Fréttablaðið - 26.03.2004, Blaðsíða 4
4 26. mars 2004 FÖSTUDAGUR
Ætlarðu til útlanda um páskana?
Spurning dagsins í dag:
Var rétt að láta sakborningana í
líkfundarmálinu lausa úr varðhaldi?
Niðurstöður gærdagsins
á www.frett.is
85%
15%
Nei
Já
Kjörkassinn
Farðu inn á frett.is og segðu þína skoðun
frétt.is
Viðræður um framtíð varnarliðsins:
Enginn veit neitt nema Davíð
VARNARLIÐIÐ „Það kom á óvart að
heyra utanríkisráðherra lýsa því
yfir að engar viðræður væru á
dagskránni,“ segir Guðmundur
Árni Stefánsson, þingmaður Sam-
fylkingar og nefndarmaður í utan-
ríkismálanefnd Alþingis. Davíð
Oddsson forsætisráðherra lýsti
því yfir að óformlegar upplýsing-
ar bentu til að hugsanlegar við-
ræður við Bandaríkjamenn varð-
andi framtíð varnarliðsins á
Keflavíkurflugvelli færu mögu-
lega fram í apríl næstkomandi.
„Halldór Ásgrímsson kom því
sem næst af fjöllum varðandi
þessa yfirlýsingu Davíðs og stað-
hæfði fyrir nefndinni að hann
vissi ekki til þess að slíkt væri á
döfinni. Þetta eru þá býsna óform-
legar upplýsingar Davíðs ef eng-
inn veit neitt nema hann.“
Íslensk stjórnvöld óskuðu eftir
því á síðasta fundi þjóðanna
tveggja í desember að annar fund-
ur yrði haldinn skömmu eftir ára-
mót en engin staðfesting á því
hefur borist og alls óvíst hvort af
þeim fundi verður innan tíðar.
Magnús Stefánsson, Fram-
sóknarflokki, sem einnig sat
fundinn, sagði framtíð varnar-
liðsins erfitt mál sem enginn
vissi endinn á. „Boltinn er alfarið
í höndum Bandaríkjamanna og
svo getur farið að ekkert gerist
fyrr en eftir bandarísku forseta-
kosningarnar.“
Hvorki forsætis- né utanríkis-
ráðherra svöruðu skilaboðum
Fréttablaðsins. ■
Sátt um að Halldór
verði forsætisráðherra
Skoðanakönnun Fréttablaðsins sýnir að 66% kjósenda eru sátt við að
Halldór Ásgrímsson taki við af Davíð. Dósent í stjórnmálafræði segir
niðurstöðuna geta endurspeglað fögnuð yfir að Davíð sé að hætta.
KÖNNUN Tæplega 66% þeirra sem
tóku afstöðu í skoðanakönnun
Fréttablaðsins eru sátt við að
Halldór Ásgrímsson utanríkisráð-
herra taki við af Davíð Oddssyni
sem forsætisráðherra. Rúmlega
34% eru ósátt.
Strax eftir kosningarnar í maí í
fyrra tilkynntu stjórnarflokkarnir
að Davíð myndi víkja úr forsætis-
ráðherrastólnum fyrir Halldór 15.
september næstkomandi. Í stað-
inn mun Sjálfstæðisflokkurinn fá
umhverfisráðuneytið og tekur
Sigríður Anna Þórðardóttir við
því embætti af Siv Friðleifsdóttur.
Enginn munur er á afstöðu
kynjanna hvort þau eru sátt eða
ósátt við að Halldór taki við. Hins
vegar er nokkur munur á afstöðu
fólks eftir búsetu. Rúmlega 73%
fólks á landsbyggðinni segjast
sátt við að Halldór taki við sem
forsætisráðherra samanborið við
tæplega 61% fólks í þéttbýli.
Baldur Þórhallsson, dósent í
stjórnmálafræði við Háskóla Ís-
lands, segir Halldór geta vel unað
við niðurstöðuna.
„Þetta virðist vera þó nokkur
stuðningur við Halldór,“ segir
Baldur. „Hins vegar er hægt að
leggja málið öðruvísi upp. Það er
ekki ólíklegt að einhverjir sjálf-
stæðismenn séu ósáttir við það að
Davíð sé að fara úr forsætisráð-
herrastólnum og þá er töluvert
líklegt að þó nokkur hópur þeirra
sem styðja stjórnarandstöðu-
flokkana sé sáttur við það. Ef
maður dregur þessa ályktun er í
raun erfitt að segja hvort niður-
staðan endurspeglar mikinn
stuðning við Halldór eða hvort
hún endurspeglar að menn séu
fegnir yfir því að Davíð sé að
hætta.“
Baldur segir mun á afstöðu eft-
ir búsetu ekki koma sér á óvart.
