Fréttablaðið - 06.09.2003, Blaðsíða 18

Traustið til okkar er algert þvífyrirtækin munu ekki hlutast
til um það á nokkurn hátt hvernig
við verjum þessum fjármunum,“
segir Hanna Katrín Friðriksson,
sem nýlega tók við starfi fram-
kvæmdastjóra Háskóla Reykja-
víkur.
HR fagnar fimm ára afmæli
um þessar mundir og af því tilefni
hefur verið undirritaður svokall-
aður „Bandamannasamningur“
við sjö öflug fyrirtæki sem munu
styrkja skólann um 42 milljónir á
næstu tveimur árum. Þetta eru
Eimskip, Íslandsbanki, (sem nú er
að endurnýja hliðstæðan samning
við HR), Sjóvá-Almennar, Lands-
síminn, VÍS, Skeljungur og Orku-
veitan.
Samspil atvinnulífs og aka-
demíu
Samningurinn er til tveggja
ára. Að stórfyrirtæki styrki
skólastarf með beinum fjárfram-
lögum má heita nýlunda á Íslandi
þó þetta fyrirkomulag sé þekkt
víða erlendis. „Fyrir þremur
árum gerðum við samning við
sex fyrirtæki en sá samningur
var bundinn við að styðja við
uppbyggingu tölvunarfræði-
deildarinnar. Það gafst vel. Nú er
fjármununum ætlað að styrkja
skólastarfið í heild, sérstaklega
nýsköpunarþáttinn,“ segir Hanna
Katrín.
Hún leggur á það ríka áherslu
að samningurinn sé án skilyrða.
Þau hjá HR hafa þó ekki heyrt
neinar gagnrýniraddir þó þessi
háttur sé hafður á. „Hugsanlega
hafa einhverjir skoðanir á því að
þarna sé hætta á óæskilegum af-
skiptum og yfirráðum atvinnu-
lífsins á akademískum vinnu-
brögðum. En það er ekki svo að
við séum að skapa teymi fyrir-
tækja, einhverja blokk,“ segir
Hanna Katrín. Hún gegndi áður
starfi framkvæmdastjóra Stjórn-
endaskólans, frá ársbyrjun 2002.
Hanna Katrín á að baki MBA,
viðskipta- og stjórnunarfræði-
nám, í Kaliforníu. Áður hafði hún
numið við MR og var í hagfræði
við Háskóla Íslands. Seinna lagði
hún stund á heimspeki við HÍ og
segir hún blöndu hagfræði og
heimspeki góða. Hún lauk námi
frá HÍ árið 1999 og fór svo ásamt
konu sinni, Ragnhildi Sverrisdótt-
ur blaðamanni, til Bandaríkjanna
og var í tvö ár. „Þetta var frábær
tími. Eitt helsta áhugamál mitt er
þróun sprotafyrirtækja og við
vorum nálægt Silicon Valley þar
sem lífið nánast snýst um nýsköp-
un í atvinnulífi. Nú snýst einnig
allt um það hér, menn sjá mögu-
leika í því að kenna og búa til
viskiptahugmyndir og hrinda
þeim í framkvæmd.“
Það má því segja að Hanna
Katrín sé á réttum stað, en hún
segir hið nýja starf hafa borið
brátt að. Ekki er enn búið að finna
arftaka hennar hjá Stjórnenda-
skólanum þannig að hún er milli
vita. „Þetta er ný staða hér hjá HR
en hefur verið á skipuritinu um
nokkurn tíma. Ég stökk á tæki-
færið þegar það bauðst. Það að
koma að stefnumörkun og rekstri
framsækinnar skólastofnunar er
ómetanlegt tækifæri.“
Fjölbreytilegur bakgrunnur
Fyrirtækjunum sjö hugnast
vel skilgreint markmið Háskóla
Reykjavíkur: Að efla samkeppn-
ishæfi íslensks atvinnulífs. Leið-
arljósin eru þrjú: Nýsköpun,
tækniþróun og alþjóðavæðing.
