Fréttablaðið - 27.03.2004, Blaðsíða 12

20 27. mars 2004 LAUGARDAGUR
Ég get ekki annað sagt en að þaðsé mikil tilhlökkun í mér enda
um spennandi vikur að ræða og
gamall draumur að rætast,“ segir
Jón Jósep Snæbjörnsson, sem verð-
ur fulltrúi Íslands í Júróvisjón-
keppninni í Tyrklandi þann 15. maí.
„Ég hef alltaf fylgst með keppninni
og finnst hún mjög skemmtileg.
Hvað svo sem fólk segir um keppni
í tónlist þá er þessi keppni alltaf
jafn skemmtileg.“
Íþróttamót í stað undankeppni
Í Júróvisjón mun Jónsi flytja
lagið Heaven eftir Svein Rúnar Sig-
urðsson við texta Magnúsar Þórs
Sigmundssonar. Jónsi er eins og
gefur að skilja sáttur við lagið. „Það
er mikil áskorun að syngja þetta lag
og þetta er sú hlið sem ég hef lítið
sýnt á mér. Mér hefur ekki veist
tækifæri hingað til að syngja ballöð-
ur. Ég er í hljómsveit sem spilar á
böllum en þótt ball og ballaða hljómi
næstum alveg eins er það tvennt
ólíkt,“ segir söngvarinn síkáti.
Engin undankeppni var haldin á
Íslandi þetta árið en nefnd á vegum
Ríkissjónvarpsins valdi Heaven
sem framlag Íslands úr 117 lögum
sem bárust inn. Aðspurður hvort
Jónsi sakni ekki undankeppninnar
sagði hann: „Ef það hefði verið und-
ankeppni er ég ekki viss um að ég
væri að fara út. Ef ég hugsa bara
um eigin hagsmuni er ég mjög sátt-
ur við að það var ekki haldin und-
ankeppni,“ segir Jónsi hlæjandi en
kostnaður Sjónvarpsins við að halda
slíka keppni er gríðarlegur. „Það
getur hins vegar verið mjög gaman
að halda slíka keppni. En hennar í
stað fá landsmenn að fylgjast með
tveimur eða þremur risastórum
íþróttaviðburðum, þ.e. Ólympíuleik-
unum og Evrópumótinu í fótbolta.“
Hlírabolurinn víkur
Keppnin í Istanbúl fer þannig
fram að 22 þjóðir keppa um tíu laus
sæti í lokakeppninni þann 15. maí.
Þær þjóðir sem skipuðu tíu efstu
sætin í síðustu keppni sleppa við
forkeppnina. Jónsi verður sautjándi
í röðinni á lokakvöldinu. Júróvisjón-
spekúlantar vilja meina, þar sem
um símakosningu áhorfenda er að
ræða, að það borgi sig að vera aftar-
lega í röðinni því þá eru flestir að
horfa á. Jónsi lætur slíkar vanga-
veltur ekki hafa áhrif á sig. „Það
eru til einhverjar formúlur í þessu á
alla vegu. Ég held að það sé ekkert
happasæti frekar en önnur. Það eina
sem ég veit er að ég fæ mínar þrjár
mínútur og ætla að reyna að standa
mig eins vel og ég mögulega get.“
Jónsi hefur síðustu daga notið
leiðsagnar Selmu Björnsdóttur.
Hann býst samt ekki við því að
semja einhvern dans fyrir loka-
keppnina. „Við verðum ekki með
kóreógrafíu dauðans, lyftur og píf-
ur eða eitthvað svoleiðis,“ segir
hann.
Páll Óskar Hjálmtýsson vakti
mikla athygli þegar hann kom fram
í þröngum latex-galla í Júróvisjón
fyrir nokkrum árum og sömu sögu
er að segja af Einari Ágústi Víðis-
syni, sem klæddist pilsi. „Það eru
mjög margir búnir að hafa samband
við mig og eru hræddir um að ég
verði á hlírabol og gallabuxum,“
segir Jónsi en það hefur verið ein-
kennisbúningur hans þegar hann
treður upp með hljómsveit sinni Í
svörtum
f ö t u m .
„Ég held
að ég geti
sagt íslensku þjóðinni að það eru
mjög litlar líkur á að ég mæti
þannig klæddur á svið. Þannig get
ég spilað á balli en þetta er Júró-
visjón og ég verð að dressa mig að-
eins betur upp.“
Forréttindi að starfa við söng
Birgitta Haukdal tók þátt í
keppninni á síðasta ári og í kjölfarið
reis frægðarsól hennar hvað hæst.
Hún hefur smátt og smátt dregið
sig í hlé og meðal annars lýst því
yfir að hún vilji ekki að aðdáendur
fái leið á sér. Jónsi og hljómsveit
hans njóta gríðarlegra vinsælda um
þessar mundir en hann segist ekki
spá í það hvort fólk fái leið á honum
í kjölfar Júróvisjón. „Ég ætla bara
að njóta þess á meðan á því stendur.
Ég hef margoft sagt hvað það eru
mikil forréttindi að fá að starfa við
söng og ég er þakklátur fyrir að fá
að gera það á hverjum degi. svo ég
segi bara den tid den sorg.“
Það er nóg að gera hjá Í svörtum
fötum um þessar mundir. Ný plata
er í deiglunni sem kemur væntan-
lega út um næstu jól og það styttist
óðum í að sveitaballamarkaðurinn
opni. Á síðustu plötu sveitarinnar
brá svo við að Jónsi átti stærri þátt
en áður í lagasmíðum.
