Morgunblaðið - 15.12.2005, Blaðsíða 59

MORGUNBLAÐIÐ FIMMTUDAGUR 15. DESEMBER 2005 59
MENNING
Þessi mynd er blaut, ég mál-aði hana í gær. Maðurverður að hreyfa sig eitt-
hvað,“ segir Eggert Magnússon
og tekur nýja mynd upp af borði
við gluggann; hún sýnir Ayers
Rock – fjallið helga í Ástralíu.
Þessi hógværi listamaður hefur
um árabil verið einn kunnasti
sjálfmenntaði listmálari Íslend-
inga, einn svokallaðra einfara í
myndlistinni, og hefur hann með
árunum eignast dyggan hóp aðdá-
enda. Hann hóf að mála um 1960
en hefur sinnt því af krafti eftir
að hann hætti að vinna.
Í mars síðastliðnum varð Egg-
ert níræður en þrátt fyrir háan
aldur heldur hann áfram að skapa
ný verk heima í íbúð sinni í Sel-
ásnum. Og þessa dagana stendur
yfir einkasýning hans, í Gerðu-
bergi, en þar sýnir hann 36 mál-
verk og nefnist sýningin „Ungur
undir silfurhærum“. Í litskrúð-
ugum verkunum málar Eggert
gamlar minningar, eins og frá
þeim tíma er hann starfaði í Afr-
íku; þarna eru myndir af eld-
gosum, af hvölum, rostungum,
maður á sjóbretti, myndir af for-
feðrum listamannsins, ein af hon-
um fimmtugum með páskaegg og
önnur af Spánarkonungi.
„Ég reyni að vera duglegur –
ég hef svolítið verið að lagfæra
myndir. Ætli þetta verði ekki síð-
asta sýningin, ég veit það ekki.
Það heldur í manni lífinu að gera
eitthvað.“
  
Eggert hefur alla tíð farið eig-in leiðir. Fyrst þegar við
hittumst, fyrir tæpum tuttugu ár-
um, var hann búinn að koma sér
fyrir í þjónustuíbúð fyrir aldraða
á Seltjarnarnesi. Þar bjó hann þó
ekki lengi, heldur keypti sér íbúð
í Laugarnesinu og útskýrði flutn-
inginn með fáum orðum: „Þessar
íbúðir úti á Nesi voru bara fyrir
gamalt fólk.“ Og Eggert er enn
ungur í anda en lítur samt yfir
farinn veg í myndunum og neitar
því ekki að þær segi margar sög-
ur.
„Sumt af þessu eru gamlir at-
burðir úr lífi mínu. Þarna eru líka
myndir af eldgosum, í Heklu og
við Napolí; ég hef gaman af að
skoða jökla og eldgos. Ég fór með
hópi á Skeiðarársand eftir hlaupið
um árið. Þar voru miklir jakar
sem fóru fram sandinn. Ein mynd-
in á sýningunni, „Kona á Skeið-
arársandi“, er minning frá þeirri
ferð. Það er sagt að þessir jakar
hverfi ofan í
sandinn og þeir
gera hann erf-
iðan yfirferðar –
en það er langt á
milli hlaupa.“
Þrátt fyrir að
hafa yndi af
ferðalögum og
sögum frá fjar-
lægum deildum
jarðar er Eggert
Reykvíkingur í
húð og hár; faðir
hans var frá
bænum Breið-
holti sem hverfið
er kennt við í
dag.
„Já, ég er ætt-
aður frá Breið-
holti og Hólmi
hér fyrir utan
borgina; Val-
gerður móð-
uramma mín var
frá Miðdal, systir
Einars bónda,“
en hann var fað-
ir Guðmundar myndlistarmanns
og afi Errós. „Faðir minn byggði
svo á Þvottalaugabletti 11 í Laug-
ardalnum, þar sem var svo Engja-
bær. En það er langt síðan hann
var rifinn.
Við ólumst þar upp 12 systkinin,
11 eru enn lifandi, og ég er næst-
elstur.“
Hann segist stundum fara á
æskuslóðirnar í Laugardal, þar
sem nú er Grasagarðurinn.
„Þetta hefur breyst,“ segir
hann. „Ég fór mikið í þvottalaug-
arnar með móður minni, það var
gott að vera nálægt þvottalaug-
unum. Fransmenn, skútukarlar,
komu talsvert þangað,“ segir Egg-
ert og greinilegt að honum hefur
þótt forvitnilegt að sjá þessi andlit
frá öðrum löndum.
  
Þrátt fyrir að langt sé úr Sel-ásnum niður í miðbæ má iðu-
lega sjá Eggert á röltinu á Lækj-
artorgi. Hann segir það þó af
hálfgerðri neyð. „Ég verð að fara
til að kaupa mér mjólk og brauð.
Hér er engin verslun, ég verð að
taka vagn á Lækjartorg til að
kaupa mér mat, þar er verslun hjá
Landsbankanum. Og nú á að fara
að flytja hverfisbankann á Klett-
háls,“ segir hann argur. „Það er
ennþá verra fyrir mig – þar er
engin matvöruverslun. Ég verð að
fara fimm sinnum lengri leið til að
kaupa í matinn.“
Eggert segist lítið hafa ferðast
síðustu árin en hann nýtur þess þó
á sumrin að fara í rútuferðir, eins
og um Reykjanes og til Þingvalla.
Árið 1950 starfaði hann um hríð í
Afríku, í Gambíu, á vegum Ný-
lendudeildarinnar í London.
„Það var varla vært fyrir mosk-
ítóflugum,“ segir hann. „Það
þurfti að fara með kúst á borðin
og sópa þeim burtu til að koma
matardiskunum fyrir. Þetta eru
blóðsugur með 8 mm sting …“
Hann hryllir sig við tilhugsunina.
„Við vorum að veiða hákarl í net
þarna og suðum hann í hænsna-
fóður. Það var síðan notað á
staðnum. Þetta voru minni hákarl-
ar en hér, svona einn og hálfur
metri, soðinn upp úr sjó og þurrk-
aður á eftir.“
Eggert hefur oft sótt sér mynd-
efni í minningar frá Afríku, á sýn-
ingunni nú eru myndir af ljónum í
Gambíu.
„Ströndin þarna heitir Ljóna-
strönd, eftir Ljónafjallinu sem er
skammt frá.
Það var mikið um ljón þarna áð-
ur en lítið eftir af villidýrum nú-
orðið. En Ljónafjallið er þarna.“
  
