Fréttablaðið - 26.03.2004, Page 21

26. mars 2004 FÖSTUDAGURfermingar
Stálhálsmen með demanti
7.000 - 7.500 kr.
Stálarmbönd 7.000 - 9.900 kr.
Stálkross með kristöllum
og 18kt gulli 4.950 kr.
Stálarmbönd með viðhengi
og demanti 7.450 - 9.450 kr.
Stjörnumerki með 18kt gulli og
demanti 7.450 kr.
Stálhringir með demöntum
3.600 - 7.450 kr.
Firði - Miðbæ Hafnarfjarðar
Sími: 565 4666
12
Rebekka Hinriksdóttir fermingarbarn:
Drottinn er minn hirðir;
mig mun ekkert bresta
Mér finnst þetta fallegt ferm-ingarheiti og hæfa vel sem
veganesti út í lífið,“ segir Rebekka
Hinriksdóttir, sem fermist í Sel-
tjarnarneskirkju á sunnudaginn
klukkan hálfellefu. Eftir athöfnina
býður Rebekka nánustu skyld-
mennum og góðum fjölskylduvin-
um í „brunch“ heima á Melabraut-
inni. „Ég vildi endilega hafa veisl-
una heima því það er bæði per-
sónulegra og meira kósí. Gesta-
listann gerði ég sjálf en ákvað að
bjóða ekki börnum yngri en tíu ára
þar sem fólk nær ekki að slappa
eins mikið af og njóta veitinganna
ef þeir eru með áhyggjur af yngri
krökkunum á meðan.“
Rebekka segist einnig hafa haft
ákveðnar skoðanir á máltíðinni
sem gestunum verður boðið upp á,
þótt hún hafi ekki skipt sér af smá-
atriðum. „Mín ósk var að bjóða upp
á kjöt og svo vildi ég fallega
kransaköku og súkkulaðiköku með
bleiku marsipani í stíl við ferming-
arfötin sem verða hvítar silkibux-
ur, bleikur fínflauelsbolur og bleik-
ir, flatbotna skór.“
Rebekka fer í hárgreiðslu og er
bæði búin að máta fermingar-
greiðsluna og panta fermingar-
myndatöku hjá Páli Stefánssyni
ljósmyndara. „Palli er fjölskyldu-
vinur og ætlar að mynda mig úti í
Gróttu ef vel viðrar. Það er hug-
mynd mömmu sem mér fannst góð,
enda í rökréttum tengslum við
heimahagana og okkur fjölskyld-
una. Við förum þangað daglega í
göngutúr með Misty, tíkina okkar.“
Rebekka segist trúuð þótt hún
gleymi stundum að fara með bæn-
irnar sínar á kvöldin. „Það er skrýt-
ið en ég er farin að gleyma því æ
oftar að biðja til Guðs. Samt trúi ég
á hann statt og stöðugt, og leita
alltaf til hans þegar mér liggur eitt-
hvað á hjarta. Ég til dæmis ákvað
að fermast til að komast í kristinna
manna tölu, þrátt fyrir að mamma
hafi ekki fermst á sínum tíma og
hefði auðveldlega getað haft áhrif
á mig. Auðvitað er svo bara bónus
að fá fullt af gjöfum og eiga góðan
dag, en margir vina minna, sem nú
þegar hafa fermst, segja ferming-
ardaginn vera skemmtilegasta dag
lífsins, einkum vegna þess hve
fólkið er gott við mann.“
Þegar Rebekka er spurð hvers
hún óskar sér á fermingardaginn
er hún fljót til svars. „Ég vil fyrst
og fremst að dagurinn verði
skemmtilegur, bæði fyrir sjálfa
mig og gestina mína. Mér þætti
gaman að fá sléttujárn og peninga
í fermingargjöf, og svo veit ég að
mamma og pabbi ætla að gefa mér
nýtt rúm og skrifborð í herbergið
þegar veislan er afstaðin og aftur
hægist um.“ ■
REBEKKA HINRIKSDÓTTIR
„Margir vina minna segja fermingar-
daginn þann besta í lífinu vegna
þess hve fólkið er gott við mann.“
Dúnsæng er gjöf til framtíðar ogafar vinsæl til fermingar-
barna,“ segir Ólafur Benediktsson,
eigandi Dúns og fiðurs á Laugavegi
87. Að sögn Ólafs eru anda-
dúnsængur (12.900 kr.) og svana-
dúnsængur (18.900 kr.) vinsælastar,
en einnig er mikið keypt af fjaður-
tíndum dún af snjógæs (26.400 kr.)
