Fréttablaðið - 06.09.2003, Blaðsíða 34

■ ■ KVIKMYNDIR

Sambíóin Kringlunni, s. 588 0800

Sambíóin Álfabakka, s. 587 8900

Háskólabíó, s. 530 1919

Laugarásbíó, s. 5532075

Regnboginn, s. 551 9000

Smárabíó, s. 564 0000

Sambíóin Keflavík, s. 421 1170

Sambíóin Akureyri, s. 461 4666

Borgarbíó, Akureyri, s. 462 3500

16.00 Kvikmyndasafn Íslands
sýnir myndina „Marcelino pan y vino“ í
Bæjarbíó, Strandgötu 6, Hafnarfirði.
Myndin er frá árinu 1954 og er leikstjóri
hennar Ladislavo Vajda. Með helstu
hlutverk fara Pablito Calvo, Rafael
Rivelles og Juan Calvo. Með tilkomu
myndarinnar varð Pablito Calvo frægasta
barnastjarna Spánar þessa tíma. Hann
hætti kvikmyndaleik við 16 ára aldur og
snéri sér að öðru. Miðasala opnar hálf-
tíma fyrir sýningu og er miðaverð 500
kr. Myndin er svarthvít og með enskum
texta.

Nú standa yfir Breskir bíódagar í Há-
skólabíói. Það er kvikmyndaklúbburinn
Film undur í samvinnu við Græna ljós-
ið/Íslensku kvikmyndasamsteypuna og
Bergvík sem stendur fyrir hátíðinni. Kvik-
myndahátíðin stendur til 14. september
og er sérstaklega mælt með myndunum
Sweet Sixteen eftir Ken Loach og
Magdalene Sisters eftir Peter Mullen.
■ ■ TÓNLEIKAR

KK og Magnús Eiríksson opna tón-
leikaferð sína um landið með hádegistón-
leikum í Þórsmörk í dag. Þeir spila í Bás-
um í glæsilegri aðstöðu Útivistar. Þórs-
merkurlögin eru stór partur af nýútkomn-
um geisladiski þeirra „22 ferðalög“ og því
við hæfi að hefja tónleikaferðina þar.

16.00 Sinfóníuhljómsveit Íslands
heldur tónleika í Hveragerðiskirkju. Á
efnisskránni eru mjög aðgengileg verk.
Þar á meðal Trompetkonsert eftir J.N.
Hummel, verk eftir W. A. Mozart, Franz
Lehár og fleiri. Hljómsveitarstjóri á tón-
leikunum verður Rumon Gamba.

17.00 Kirkjukór Zions-kirkjunnar
í Bethel í Þýskalandi undir stjórn Rol-
ands Mullers syngur í Akureyrakirkju í
dag. Með kórnum leikur blásarakvartett.
Aðgangur er ókeypis og allir velkomnir.

18.00 Bandaríska rokksveitin
Stretch Arm Strong heldur tónleika í
Undirheimum FB í kvöld. Með þeim
spila I Adapt, Andlát og Fighting Shit.
Ekkert aldurstakmark, vímulaus
skemmtun, 1.000 kr. inn.
■ ■ FJÖLSKYLDUSKEMMTANIR

10.00 Í tilefni af afmæli kennara-
deildar Háskólans á Akureyri hefur ver-
ið ákveðið að bjóða til hátíðardagskrár í
húsnæði deildarinnar að Þingvallastræti
23 undir yfirskriftinni „Mennt er máttur“.
Menntamálaráðherra og fleiri ávarpa
gesti um morgnuninn. Eftir hádegi kl. 14
stendur kennaradeild fyrir málstofu þar
sem fimm brautskráðir M.Ed. og B.Ed
nemar kynna lokaverkefni sín. Að lok-
inni málstofu mun Ásta Magnúsdóttir,
nemi á tónlistarsviði kennaradeildar,
syngja nokkur lög undir stjórn Roberts
Faulkners tónlistarkennara við kennara-
deild.

10.00 Fyrsta gangan í syrpunni
Haustgöngur skógræktarfélagsins
verða í dag. Í Hafnarfirði er gengið frá
Kaldárseli og endað í Skólalundi og
göngustjóri er Jónatan Garðarsson.

