Fréttablaðið - 27.02.2004, Page 45

25FÖSTUDAGUR 27. febrúar 2004
NATURAL BOOSTER með kreatíni húðarinnar.
Fjölþætt styrking á náttúrulegum vörnum húðarinnar
gegn öldrun.
Hannað eins og húðin vinnur.
Bætt heilsa – Betra líf:
Lífsvenjur nýttar til heilsubótar
Félagið Betri heilsa – Betra lífstendur fyrir heilsukynning-
um í Suðurhlíðarskóla við Suður-
hlíð 36 á næstu vikum. Yfirskrift-
in er Heilbrigðar lífsvenjur. „Við
erum áhugafólk um heilsu,“ segir
Unnur Halldórsdóttir spurð um
félagsskapinn og eru félagar
bæði úr heilbrigðisstéttum og
áhugafólk um bætta heilsu.
„Þetta er í raun og veru amerískt
prógramm, The Health Expo,
bæði tölvuforrit og fyrirlestrar
sem við höfum látið þýða en við
erum einnig með íslenska fyrir-
lestra í þessu.“
Unnur var lengi búsett í
Kanada og lærði þar hjúkrun. Þar
komst hún í kynni við þetta kerfi.
„Ég hef lært margt af þessu. Við
getum nefnilega notað lífsvenjur
okkar til að bæta heilsuna.“
Kynningarkvöldin verða fimm
þriðjudagskvöld í mars og standa
frá kl. 19.30 til 21.30. 2. mars
verður fyrirlestur um hreyf-
ingu, 9. um tannhirðu, 16. um
sykursýki, 23. um vatn, hvíld
og meltingu og 30. mars verð-
ur síðasti fyrirlesturinn um
hjartasjúkdóma.
Öll kvöldin verður boðið
upp á sýnikennslu í mat-
reiðslu grænmetisrétta. Sömu-
leiðis verða kynningarbásar
með mælitækjum þar sem
mældur verður heilsu-
aldur, blóðþrýstingur,
fituhlutfall, lungna-
þol, þrek, og
fleira. Sérstakt
forrit metur
þar lifnaðar-
hætti á grund-
velli rannsókna
og kemur með
einstakl ings-
bundnar tillög-
ur að úrbótum.
Aðgangur er
ókeypis, nema
matreiðslunám-
skeiðið sem
kostar 500
krónur og skrá
þarf þátttöku í
því í síma 894
1796. ■
Hvernig heldur þú þér í formi?
Badminton
tvisvar í viku
Kormákur Geirharðsson er ífínu formi og þakkar það
badmintoniðkun tvisvar í viku.
„Það er nóg til að halda mér
gangandi og ekki skemmir
keppnisskapið,“ segir Kormákur.
„Badminton er alhliða hreyfing
sem reynir á alla vöðva og maður
teygir í leiðinni. Það þarf ekkert
að teygja í badminton, því maður
gerir það á meðan á leiknum
stendur. Upphitun og teygjur eru
líka ofmetnar,“ segir hann og
bendir á, máli sínu til stuðnings,
að í könnun sem var gerð á
bandarískum hermönnum kom í
ljós að meiðsl voru ekki meiri
meðal þeirra sem hituðu upp en
hinna sem hituðu ekki upp.
„Við erum fjórir sem hittumst
reglulega í badminton og spilum
tvíliðaleik. Ég sleppi ekki úr
skipti nema af illri nauðsyn.“
Kormákur segist ekki hafa
verið sérstaklega meðvitaður um
hreyfingu síðan hann var í hand-
boltanum með Víkingi í gamla
daga, en badmintonið hristi upp í
honum. Nú bíður hann spenntur
eftir sumrinu. „Það er svo ég geti
tekið pásu frá badmintoninu og
byrjað í golfinu.“ ■
Heilsa Bandaríkjamanna undir smásjánni:
Meirihluti of þungur
Um 22 prósent Bandaríkja-manna eiga við offituvandamál
að stríða og þar fyrir utan eru 35
prósent of þung. Þessi niðurstaða
kemur fram í nýrri könnun um
venjur Bandaríkjamanna. Um 40
prósent voru í kjörþyngd en ein-
göngu 2 prósent undir kjörþyngd.
60 prósent Bandaríkjamanna
neyta áfengis, þar af 20 prósent í
óhófi. 23 prósent reykja en um 50
prósent hafa aldrei tekið smók. Yfir
60 prósent segjast stunda einhvers
konar hreyfingu og einn af fjórum
stundar styrktarþjálfun.
60 prósent fullorðinna Banda-
ríkjamanna neyta áfengis en 25
prósent neyta ekki áfengis. Einn
þriðji fullorðinna telst drekka lítið,
sem er þrír eða færri drykkir á
viku. Um fimm prósent töldust
drekka mikið, sem samkvæmt skil-
greiningu könnunarinnar þýðir sjö
eða fleiri drykki á viku fyrir konur
en fjórtán á viku fyrir menn. Um 20
prósent sögðust stundum drekka
meira en fimm drykki á dag, sem
flokkast undir fyllerí.