Framsóknarflokkurinn hafi ávallt
verið sterkari á landsbyggðinni
en í þéttbýli.
Skoðanakönnunin var unnin
fyrir viku. Hringt var í 800
manns, jafnt skipt milli kynja og
hlutfallslega eftir búsetu, og þeir
spurðir: „Ertu sátt(ur) eða
ósátt(ur) við að Halldór Ásgríms-
son taki við sem forsætisráðherra
15. september næstkomandi?“
Alls tók 80,1% aðspurðra afstöðu.
Af þeim sem ekki tóku afstöðu til
spurningarinnar sögðust 18,4%
vera óákveðin og 2,5% neituðu að
svara.
trausti@frettabladid.is
Vísað úr landi:
Kveikti í sér
GAUTABORG, AP Moldóvi sem var
verið að vísa frá Svíþjóð kveikti í
sér á Landvetter-flugvelli við
Gautaborg þegar átti að færa
hann um borð í flugvél á leið til
Noregs. Þangað átti að senda
manninn samkvæmt ákvæðum
Dyflinnarsamningsins um að hæl-
isbeiðnir manna séu teknar fyrir í
því landi Schengen-svæðisins þar
sem þeir koma inn á svæðið.
Maðurinn sleit sig úr vörslu
starfsmanna sænsku útlendinga-
stofnunarinnar og hellti yfir sig
vökva sem gæslumenn hans
höfðu talið drykk en reyndist
eldfimur. Maðurinn kveikti svo í
sér og var fluttur illa særður á
sjúkrahús. ■
Veitt hæli:
Aristide til
Suður-Afríku
JAMAÍKA, AP Jean-Bertrand
Aristide, fyrrum forseti Haítí, fer
væntanlega í útlegð til Suður-Afr-
íku eftir kosningar í heimalandinu
14. apríl næstkomandi. Þetta
segja embættismenn á Jamaíka
þar sem forsetinn fyrrverandi
dvelur nú. Þeir segja jafnframt að
Thabo Mbeki, forseti Suður-Afr-
íku, vilji ekki fá Aristide til lands-
ins fyrr en eftir kosningar til að
koma hans hafi ekki óæskileg
áhrif á úrslit kosninganna.
Mbeki var einn fárra þjóðar-
leiðtoga sem voru við hátíðahöld á
Haítí fyrr á árinu í tilefni af
tveggja alda afmæli Haítí sem
sjálfstæðs ríkis. ■
26 DÆMDIR Dómstóll í Kaíró fann
26 menn seka um að reyna að end-
urreisa Íslamska frelsisflokkinn,
sem stjórnvöld bönnuðu eftir til-
raun til valdaráns fyrir 30 árum.
Mennirnir voru hver um sig
dæmdir í eins til fimm ára fang-
elsi. Þrír mannanna eru breskir.
VILJA AUKINN KVÓTA Líbíustjórn
reynir nú að fá OPEC, samtök
olíuframleiðsluríkja, til að auka
olíukvóta landsins, en samskipti
Líbíu við umheiminn hafa batnað
mikið eftir að stjórnvöld sam-
þykktu að hætta að reyna að
koma sér upp kjarnorkuvopnum.
Í gær var einnig tilkynnt að ríkið
sé í samningum við olíurisann
Shell um uppbyggingu og vinnslu.
HÚSNÆÐI ORKUVEITU REYKJAVÍKUR
Stjórnarformaður segir mörg tilboð hafa
borist í húsið.
Fasteignir:
Áhugi á
húsnæði OR
FASTEIGNIR „Það hafa borist nokkur
tilboð en engin ákvörðun hefur
verið tekin varðandi sölu,“ segir
Alfreð Þorsteinsson, stjórnarfor-
maður Orkuveitu Reykjavíkur.
Margir aðilar hafa sýnt nýrri hús-
eign fyrirtækisins að Bæjarhálsi
mikinn áhuga og segir Alfreð til-
boð allt að fimm milljörðum króna
hafa borist inn á borð Orkuveit-
unnar.
