Fréttablaðið - 26.03.2004, Blaðsíða 2

2 26. mars 2004 FÖSTUDAGUR
,,Hann skemmdi ekki fyrir.”
Jón Diðrik Jónsson er forstjóri Ölgerðarinnar Egils
Skallagrímssonar, sem mældist hæst á svokallaðri
ánægjuvog Gallups þar sem viðhorf til fyrirtækja
er mælt. Í auglýsingum fyrirtækisins undanfarið
hefur verið lögð áhersla á að við bjórbruggun
notist Ölgerðin ekki við sykur.
Spurningdagsins
Jón Diðrik, var það sykurlausi bjórinn
sem gerði útslagið?
■ Lögreglufréttir
■ Lögreglufréttir
Hliðarskrúfa missti afl
Sjóprófum vegna strands fjölveiðiskipsins Baldvins Þorsteinssonar lauk í Hér-
aðsdómi Norðurlands eystra í gær. Þeim möguleika var velt upp hvort varð-
skip ætti að fylgja loðnuveiðiflotanum vegna þess hve oft skip fá í skrúfuna.
SJÓPRÓF Við sjópróf vegna strands
fjölveiðiskipsins Baldvins Þor-
steinssonar sem fóru fram í Hér-
aðsdómi Norðurlands eystra á Ak-
ureyri í gær
kom fram hjá
Árna V. Þórðars-
syni skipstjóra
að aftari hliðar-
skrúfa skipsins
hefði misst afl
rétt áður en nót-
in festist í skrúf-
unni. Við
aflmissinn hefði
aðalvélinni sleg-
ið út og allt verið
fast. Strax hefði
verið kallað eft-
ir aðstoð og
reynt að bregð-
ast við aðstæðum með eðlilegum
hætti.
Skipstjóri, fyrsti stýrimaður,
yfirvélstjóri og fyrsti vélstjóri
fjölveiðiskipsins gáfu skýrslu fyr-
ir dómi. Markmiðið var að varpa
ljósi á það sem gerðist í Meðal-
landsfjöru aðfaranótt 9. mars síð-
astliðinn og gefa tryggingafélagi
skipsins, útgerð og rannsóknar-
nefnd sjóslysa skýra mynd af at-
burðinum, meðal annars til að
bæta öryggismál.
Greint var frá því að skipið
Bjarni Ólafsson hefði fljótlega
komið fljótlega á vettvang, en
ekki hefði tekist að toga Baldvin
þar sem vírarnir milli skipanna
slitnuðu strax. Við það hefði spilið
um borð í Bjarna gefið sig.
„Þarna stóð skipstjórinn á
Baldvini frammi fyrir því að
ákveða hvernig best væri að snúa
skipinu þegar það kenndi grunns.
Ákveðið var að láta stefnið snúa á
haf út og til að breyta stefnunni
og þyngja skipið voru akkerin sett
út,“ segir Ásgeir Pétur Ásgeirs-
son dómstjóri og bætir því við að
nokkur áhöld hafi verið um þessi
atriði.
„Skipherra Landhelgisgæsl-
unnar lagði til að skuturinn sneri
út á haf, en við nánari athugun var
ákveðið að láta stefnið gera það.
Það þótti eðlilegt miðað við að-
stæður. Aðalatriðið var vitaskuld
að tryggja öryggi skipverjanna og
gera þeim kleift að komast upp í
stýrishús þaðan sem þeim var síð-
an bjargað,“ segir Ásgeir Pétur.
Ekkert kom fram sem benti til
þess að aðstæður á svæðinu hefðu
verið óeðlilegar. „Nánast allur
loðnuveiðiflotinn var á staðnum
þannig að það var ekkert óeðlilegt
við aðstæður á standstaðnum. Það
var rætt um hvort þörf væri á því
að láta aðstoðarskip eða varðskip
fylgja loðnuveiðiflotanum, ekki
síst vegna þess að það er svo al-
gengt að skip fái í skrúfuna á
loðnuveiðum. Skipin eru alltaf að
stækka og geysileg verðmæti í
húfi ef eitthvað fer úrskeiðis,“
segir Ásgeir Pétur.
bryndis@frettabladid.is
Mjög erfitt að hafa eftirlit með útlendingum:
Hundruð manna án dvalarleyfis
ÚTLENDINGAEFTIRLIT „Við höfum
ástæðu til að ætla að það séu nokk-
ur hundruð útlendingar búsettir
hér á landi án tilskilinna leyfa,“
segir Georg Lárusson, forstjóri Út-
lendingastofnunar. Margir þessara
einstaklinga eru með vinnu og mjög
erfitt er að hafa eftirlit með þeim.
