Fréttablaðið - 01.02.2003, Blaðsíða 14
Það var glatt á hjalla í kjallaraLaugardalslaugarinnar í há-
deginu í gær þegar hinir
svokölluðu Pottormar fögnuðu
þorra. Um 30 manns stripluðust
þar á sundskýlum og smjöttuðu
af bestu lyst á góðgætinu.
„Þetta er félagsskapur fólks
sem stundar sundlaugarnar í há-
deginu á hverjum degi. Flestir
fara alltaf í sama pottinn,“ út-
skýrir Sigrún Axelsdóttir, for-
maður Pottorma. „Þetta er hóp-
ur sem hefur haldið saman í
gegnum tíðina.“
Sigrún formaður, sem jafn-
framt er einn stofnfélaga, var
lasin í gær en lét það þó ekki
aftra sér frá því að mæta í blót-
ið. En vegna lasleikans ákvað
hún að klæðast ekki sundboln-
um að þessu sinni.
Pottormarnir áttu erfitt með
að koma sér saman um hvenær
félagið var stofnað, sumir sögðu
fyrir 25 árum, aðrir 40. Pottorm-
arnir blóta ekki bara þorrann því
á jólunum er boðið upp á glögg.
„Það þarf bara að mæta og
vera almennilegur og taka þátt í
gleðinni með okkur,“ segir Sigrún
formaður þegar hún er innt svara
um hvernig fólk gerist félagi í
Pottormum.
Meðal Pottormanna eru mörg
fræg andlit svo sem Steingrímur
Hermannsson, fyrrverandi for-
sætisráðherra, Guðmundur Ein-
arsson trommuleikari og Baldur
Scheving rafvirki.
Yngsti meðlimur Pottormanna
er um fimmtugt en sá elsti, Elías
Valgeirsson, varð níræður á síð-
asta ári. Svo vildi til að afmælið
kom upp sama dag og þorrablótið.
Í tilefni þess var Elías gerður að
heiðursfélaga Pottormanna og
leystur út með ýmsum gjöfum.
„Þá sungum við líka mikið og
hann syngur eins og engill,“ segir
formaðurinn.
Sigrún var eina konan sem
mætti á þorrablót Pottormanna í
ár. Hún segir það ekki erfitt að
vera ein innan um alla karlana
enda hefur hún séð þá hálfnakta á
hverjum degi í tugi ára. „Við erum
búin að þekkjast í svo mörg ár. En
ef ég væri að hitta þá í fyrsta skip-
ti yrði ég ábyggilega feimin,“ seg-
ir Sigrún.
Sigrún segir ekki gæta öfundar
hjá öðrum sundlaugargestum í
garð Pottormanna. „Við heyrum
þá stundum segja: „Jæja, á nú að
fá sér að borða.“ En það gætir
engrar öfundar hjá þeim. Það eru
ekki allir sem kæra sig um félags-
skapinn.“
En hvað er það sem Pottorman-
ir sækjast eftir? „Við sækjum í
þetta út af félagsskapnum, sam-
kenndinni og gleðinni. Svo ræðum
við um allt milli himins og jarðar,
heimsmálin, um hvert annað eða
segjum brandara,“ segir Sigrún og
bætir við að Pottormarnir hafi
jafn misjafnar skoðanir og þeir
eru margir.
kristjan@frettabladid.is
14 1. febrúar 2003 LAUGARDAGUR
Stór hópur fólks sem stundar heitu pottana í Laugardalslauginni á hverjum degi efndi til þorrablóts
í kjallara sundlaugarinnar. Mikil stemning var hjá ormunum, sem eru á öllum aldri en sá elsti varð níræður í fyrra.
Þorrablót hjá
Pottormum
Jón pottormur:
Býður upp á
súrt rengi
Jón Einarsson, verslunarstjóri íNóatúni, hefur séð um veiting-
arnar á þorrablótum og jólahlað-
borðum Pottormanna frá upphafi.
„Boðin voru á vegum Sunnu-
kjörs í 20 ár en þegar ég fór yfir í
Nóatún fylgdi kvöðin með,“ segir
Jón.
Jón segir Pottormana taka vel
til matar síns í veislunum enda
gætir þar ýmissa kræsinga.
Hangikjöt, svið, sviðasulta, há-
karl og annað góðgæti sem þekk-
ist í þorrablótum. „Við erum líka
með það sem aðrir eru ekki með,
það er súrt rengi. Við fluttum
frosið rengi inn frá Noregi og
Hvalur hf. sá um að súrsa það fyr-
ir okkur. Það var kveikt undir
pottunum í Hvalfirði og rengið
soðið þar. Þeir sem sáu um pott-
ana áður voru komnir á eftirlaun
en þeir voru settir í málið.“
Jón býður gestum einnig upp á
gos og pilsner. „Þeir sem koma
með sterkari drykki með sér fara
labbandi heim eða eru sóttir,“ seg-
ir Jón Einarsson pottormur. ■
ÞORRAMATUR
Jón Einarsson, verslunarstjóri í Nóatúni,
býður Pottormunum upp á súrt rengi á
þorranum. Hér virða Jón og Sigrún Axels-
dóttir, formaður Pottormanna, góðgætið
fyrir sér.
SKÁL FYRIR POTTORMUM
Steingrímur Hermannsson, fyrrverandi forsætisráðherra, bauð upp á kínverskt hrísgrjónavín með íslenska þorramatnum.
HEIÐURSFÉLAGINN
Elías Valgeirsson var gerður að heiðursfélaga á þorrablótinu á síðasta ári en sama dag
varð hann níræður.
POTTORMARÞað er mikið fjör hjá Pottormunum. Þeir gera sér dagamun á þorra og um jól og efna þátil veislu í kjallara sundlaugarinnar.
POTTORMAR MATAST
Pottormarnir voru glaðir í bragði í gær þegar þeir fengu sér þorramat úr smiðju Jóns
Einarssonar, verslunarstjóra Nóatúns. Af nógu var að taka.
FR
ÉT
TA
B
LA
Ð
IÐ
/V
IL
H
EL
M