19 prósent fullorðinna reykja
daglega, og er meðaltalsneyslan
einn pakki á dag. Yfir 40 prósent
reykingarmanna sögðust hafa
reynt að hætta að reykja á síð-
asta ári.
Bandaríkjamenn af asískum
uppruna voru ólíklegri en aðrir
Bandaríkjamenn til þess að stunda
óhollan lífsstíl. ■
Ráðstefna:
Heilbrigðis-
málin rædd
Landssamband sjúkrahúsa, heil-brigðisráðuneytið og Félag
forstöðumanna sjúkrahúsa efna
til ráðstefnu um málefni heil-
brigðisþjónustunnar. Fjallað verð-
ur um heilbrigðismál á víðum
grundvelli, m.a. rætt um hugsan-
legan flutning heilsugæslu og
öldrunarmála til sveitarfélaga og
rekstur og fjármögnun heilbrigð-
isstofnana.
Einnig verður kastljósinu beint
að fjármögnun og rekstrarformi
heilbrigðisstofnana.
Ráðstefnan verður haldin á
föstudaginn í Eldborg í Bláa lón-
inu og stendur frá kl. 9 til 16. ■
Mun óhófleg neysla fella vesturveldin?
Um daginn daginn setti ég framþá kenningu að fall Banda-
ríkjanna yrði sökum óhóflegrar
neyslu. „Brátt verða þeir of feitir
til að manna herinn,“ sagði ég við
konuna mína og vitnaði í tölur
sem segja 25 prósent barna í
Bandaríkjunum vera of feit. Ég
viðurkenni að umræðuefnið yfir
borðhaldi á Valentínusardag hefði
getað verið smekklegra og ég
bætti úr því seinna um kvöldið en
daginn eftir sá ég fyrirsögn í
Morgunblaðinu um nákvæmlega
það sem ég hafði verið að tala um,
nema að danski herinn var til um-
ræðu. Rúmlega 30% herskyldra
manna úr síðasta úrtaki í Dan-
mörku voru taldir óhæfir til her-
þjónustu. Astmi og offita voru
aðalástæður vanhæfni. Neyslu-
tengdir sjúkdómar að sögn lækna.
Engar tölur hafa borist frá Banda-
ríkjunum en hvernig ætli ástandið
sé þar?
Sagan sýnir að eðli hemsveldis
sé að vaxa og falla. Iðulega byrjar
að hrikta í stoðum og innviðirnir
veikjast. Oft þarf engan óvinaher
til að fall eigi sér stað. Getur ver-
ið að óhófleg neysla Bandaríkja-
manna verði til þess að heims-
veldi þeirra falli um sjálft sig?
Getur verið að fleiri vesturveldi
séu á svipuðum vegi stödd?
Í Bretlandi er þessa dagana
verið að íhuga að setja fituskatt á
matvæli. Offita og neyslutengdir
sjúkdómar eru farin að kosta sam-
félagið þar gífurlega fjármuni.
Við erum ekki undanskilin hér
á landi. Þótt við eigum engan her
getur verið að óhófleg neysla á
mat og drykk fari fljótlega að taka
sinn toll af einstaklingum, fjöl-
skyldum, heilbrigðisþjónustu og
skattborgurum. Margir hafa bent
á þessa hættu.
Spurningarnar eru einfaldar:
Hversu slæmt þarf ástandið að
verða hér á landi áður en gripið
verður í taumana? Hversu mikinn
kostnað þurfa óhollir lifnaðar-
hættir að hafa í för mér sér til að
fólkið í landinu geri þær breyting-
ar sem þarf?
Það hefur tekið rúm 40 ár að
breyta viðhorf-
um til tóbaks
frá fyrstu
r a n n s ó k n u m
sem sýndu fram
á skaðsemi til dagsins
í dag. Rannsóknir á tengslum
mataræðis og lifnaðarhátta við
alls kyns sjúkdóma eru langt á
veg komnar. En hversu lengi
þurfa niðurstöðurnar að vera í al-
mannaumræðu þangað til eitt-
hvað verður gert í málinu?
gbergmann@gbergmann.is
Líkamiog sál
GUÐJÓN
BERGMANN
■ jógakennari og
rithöfundur skrifar
um andlega og
líkamlega heilsu.
KORMÁKUR GEIRHARÐSSON
Stundar badminton á veturna og golf á sumrin.
UNNUR
HALLDÓRSDÓTTIR
Er í áhugahópi um
bætta heilsu sem
stendur fyrir fyrir-
lestrum og kynn-
ingum
alla þriðjudaga í
mars.