Fréttablaðið - 17.04.2003, Síða 31

FIMMTUDAGUR 17. apríl 2003 31
Málshátturinn Margur erknár þótt hann sé smár er
mér mjög minnisstæður,“ segir
Sigurbjörg Þrastardóttir, rithöf-
undur og blaðamaður. „Ég var
svo lítil eftir aldri þegar ég var
yngri að það var huggun harmi
gegn að fá staðfestingu á því að
maður gæti hugsanlega gert
eitthvað annað en að etja kappi
eftir líkamsburðum.“ Sigur-
björg hafði mikinn áhuga á
málsháttum í æsku og safnaði
málsháttum úr páskaeggjum
fjölskyldunnar, flokkaði eftir
framleiðendum og geymdi þá
árum saman. „Þetta var einhver
söfnunarárátta í mér. Ég fletti
svo upp merkingunni og þannig
lærði ég sífellt nýja málshætti.
Þetta voru líka litrík og falleg
miðabúnt.“ Fleiri málshættir
eru Sigurbjörgu minnisstæðir.
„Ég man að mér fannst mjög
glatað að fá málsháttinn „Auð-
þekktur er asninn á eyrunum“.
Asni er skammaryrði og ég tók
þetta mjög persónulega. „Marg-
ur sefur af sér mikla lukku“
kom hins vegar vel á vondan. Ég
hef nefnilega lengi átt erfitt
með að vakna snemma.“
Þrátt fyrir dálæti á málshátt-
um voru páskaeggin sjálf í litlu
uppáhaldi hjá Sigurbjörgu þeg-
ar hún var lítil. „Ég borðaði
helst ekki nammi og geymdi
súkkulaðið von úr viti. Það end-
aði því yfirleitt með því að ein-
hver annar borðaði það.“
Sigurbjörgu líkar betur við
eggin í dag en síður við innihald-
ið. „Ég er ekki hrifin af þessum
nýju spakmælum sem nú orðið
eru í mörgum eggjum, þessum
sem ríma hvorki né stuðla. Þar
er skarð fyrir skildi og marg-
sannað að enginn veit hvað átt
hefur fyrr en misst hefur.“ ■
Safnaði málsháttum
í æsku:
Margur er
knár þótt
hann sé smár
SIGURBJÖRG ÞRASTARDÓTTIR
Málshættir voru og eru í uppáhaldi hjá
Sigurbjörgu en hún var ekki hrifin af
súkkulaðinu í æsku.