Fréttablaðið - 06.09.2003, Blaðsíða 8

8 6. september 2003 LAUGARDAGUR
■ Lögreglufréttir
Sælir eru...
„Það er hreint ótrúlegt hvað góð
úrslit í fótboltaleikjum gera
menn káta.“
Guðjón Þórðarson, stjóri Barnsley, í DV 5. sept-
ember.
Aldrei of varlega farið
„Ég kærði áætlun tollstjórans
en það sem ég uppskar úr því
var að þeir kærðu mig á móti
fyrir svindl.“
Fjölnir Þorgeirsson í DV 5. september.
Hver vill heyra sannleikann?
Fyrir löngu var vitað, að ekki
væri rúm á Íslandi fyrir fleiri en
200-300 sauðfjárbændur, ef bú-
stærð þeirra ætti að vera fjár-
hagslega hagkvæm. Menn voru
sagðir óvinir bænda fyrir að spá
því, sem nú hefur rætzt að öllu
leyti.
Jónas Kristjánsson á vef sínum 5. september.
Orðrétt
HEILBRIGÐISMÁL Landspítalinn er að
sinna mun meiri þjónustu en ríkið
ætlar honum samkvæmt fjárlög-
um. Samkvæmt rekstararuppgjöri
fyrir fyrstu sjö
mánuði ársins er
Landspítalinn kom-
inn 665 milljónir
króna umfram fjár-
heimildir. Á öllu
síðasta ári fór spít-
alinn 800 milljónir króna umfram
heimildir.
„Ef fjárlög taka ekki mið af
þjónustunni eins og hún er núna
eru skilaboðin náttúrlega þau að
okkur beri að minnka spítalann,“
segir Anna Lilja Gunnarsdóttir,
framkvæmdastjóri fjárreiðna og
upplýsinga Landspítalans. „Þá
þýðir ekkert annað en fækka verk-
efnum eða minnka þjónustu. Við
erum að vinna að þessum málum
með stjórnvöldum. Stjórnarnefnd
og framkvæmdastjórn spítalans
hafa verið að veita stjórnvöldum
upplýsingar og fundað með þeim
um þessi mál.“
Tæplega 5.000 manns vinna
hjá spítölunum, en ársverkin eru
um 3.900. Aðspurð segist Anna
Lilja ekki búast við uppsögnum á
þessu ári.
„Ef við fækkum verkefnum og
minnkum þjónustuna kæmi það
ekki til framkvæmda fyrr en eft-
ir einhvern tíma. Það liggur ekki
fyrir hver niðurstaðan verður, en
það mun líklega skýrast í næstu
viku.“
Anna Lilja segir ástæðurnar
fyrir því að spítalinn sé kominn
þetta langt fram úr fjárheimildum
vera ýmsar. Hún segir helstu skýr-
inguna vera þá að undanfarin ár
hafi fjárheimildir lækkað, t.a.m.
hafi fjárveiting fyrir þetta ár verið
um 750 milljónum króna lægri en
árið 2000 miðað við fast verðlag.
Þetta sé hvorki í samræmi við
langtímaþróun í aldurssamsetn-
ingu, sem sýni að hlutfall eldri
borgara hafi hækkað um 2,4% á ári
síðastliðin 10 ár, né breytta búsetu-
hætti, en íbúum á höfuðborgar-
svæðinu fjölgar um 1,8% á ári.
Anna Lilja segir aðra þætti
einnig hafa áhrif á rekstur spítal-
ans. Framlag í séreignasjóði
starfsmanna hafi hækkað undan-
farin ár og á þessu ári sé gert ráð
fyrir að það verði um 150 milljónir
króna. Hún segir lyfja-, lækninga-
og hjúkrunarvörukostnað einnig
hafa aukist mikið, um 8% milli ára,
á meðan fjárlögin hafi aðeins
hækkað um 1,3%. Að lokum segir
hún sérhæfða starfsemi hafa auk-
ist, m.a. hafi skurðaðgerðum,
hjartaþræðingum og kransæða-
víkkunum fjölgað mikið.
trausti@frettabladid.is
Varaformaður heilbrigðis- og trygginganefndar um fjárhagsvanda Landspítalans:
Var rétt að sameina spítalana?