„Ef þetta fólk rekur á fjörur lög-
reglu eða Útlendingastofnunar er
því vísað úr landi.“ Georg segir að
stór hluti þessara einstaklinga búi
hjá ættingjum eða samlöndum sem
hafi dvalarleyfi hér á landi og
margir þeirra séu með vinnu. „Það
varðar sektum að ráða fólk í vinnu
sem ekki hefur tilskilin leyfi,“ seg-
ir Georg. Hann viðurkennir að
dæmi séu um að fyrirtæki hafi ít-
rekað orðið uppvís að því að ráða til
sín ólöglega starfskrafta.
Útlendingar sem hafa fengið
tímabundið dvalarleyfi en dvelja
hér áfram eftir að það er runnið út
detta ekki út úr íslenska trygginga-
kerfinu. Georg segir þetta miður og
bendir á að nauðsynlegt sé að taka
upp kerfi þar sem dvalarréttindi
séu samtengd öðrum réttindum til
að gera fólki erfiðara fyrir að búa
hér án tilskilinna leyfa. ■
BÍLVELTA Á FLJÓTSDALSHEIÐI
Jeppi fór út af veginum og valt
á Fljótsdalsheiði um hádegisbil-
ið í gær. Að sögn lögreglu missti
ökumaðurinn stjórn á bílnum í
krapa. Maðurinn, sem var einn í
jeppanum, var í bílbelti og
slapp ómeiddur. Jeppinn
skemmdist töluvert og var hann
fluttur á brott með kranabíl.
INNBROT Í SJÓNVARPSMIÐSTÖÐ-
INA Brotist var inn í Sjónvarps-
miðstöðina í Síðumúla aðfara-
nótt fimmtudags. Þjófarnir
höfðu á brott með sér þrjú
hljómflutningstæki. Nágranni
vaknaði við brothljóð og til-
kynnti um innbrotið en þjófarn-
ir voru á bak á burt þegar lög-
reglan kom á staðinn. Málið er í
rannsókn.
FRÁ SLYSSTAÐNUM Á SELFOSSI
Beðið er niðurstöðu úr krufningu og
tæknirannsókn á byssunni sem voðaskot
hljóp úr fyrr í mánuðinum.
Voðaskotið á Selfossi:
Byssunni
smyglað
VOÐASKOT Eigandi skamm-
byssunnar sem voðaskotið hljóp
úr á Selfossi 15. mars síðastliðinn
og varð Ásgeiri Jónsteinssyni að
bana, hefur gefið lögreglunni
skýrslu og kannast við að eiga um-
rædda byssu. Hún var keypt er-
lendis fyrir nokkrum árum og
flutt ólöglega til landsins, en ekk-
ert leyfi er fyrir henni.
Sýslumaðurinn á Selfossi seg-
ir að beðið sé niðurstöðu úr
rannsóknum, krufningu og
tæknirannsókn á byssunni og
ekki sé að vænta frekari fregna
af málinu fyrr en þær liggi fyrir.
Hann segir það alvarlegt mál að
ólöglegt skotvopn komi við sögu
í málinu.
Ólafur Helgi Kjartansson,
sýslumaður á Selfossi, segir það
ljóst að geymsla á vopninu hafi
ekki verið í samræmi við vopna-
lög. Refsiramminn við slík brot
er frá sektum upp í allt að fjög-
urra ára fangelsi. ■
LAGT HALD Á TUTTUGU GRÖMM
AF HASSI Lögreglan í Keflavík
stöðvaði ungan ökumann og í
kjölfarið var farið í húsleit vegna
gruns um fíkniefnamisferli. Við
leitina fundust um tuttugu
grömm af hassi. Ungi maðurinn
var yfirheyrður í gærkvöld en
lögreglan varðist frekari frétta
af málinu.
