Morgunblaðið - 15.12.2005, Blaðsíða 60
60 FIMMTUDAGUR 15. DESEMBER 2005 MORGUNBLAÐIÐ
Flott
jólagjöf
Laugavegi 54
sími 552 5201
Póstsendum
ÞÁ er King Kong mættur, heim-
urinn er búinn að bíða með óþreyju
allt frá því það spurðist út að þessi
gamla, góða ævintýramynd yrði
næsta verkefni Peters Jackson eftir
þrekvirkið Hringadróttinssögu.
Jackson, þessi nýsjálenski H.C.
Andersen samtímans, er greinilega
mikill aðdáandi ævintýra og leitun
er á efni af slíkri stærðargráðu sem
handrit Merians C. Cooper og Er-
nest Schoedsack býður upp á. Þeir
Fran Walsh, Philippa Boyens og
Jackson fylgja að miklu leyti eftir
þræði frummyndarinar frá 1933,
það inniheldur allt sem nauðsynlegt
telst ósvikinni ævintýramynd
(gamla myndin hefur ótrúlega lítið
elst á sjötíu árum), og Jackson
kryddar það með brellutækni sem
engan heilvita mann dreymdi um
fyrir tíu árum.
King Kong hefst í New York á
kreppuárunum miklu um og eftir
1930. Leikstjórinn Carl Denham
(Black), er að sýna kvikmynda-
framleiðendum nýjasta verk sitt,
sem reynist ósýningarhæft. Í stuttu
máli fær Denham frábæra hugmynd
um hvernig hann geti bjargað klúðr-
inu: Að bæta það með viðbót-
artökum frá leyndardómsfullri eyju
í Suðurhöfum. Hún er ekki til á
landakortinu en menn sem fullyrða
að hún sé þar syðra, hulin þoku,
kvik af dýralífi árþúsundagömlu, því
þar hafi tíminn staðið í stað.
Denham vantar leikkonu í að-
alkvenhlutverkið og finnur hana í
Ann Darrow (Watts), aðþrengdri og
atvinnulausri í eymdinni í New
York. Denham tekst að sigla úr höfn
með tæki sín og mannskap, þ.á m.
handritshöfundinn Jack Driscoll
(Brody), í þann mund sem lögreglan
ætlar að stinga honum inn.
Eyjan finnst og dýr og gróður
svíkja ekki væntingar Denhams,
uns þeir rekast á frumbyggjana og í
framhaldinu, sjálfan King Kong,
risaapa á annan tug metra. Nú ger-
ast miklir og margvíslegir atburðir
sem leiða þau saman Darrow og
King Kong, sem skipverjar yfirbuga
að lokum og taka með sér til New
York. Denham hyggst bjarga fjár-
málunum með því að halda sýningar
á þessu „áttunda undri veraldar“,
slíkt getur ekki endað öðruvísi en á
versta veg.
Tekst Jackson að uppfylla vænt-
ingar allra þeirra milljóna sem bíða
árangursins eftir hina seðmögnuðu
Hringadróttins-þrennu? Því verður
hver og einn að svara fyrir sig. Að
þessu sinni hefur Jackson ómælt
fjármagn (sem er ekki alltaf til
góðs), og þrælsjóaða tæknimenn
sem áttu stóran hlut í töfrum þrenn-
unnar. Ekki vantar hráefnin, því allt
er til staðar sem prýtt getur æv-
intýri. Spenna, ástarsaga, skrímsli,
átök, leyndardómsfull eyja, nefndu
það.
Myndin fer frábærlega í gang og
kynningin á persónunum þétt, en er
dálítið lengi að komast í samband
við titilpersónuna. Þá tekur við mið-
kafli á eyjunni, einkum og sér í lagi
þar virðist Jackson ekki kunna sér
hófs og ætlar aldrei að fá nóg af
stafrænu tækninni. Það úir og grúir
af forsögulegum kvikindum, eðlur,
snákar, pöddur og afmyndaðir
frumbyggjar, svo eitthvað sé nefnt,
og yfir öllu gnæfir kóngurinn Kong.
Árangurinn er nánast lýtalaus
mynd í alla staði, það eina sem má
finna að er að of mikið er af öllu,
sem gerir að verkum að sýning-
artími 2005 árgangsins er á fjórðu
klukkustund, sem er svo sem hálf-
tíma of mikið.
Ég get lofað því líka að aðra eins
ævintýramynd eigum við ekki eftir
að sjá næstu árin. Fyrir utan átökin
og spennuna hefur hún einnig þann
nauðsynlega kost að vera tilfinn-
ingum þrungin, líkt og þrennan
góða. Líkt og í frummyndinni er það
sögufrægt, ljúfsárt samband King
Kong og Darrow, sem er taugakerfi
verksins. Watts er senuþjófurinn í
leikarahópnum og tekst að gera at-
riðin á milli þeirra Kong, ótrúlega
tilfinningarík og samband þeirra að
burðarási myndarinnar – þrátt fyrir
allar brellurnar. Apinn er ótrúlega
mannlegur í öllum sínum hrikaleik,
en Darrow er álíka stór og SS-pylsa
í lófanum á ófreskjunni.
