Fréttablaðið - 06.09.2003, Blaðsíða 28

FÓTBOLTI Arsene Wenger, knatt-
spyrnustjóri Arsenal, segir að bilið
á milli þýsku landsliðsmarkvarð-
anna Jens Lehmanns og Olivers
Kahns fari stöðugt minnkandi.
Lehmann er varamarkvörður
þýska landsliðsins og verður
væntanlega á bekknum í leiknum
gegn Íslandi í dag og gegn Skotum
á miðvikudag. Hann var keyptur
til Arsenal fyrir þetta tímabil og
hefur staðið sig vel.
„Að margra mati er Lehmann
besti markvörður Þýskalands,“
sagði Wenger. „Fyrir heimsmeist-
arakeppnina var Kahn sá besti en
nú eiga þeir jafna möguleika á að
byrja inni á með landsliðinu.“
Heimsmeistarakeppnin verð-
ur haldin í Þýskalandi árið 2006.
Wenger segir að Lehmann ætli
sér þá sæti í byrjunarliðinu.
„Lehmann veit að baráttan mun
standa á milli hans og Kahns.
Hver veit hvað gerist á þeim
tíma.“ ■
28 6. september 2003 LAUGARDAGURFótbolti
hvað?hvar?hvenær?
3 4 5 6 7 8 9
SEPTEMBER
Laugardagur
Oliver Kahn:
Skylda að enda í efsta sæti
FÓTBOLTI Oliver Kahn, fyrirliði
þýska landsliðsins í knatt-
spyrnu, segist vilja endur-
heimta efsta sætið í 5. riðli und-
ankeppni Evrópumótsins með
sigri á Íslendingum í dag.
„Við munum mæta einbeittir
í næstu tvo leiki og það er
skylda okkar að enda í efsta
sæti,“ sagði Kahn á blaðamanna-
fundi í gær en Þjóðverjar fá
Skota í heimsókn á miðvikudag.
Kahn hefur verið einn besti
markvörður heims síðustu ár og
var meðal annars valinn besti
leikmaður heimsmeistaramóts-
ins í fyrra.
Landsliðsfyrirliðinn segir
leikmenn vita hvaða þýðingu
leikurinn gegn Íslendingum
hafi. Það henti þeim betur að
leika mikilvæga leiki en vináttu-
leiki. „Þýska liðið hefur sýnt það
í gegnum tíðina að þegar á móti
blæs snúum við bökum saman
og berjumst,“ sagði Kahn. „Við
erum fullir sjálfstrausts og
bjartsýnir fyrir leikinn.“
Þýsku fjölmiðlamönnunum sem
staddir eru hér á landi hefur orðið
tíðrætt um veðurfarið. Kahn segist
ekki óttast það. „Veðrið á ekki að
skipta okkur máli. Ef veðrið verður
slæmt búumst við ekki við okkar
besta leik en það á ekki að skipta
máli. Það er andlega hliðin sem
skiptir máli,“ sagði Oliver Kahn,
landsliðsfyrirliði Þýskalands. ■
Íslendingar munu
leika með hjartanu
Landsliðsþjálfari Þýskalands stefnir að sigri í dag. Segir Íslendinga hafa
engu að tapa og munu leika með hjartanu. Meiðsli í herbúðum Þjóðverja.
FÓTBOLTI Rudi Völler, landsliðs-
þjálfari Þýskalands, stefnir að því
að ná efsta sæti 5. riðils í und-
ankeppni Evrópumótsins. Læri-
sveinar Völlers mæta íslenska
landsliðinu á Laugardalsvelli í
dag klukkan 17.30.
„Íslendingar eru í efsta sæti
riðilsins og við þurfum að berjast
um það við þá. Íslendingar hafa
engu að tapa og munu leika með
hjartanu,“ sagði Völler á blaða-
mannafundi sem boðað var til í
gær. „En við erum einnig í góðri
stöðu, eigum eftir einn útileik og
tvo heimaleiki. Við ætlum okkur
sigur í öllum leikjunum.“
Völler segir riðilinn hafa verið
opinn og skemmtilegan. Íslend-
ingar hafi nánast verið úr leik eft-
ir tvö töp gegn Skotum en með
góðum sigri og hagstæðum úrslit-
um úr öðrum viðureignum séu
þeir nú á toppi riðilsins.
Óvíst er hvort þýski landsliðs-
þjálfarinn geti stillt upp sínu
sterkasta liði. Bernd Schneider og
Kevin Kuranyi hafa átt við
meiðsli að stríða en það skýrist
væntanlega ekki fyrr en í dag
hvort þeir geti verið með í leikn-
um í kvöld.
Þjóðverjar hafa miklar áhyggj-
ur af því hve fá mörk landslið
þeirra hefur skorað í síðustu
viðureignum. Síðasta skipti sem
liðið skoraði þrjú mörk eða fleiri
var í 8-0 sigri á Sádi-Arabíu á
heimsmeistaramótinu í Suður-
Kóreu og Japan í fyrra. Völler
segist ekki hafa miklar áhyggjur
af markaleysinu. Liðið hafi náð að
skapa sér fullt af færum en ekki
nýtt þau sem skyldi.
„Michael Ballack er líka kom-
inn inn í liðið að nýju og þó hann
leysi ekki öll vandamál léttir hann
pressuna á framherjunum,“ sagði
Völler.
Þýski landsliðsþjálfarinn segir
íslenska liðið vera eins og önnur
norræn landslið. Það sé vel skipu-
lagt, gefi mótherjanum lítið pláss
og verjist vel. „Þar að auki hefur
íslenska liðið Eið Smára Guðjohn-
sen, sem leikur í stjörnum prýddu
liði Chelsea. Það hljóta mörg stór-
lið í Evrópu að vera á höttunum
eftir honum,“ sagði Völler.
Þýska liðið mun væntanlega
leika með fjögurra manna varnar-
línu í dag. Völler segist eiga eftir að
gera það upp við sig hvort hann láti
einn varnarmannanna fylgja Eiði
Smára eftir eins og skuggi. ■
Arsene Wenger um Lehmann:
Lehmann er jafn góður og Kahn
ÞJÓÐVERJAR SIGURSTRANGLEGRI
Stuðullinn á þýskum sigri á laug-
ardag er 1,55 samkvæmt þýska
veðmálavefnum Interwetten, 3,50
á jafntefli en 4,80 á sigur Íslend-
inga.
LEIKJAHÆSTIR Thomas Häßler og
Jürgen Klinsmann eru leikja-
hæstir Þjóðverja í lokakeppni
Evrópumeistarakeppninnar.
Häßler lék þrettán leiki á árunum
1992 til 2000 og Klinsmann jafn
marga leiki á árunum 1988 til
1996. Andreas Brehme lék tólf
leiki og Lothar Matthäus ellefu.
LEIKJAHÆSTIR Jürgen Klinsmann
er einnig markahæstur Þjóðverja
í lokakeppni Evrópumeistara-
keppninnar. Hann skoraði fimm
mörk á árunum 1988 til 1996.
Gerd Müller, Dieter Müller og
Rudi Völler skoruðu fjögur mörk.
RUDI VÖLLER Landsliðsþjálfari
Þjóðverja fæddist 13. apríl 1960.
Hann lék með Hanau, Kickers
Offenbach, TSV 1860 München,
Werder Bremen, AS Roma,
Olympique Marseille og Bayer
Leverkusen. Völler lék 90 lands-
leiki á árunum 1982 til 1994 og
skoraði 47 mörk. Hann lék með
heimsmeistaraliði Þjóðverja árið
1990.
EVRÓPUMEISTARAR 1972 Þjóð-
verjar urðu fyrst Evrópumeistar-
ar árið 1972 eftir 3-0 sigur á Sov-
étmönnum. Meistarar Bayern
München áttu sex leikmenn í
byrjunarliði Þjóðverja.

