Fréttablaðið - 04.06.2003, Qupperneq 2

2 4. júní 2003 MIÐVIKUDAGUR
“Nei, en ég fór á námskeið í tjáningu í
framhaldsskóla. Las þar ljóð og
fleira.“
Katrín Júlíusdóttir alþingiskona flutti jómfrúarræðu
sína á Alþingi í síðustu viku.
Spurningdagsins
Katrín, hefur þú farið á Dale Carn-
egie-námskeið?
■ Lögreglufréttir
LANDSSÍMAMÁLIÐ „Rannsókn máls-
ins miðar vel. Nú, eins og ætíð
þegar lögreglurannsókn fer fram,
gætir lögreglan þess að leiða hið
sanna og rétta í ljós eins og unnt
er. Fólk er saklaust uns dómstólar
fjalla um málið, ef það nær svo
langt,“ segir Haraldur Johannes-
sen ríkislögreglustjóri um gang
Landssímamálsins.
S v e i n b j ö r n
Kristjánsson, fyrr-
um aðalféhirðir
Landssímans, er
enn í haldi lög-
reglu. Gæsluvarð-
hald yfir honum
rennur út á föstudag. „Ég reikna
ekki með að það skýrist fyrr en þá
hvort farið verði fram á fram-
lengingu gæsluvarðhalds yfir
honum,“ segir Haraldur Johann-
essen, sem segir að lögreglan
verjist frekari frétta af rannsókn-
inni.
Hlutur fjórmenninganna í mál-
inu mun vera mjög mismikill.
Heimildir Fréttablaðsins herma
að Ragnar Orri Benediksson, sem
sat í gæsluvarðhaldi í tengslum
við Landssímamálið, hafi verið
grunlaus um hin meintu fjársvik.
Hann er eigandi veitingastaðarins
Priksins. Hann var í London
ásamt starfsmönnum sínum á árs-
hátíð þegar lögreglan hafði sam-
band við hann vegna málsins.
Rangar hafði þegið lán fyrir Prik-
ið og er talinn hafa verið í góðri
trú um að það hefði verið fengið á
eðlilegan hátt.
„Starfsfólk hér vinnur dag og
nótt með lögreglunni og allt er
gert til þess að upplýsa málið til
fulls,“ segir Brynjólfur Bjarna-
son, forstjóri Landssímans, um
rannsóknina. Sveinbjörn Ragnars-
son, fyrrum aðalféhirðir Lands-
símans, hefur játað að hafa dregið
sér stórfé úr sjóðum Símans.
Stærsta upphæðin er frá árinu
1999. Heimildir Fréttablaðsins
herma að aðalféhirðirinn hafi á
síðustu vikum fyrir handtökuna
dregið sér fé með aðferðum sem
honum hefði mátt vera ljóst að
leiddu til þess að upp um hann
kæmist. Brynjólfur vildi ekkert
um það segja hvort yfirmönnum
Sveinbjörns hafi verið kunnugt
um að hann stæði í alls kyns
einkarekstri. Heimildarmaður
blaðsins innan Landssímans sagði
að menn hefðu átt að vera búnir
að kveikja á ýmsum viðvörunar-
bjöllum vegna féhirðisins.
Sveinbjörn er sagður hafa ver-
ið samvinnufús við að upplýsa um
mál sitt.
hrs@frettabladid.is
rt@frettabladid.is
LANDBÚNAÐUR Ari Teitsson, for-
maður Bændasamtaka Íslands,
segir offramleiðslu á kjúklingum
munu halda áfram eftir að Móum
ehf. var forðað frá gjaldþroti með
eftirgjöf nálega 500 milljóna
króna skulda.
„Smærri kjúklinga- og svína-
bændur eiga enga möguleika á að
keppa við fyrirtæki sem fær hálf-
an milljarð í forgjöf,“ segir Ari,
sem telur offjárfestingu í bæði
svína- og kjúklingaframleiðslu:
„Það er ekki rými á íslenskum
markaði fyrir framleiðsluna.
Bæði kjúklingar og svín hafa ver-
ið seld á undirverði lengi;
kjúklingar alveg frá því í fyrra-
haust. Það er hluti af því að nú
þurfa Móar þennan hálfa millj-
arð.“
Ari segir hætt við að Móar hafi
nú fengið „svigrúm til að halda
áfram að selja á undirverði.“
Hætt sé við að aðrir fylgi því for-
dæmi með áframhaldandi undir-
verði á kjötmarkaði:
„Þá má reikna með fleiri gjald-
þrotum. Spurningin er þá hvort
aðrir framleiðendur fá niðurfell-
ingu á 70 prósentum skulda. Það
væri fróðlegt að spyrja bankana
og aðra sem felldu niður skuldir
Móa hvort þeir ætli að láta það
sama gilda fyrir aðra.“ ■
Skýrsla CIA:
Umfangs-
minni árásir
WASHINGTON, AP Umfangsminni
árásir al Kaída þar sem notuð eru
efna-, sýkla-, kjarna- eða geislun-
arvopn eru líklegri í framtíðinni
heldur en stórar árásir sem valda
miklum mannskaða. Þetta kemur
fram í nýrri skýrslu frá banda-
rísku leyniþjónustunni, CIA.
