljósum skreyttan Eif-
felturninn og daginn eftir fóru þau í
skemmtigarðinn Euro-Disney
skammt fyrir utan París.
Fjórtán ára fulltrúi Íslands í París
Ingibjörg Ólöf Benediktsdóttir og móðir hennar, Sigríður Ævarsdóttir.
VIKULEGUR vinnutími lækna í
starfsnámi verður styttur í áföng-
um, samkvæmt lagafrumvarpi sem
samþykkt var á Alþingi fyrir helgi.
Með lögunum, sem öðlast þegar
gildi, er stefnt að því að meginregla
vinnutímatilskipunar Evrópusam-
bandsins um 48 klukkustunda viku-
legan hámarksvinnutíma muni einn-
ig gilda um lækna í starfsnámi frá
og með 1. ágúst 2009.
Formaður Félags unglækna,
Bjarni Þór Eyvindsson, gerir ráð
fyrir því að fjölga þurfi stöðum ung-
lækna, á sjúkrahúsum landsins, á
næstu árum, vegna breytinganna,
þ.e. þannig að þeim hafi fjölgað um
fjörutíu, þegar lögin koma að fullu
til framkvæmda. Það þýði um 150
til 160 milljóna króna útgjaldaauka
fyrir ríkissjóð.
Umrætt lagafrumvarp fól í sér
breytingar á lögum um aðbúnað,
hollustuhætti og öryggi á vinnu-
stöðum. Í þeim lögum er kveðið á
um að hámarksvinnutími starfs-
manna á viku skuli ekki vera um-
fram 48 klukkustundir að meðaltali
á hverju fjögurra mánaða tímabili.
Ákveðnar starfsstéttir, þ.á m.
læknar í starfsnámi, eru þó und-
anþegnar þessu ákvæði. Með ný-
samþykktu lagafrumvarpi falla þær
undanþágur hins vegar úr gildi, í
áföngum.
Hámarksvinnutími 58 klukku-
stundir á viku fyrst um sinn
Frá gildistöku nýju laganna og
fram til 31. júlí 2007 skal hámarks-
vinnutími lækna í starfsnámi, að yf-
irvinnu meðtalinni, ekki vera um-
fram 58 klukkustundir að meðaltali
á hverju fjögurra mánaða tímabili.
Frá 1. ágúst 2007 til 31. júlí 2009
skal hámarkið verið 56 klukku-
stundir á viku. Og frá 1. ágúst 2009
skal hámarkið vera 48 klukkustund-
ir á viku, eins og áður sagði.
Í skýringum með lagafrumvarp-
inu er hugtakið „læknar í starfs-
námi“ skilgreint annars vegar sem
læknakandídatar sem hafa lokið
læknaprófi en eru ekki komnir með
lækningaleyfi og hins vegar sem
læknar sem starfa í stöðum sem
auglýstar eru sérstaklega sem
námsstöður vegna sérnáms.
Læknar í starfsnámi
Vinnutíminn verður
styttur í áföngum
VERKEFNASTÝRUR Baráttuárs
kvenna 2005 hafa sent forsætisráð-
herra yfirlýsingu vegna heillaóska-
skeytis sem sent var Unni Birnu Vil-
hjálmsdóttur þegar hún var kjörin
ungfrú heimur. Segir þar meðal
annars að deildar meiningar séu um
ágæti fegurðarsamkeppna meðal
þegna landsins. Fegurðarsam-
keppnir ýti undir einhæfar staðal-
ímyndir um útlit og hlutverk kvenna
í samfélaginu. Með því að senda
heillaóskaskeyti í nafni þjóðarinnar
allrar geri forsætisráðherra lítið úr
þeirri kröfu að konur séu metnar að
verðleikum en ekki eftir ytra útliti.
Þá segir að heillaóskaskeytið sé
tímaskekkja á þrjátíu ára afmæli
kvennaárs SÞ og að nýloknum
kvennafrídegi þar sem um 60 þús-
und konur greiddu jafnrétti atkvæði
sitt um allt land. Rósa Erlingsdóttir,
verkefnisstjóri hjá Rannsóknastofu í
kvenna- og kynjafræðum við Há-
skóla Íslands og stjórnarformaður
UNIFEM á Íslandi, segir að umfjöll-
un fjölmiðla um keppnina hafi komið
sér á óvart. „Bæði Morgunblaðið og
RÚV hafa komið mér verulega á
óvart með því að fjalla svona ít-
arlega um þetta, bæði að frétt um
keppnina hafi verið miðopnugrein í
Morgunblaðinu í dag [gær] og fyrsta
frétt hjá fréttastofu útvarps og sjón-
varps á laugardaginn. Mér finnst
þetta jaðra við að vera hallærislegt
því í öðrum Evrópulöndum er ekk-
ert fjallað um þetta. Það er ekki
nema gula pressan sem fjallar um
keppnina því fjölmiðlar treysta sér
ekki til þess að fjalla um þetta.“
Telja heilla-
óskaskeyti
tímaskekkju
ALÞINGI samþykkti í síðustu viku
beiðni Jóhanns Ársælssonar, þing-
manns Samfylkingarinnar, og fleiri
þingmanna um að fjármálaráð-
herra, Árni M. Mathiesen flytti
þinginu skýrslu um viðskipti með
aflaheimildir á síðustu fjórum ár-
um. Í skýrslunni á m.a. að koma
skýrt fram hvaða viðskiptahættir
hafi tíðkast með aflahlutdeildir og
aflamark og hvernig skattalega
meðferð verðmæti hafi fengið í
þeim viðskiptum.
Vilja skýrslu um
viðskipti með
aflaheimildir