Fyrirtækin fá nöfn sín letruð á
veglegan glervegg í skólanum og
er hampað í öllu kynningar- og
útgáfuefni skólans. „Enda erum
við stolt af okkar samstarfsaðil-
um og viljum gjarnan vera sýni-
leg með okkar bandamönnum.“
Hanna Katrín segir þetta sam-
starf lið í að byggja brú milli at-
vinnulífs og menntunar. Líklega
hafi þar verið of breitt bil. Það er
markmið Háskólans í Reykjavík
að efla tengsl við atvinnulífið og
við munum áfram leita allra leiða
til þess.“
Margir kannast við Hönnu
Katrínu sem keppniskonu í hand-
bolta í Val og jafnframt var hún
um árabil í landsliðinu. Hún
er/var örvhent skytta. „Ég hef
mikinn áhuga á öllum keppnisí-
þróttum. Á þær er misgaman að
horfa en þetta konsept heillar
mig.“
Hanna Katrín tók sér frí frá
námi, fór í sumarstarf hjá Morg-
unblaðinu og ílengdist þar. „Árin á
Morgunblaðinu urðu ellefu. Fyrst
var ég á íþróttadeildinni, en þaðan
fór ég á viðskiptablað Moggans og
var í ein fimm ár. Árið 1995 tók ég
við umsjón sérblaðanna Daglegt
líf og Ferðablaðið. Þá fannst mér
tímabært að huga að því að ná
mér í gráðu, ljúka því námi sem
ég hóf og alltaf stóð til að ljúka.“
Fyrst í Neðra-Breiðholtið
Það kemur nokkuð á óvart að
heyra Hönnu Katrínu tala um sig
sem Breiðhylting. En fjölskylda
hennar, ásamt fjölskyldu verðandi
menntamálaráðherra, var með
þeim fyrstu sem fluttu í Neðra-
Breiðholtið. „Við vorum í berjamó
þar sem nú er verið að byggja
stærstu umferðarmannvirki borg-
arinnar og tjölduðum þar sem síð-
ar var byggð lönguvitleysublokk-
in í Fellahverfi,“ segir Hanna
Katrín. Æskuvinkona hennar er
Þorgerður Katrín Gunnarsdóttir
og spiluðu þær handbolta saman í
ÍR. Svo skildu leiðir, Hanna
Katrín fór í Val og Þorgerður
Katrín í FH.
Og í Hlíðunum hefur Hanna
Katrín búið síðan ef frá eru talin
árin í Bandaríkjunum. „Ég er í
staðfestri samvist með Ragnhildi
og saman eigum við tvíbura sem
eru tveggja og hálfs árs. Ragn-
hildur er blaðamaður á Morgun-
blaðinu og laganemi við Háskóla
Reykjavíkur,“ segir Hanna Katrín
sem gefur ekki mikið út á spurn-
inguna hvort Ragnhildur sem
nemi komi á skrifstofu hennar til
að ræða það sem betur megi fara í
skólastarfinu.
jakob@frettabladid.is
18 6. spetember 2003 LAUGARDAGUR
Nýr framkvæmdastjóri Háskóla Reykjavíkur er fyrrum handboltastelpa úr ÍR, Val og landsliðinu. Hún er keppniskona og þess sér stað í
metnaði hennar fyrir hönd síns skóla, sem nýlega ritaði undir nýstárlegan risasamning við sjö af stærstu fyrirtækjum landsins
Keppniskona í háskóla
FR
ÉT
TA
B
LA
Ð
IÐ
/A
LD
A
LÓ
A
HANNA KATRÍN FRIÐRIKSSON
Breiðhyltingurinn sem býr í Hlíðunum
er Valsari og nýr framkvæmdastjóri HR.
Maki hennar, Ragnhildur Sverrisdóttir,
er við laganám þar en ósagt skal látið
hvort hún leggi leið sína á skrifstofu
framkvæmdastjórans og hlutist til um
skólastarfið.
Þetta er ný staða
hér hjá HR en hefur
verið á skipuritinu um
nokkurn tíma. Ég stökk á
tækifærið þegar það bauðst.
Það að koma að stefnu-
mörkun og rekstri framsæk-
innar skólastofnunnar er
ómetanlegt tækifæri.
,,