Fréttablaðið - 13.11.2003, Side 2

2 13. nóvember 2003 FIMMTUDAGUR
„Nei þetta er það ekki, en þessar
aðgerðir taka hins vegar ekki á
vanda markaðarins.“
Ingvi Stefánsson er formaður Svínaræktarfélags
Íslands. Hann segir að ríkið mismuni kjötframleið-
endum með því að styrkja sauðfjárræktina sér-
staklega um 140 milljónir króna
Spurningdagsins
Ingvi, er þetta tómt svínarí hjá
sauðfjárbændum?
NASIRIYAH, ÍRAK Að minnsta kosti
25 fórust þegar bílsprengja
sprakk fyrir utan höfuðstöðvar
ítölsku herlögreglunnar í borg-
inni Nasiriyah í suðurhluta Íraks
í gær. Að sögn ítalskra embættis-
manna voru sautján hinna föllnu
ítalskir her- og herlögreglumenn
en aðrir íraskir borgarar, en auk
þess hefðu að minnsta kosti
hundrað manns slasast.
Þetta er blóðugasta árásin
sem bandamenn Bandaríkja-
manna hafa orðið fyrir í Írak frá
upphafi stríðsins og fyrsta
sprengjuárásin sem andstæðing-
ar hersetunnar gera í þessari til-
tölulega rólegu borg á svæði
shítamúslíma.
Carlo Azeglio Ciampi, forseti
Ítalíu, lýsti árásinni í gær sem
grimmilegu hryðjuverki og Sil-
vio Berlusconi, forsætisráðherra
Ítalíu, harmaði árásina en sagði
að hún hefði engin áhrif á fyrir-
ætlanir Ítala um að sinna skyld-
um sínum í Írak.
Andrea Angeli, talsmaður ítal-
ska hersins í Nasiriyah, sagði í
símaviðtali við AP-fréttastofuna
í gær að sprengjunni hefði verið
komið fyrir í tankbíl sem ekið
hefði verið í gegnum öryggishlið
rétt áður en sprengjan sprakk.
Hún sagði að sprengjan hefði
verið svo öflug að rúður í bygg-
ingum handan Efrat-árinnar
hefðu brotnað. Nokkrar kröftug-
ar sprengingar hefðu svo fylgt í
kjölfarið inni í byggingunni þeg-
ar eldur komst í skotfæra-
geymslur. „Byggingin er í björtu
báli og við getum ekki útilokað
að fleiri ítalskir hermenn séu
fastir í rústunum,“ sagði Angeli.
Í gær bárust fréttir af því að
bandarískir hermenn hefðu fyrir
slysni skotið að bifreið eins með-
lims íraska framkvæmdaráðsins
og mun hann hafa sloppið ómeidd-
ur. Áður höfðu bandarískir her-
menn gert aðra slysaárás við eft-
irlitsstöð í bænum Fallujah í
fyrrakvöld, en þar hófu þeir skot-
hríð á flutningabifreið hlaðna lif-
andi kjúklingum með þeim afleið-
ingum að fimm Írakar létu lífið.
Í bænum Taji, norður af
Bagdad, féll einn bandarískur
hermaður þegar sprengja sprakk
undir herbíl. Þar með eru 153
bandarískir hermenn fallnir í
átökunum í Írak síðan Bush
Bandaríkjaforseti lýsti því yfir í
byrjun maí að meiriháttar aðgerð-
um væri lokið.
erlingur@frettabladid.is
Ástralinn situr í gæsluvarðhaldi:
Verður ekki ákærður fyrir mansal
DÓMSMÁL Dómyfirheyrslur yfir
kínversku stúlkunum tveimur
sem komu í fylgd Ástralans á
fölsuðum vegabréfum fóru fram í
Héraðsdómi Reykjaness í gær.
Ástralinn verður ekki ákærður
fyrir mansal heldur fyrir ólögleg-
an flutning fólks á milli landa. Til
stóð að senda stúlkurnar heim til
Kína að yfirheyrslum loknum.
Stúlkurnar komu frá Changle-
borg í Fuyianfylki í Kína. Þær
segjast ekki hafa þekkst fyrir
ferðina heldur hafi þær kynnst í
Tælandi sem var fyrsti áfanga-
staður þeirra. Önnur þeirra er 23
ára gömul, hefur lokið barnaskóla
og var ekki í vinnu heima fyrir.
