Fréttablaðið - 27.03.2004, Blaðsíða 6

10 27. mars 2004 LAUGARDAGUR
VÖRÐUR VIÐ BÆNAHALD
Þessi grímuklæddi sjía-múslimi stóð vörð
við Timmemi moskuna í Kirkuk, í kúrdíska
hluta Íraks, meðan á bænahaldi stóð.
Heilbrigðisstofnun Suðurnesja:
Viljum þjóna sem flestum
HEILBRIGÐISMÁL „Við erum að
breyta fyrirkomulaginu með það
fyrir augum að geta þjónað sem
flestum,“ sagði Sigríður
Snæbjörnsdóttir, framkvæm-
dastjóri Heilbrigðisstofnunar
Suðurnesja, um þá stefnu
stjórnenda sjúkrahússins að
útvíkka þjónustu D-álmu
sjúkrahússins í Keflavík, en nýta
pláss hjúkrunardeildarinnar í
Grindavík fyrir aldraða hjúkrunar-
og langdvalarsjúklinga.
Sigríður sagði að 50% þeirra
sjúklinga sem lægju á spítalanum
nú hefðu fyrir ári síðan legið á
spítala í Reykjavík við óbreytt
ástand.
„Við teljum okkur vera að reyna,
með árangri, að veita þeim sem
þurfa á sjúkrarhúsvist að ræða
þjónustu,“ sagði hún.
Sigríður kvaðst vilja benda á að
80% þeirra sem lægju nú á D-
deildinni væru 67 ára og eldri. Á
fimm daga endurhæfingardeild
væru alveg um 90% 67 ára og eldri.
„Hlutverk okkar er að halda
uppi sjúkrahúsþjónustu. Við höfum
leitað þeirra leiða sem færar eru til
að efla hana og teljum okkur vera á
góðri leið. Til skamms tíma leitaði
mikill fjöldi sjúklinga af
Suðurnesjum til Reykjavíkur. Við
viljum veita alla almenna
sjúkrahúsþjónustu í héraði.“ ■
HEILBRIGÐISMÁL Pólitísk ákvörðun
sveitarfélaganna á Suðurnesjum
liggur að baki því að ákveðið hefur
verið að breyta þjónustuhlutverki
svokallaðrar D-álmu sjúkrahússins
í Keflavík, að sögn framkvæm-
dastjóra Heilbrigðisstofnunar
Suðurnesja. Deilt er um breytingu-
na og ríkir mikil óánægja með hana
meðal íbúa Keflavíkur. Samkvæmt
henni er hlutverk D-álmunnar ekki
lengur einungis bundið við að hýsa
aldraða sjúklinga heldur einnig
aðra sjúklinga. Fregnir um að
öldruð kona hafi nýlega verið flutt
nauðug af deildinni og á
öldrunarheimili í öðru sveitarféla-
gi hefur verið sem olía á
óánægjueldinn.
„Á fundi með stjórnendum
sjúkrahússins í byrjun mánaðarins
spurði ég sérstaklega út í hvernig
væri með sjúka og aldraða sem
lægju í D-álmunni svokölluðu og
hvort þeir væru fluttir þaðan ef
pláss losnuðu á öldrunar-
heimilunum í Grindavík eða úti í
Garði,“ sagði Jón Gunnarsson, odd-
viti í Vatnsleysustrandarhreppi og
alþingismaður. „Þá sögðu stjórnen-
dur mér að það væri ekki gert
nema í algjörri sátt við viðkomandi
sjúkling og aðstandendur hans.“
Jón vísaði þarna til fundar
stjórnenda sjúkrahússins með
hreppsnefnd Vatnsleysustrandar-
hrepps. Þar hefði verið farið yfir
stefnu og stöðu stofnunarinnar.
Hann kvaðst síðan hafa verið að
ganga út af fundinum, þegar að-
standandi öldruðu konunnar sem
um ræðir hafi vikið sér að honum
og sagt, að móðir sín lægi á D-
álmunni og það ætti að fara að
flytja hana nauðuga í burtu.
Jón benti á skýrslu sem
ráðherraskipuð nefnd um framtíð
og uppbyggingu Heilbrigðisstofn-
unar Suðurnesja hefði skilað fyrir
stuttu. Þar kæmi fram, að aldraðir
sjúklingar ættu forgang inn á D-
álmu sjúkrahússins.
„Vitandi um alla þá tilfinningu
sem fylgir D-álmunni eftir marg-
ra ára og áratuga baráttu fyrir því
að hún sé reist í Reykjanes, þá
neita stjórnendur algjörlega að
skilja það að þessi bygging er að
mestu leyti byggð og um hana
samið við heilbrigðisyfirvöld sem
öldrunardeild. Jafnvel þótt uppi
væru einhverjar hugmyndir um
að breyta því hlutverki, þá gera
menn það ekki nema í fullri sátt og
samvinnu við heimamenn. Það
gengur ekki að þeir sem hvorki
þekkja söguna né tilfinningar
fólks á svæðinu séu að taka svona
ákvarðanir þvert gegn vilja ráða-
manna í sveitastjórnarmálum eða
samtökum sem að þessu koma.