Aðrir leikarar eru vel valdir og
standa sig yfirleitt sómasamlega,
einkum Kretschman í hlutverki
skipstjórans. Maður hafði vissar
efasemdir um Black, en hann er
bráðnauðsynlegur til að létta á hlut-
unum sem bjartsýnismaðurinn Den-
ham sem aldrei tapar gróðavoninni.
Chandler er litlu síðri sem hetju-
leikarinn Baxter, sem segir sem svo
þegar á reynir „Ég er bara hetja á
hvíta tjaldinu, í raunveruleikanum
eru þær yfirleitt miðaldra, sköll-
óttar með bjórvömb.“
Brellurnar eru magnaðar, með
King Kong í fararbroddi, að vísu
eru átökin á milli tölvuteiknuðu
furðudýranna á stöku stað fullmikið
af því góða og þau sístu. Tækni-
deildin á því heiður skilinn (og sjálf-
sagt eitthvað af Óskurum), og tón-
list James Newton Howard er
snilld.
Jackson réðst ekki á garðinn þar
sem hann var lægstur; frummyndin
King Kong, er ein af fáum sígildum
verkum ævintýramyndanna, átökin
á Empire State, eitt frægasta atriði
allrar kvikmyndasögunnar. Jackson
hefur tekist það ótrúlega, að gera
verk sem stenst samanburð við fyr-
irmyndina og laga það að samtím-
anum. Ein snjallasta hugmyndin var
að gera nýju myndina á krepputím-
unum, önnur að glæða hana róm-
antík og mannlegum tilfinningum.
King Kong sópar örugglega ekki til
sín verðlaunum að hætti þrenn-
unnar, en hún verður enginn eft-
irbátur hvað aðsókn snertir.
KVIKMYNDIR
Sambíóin, Háskólabíó, Laug-
arásbíó
Leikstjóri: Peter Jackson. Aðalleikarar:
Naomi Watts, Jack Black, Adrien Brody,
Thomas Kretschmann, Colin Hank, Ja-
mie Bell , Evan Parke, Kyle Chandler.
187 mín. Nýja-Sjáland/Bandaríkin 2005.
King Kong Sæbjörn Valdimarsson
„Árangurinn er nánast lýtalaus mynd í alla staði, það eina sem má finna að er að of mikið er af öllu, sem gerir að verk-
um að sýningartími 2005 árgangsins er á fjórðu klukkustund, sem er svo sem hálftíma of mikið,“ segir m.a. í dómi.
Darrow og dýrið
SÖNGVARINN og
tónlistarmaðurin
Jón Jósep Snæ-
björnsson heldur
útgáfutónleika í
Fríkirkjunni í
Reykjavík í kvöld.
Tónleikarnir eru
haldnir í tilefni af
útgáfu fyrst sóló-
plötu söngvarans
sem ber einfaldlega
nafnið Jónsi og
inniheldur að
stærstum hluta lög
eftir hann sjálfan.
Á tónleikunum
mun hann flytja lög
af plötunni ásamt jólalögum og
öðrum lögum sem hafa verið hon-
um efst í huga und-
anfarin ár en honum til
halds og traust eru
sömu hljóðfæraleik-
arar og léku með hon-
um inn á plötuna: Karl
O. Olgeirsson á píanó
og er hann jafnframt
hljómsveitarstjóri,
Ómar Guðjónsson á
gítar, Tómas Tómas-
son á bassa og Birgir
Baldursson á tromm-
ur. Platan hefur verið
tilnefnd til Íslensku
tónlistarverðlaunanna í
flokknum poppplata
ársins en Jónsi er auk
þess tilnefndur sem söngvari árs-
ins. Tónleikarnir hefjast kl. 21.
Tónlist | Jónsi í Fríkirkjunni í kvöld
Jón Jósep
Í sparifötum
Bandaríska leikkonan VictoriaPrincipal, sem m.a. lék hlut-
verk Pamelu Ewing í sjónvarpsþátt-
unum Dallas, mun að öllum líkindum
verða fyrsta konan sem fer út í geim-
inn sem ferðamaður. Mun hún hafa
greitt sem svarar tæpum 13 millj-
ónum króna fyrir far með flaug Sir
Richards Bransons, sem ætlar að
hefja farþegaflug út í geiminn 2008.
Alls hafa 120 manns keypt far, en
ferðin á að taka
hálfan þriðja
tíma, að því er
breska blaðið
Daily Mirror
greinir frá.
Victoria er
ekki eina stjarn-
an sem hefur
áhuga á að kom-
ast út í geiminn.
Fyrir nokkru bárust fregnir af því að
leikarinn Tom Hanks hefði beðið
bandarísku geimvísindastofnunina,
NASA, um að flytja sig til tunglsins
og leyfa sér að fara þar í gönguferð.
Fólk folk@mbl.is