Þar segir að auðvelt sé fyrir al
-Kaída að komast yfir geislunar-
vopn, eða svokallaðar sóða-
sprengjur, sem gætu valdið mik-
illi skelfingu og gífurlegum
efnagslegum skaða. Mannfall yrði
aftur á móti ekki mikið af völdum
slíkra sprengja. ■
Halldór Ásgrímsson:
Varnirnar
fyrsta mál
UTANRÍKISMÁL Hlutverk Atlants-
hafsbandalagsins er fyrst og
fremst að standa vörð um sameig-
inlegar varnir
b a n d a l a g s r í k j -
anna. Þetta sagði
Halldór Ásgríms-
son á ráðherra-
fundi Nató í Ma-
dríd í gær.
Á fundinum
ræddu ráðherrar
um framtíð banda-
lagsins og fögnuðu
þeim árangri sem
þegar hefði náðst í
að aðlaga banda-
lagið og gera það
betur í stakk búið
til að mæta nýjum
kringumstæðum og ógnum sem
að steðja. Halldór sagði að þótt
mikilvægt væri að bandalagið
tæki að sér aukið hlutverk í frið-
araðgerðum utan Evró-Atlants-
hafssvæðisins, eins og í Afganist-
an og Írak, þá mætti ekki gleyma
meginhlutverkinu, sem væri að
standa vörð um varnir bandalags-
ríkjanna. ■
FRÆÐSLUMIÐSTÖÐ REYKJAVÍKUR
Fræðsluráð hefur samþykkt að framlengja
samning við einkaskóla.
Einkaskólar í Reykjavík:
Framlög
hækka
SKÓLAMÁL Fræðsluráð Reykjavík-
ur hefur samþykkt að framlengja
þjónustusamninga við einkaskóla
á grunnskólastigi í borginni. Nýi
samningurinn er til fimm ára.
Hann felur í sér aukningu á fjár-
framlögum borgarinnar til einka-
skólanna um 32,9 prósent.
Fimm einkaskólar starfa innan
Reykjavíkur en það eru Ísaks-
skóli, Landakotsskóli, Suðurhlíð-
arskóli, Tjarnarskóli og Waldorf-
skólinn Sólstafir. ■
Danskur prestur rekinn:
Enginn Guð
á himnum
KAUPMANNAHÖFN, AP Danska prest-
inum Thorkild Grosboel hefur
verið vikið úr starfi fyrir að segja
að Guð sé ekki til.
Grosboel, sem hefur starfað
sem prestur í bænum Taarbaek,
sagði í nýlegu viðtali að „enginn
Guð væri á himnum og að hvorki
eilíft líf né upprisa væru til.“
Ummælin hafa vakið litla
hrifningu kirkjuyfirvalda í land-
inu. Hefur biskup Danmerkur
krafist þess að Grosboel dragi
ummæli sín til baka og biðjist af-
sökunar. ■
BJÖRGUNARAÐGERÐ Áhöfn Stakka-
ness, sem verið hefur til taks í
Noregi vegna björgunar togarans
Guðrúnar Gísladóttur, segist
langþreytt að fá ekki greidd laun.
Í Víkurfréttum í gær sagði að
skipverjarnir hefðu gefið eiganda
skipsins, Íshúsi Njarðvíkur, frest
þar til í gær til að greiða vangold-
in laun. Ella litu þeir svo á að þeir
væru lausir undan ráðningar-
samningi. Enn fremur sögðu þeir
ekkert hafa gerst við flak Guð-
rúnar Gísladóttur síðan í apríl,
öndvert við það sem eigendur
skipsins haldi fram í íslenskum
fjölmiðlum.
Haukur Guðmundsson, for-
svarsmaður Íshúss Njarðvíkur,
sagði við Fréttablaðið síðdegis í
gær að alls hefðu verið greiddar
16 milljónir króna í laun. Eftir
væri að greiða 1,5 milljón. Eins
og stundum áður stæði á fjár-
magni til að halda verkefninu
áfram.