Hausthátíð er í Vesturbæ í dag. Frítt
er í Vesturbæjarlaugina til hádegis og
helgistund er í Neskirkju kl. 11. Skátafé-
lagið Ægisbúar býður upp á skemmti-
dagskrá í skátaheimilinu kl. 12-16 og
skemmtidagskrá verður á KR-svæðinu
og í frístundamiðstöðinni Frostaskjóli kl.
14.-16. Nánari upplýsingar eru á vefslóð-
inni www.rvk.is

10.00 Kayakklúbburinn heldur
Hvammsvíkurmaraþon í dag ef veður
leyfir. Skráning hefst kl. 9 á Geldinganes-
inu. Boðið verður upp á kvenna- og
karlaflokka. Verðlaunaafhending og grill-
veisla er áætluð í Hvammsvík kl. 16.30.
Þáttökugjald í maraþoninu er kr. 1500
og nánari upplýsingar eru á vefslóðinni
www.this.is/kayak

11.00 Grasagarður Reykjavíkur
stendur fyrir uppskeruhátíð. Þar verður
fræðsla um ræktun matjurta í heimilis-
garðinum en einnig fær fólk að bragða á
góðgætinu. Dagskráin hefst í hvíta lysti-
húsinu við garðskálann. Allir velkomnir.
■ ■ LEIKHÚS

14.00 Lab Loki sýnir barnaleikritið
Baulaðu nú, dagur í lífi Kristínar Jósefínu
Páls, í Hafnarhúsinu. Sýningin er ætluð
börnum frá 3-9 ára. Það kostar 1.200
kall inn og miðapantanir eru í síma 590-
1200.

15.00 Aukasýning er á söngleikn-
um Grease í Borgarleikhúsinu í dag.
Uppselt.

20.00 Þjóðleikhúsið sýnir leiksýn-
inguna Með fulla vasa af grjóti og örfá
sæti eru laus í kvöld.

20.00 Vesturportið sýnir Rómeó
og Júlíu í Borgarleikhúsinu í kvöld.
Uppselt.
6. september 2003 LAUGARDAGUR
hvað?hvar?hvenær?
5 6 7 6 7 8 9
SEPTEMBER
Laugardagur
SVEITABALL „Þetta er búið að ganga
alveg æðislega vel, nánast hús-
fyllir á allri tónleikaferðinni,“
segir Björgvin Halldórsson um
sveitaballarúnt Brimklóarmanna
en hljómsveitin spilar í Vala-
skjálf á Egilsstöðum í kvöld. „Við
hófum ferðalagið á Skagaströnd
um verslunarmannahelgina
ásamt KK og Magga Eiríks og
viðtökurnar hafa verið mjög
ánægjulegar.“ Brimkló gerði á
sínum tíma fimm stórplötur með
fjöldanum öllum af vinsælum
lögum og flest þeirra lifa enn
góðu lífi: „Unga kynslóðin þekkir
öll lögin og það er sungið með frá
fyrsta lagi. Þegar við tökum lagið
Skólaball þá get ég bara farið og
fengið mér kaffi og salurinn sér
um að syngja.“ Í Brimkló eru sjö
meðlimir: „Það eru fjöldamörg ár
síðan við spiluðum saman síðast
en það er sama stemningin í loft-
inu. Það var líka sérstaklega
ánægjulegt að Sigurjón Sighvats-
son, einn af stofnendum hljóm-
sveitarinnar, skyldi geta verið
með okkur í Hlégarði í Mosfells-
bæ um síðustu helgi. Diddú kom
líka í heimsókn og þegar við tók-
um Nínu og Geira ætlaði allt um
koll að keyra.“ Tónleikaferðinni
lýkur opinberlega þarnæsta laug-
ardag í Stapanum. Líkur eru þó á
að einhverjum tónleikum verði
bætt við vegna fjölda áskorana:
„Okkur langar á Akranes, Selfoss
og til Vestmannaeyja. Það er búið
að vera svo gaman að ég held að
það verði erfitt að hætta eftir
þetta.“ ■
■ SVEITABALL
Erfitt að hætta eftir þetta
Nýr veitingastaður
Aðalstræti 12
restaurant bar take-away
Sólin rís í austri
sushi, salöt, misósúpur,
curries, núðlur og grillréttir
opið frá kl.12.00 mán. - fös. og frá kl.17.30 lau. og sun.
BJÖRGVIN HALLDÓRSSON
Hljómsveitin Brimkló spilar í Valaskjálf á Egilsstöðum í kvöld