„Þarna er um innlenda aðila að
ræða en við höfum ekki tekið
neina ákvörðun um að selja. Hins
vegar yrði um umtalsverðan hagn-
að að ræða miðað við byggingar-
kostnaðinn en hann var nálægt
þremur milljörðum króna.“ ■
BÍLSTJÓRINN BARINN Reiðir veg-
farendur í Chicago réðust á bíl-
stjóra og börðu hann eftir að
hann ók á gangandi vegfaranda
með þeim afleiðingum að vegfar-
andinn lést. Sjálfur liggur bíl-
stjórinn á sjúkrahúsi. Fyrir
tveimur árum barði hópur fólks
tvo menn til bana eftir að bíl
þeirra var ekið inn í hóp ungs
fólks en einn þeirra sem urðu
fyrir bílnum lést.
Plúsfer›ir • Hlí›asmára 15 • Sími 535 2100
Bil
lund
19.995 kr.
Flugsæti
Flogið með Loftleidir Icelandic alla
miðvikudaga frá 2. júní til. 1. september.
Ver› frá
VIÐSKIPTI Íslensk Ameríska
verslunarfélagið hefur keypt
Mylluna Brauð. Kolbeinn Krist-
insson, forstjóri Myllunnar,
segist ánægður með söluna.
Faðir hans stofnaði fyrirtækið
árið 1959 og síðan þá hefur það
verið í eigu fjölskyldunnar.
„Fyrirtækið hefur aldrei verið í
betra standi, þannig að við telj-
um tímann nú góðan til að selja
fyrirtækið.“ Hann segir alltaf
erfitt að slíta sig frá því sem
menn hafi byggt upp. „Góðu
starfsfólki og öðru. Að öðru
leyti var þetta ekki erfið
ákvörðun.“
Myllan Brauð velti í fyrra
einum og hálfum milljarði og
hefur fyrirtækið skilað hagnaði
öll ár rekstrarsögu sinnar utan
eins. Kolbeinn segist ánægður
með kaupendurna og fyrirtækin
eigi mjög vel saman.
Myllan Brauð er markaðs-
ráðandi fyrirtæki í bakstri fyrir
verslanir. Samkeppnisstofnun
þarf að samþykkja kaupin. Guð-
mundur Sigurðsson, forstöðu-
maður samkeppnissviðs Sam-
keppnisstofnunar, segir að lög-
um samkvæmt eigi að leita um-
sagnar viku eftir að gengið hafi
verið frá samningum. ■
■ Afríka
■ Bandaríkin
■ Stjórnsýslan
FR
ÉT
TA
B
LA
Ð
IÐ
/R
Ó
B
ER
T
GUÐMUNDUR ÁRNI STEFÁNSSON
Segir að það hafi komið á óvart að engar
viðræður væru á dagskrá.
ÁNÆGÐUR MEÐ SÖLU
Kolbeinn Kristinsson er mjög ánægður með
sölu Myllunnar Brauðs, enda þótt erfitt sé
að slíta sig frá því sem menn hafa byggt
upp. Fyrirtækið hafi aldrei staðið betur.
Fjölskyldufyrirtæki selt:
Myllan ekki á brauðfótum
HALLDÓR OG DAVÍÐ
Eftir kosningarnar í maí í fyrra tilkynntu stjórnarflokkarnir að Halldór Ásgrímsson utanríkis-
ráðherra myndi taka við forsætisráðherraembættinu af Davíð Oddssyni 15. september
næstkomandi.
MEIRIHLUTINN SÁTTUR
Spurt var: Ertu sátt(ur) eða ósátt(ur) við
að Halldór Ásgrímsson taki við sem for-
sætisráðherra?
Sátt 66%
Ósátt 34%
ÞREMENNINGAR Í MOSKVU
Jacques Chirac Frakklandsfor-
seti og Gerhard Schröder, kansl-
ari Þýska-
lands, sækja
Vladimír
Pútín Rúss-
landsforseta
báðir heim í
næstu viku. Þremenningarnir
verða allir í borginni á fimmtu-
dag í næstu viku en ekki hefur
verið gefið upp hvort þeir hittist
allir á sama fundinum.
RÁÐUNEYTI FLYTUR Heilbrigðis-
og tryggingamálaráðuneytið flyt-
ur um helgina í nýtt húsnæði í
Vegmúla 3 í Reykjavík en starf-
semi ráðuneytisins hefur um
langt árabil verið að Laugavegi
116 við Hlemm. Afgreiðsla ráðu-
neytisins verður lokuð vegna
flutninganna föstudaginn 26.
mars og mánudaginn 29. mars.
■ Evrópa