til fermingargjafa. „Toppurinn í
dúnsængum er auðvitað íslenskur
æðadúnn (118.000 kr.), en svo dýrar
gjafir teljast ekki til algengra ferm-
ingargjafa,“ segir Ólafur sem segir
sængur hafa vinninginn fram yfir
kodda til gjafa. „Efnið utan um
sængurnar er úr brunavarinni 100
prósent bómull, sem þýðir að missi
fólk glóð eða lampa ofan á sængina,
þá sviðnar hún lítillega en brennur
ekki. Sængurnar eru sömuleiðis all-
ar ofnæmisprófaðar.“
Dúnsængur frá Dúni og fiðri
eru íslensk framleiðsla sem duga í
fimmtán ár, en sængurnar þarf að
þvo á þriggja ára fresti.
„Dúnsængur eru hlýjar á vetrum
og svalar á sumrin,“ segir Ólafur
og bætir við að líkamshiti viðkom-
andi vermi upp sængina á auga-
bragði og hitinn helst óbreyttur
alla nóttina. Ólafur segir rúmfatn-
að sömuleiðis mjög vinsælan til
fermingargjafa. „Þá er „off-white“
og hvítt langmest tekið í litum og
svo ekta bómull eða damask-efni,
því fermingarbörn eru kröfuhörð
á fínni efni og vilja ekki sjá neitt
gervi.“ ■
Fermingargjafir:
Fermingarbörn eru
kröfuhörð á alvöru sængur
ÓLAFUR BENEDIKTSSON
„Andadúnsængur eru mjög vinsælar og alveg jafn hlýjar og dýrari dúnsængur.“
Ég lá utan við kirkjuvegg nánastalla fermingarathöfnina,“ segir
Ásta Ásgeirsdóttir, starfsmaður
Landabankans á Höfn í Hornafirði.
Þessu verður hún að lýsa nánar.
„Það var þannig að kirkjan hér á
Höfn var í byggingu fermingarár-
ið mitt 1965. Því var farið með
fermingarbarnahópinn að Kálfa-
fellsstað í Suðursveit en þangað
eru um 50 kílómetrar. Ég var alltaf
hálf bílveik og auk þess hafði ég
sofið uppisitjandi í rúminu nóttina
áður því ég var með rúllur. Kirkjan
var yfirfull af fólki og við ferming-
arbörnin 24 þurftum að standa.
Fljótlega eftir að athöfnin byrjaði
leið yfir mig og ég steyptist í gólf-
ið og hreinlega rotaðist. Það var
skvett á mig vatni og þegar ég
rankaði við mér vissi ég ekkert
hvar ég var og hélt ég væri á balli
þegar ég sá allt fólkið. Ég var reist
við og vildi ólm komast út. Nú, það
þótti ekkert sniðugt að hafa mig
þarna hljóðandi svo móðir mín og
systir studdu mig út og þar lá ég
utan við vegg mest alla athöfnina.
Var þó studd inn aftur til að játa
hina kristnu trú. Vinkona mín var
dauðhrædd um að ég mundi
klikka á öllu og hvíslaði stöðugt:
„segðu já, segðu já“ þannig að ég
sagði mörg já.
Frænka mín, Signý ljósmóðir,
var heima að undirbúa veisluna og
þegar við renndum í hlað kom hún
haupandi út og spurði: „Kom eitt-
hvað fyrir hana Ástu?“ svo eitt-
hvað hafð hún fundið á sér. Ég
hafði fengið mikið högg undir hök-
una og er enn með ör þar. Þremur
árum seinna fermdist Karl Örvars-
son, frændi minn, og ég fór í gegn-
um ferminguna með honum. Gekk
meðal annars til altaris þá.“ ■
Fermingin mín:
Hélt ég væri á balli
ÁSTA ÁSGEIRSDÓTTIR
Lá utan við kirkjuvegg mest alla athöfnina.
Sagði svo mörg já við altarið.