Sigríður Snæbjörnsdóttir
framkvæmdastjóri Heilbrigðis-
stofnunarinnar kvaðst ekki geta
rætt einstök mál á opinberum
vettvangi.
jss@frettabladid.is
Fjögurra ára drengur:
Með krakk
í leikskóla
BANDARÍKIN, AP Lögregla í
Indianapolis í Bandaríkjunum leitar
nú að föður fjögurra ára drengs
sem kom á dögunum með krakk í
leikskólann. Leikskólakennararnir
fundu fíkniefnin í poka með bókum
drengsins. Verðmæti fíkniefnanna
er um 700.000 krónur.
Móðir drengsins gaf sig fram við
lögreglu eftir að málið var tekið til
rannsóknar en föður hans er enn
leitað. Bæði hafa þau verið ákærð
fyrir vörslu og sölu fíkniefna og
vanrækslu gagnvart börnum sínum.
Drengurinn og tvö systkin hans, sex
og sjö ára, voru sett í umsjá barna-
verndaryfirvalda. ■
ÍRASKIR LÖGREGLUMENN
Hafa sætt árásum af hálfu vígamanna.
Íraskir lögreglumenn:
350 drepnir
BAGDAD, AP 350 íraskir lögreglu-
menn sem Bandaríkjamenn hafa
þjálfað hafa verið drepnir í árás-
um andstæðinga bandarísku her-
stjórnarinnar í Írak síðasta árið
samkvæmt tölum frá
Bandaríkjaher.
Mark Kimmitt, hershöfðingi,
greindi frá þessu þegar hann lýsti
áhyggjum af árásum vígamanna
sem beinast að íröskum
lögreglumönnum og stjórn-
málamönnum. Hann sagði að þær
myndu líklega fara vaxandi eftir
því sem nær drægi valdaafsali
Bandaríkjanna um mánaðamótin
júní og júlí. ■
SEXTÍU KÍLÓMETRAR YFIR
HÁMARKSHRAÐA Ungur öku-
maður var tekinn á 149 kílómetra
hraða á klukkustund á veginum
milli Garðs og Keflavíkur. Á
þessum vegarkafla er 90 kíló-
metra hámarkshraði. Að sögn
lögreglu verður ökumaðurinn að
líkindum sviptur ökuleyfi í
mánuð og honum gert að greiða
um 50.000 króna sekt.
VÍGAMENN SKOTNIR Ísraelskir
hermenn skutu tvo vopnaða
Palestínumenn til bana í skot-
bardaga nærri landnemabyggð á
Gaza-svæðinu. Mennirnir höfðu
synt að hafnarbæ Ísraela og hófu
skothríð þegar þeir komu í land.
Hamas-samtökin sögðu mennina
hafa tilheyrt sér.
SPRAKK Í LOFT UPP Palestínskur
vígamaður lést þegar bíll sem
hann var í sprakk í loft upp. Að
sögn palestínskra yfirvalda
sprungu sprengiefni sem hann
var að flytja í bíl sínum en
meðlimur al-Aqsa, sem hinn látni
var félagi í, sagði ísraelskan
skriðdreka hafa skotið á bílinn.
BLESSA EKKI LANDTÖKU Leið-
togar Evrópusambandsins hafa
varað Ísraela við því að þeir
muni ekki viðurkenna landtöku
sem Ísraelar kunna að ráðast í
samhliða byggingu múrsins sem
á að skilja að Ísraela og
Palestínumenn. Þeir fordæmdu
einnig vígið á Ahmed Yassin,
trúarlegum leiðtoga Hamas.
BÆNAHALD HEFT Palestínskir
karlmenn undir 45 ára aldri fá
ekki að vera við föstudagsbænir
á helgum stöðum múslima í
gömlu borginni í Jerúsalem.
Ísraelska lögreglan ákvað þetta í
kjölfar vísbendinga um að
Palestínumenn hefðu skipulagt
ólæti eftir bænir vegna vígsins á
Ahmed Yassin.
SIGRÍÐUR SNÆBJÖRNSDÓTTIR
Ræðir ekki einstök mál opinberlega.
■ Lögreglufréttir
JÓN GUNNARSSON
Leggst gegn breytingunni.
HEILBRIGÐISSTOFNUN SUÐURNESJA
Tekist á um hlutverk D-álmu sjúkrahússins, sem í upphafi var ætluð öldruðum sjúklingum sem ekki voru færir um að vera heima.
Tekist á um hlutverk
hjúkrunardeildar
Tekist er á um réttmæti þess að breyta þjónustuhlutverki deildar á sjúkrahúsinu í Keflavík, sem
upphaflega var einungis ætluð sem hjúkrunardeild fyrir aldraða sjúklinga. Mikil óánægja er
meðal íbúanna með þessa ráðstöfun.
■ Miðausturlönd