Hin stúlkan er 24 ára, mennta-
skólagengin og vann við sölustörf
áður en hún hélt af stað.
Hvorug stúlknanna gátu greint
frá í hvaða löndum þær höfðu haft
viðdvöl í Evrópu en töldu löndin
vera þrjú. Þeim bar ekki saman
um hvað skyldi gera þegar þær
kæmu til Bandaríkjanna en þang-
að var förinni heitið. Önnur þeirra
ætlaði að vinna á veitingastað þar
sem hún taldi mánaðarlaunin eiga
að vera um eitt þúsund dollara á
mánuði. Þá ætlaði hún að nota
hluta launanna til að greiða niður
ferðakostnaðinn sem hún var ekki
viss um hver yrði. Sú eldri sagðist
hafa farið í skemmtiferð til
Tælands. Þar hefði hún tekið
ákvörðum um að fara til Banda-
ríkjanna þar sem hún hugðist
skemmta sér. Ferðina taldi hún
kosta um 4.000 dollara. ■
Sprengiefni olli slysi
við Kárahnjúka:
Þrír menn
fluttir á
sjúkrahús
VINNUSLYS Þrír menn voru fluttir á
sjúkrahús á Egilsstöðum eftir slys
á vinnusvæði Fosskrafts í Fljóts-
dal aðfararnótt þriðjudags. Þar er
unnið að gangagerð vegna fram-
kvæmda við Kárahnjúka.
Samkvæmt heimildum Frétta-
blaðsins varð slysið við meðferð á
sprengiefni en mennirnir þrír
munu hafa sloppið vel frá atvik-
inu. Forsvarsmenn verktaka við
svæðið vildu ekki tjá sig um atvik-
ið í gær. ■
Framleiðsla sauðfjárafurða:
Meiri en
neysla
LANDBÚNAÐUR Þrátt fyrir að mark-
mið samnings um framleiðslu
sauðfjárafurða frá því árið 2000
hafi náðst og ríkið hafi keypt upp
45.000 ærgildi, er framleiðslan enn
meiri en neyslan. Í svari landbún-
aðarráðherra við fyrirspurn Önnu
Kristínar Gunanrsdóttur, þing-
manns Samfylkingarinnar, kemur
fram að uppkaup framleiðsluréttar
náðust um mitt síðasta ár. Þau hafa
stuðlað að því að framleiðslan hef-
ur færst nær innanlandsneyslu.
Neysla sauðfjárafurða hefur hins
vegar haldið áfram að minnka og
framleiðslan er því enn umfram
eftirspurn á innlendum markaði.
Fram kemur í svarinu að lögbýlum
með virkt greiðslumark fækkaði í
fyrra um 86, úr 2.059 árið 2001 í
1.973 í fyrra. ■
Falskur vodki:
Inniheldur
tréspíra
NEYTENDAMÁL Umhverfisstofnun
hefur sent frá sér viðvörun um að
í dreifingu sé falsað-
ur vodki sem inni-
heldur tréspíra.
Falski vodkinn er
dulbúinn sem Kirov
vodki en neytendum
er bent á að tappinn
á falsaða vodkanum
hafi engar merking-
ar; en á tappa raun-
verulegs Kirov
vodka er arnar-
merki og vöruheitið
prentað þrisvar.
Tréspíri er ákaf-
lega eitraður og getur valdið
blindu og jafnvel dauða. Þeim til-
mælum er bent til þeirra sem
keypt hafa Kirov vodka að hella
innihaldinu og hafa samband við
heilbrigðiseftirlit. ■
GÆSLUNA TIL SUÐURNESJA
Þingmenn Suðurkjördæmis vilja að dóms-
málaráðherra kanni kosti þess að flytja
Landhelgisgæsluna til Suðurnesja.
Gæsluna á Suðurnes:
Mælt með
flutningi
ALÞINGI Flest rök mæla með flutn-
ingi höfuðstöðva Landhelgisgæsl-
unnar til Suðurnesja að mati
nokkurra þingmanna Suðurkjör-
dæmis. Þingsályktunartillaga sem
Hjálmar Árnason Framsóknar-
flokki og fleiri lögðu fram á Al-
þingi í gær, felur í sér að dóms-
málaráðherra láti kanna kosti
þess að flytja gæsluna til Suður-
nesja og á úttektinni að vera lokið
fyrir 15. febrúar á næsta ári.