HEILBRIGÐISMÁL Heilbrigðis- og
trygginganefnd átti fund með
Magnús Péturssyni, forstjóra
Landspítalans, fyrir skömmu þar
sem fjárhagsvandi spítalans var
ræddur.
„Það hefur verið unnið að sam-
einingu Borgarspítalans og Land-
spítalans í mörg ár þannig að það
eru heilmikil vonbrigði að það
skuli vera svona mikill halli á
rekstrinum,“ segir Drífa Hjart-
ardóttir, varaformaður heilbrigð-
is- og trygginganefndar. „Stjórn-
endur spítalans verða að fara að
sýna fram á að þessi sameining
hafi verið hagkvæm. Var hún rétt
eða var hún röng? Ég get ekki
svarað því en mér hefur alltaf
fundist að það væri hægt að nota
sjúkrahúsin í kringum Reykjavík
betur, þá fyrir minniháttar að-
gerðir. Sólarhringurinn inni á
svona hátæknisjúkrahúsi eins og
Landspítalanum er gríðarlega
dýr.“
Drífa segir að staða sjúkra-
húsanna sé gríðarlega erfið og þar
komi margt til. Stjórnendur Land-
spítalans hafi t.d. kvartað undan
miklum lyfjakostnaði. Hann hafi
aukist mikið og þeir vilji eiga kost
á því að kaupa sjálfir lyf að utan en
það megi þeir ekki gera samkvæmt
núgildandi lögum. Aðspurð vildi
hún ekki svara því hvort ríkið
myndi koma til með að heimila
lyfjakaup erlendis frá.
Um hugsanlegan niðurskurð
og uppsagnir starfsmanna segir
Drífa:
„Ég held við verðum að gefa
stjórninni tækifæri til að vinna
betur að sínum málum. Hún er
nú þegar búin að skera af sér
eina deildina, sem er vistheimil-
ið í Gunnarsholti. Það getur vel
verið að hún verði að breyta ein-
hverju meiru.“
Drífa, sem einnig situr í fjár-
laganefnd, segist ekki vilja tjá
sig um það hvað komi í hlut spít-
alans á fjárlögum.
„Auðvitað munum við reyna
að fá eitthvað þar. Það verður
bara að fara yfir alla þessa
hluti.“ ■
Norskur unglingspiltur:
Festist í
þvottavél
OSLÓ, AP Slökkviliðið í Asker í Nor-
egi fékk það óvenjulega verkefni á
dögunum að ná fimmtán ára göml-
um dreng út úr þvottavél.
Pilturinn hafði klifrað upp í stóra
þvottavélina til að sækja lykla sem
höfðu dottið í gegnum gat á troml-
unni. Ætlaði hann að snúa tromlunni
hálfan hring og grípa þá þegar þeir
dyttu út en ekki vildi betur til en að
hann festist í þvottavélinni. Þegar
slökkviliðið kom hafði pilturinn set-
ið fastur í tromlunni í rúma klukku-
stund. Eftir miklar vangaveltur var
ákveðið að bera á hann sápu til að
gera hann sleipan og þannig tókst
að bjarga honum úr prísundinni. ■
VETUR
Dagarnir verða ekki jafn kaldir í vetur og
þeir hefðu venjulega orðið. Ástæðan er
sjávarhitinn.
Sjávarhiti í hæsta lagi:
Kaldir dagar
hlýrri í vetur
VEÐUR Hlýindi í sjónum valda því
að komandi vetur verður ekki
eins kaldur og hann yrði ef sjór-
inn væri í meðallagi eða kaldur.
Trausti Jónsson veðurfræðingur
segir áhrifin helst birtast á köld-
ustu dögunum. „Þeir verða ekki
eins kaldir og þeir hefðu orðið í
venjulegu ári, þar sem hlýr sjór-
inn vegur upp á móti.“
Sjórinn kringum landið er um
tveimur til þremur gráðum
hlýrri en í meðalári eftir óvenju-
mildan vetur og methita í sumar.
Sjórinn virkar sem eins konar
hitaforði og mun áhrifa til hlýn-
unar af hans völdum gæta út vet-
urinn. ■
Suðurland:
Sigmundur í
útvarpið
FJÖLMIÐLAR Sigmundur Sigurgeirs-
son, blaðamaður og kennari á Sel-
fossi, tekur við starfi frétta- og
dagskrárgerðarmanns við svæðis-
útvarp Ríkisútvarpsins á Suður-
landi. Útvarpsráð tók ákvörðun
þessa efnis í vikunni.