12.00 Fylgst með sjötta og síðasta
Gullmóti sumarsins á RÚV. Mótið fór
fram á Leikvangi Baldvins konungs í
Brussel í gær.

13.30 Vikan í enska boltanum
gerð upp á stöð 2.

13.50 Bein útsending á RÚV frá
leik Skota og Færeyinga á Hampden
Park í Glasgow í undankeppni EM 2004.

15.30 Gillette-sportpakkinn er
sýndur á Sýn.

15.50 Upphitun á RÚV fyrir leik Ís-
lendinga og Þjóðverja á Laugardalsvelli.

16.00 Íþróttir um allan heim á Sýn.

17.20 Íslenska karlalandsliðið mæt-
ir því þýska í undankeppni Evrópumóts-
ins á Laugardalsvelli. Leikurinn er sýndur
í beinni útsendingu á RÚV.

20.00 Útsending frá leik Makedón-
íu og Englands á Sýn í 7. riðli Evrópu-
mótsins.

23.40 Útsending frá hnefaleika-
keppni á Sýn. Á meðal þeirra sem mæt-
ast eru þungavigtarkapparnir Wladimir
Klitschko og Fabio Moli frá Argentínu.
OLIVER KAHN
Segir þýsku leikmennina vera einbeitta en bjartsýna fyrir leikinn gegn Íslendingum í dag.
RUDI VÖLLER
Landsliðsþjálfarinn segist ekki óttast veðrið á Íslandi. Það eigi ekki að hafa áhrif
á einbeitta leikmenn Þýskalands.
JENS LEHMANN
Er einn besti markvörður heims.
Hefur staðið í skugganum af Oliver Kahn
landsliðsfyrirliða.
FR
ÉT
TA
B
LA
Ð
IÐ
/R
Ó
B
ER
T
Þýska
landsliðið
PAUL FREIER
Leikmaður Bochum getur ekki leikið með
þýska landsliðinu í kvöld vegna meiðsla.
Karatedeild Víkings
Komdu þér í gott form og...
...kýldu á karate með karatedeild Víkings í vetur
Upplýsingar hjá Jóhanni í síma 5530877
(johannbj@hotmail.com)
www.vikingur.is
Mánudagar
Börn, 4-8 ára byrjendur -
kl.16.30-17.20
Börn, 9-13 ára byrjendur -
kl.18.40-19.30
Börn, 5-8 ára byrjendur -
kl.16.30-17.30
Miðvikudagar
Börn 9-13 ára byrjendur
kl.17.20-18.20