Flutningsmenn tillögunnar
benda meðal annars á byggðarök
og segja að með flutningi gæsl-
unnar til Suðurnesja legði ríksi-
valdið sitt af mörkum til að bregð-
ast við samdrætti í atvinnulífi
svæðisins. ■
edda.is
Upp úr fertugu fara í
hönd miklar breytingar í
lífi fólks og ýmis tækifæri
myndast í einkalífi og
starfi. Í bókinni er fjallað
um þetta umbreytingaskeið
og skyggnst jöfnum
höndum inn í veruleika og
sálarlíf karla og kvenna á
þessum árum.
Spennandi æviskeið ...
Komin í verslanir
Fjöldamorðingjar:
Ginntu konur
í atvinnuleit
PEKING, AP Kínversk yfirvöld hafa
ákært 43 ára karlmann og tvítuga
konu fyrir að hafa myrt tólf konur
í Shenzhen-héraði í Kína.
Ma Yong og Duan Zhiqun voru
handtekinn í þorpinu Buji 23.októ-
ber síðastliðinn. Þau eru talin hafa
ginnt konurnar í net sitt með því
að þykjast reka atvinnumiðlun. Á
heimili þeirra fannst fatnaður,
skilríki og blóð úr fórnarlömbun-
um. Lík kvennanna fundust í ná-
grenni Buji. Að sögn yfirvalda var
markmiðið að komast yfir eigur
fórnarlambanna. ■
VESTURBAKKINN Palestínska þingið
staðfesti skipun nýrrar ríkis-
stjórnar undir forystu forsætis-
ráðherrans Ahmed Qureia á þing-
fundi í Ramallah. Myndun ríkis-
stjórnarinnar hafði ítrekað verið
skotið á frest þar sem Qureia og
Yasser Arafat, leiðtogi Palestínu-
manna, gátu ekki komist að sam-
komulagi um skipun öryggis-
mála. Arafat hafði á endanum sitt
fram.
Qureia og Arafat sögðu að það
væri kominn tími til að binda endi
á átökin fyrir botni Miðjarðar-
hafs og kölluðu eftir friðarvið-
ræðum við Ísraela. Qureia sagði
að það væri nauðsynlegt að hefja
nú þegar viðræður á grundvelli
hugmynda Bandaríkjastjórnar
um tvö sjálfstæð ríki. Hann ítrek-
aði sem fyrr að þjóðirnar yrðu að
vinna saman til að koma á friði.
Arafat lét þau orð falla að ísra-
elska þjóðin ætti „rétt á því að lifa
í friði“. Ísraelsk stjórnvöld brugð-
ust varfærnislega við ummælum
palestínska leiðtogans. „Þú getur
ekki haldið á ólífugrein í annarri
hendi og tifandi sprengju í hinni“
sagði Dore Gold, einn af ráðgjöf-
um Ariel Sharon, forsætisráð-
herra Ísraela. Bandarísk og ísra-
elsk stjórnvöld saka Arafat um að
halda hlífiskyldi yfir hryðju-
verkamönnum. ■
BERA SAMAN BÆKUR SÍNAR
Ahmed Qureia og Yasser Arafat stinga
saman nefjum á þingfundinum í Ramallah.
Palestínska þingið samþykkir nýja ríkisstjórn:
Arafat og Qureia kalla
eftir friðarviðræðum
Blóðbað í sprengju-
árás í Nasiriyah
Að minnsta kosti 25 fórust í sprengjuárásinni og þar á meðal sautján
ítalskir hermenn. Forsætisráðherra Ítalíu harmar árásina. Í bænum Taji
skutu bandarískir hermenn fyrir slysni á bifreið hlaðna kjúklingum.
SPRENGJURÚSTIRNAR Í NASIRIYAH
Árásin á höfuðstöðvar ítölsku herlögreglunnar í Nasiriyah er sú blóðugasta sem banda-
menn Bandaríkjamanna hafa orðið fyrir í Írak til þessa.
VARIST EFTIR-
LÍKINGAR
Flaska af Kirov
vodka
Í HÉRAÐSDÓMI REYKJANESS
Kínversku stúlkurnar voru yfirheyrðar
í Héraðsdómi.
FRÉTTAB
LAÐ
IÐ
/RÓ
B
ERT