Alls sóttu sex manns um stöð-
una. Ríkisútvarpið hefur fest sér
aðstöðu að Austurvegi 4 á Sel-
fossi. Útsendingar Svæðisútvarps
Suðurlands hafa legið niðri síðan
1. ágúst en munu væntanlega fara
af stað aftur skömmu eftir að ráð-
ið verður í stöðuna. ■
INNBROT Í FYRIRTÆKI
Brotist var inn í fyrirtæki í Skip-
holti í fyrrinótt. Þjófurinn hafði
brotið rúðu til að komast inn.
Litlu sem engu var stolið.
VELTI SEXHJÓLI
Sexhjól valt í Jökuldal á fimmtu-
dagskvöld. Tveir voru á hjólinu
og var annar fluttur nokkuð slas-
aður á fjórðungssjúkrahúsið í
Neskaupstað. Að sögn ökumanns-
ins festist annað framhjólið í
bremsu með þeim afleiðingum að
það valt.
Ályktun frá Starfsmannaráði Landspítalans:
Lýsir áhyggjum vegna fjárveitinga
HEILBRIGÐISMÁL Starfsmannaráð
Landspítalans skorar á Alþingi að
standa vörð um starfsemi Land-
spítalans og bendir á að mestu
verðmæti hans felist í þekkingu
og reynslu starfsfólks sjúkra-
hússins.
Jóhanna Konráðsdóttir, vara-
formaður starfsmannaráðsins,
segir starfsmenn ekki hafa fengið
neinar upplýsingar frá stjórn spít-
alans um að uppsagnir séu hugs-
anlega fram undan líkt og greint
hafi verið frá í Sjónvarpinu í
fyrrakvöld. Hún segist því ekki
vilja tjá sig um málið en segir
starfsmannaráðið hafa ályktað
um það á fundi í gær.
Í ályktuninni lýsir starfs-
mannaráðið þungum áhyggjum
vegna fjárveitinga til sjúkra-
hússins.
„Svið sem sinna mikilli bráða-
þjónustu við sjúklinga svo sem lyf-
lækningasvið, skurðlækningasvið
og slysa- og bráðasvið eru verulega
umfram fjárheimildir,“ segir í
ályktuninni. „Skýrist þessi aukni
kostnaður meðal annars af fjölgun
sjúklinga og því að sjúklingar sem
leggjast inn á spítalann eru að jafn-
aði veikari en áður. Þetta hefur leitt
til aukins álags á starfsfólk sjúkra-
hússins. Ljóst er að verði fjárfram-
lög til Landspítala - Háskólasjúkra-
húss ekki aukin verður ekki unnt að
viðhalda nauðsynlegri heilbrigðis-
þjónustu við alla landsmenn.“ ■
LANDSPÍTALINN
Starfsmenn hafa ekki fengið neinar upp-
lýsingar frá stjórn Landspítalans um að
uppsagnir séu yfirvofandi.
LANDSPÍTALINN
Anna Lilja Gunnarsdóttir, framkvæmdastjóri fjárreiðna og upplýsinga Landspítalans, segir helstu skýringuna á rekstrarvanda spítalans vera þá að undanfarin ár hafi fjárheimildir lækkað.
Til að mynda hafi fjárveiting fyrir þetta ár verið um 750 milljónum króna lægri en árið 2000 miðað við fast verðlag.
■
„Þá þýðir ekk-
ert annað en
fækka verkefn-
um eða minnka
þjónustu.“
DRÍFA HJARTARDÓTTIR
Drífa segir að staða sjúkrahúsanna sé gríð-
arlega erfið og þar komi margt til.
Skilaboðin eru að
minnka beri spítalann
Landspítalinn er kominn 665 milljónir króna umfram fjárheimildir. Tæplega 5.000 manns vinna
þar. Uppsagnir blasa við nema ríkið komi til móts við vandann. Málið skýrist í næstu viku.
FR
ÉT
TA
B
LA
Ð
IÐ
/V
IL
H
EL
M