Fréttablaðið - 26.03.2004, Blaðsíða 38
FÓTBOLTI Marseille vann Liverpool
2-1 í Evrópukeppni félagsliða í
gær og samanlagt 3-2. Emile
Heskey kom Liverpool yfir á 16.
mínútu með skoti úr vítateig
framhjá Fabien Barthez í marki
Marseille.
Liverpool varð fyrir áfalli á 36.
mínútu þegar Igor Biscan var rek-
inn út af á 36. mínútu fyrir að toga
í stuttbuxurnar á Steve Marlet.
Didier Drogba jafnaði metin fyrir
Marseille úr vítaspyrnunni sem
dæmd var. Abdoulaye Meite skor-
aði síðan sigurmark Marseille í
síðari hálfleik og þar með er
franska liðið komið áfram í
keppninni á kostnað Liverpool.
Newcastle vann Mallorca 3-0 á
Spáni og samanlagt 7-1. Alan
Shearer skoraði tvö mörk fyrir
Newcastle og Craig Bellamy eitt.
Bordeaux vann Club Brugge
1-0 í Belgíu og samanlagt 4-1.
Chamakh skoraði mark franska
liðsins á 84. mínútu. PSV vann
Auxerre 2-0 í Hollandi og saman-
lagt 3-2. Mateja Kezman skoraði
bæði mörkin í fyrri hálfleik.
Roma vann Villarreal 2-1. Emer-
son og Cassano komu Roma í 2-0
en Sonny Anderson minnkaði
muninn fyrir Villarreal, sem vann
rimmu liðanna samanlagt 3-2.
Celtic og Barcelona gerðu
markalaust jafntefli á Spáni.
Skoska liðið vann því samanlagt
1-0. Ítalska liðið Inter er einnig
komið áfram eftir sigur á Benfica
frá Portúgal með fjórum mörkum
gegn þremur. Fyrri leikurinn var
markalaus.
Leik Valencia frá Spáni og
tyrkneska liðsins Genclerbirligi
var ekki lokið þegar Fréttablaðið
fór í prentun í gærkvöldi.
Tyrkneska liðið vann fyrri leik
liðanna óvænt 1-0. ■
KÖRFUBOLTI Snæfell vann rimmuna
samanlagt 3-0 og mætir annað
hvort Keflavík eða Grindavík í úr-
slitum. Njarðvíkingar byrjuðu
leikinn mun betur og var staðan í
hálfleik 29-50 þeim í vil.
Þeir héldu áfram að spila vel
og voru yfir 43-69 þegar 14 mínút-
ur voru til leiksloka. Þegar átta
mínútur voru eftir af leiknum
voru þeir enn 24 stigum yfir en þá
hrukku heimamenn í gang. Það
sem eftir lifði leiks skoruðu þeir
36 stig gegn 10 stigum Njarðvík-
inga og tryggðu sér sigur eftir
æsispennandi lokamínútur.
Edmund Dotson var stigahæst-
ur Snæfellinga með 26 stig og tók
hann jafnframt 14 fráköst. Corey
Dickerson skoraði 23 stig og
Hlynur Bæringsson átti einnig
fínan leik. Hann setti niður 19
stig, tók 16 fráköst og stal boltan-
um 6 sinnum. Samanlagt náðu
Hlynur og Dotson 18 sóknar-
fráköstum í leiknum, þar af 9 í
fjórða leikhluta. Skiptu þau miklu
máli þegar upp var staðið. Sigurð-
ur Þórólfsson skoraði 12 stig og
Hafþór Ingi Gunnarsson 8, þar af
6 mikilvæg stig í lokin.
Hjá Njarðvíkingum var skarð
fyrir skildi að Friðrik Stefánsson
spilaði aðeins í 8 mínútur vegna
villuvandræða. Brenton Birming-
ham var stigahæstur þeirra með
26 stig. Páll Kristinsson kom
næstur með 19 stig. Brandon
Woudstra var einnig sterkur,
skoraði 12 stig, tók 11 fráköst og
gaf 7 stoðsendingar. Halldór Rún-
ar Karlsson skoraði 9 stig og
hrifsaði til sín 9 fráköst.
Hlynur Bæringsson, fyrirliði
Snæfells, var himinlifandi í leiks-
lok. „Þeir gátu bara ekki tekið frá-
köst í lokin. Það var bara þannig í
fjórða leikhluta að við skutum
þangað til við skoruðum,“ sagði
hann. „Við spiluðum ógurlega
vörn í fjórða leikhluta og þetta var
besta vörnin sem við höfum spilað
í vetur. Fyrir seríuna hélt ég að
Njarðvík væri besta liðið á land-
inu og ég er rosalega stoltur að
hafa klárað þetta 3-0. Ég er mjög
sáttur við hvað mér gekk vel en ég
er ánægður með alla í liðinu. Það
voru allir frábærir í þessari seríu,
sérstaklega áhorfendurnir.“
Bárður Eyþórsson, þjálfari
Snæfells, var einnig í skýjunum.
„Þetta lið er að sýna fram á það
að körfuboltaleikur stendur yfir
í 40 mínútur. Viljinn er ótrúlegur
í þessu liði og það hefur rosalega
stórt hjarta til að koma sér í
gegnum þessa erfiðu kafla,“
sagði Bárður. Hann var sérstak-
lega ánægður með þátt Hlyns
Bæringssonar. „Með allri virð-
ingu fyrir öðrum íslenskum
körfuboltamönnum er Hlynur
besti íslenski körfuboltamaður-
inn í dag. Hann hefur allt til að
bera og er alveg ótrúlegur leik-
maður.“ ■
29FÖSTUDAGUR 26. mars 2004
Ótrúlegar lokamínútur
hjá Snæfellingum
Snæfell er komið í úrslit Intersport-deildarinnar eftir sigur
á Njarðvík, 91-88, á heimavelli sínum í Stykkishólmi.
DICKERSON OG HLYNUR
Corey Dickerson og Hlynur Bæringsson áttu frábæran leik fyrir Snæfell í gær og hrifsuðu
til sín fjölmörg sóknarfráköst.
16 liða úrslit UEFA-bikarsins:
Liverpool dottið úr keppni
DROGBA
Didier Drogba fagnar
marki sínu gegn Liverpool. Marseille
er komið áfram í keppninni eftir að
hafa unnið enska liðið samanlagt 3-2.
AP
/M
YN
D
FR
ÉT
TA
B
LA
Ð
IÐ
/V
IL
H
EL
M