Fréttablaðið - 20.02.2004, Page 48

40 20. febrúar 2004 FÖSTUDAGUR
GÓÐ DÝFA
Hyon Ju Jon frá Norður-Kóreu átti þessa
góðu dýfu af tíu metra palli á heimsbikar-
móti í Aþenu í gær. Um er að ræða æf-
ingamót fyrir Ólympíuleikana sem verða
einmitt haldnir í Aþenu í sumar.
Dýfingar
Þjálfari Nets setur NBA-met:
Tíu sigurleikir í röð
KÖRFUBOLTI Lawrence Frank,
þjálfari New Jersey Nets í NBA-
deildinni, varð á dögunum fyrsti
þjálfarinn í sögu deildarinnar
sem stýrir liði til sigurs í fyrstu
tíu leikjum sínum þegar Nets
vann Atlanta Hawks með 98 stig-
um gegn 92.
Með sigrinum á Hawks bætti
Frank met Kurt Rambis, sem
vann níu leiki í röð sem þjálfari
Lakers leiktíðina 1998-99, og
Buddy Jeannette, sem þjálfaði
Baltimore 1947-48.
Frank, sem er 33 ára, er
yngsti þjálfarinn í bandarískum
atvinnumannaíþróttum. „Hann
er sannur leiðtogi,“ sagði Kerry
Kittles, sem skoraði 10 stig fyrir
Nets í leiknum. „Hann kann að
ýta á réttu hnappana. Hann set-
ur fram gott leikskipulag og
okkur líður öllum vel þegar við
göngum inn á leikvöllinn.“ Nets
hefur nú unnið ellefu leiki í röð í
deildinni og er sigurganga liðs-
ins orðin jafnlöng þeirri sem
náðist leiktíðina 1982-83. ■
FÓTBOLTI „Markmið okkar er að
komast áfram og fá fleiri leiki í vor
og einhverja þeirra á grasi,“ sagði
Þorlákur Árnason, þjálfari, um
markmið Fylkismanna í Deildabik-
arkeppninni. Fyrsti leikur Fylkis í
keppninni verður gegn Haukum í
kvöld. „Ég hef ekki séð Haukana í
vetur en ég veit að þetta verður
erfiður leikur. Það er alltaf erfitt
fyrir úrvalsdeildarlið að leika
gegn 1. deildarfélagi því öll press-
an er á úrvalsdeildarliðinu.“
Þorlákur segir að Deildabikar-
keppnin sé gott framhald af
Reykjavíkurmótinu, sem gaf hon-
um tækifæri til að skoða marga
leikmenn. Margir ungir leikmenn
hafi fengið tækifæri. Hann tekur
ekki afstöðu til þess hvort reglur í
Deildabikarkeppninni ættu að
gefa félögum meira svigrúm til að
skoða leikmenn en bendir á að
rýmri reglum geti fylgt meiri los-
arabragur.
Deildabikarkeppni hófst fyrir
átta árum og hefur á síðustu fjór-
um árum hafist um miðjan vetur í
knattspyrnuhöllunum. Telur Þor-
lákur tímabært að auka vægi
mótsins, til dæmis með því að sig-
urvegarinn fái sæti í Getrauna-
keppni UEFA? „Það gæti verið. Við
höfum lengsta undirbúningstíma í
heimi og það er erfitt að halda
dampi í langan tíma. Það mætti
ræða það að félögin fengju eitt-
hvað meira fyrir að sigra í Deilda-
bikarnum, hvort sem það eru pen-
ingaverðlaun eða eitthvað annað.“
Fylkir er í riðli með Lands-
bankadeildarfélögunum Grinda-
vík, KA, KR og Víkingi og 1. deild-
arfélögunum Haukum, Njarðvík
og Þór. Fjögur félög komast í átta
liða úrslit og mun því að minnsta
kosti eitt félaganna úr Lands-
bankadeild sitja eftir. „Allir leikir
verða erfiðir,“ sagði Þorlákur.
„Það er oft erfitt að spila á móti 1.
deildarliðunum því úrvalsdeildar-
liðin eru oft að prófa meira en 1.
deildarliðin eru fyrst og fremst að
reyna að ná góðum úrslitum.“
„Liðið í kvöld verður svipað og
um síðustu helgi. Ég hef ekki stillt
upp sama liði tvo leiki í röð, bæði
til að prófa leikmenn og vegna
meiðsla. Það liggur ekkert á að
ákveða liðið sem spilar í sumar,“
sagði Þorlákur Árnason, þjálfari
Fylkis. ■
FRANK
Hefur byrjað frábærlega með New
Jersey síðan hann tók við liðinu.
A-RIÐILL: Fylkir, Grindavík, Haukar, KA,
KR, Njarðvík, Víkingur og Þór Ak.
Leikir í kvöld
Fylkir - Haukar Egilshöll 18:30
Þór - Grindavík Boginn 20:15
KR - Njarðvík Egilshöll 20:30
Leikur á morgun
KA - Grindavík Boginn 12:15
B-RIÐILL: FH, Fram, ÍA, ÍBV, Keflavík,
Stjarnan, Valur og Þróttur Rvík
Leikur í kvöld
ÍBV - Stjarnan Fífan 21:00
Leikir á sunnudag
Fram - ÍA Egilshöll 18:00
FH - Valur Egilshöll 20:00
Kef. - Þróttur Reykjaneshöllin 20:00
Deildabikarmeistararatitlar 1996-2003:
ÍA 3, KR 2, FH, Grindavík og ÍBV.
FYLKIR
Árbæingarnir eru í riðli með Grindavík, Haukum, KA, KR, Njarðvík, Víkingi og Þór í Deilda-
bikarkeppninni.
FRJÁLSAR ÍÞRÓTTIR Ástralska hlaupa-
drottningin Shirley Strickland
(síðar Shirley De La Hunty) lést á
þriðjudag, 79 ára gömul. Strick-
land vann til sjö verðlauna á
Ólympíuleikunum 1948, 1952 og
1956 í spretthlaupum og boð-
hlaupum.
Shirley Strickland fæddist í
Northam í Vestur-Ástralíu 18. júlí
1925. Hún hóf ekki að keppa í
frjálsum íþróttum fyrr en að
loknu háskólanámi árið 1947 og
vann sér sæti í liði Ástrala á
Ólympíuleikunum í London árið
eftir. Hún fékk silfurverðlaun og
tvenn bronsverðlaun í London og
varð fyrst ástralskra kvenna til að
vinna til verðlauna á Ólympíuleik-
um. Á leikunum í Helsinki árið
1952 sigraði hún í 80 metra
grindahlaupi og varð þriðja í 100
metra hlaupi.
Eftir hlé vegna barneigna hóf
hún keppni að nýju árið 1955 og
setti heimsmet í 100 metra hlaupi,
11,3 sekúndur, og fylgdi því eftir
með gullverðlaunum í 80 metra
grindahlaupi og 4x100 metra boð-
hlaupi á Ólympíuleikunum í Mel-
bourne árið 1956. ■
SHIRLEY STRICKLAND
Vann til sjö verðlauna á Ólympíuleikum.
Ólympíuleikar:
Afrekskona fallin frá
Markmiðið að
komast áfram
Deildabikarkeppni karla hefst í kvöld með leik Fylkismanna
og Hauka í Egilshöll.