Bandaríkjaher í Evrópu:
Styttist í
ákvörðun
WASHINGTON Bandarísk hermála-
yfirvöld vilja fækka hermönnum í
Þýskalandi um allt að helming og
um 15.000 í
Suður-Kóreu
og Japan, sam-
kvæmt frétt
b a n d a r í s k a
stórblaðsins
Wa s h i n g t o n
Post. Að sögn
blaðsins stytt-
ist í að áætlanir
þessa efnis
verði sam-
þykktar af
bandarískum
stjórnvöldum.
71.000 bandarískir hermenn eru
í herstöðvum í Þýskalandi en
bandarísk stjórnvöld vilja flytja
hluta þeirra til minni herstöðva
austar í Evrópu. 100.000 banda-
rískir hermenn eru í Suður-Kóreu
og Japan, en þar vilja stjórnvöld ná
fram fækkun í yfirstjórn og
stoðsveitum hersins. ■
Árásirnar í Madríd:
Fleiri
handteknir
MADRÍD, AP Spænska lögreglan hef-
ur handtekið þrjá til viðbótar
vegna hryðjuverkanna í Madríd
fyrr í mánuðinum.
Tveir menn sem voru hand-
teknir um síðustu helgi voru í gær
kærðir fyrir að vinna með hryðju-
verkahópi sem er grunaður um að
standa á bak við árásirnar. Þar
með hafa ellefu verið kærðir
vegna málsins og er þeim haldið í
fangelsi meðan rannsókn málsins
stendur yfir.
Tveir til viðbótar sem hand-
teknir voru á laugardag eru enn í
haldi lögreglu en hafa ekki verið
kærðir. ■
Starfsgreinasambandið og ríkið:
Verkfall ekki úr myndinni
KJARAVIÐRÆÐUR „Það ber mikið á
milli og nú leggjum við málið fyrir
okkar fólk og fáum álit þess,“ segir
Björn Snæbjörnsson, formaður
samninganefndar Starfsgreina-
sambandsins, eftir að kjaraviðræð-
ur nefndarinnar og fulltrúa ríkis-
ins fóru út um þúfur.
„Verkfall er ekki úr myndinni
að svo stöddu en það er úrræði sem
við beitum ekki nema í lengstu lög.
Hins vegar er það öflugt tæki og ef
fólkið okkar kýs að fara þá leið þá
erum við ekkert hrædd við það.“
Aðildarfélög innan Starfs-
greinasambandsins eru alls 40 tals-
ins, félagsmenn þess um 40 þúsund
og er það stærsta sambandið innan
Alþýðusambands Íslands. Verk-
fallsaðgerðir af hálfu sambandsins
hefðu gríðarleg áhrif víðs vegar í
þjóðfélaginu.
Björn segir að málin verði reif-
uð yfir helgina en ljóst sé að lengra
verði ekki komist. Ríkið hafi ekki
sýnt samstarfsvilja til að rétta kjör
fólksins í landinu. „Það tók alþing-
ismennina sjálfa tvo daga að af-
greiða hækkun á sín lífeyrissjóðs-
mál en þeir bjóða okkur að þiggja
lágmarkshækkanir stig af stigi
næstu tíu árin.“ ■
FR
ÉT
TA
B
LA
Ð
IÐ
/G
VA
BANDARÍSKIR
HERMENN
Hermálayfirvöld vilja
frekar hafa hermenn í
Afganistan, eins og
þessa, en í Þýskalandi.
FRÁ STRANDSTAÐNUM Í MEÐALLANDSFJÖRU
Við sjópróf vegna strands Baldvins Þorsteinssonar kom fram að aftari hliðarskrúfa skipsins hefði misst afl rétt áður en nótin festist í skrúfunni.
FR
ÉT
TA
B
LA
Ð
IÐ
/P
JE
TU
R
„Þarna stóð
skipstjórinn á
Baldvini
frammi fyrir
því að ákveða
hvernig best
væri að snúa
skipinu þegar
það kenndi
grunns.
GEORG LÁRUSSON
Forstjóri Útlendingastofnunar segir að
mjög erfitt sé að fylgjast með því að allir
útlendingar sem dvelja hér á landi séu
með tilskilin leyfi.
ENDASTÖÐ Í KJARAVIÐRÆÐUM
Kjaraviðræður Starfsgreinasambandsins og ríkisins reyndust árangurslausar.