„Það er verið að bíða eftir pen-
ingum sem áttu að koma á föstu-
daginn. Þeir eru ekki komnir í hús
svo málið er í uppnámi í augna-
blikinu. Ég bara hreinlega veit
ekki hvað gerist ef peningarnir
skila sér ekki í dag eða morgun en
ég hef trú á því að málið leysist,“
sagði Haukur í gær. ■
KLEMMDI HÖNDINA Í VÉL Kona
slasaðist þegar hún klemmdi
hönd sína í vél í fiskvinnslunni
Fjölni á Þingeyri. Hún var flutt á
sjúkrahúsið á Ísafirði en að sögn
lögreglu slapp konan betur en á
horfðist í fyrstu.
GÓMAÐI INNBROTSÞJÓF Vakt-
maður leikskólans í Þorlákshöfn
stóð innbrotsþjóf að verki klukk-
an hálfsjö í gærmorgun. Inn-
brotsþjófurinn hafði skriðið inn
um glugga. Vaktmaðurinn kallaði
eftir aðstoð lögreglu, sem hand-
samaði manninn. Að sögn lög-
reglu hefur maðurinn áður komið
við sögu lögreglu.
Vatnsból Suðurnesja-
manna:
Forðuðu
mengunarslysi
LÖGREGLUFRÉTTIR Harður árekstur
varð milli fólksbíls og vörubíls á
Grindavíkurvegi í hádeginu í gær.
Við áreksturinn hafnaði vörubíll-
inn utan vegar. Olíutankur bílsins
rifnaði undan og talsvert af olíu
fór í jarðveginn.
Slysið varð á vatnsverndar-
svæðinu við Lága þar sem neyslu-
vatni fyrir Suðurnes er dælt upp.
Slökkvilið Grindavíkur var kallað
út til að hreinsa upp olíuna og
brást fljótt við. Einnig var grafa
kölluð til og mokaði hún upp jarð-
vegi sem fluttur var burt í örygg-
isskyni. ■
BREITT BIL
Óttast er að djúp gjá muni myndast á milli
hernámsliðsins og íraskra stjórnmálaleið-
toga í kjölfar ákvörðunar bandarískra yfir-
valda um að fresta myndun bráðabirgða-
stjórnar.
Bráðabirgðastjórn í Írak:
Heimamenn
ævareiðir
BAGDAD, AP Stjórnmálaleiðtogar í
Írak hafa fordæmt þá ákvörðun
bandarískra yfirvalda að fresta
myndum íraskrar bráðabirgða-
stjórnar og gerð nýrrar stjórnar-
skrár. Talsmaður Íraska þjóðar-
flokksins sagðist líta svo á að
Bandaríkin hefðu svikið gefin lof-
orð og brotið þá samninga sem
gerðir hefðu verið við írösku
stjórnarandstöðuna.
Bandarískir embættismenn
lýstu því yfir síðastliðinn sunnu-
dag að í stað íraskrar bráða-
birgðastjórnar verði komið á fót
íraskri ráðgjafanefnd sem eigi að
aðstoða bandarísk yfirvöld við að
stýra Írak. Mikilvægar ákvarðan-
ir verða í höndum Bandaríkja-
manna. ■
UTANRÍKIS-
RÁÐHERRA
Halldór Ásgríms-
son sat hádegis-
verðarfund Atl-
antshafsbanda-
lagsins með ráð-
herrum verðandi
aðildarríkjanna
sjö.
ARI TEITSSON
„Það væri fróðlegt að spyrja bankana og
aðra sem felldu niður skuldir Móa hvort
þeir ætli að láta það sama gilda fyrir aðra,“
segir formaður Bændasamtaka Íslands.
Formaður Bændasamtaka Íslands um skuldaniður-
fellingu Móa:
Hálfs milljarðs forgjöf
skekkir kjúklingamarkað
GUÐRÚN GÍSLADÓTTIR
Á strandstað við Noreg. Togarinn sökk eftir að hafa rekist á boða sem ekki var á sjókorti.
Björgun Guðrúnar Gísladóttur í uppnámi:
Aðgerðalaus áhöfn
andmælir launaleysi
Unnið dag og
nótt að rannsókn
Lögregla og starfsmenn Landssímans vinna hörðum höndum að
rannsókn fjársvikamálsins hjá Landssímanum. Heimildir herma að
fjórði maðurinn hafi ekki vitað betur en um eðlilegt lán væri að ræða.
HARALDUR JOHANNESSEN
RÍKISLÖGREGLUSTJÓRI
Segir lögreglu vilja sem minnst um rann-
sóknina tala.
BRYNJÓLFUR BJARNASON
Starfsmenn Landssímans leggja lögreglunni
lið við rannsóknina.
■
„Fólk er sak-
laust uns dóm-
stólar fjalla um
málið, ef það
nær svo langt.“