Fréttablaðið - 26.03.2004, Blaðsíða 30
Þriðja Shockwave-veisla Broad-way verður haldin í kvöld. Ser-
ían, sem er óður til r&b og hiphop-
tónlistar, hefur verið vel sótt og á
líklega eftir að vaxa með hverju
kvöldinu.
Trevor Nelson ber ábyrgð á því
að finna réttu sveifluna í kvöld og
það ætti ekki að reynast honum
mjög mikið þrekvirki. Fyrir þá
sem ekki vita er hann umsjónar-
maður The Lick á MTV í Evrópu
sem hefur verið helsti r&b/hiphop-
þáttur stöðvarinnar um árabil.
Hann viðurkennir fúslega að
hann sé tónlistartrúboði og mun
því sjálfsagt kynna nýtt efni fyrir
fólki í kvöld. Aðallega segist hann
þó ætla að spila tónlistina sem
fólk þekkir og elskar.
„R&B og hiphop er orðið svo
stór hluti af meginstraumnum,“
segir Trevor. „Áður kom fólk á
klúbbana til þess að heyra tónlist
sem það líkaði við en þekkti ekki
og gat ekki nálgast daglega í út-
varpi og sjónvarpi. Nú vill fólk
heyra viss lög og ég er stanslaust
beðinn um óskalög.“
Ef hægt væri að öðlast gráðu í
r&b-fræðum væri Trevor prófess-
or. Hann hefur líka mótað sínar
sérstöku kenningar um það hvers
vegna r&b varð ein stærsta tónlist-
arstefna heims um miðjan síðasta
áratug. „Upphaflega var erfitt fyr-
ir hiphop að fá útvarpsspilun í
Bandaríkjunum og öðrum löndum.
Það var of pólitískt, of reitt og fólk
var of neikvætt í garð þess. Svo
komu menn eins og P. Diddy sem
áttuðu sig á því að ef þú blandaðir
saman hiphoppi við soul, þar sem
er meira um melódíur og króka, þá
væri hægt að fá meiri útvarpsspil-
un. Ég held að stelpur hafi ekki fíl-
að hiphop. Ef þær heyra sönglínur
þá líkar þeim tónlistin betur. Að
sama skapi fannst mörgum strák-
um upphaflega að soulplötur væru
of mjúkar. Svo þegar þeir heyra
rapp á plötum líkar þeim tónlistin
betur. Fugees voru frábært dæmi
um þetta og ég held þau hafi gert
mikið fyrir senuna og breitt hana
um allan heiminn,“ segir Trevor að
lokum.
Þar höfum við það. Prófessor-
inn mun sem sagt sannprófa kenn-
ingu sína á Broadway í kvöld.
Miðaverð er 1.000 krónur. ■
FÖSTUDAGUR 26. mars 2004 21
Stelpur vilja meló-
díu, strákar rapp
■ TÓNLEIKAR
■ TÓNLIST
Sími 534 6868 - Ráðgjöf í síma 908 6868 - sga@sga.is
www.sga.is
199 kr. mín
Gunnar Andri Þórisson er einn fremsti fyrirlesari
Íslands í þjónustu og sölu.
Hann hefur haldið námskeið og fyrirlestra fyrir
stærri sem smærri fyrirtæki með góðum
árangri allt frá árinu 1997.
Fyrirlesari er Gunnar Andri Þórisson
V I N S Æ L A S T A S Ö L U N Á M S K E I Ð S G A
Gæðasala
Nokkrar góðar ástæður fyrir því að skrá sig:
Þú vilt ná hámarksárangri á árinu 2004. Þú vilt fá ánægða
viðskiptavini sem tala jákvætt um þitt fyrirtæki og þína
þjónustu. Þú vilt ná fram hámarksárangri hjá starfsfólki. Þú
vilt sjá aukna sölu sem skilar auknum arði hjá fyrirtæki
þínu.
Þú þarft að vera vel undirbúin(n) í vaxandi samkeppni, þá
þarf sjálfstraust og þjónustumeðvitund að vera í lagi eins
og um úrslitaleik væri að ræða.
Þú nýtir þér þekkingu á marga vegu eins og t.d. með því
að greina þarfir viðskiptavinarins, lesa betur í kaupmerkin
hjá viðskiptavininum og bregðast við þeim, ljúka sölunni
á markvissari hátt, efla liðsheildina hjá fyrirtækinu, bregðast
betur við kvörtunum og gagnrýni frá viðskiptavinum.
Verð er kr. 12.500.- staðgreitt á mann. Innifalið í verði eru
námskeiðsgögn og kaffi. Sé bókað og greitt fyrir 26. mars
bjóðum við námskeiðið á 2-fyrir-1 tilboði.
Skráning og upplýsingar eru í síma
534 6868 og á netinu, skraning@sga.is
Námskeiðið mun skila sér margfalt aftur í
kassann með aukinni sölu vel þjálfaðs sölufólks.
Athugið takmarkaður sætafjöldi.
27. mars
á Akureyri
kl. 09.00 til 12.30
31. mars
í Reykjavík
kl. 09.00 til 12.30
HRAÐNÁMSKEIÐ
TREVOR NELSON
Heldur uppi stemningunni á Broadway í
kvöld. Leikur r&b og hiphop-tónlist eftir
sínu höfði.
Ólgandi djass
á Borginni
Það er gaman að fylgjast meðgróskunni í djassinum núna,“
segir Haukur Gröndal saxófónleik-
ari, sem hefur skipulagt tónlistarhá-
tíðina UngJazz 2004, sem verður
haldin á Hótel Borg í kvöld og ann-
að kvöld.
„Margir af þessum strákum af
minni kynslóð hafa verið að velta
fyrir sér að setja upp stærra verk-
efni en þessi lausu gigg alltaf. Það
endaði með því að ég tók af skarið
og náði að hala inn einn styrk sem
gerði það að verkum að það var orð-
inn grundvöllur fyrir þessari hátíð.“
Á hátíðinni spila sex hljómsveit-
ir ungra djassara frá Norðurlöndun-
um. Reynt var að hafa sem mesta
breidd í dagskránni, þannig að flest-
ir ættu að geta fundið eitthvað við
sitt hæfi.
Sjálfur spilar Haukur annað
kvöld með tríóinu Rodent, sem spil-
ar „pönkdjass með Balkanáhrifum á
köflum,“ segir Haukur. Pönkdjass
skilgreinir hann þannig að „frelsið
sé í fyrirrúmi og krafturinn í tón-
listinni fái forgang umfram lýrík
eða sætleika“.
Haukur, sem búsettur er í Dan-
mörku, stendur greinilega í ströngu
í þessari stuttu heimsókn sinni til
landsins að þessu sinni, því hann
leikur einnig með Jónsson/Gröndal
Quintet, sem kemur fram á tónleik-
um djassklúbbsins Múlans á Hótel
Borg á sunnudagskvöldið. ■
HAUKUR GRÖNDAL
Haukur hefur skipulagt tónlistarhátíðina
UngJazz 2004, sem haldin verður á Hótel
Borg í kvöld og annað kvöld.
FR
ÉT
TA
B
LA
Ð
IÐ
/S
TE
FÁ
N