Þegar gengið er inn á sýn-inguna blasir við klassíkt ís-
lenskt myndefni, Flosagjá á Þing-
völlum, stórt málverk.
„Myndir frá Þingvöllum eru
alltaf vinsælar,“ segir Eggert –
enda seldist þetta verk strax. „En
þarna er annað stórt verk óselt, af
Heklugosi, það er mitt síðasta
stóra verk. Annað fór til Ameríku
á dögunum, af Markhól í Heið-
mörk, frægur amerískur ljós-
myndari keypti það. Faðir minn
markaði oft lömb þar á vorin;
hann markaði og gelti vorgeld-
inga þar á fimm mínútum. En
Þingvellir eru svo litríkir og bera
svo mikla sögu, frá gamalli tíð.
Það er ekki furða að myndir það-
an séu vinsælar.“
Annað verk sýnir Spánarkon-
ung. „Og Vigdís forseti er þarna
með honum,“ segir Eggert. „Hún
er skyld mér, hún er af Mið-
dalsættinni. Það er þónokkur list í
fjölskyldunni. Valgerður systir
mín er góð að teikna og Hrefna
systir mín líka. Þær hafa hins veg-
ar ekki sýnt neitt að ráði.“ Það er
aftur á móti langt síðan Eggert
fór að sýna sín verk. „Það er and-
skoti langt síðan ég byrjaði – ég
hef haldið margar sýningar. Og
nú er ég orðinn nokkuð gamall –
en ég er rólfær.
Ég hafði svo lítinn lífeyr-
issparnað, ég gat drýgt tekjurnar
með því að mála,“ segir Eggert
um það hvað hafi hvatt hann
áfram við listsköpunina. „Það er
mikil verðbólga núna; sjóðvitlaust
allt.“
Hann segist hafa gaman af því
að vita að verkin sín gleðji fólkið
sem á þau. „Það er skemmtilegt
þegar svo margir vilja eiga verk
sér til ánægju.“ Og hann segir að
myndefnin og litirnir komi auð-
veldlega til sín. „Ég reyni oft að
hafa þrjá aðalliti í verkunum en
annars er þetta bara í manni.“
Var varla vært fyrir moskítóflugum
’Ég reyni að vera dug-legur – ég hef svolítið
verið að lagfæra mynd-
ir. Ætli þetta verði ekki
síðasta sýningin, ég veit
það ekki. Það heldur í
manni lífinu að gera
eitthvað.‘
AF LISTUM
Einar Falur Ingólfsson
Morgunblaðið/Einar Falur
„Það er þónokkur list í fjölskyldunni,“ segir Eggert
Magnússon sem er hér með nýtt málverk af ömmu
sinni, Hrefnu Norðdahl.
efi@mbl.is
www.uppheimar.is
Paul McCartney, Geoff Dunbar, Philip Ardagh
Kristín Thorlacius þýddi
Paul McCartney haslar sér völl á nýju sviði.
Spennandi, fyndin og hröð atburðarás þessa ríkulega mynd-
skreytta ævintýris á eftir að gleðja börn á öllum aldri.
Paul McCartney
UPPI Í
SKÝJUNUM
Hraungörðum 2-4,
Hafnarfirði, sími 565 2727
www.bilhraun.is
Sími
565 2727
M. Benz 316, nýr, sjálfsk., rafm. í rúð-
um, olíumiðstöð o.fl. Verð 2,9 + vsk.
Gazella sendibíll 4x4
Verð 2.130 þ. + vsk.
M. Benz 413 CDI árg. 2005, nýr, með
18 rúmm. kassa og lyftu.
Verð 3.980.000 + vsk.
Gazella flokkabíl, 4x4, með palli og
sturtum. Verð 2.280 þ. + vsk.
Gazella flokkabíl, 4x4, með föstum
palli. Verð 2.130 þ. + vsk.
Á eigin vegum um jólin
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
05
89

12
/2
00
5
Ekkert jafnast á við að aka um frjáls í bíl frá Hertz. Ef þú átt ekki
bílinn sem hentar hverju sinni þá getum við hjá Hertz bætt úr því
fyrir lægra verð en þig grunar. Það er óþarfi að eiga jeppa til að
komast allt sem þú vilt fara. Engar áhyggjur, bara gleðileg jól.
50 50 600 • www.hertz.is
Sölustaðir: Keflavíkurflugvöllur, Reykjavík, Ísafjörður, Akureyri, Höfn, Egilsstaðir
Jólatilboð
Toyota Corolla
frá 3.571 kr. á dag
Toyota Rav4
frá 4.471 kr. á dag
Toyota Land Cruiser
frá 5.071 kr. á dag
Innifalið: 100 km á dag og CDW (kaskótrygging).
Verð miðast við 7 daga leigu.
Tilboð gildir til 15.01.2006
Sjá nánar á hertz.is