Hann segist eiga einhvern slatta
af lögum í skúffunni frægu en segir
að það verði að koma í ljós hversu
stórtækur hann verður í lagasmíð-
um á næstu plötu. Það er því ekki úr
vegi að spyrja hvort hann hyggi á
sólóferil í náinni framtíð. „Þetta
hefur oft verið nefnt við mig en ég
hef ekki tekið afstöðu til þess,“ seg-
ir Jónsi. „Það er svo gaman að spila
með Í svörtum fötum og ég sé ekk-
ert út fyrir það. Það eru yndislegir
strákar í hljómsveitinni og það eru
allar fjölskyldurnar sem tengjast
henni svo góðir vinir. Þetta er orðin
svona lítil mafía.“
Jónsi er söngvari í fullu starfi en
skrifar stundum greinar fyrir Hús
og híbýli. Aðspurður hvort hægt sé
að lifa af tónlistinni sagði hann: „Já,
með því að ana ekki fram af ein-
hverjum kjánaskap, spara og vera
duglegur. Það á við um hvaða starf
sem er.“
Eðlislægir fordómar
Það ríkja oft ákveðnir fordómar í
garð popptónlistar og þeirra sem
starfa í þeim geira. Jónsi segist
stundum verða var við slíka for-
dóma en segir það líka skiljanlegt.
„Það er eðlislægt í poppi, ef manni á
að ganga ágætlega, að ganga popp-
inu á hönd. Það þýðir ekki að gera
það í einhverjum hálfkæringi. Ég
held að popparar séu með vissa for-
skrift sem þeir verða að fara eftir,
annars ganga hlutirnir ekki upp.
Það er líka þannig með aðrar tón-
listargreinar, til dæmis hliðargrein-
arnar, að ef þér á að ganga vel áttu
meðal annars að dissa poppara.
Þetta er því ákveðin venja á þessum
starfsvettvangi sem hefur alltaf
verið,“ segir Jónsi og bætir við að
hann taki ofan fyrir öllum öðrum
tónlistarmönnum og þeir megi
segja það sem þeim dettur í hug.
„Ég held að ég sé bara poppari og er
stoltur af því. Ég hef ekkert út á
starfið að setja. Það er ákaflega
ánægjulegt og veitir mér svo miklu
meira jákvætt en neikvætt svo ég
kvarta ekki undan því.“
Óvirkur í KFUM
Jónsi byrjaði að hafa atvinnu af
tónlistinni um tvítugt. Þá fluttist
hann suður frá Akureyri og fór að
læra söng. Fljótlega eftir það fékk
hann hlutverk í söngleik.
„Þá hafði ég gengið með þann
draum í maganum að vinna við tón-
list en bjóst ekki við að fá greitt fyr-
ir það,“ segir Jónsi, sem hóf þó
snemma að syngja af áhuganum ein-
um saman. „Ég hélt alltaf að ég hefði
byrjað að syngja um fjórtán ára ald-
ur en þetta er alltaf að færast aftar
og aftar. Ég held ég hafi verið byrj-
aður að syngja hástöfum þegar ég
var fimm ára. Mamma segir meira
að segja að ég hafi verið harður
söngvari þegar ég var tveggja eða
þriggja ára,“ segir Jónsi, sem söng
fyrst opinberlega í hljómsveitar-
keppni hjá KFUM og K á Akureyri.
Jónsi tók mikinn þátt í starfi KFUM
þegar hann var yngri. „Ég myndi
kallast óvirkur meðlimur í samtök-
unum nú – hvaða dóm sem má draga
af því. Þetta var gott félag og góður
félagsskapur. Hann kom mér yfir
erfiðustu unglingsárin og ég er
ákaflega feginn því í dag að hafa
fundið mjög góða einstaklinga
þarna. Það er hægt að finna mjög
góða vini og einstaklinga hvar sem
er en ég var einstaklega heppinn –
fann þá í trúfélagi fyrir norðan.“
Jónsi tók virkan þátt í félagslífi
KFUM frá fjórtán til sautján ára
aldurs. Aðspurður hvort hann sé
enn trúaður sagði Jónsi: „Ég og son-
ur minn biðjum alltaf til guðs áður
en hann fer að sofa.“
kristjan@frettabladid.is
EITT OG
ANNAÐ
UM JÓNSA
Hvaða diskur er í
geislaspilaranum?
Er að hlusta á tvo
geisladiska sem
stendur; Iron
Maiden - Somewhere in time og Júró-
visjónlögin nýjustu.
Hvaða bók lastu síðast?Da Vinci
Code eftir Dan Brown. Stórkostleg
bók.
Hvenær vaknar þú á morgnana? Ég
vakna 6.30.
Hvenær ferðu að sofa? Ég reyni að
komast í háttinn fyrir miðnætti en
stundum dregst það til eitt.
Uppáhaldssjónvarpsþáttur? Ég hef
ekki séð sjónvarp í mjög langan tíma
og get því ekki nefnt neitt.
Uppáhaldsmatur? Maturinn sem kon-
an mín eldar.
Uppáhaldsskemmtistaður? Skemmti-
staðurinn er vinnustaðurinn minn
þannig að sófinn heima er besti
skemmtistaðurinn.
Uppáhalds íslenska Júróvisjónlagið?
All Out of Luck með Selmu Björns og
Þorvaldi Bjarna.
Það eru mjög
margir búnir að hafa
samband við mig og eru
hræddir um að ég verði á
hlírabol og gallabuxum.
,,
Jón Jósep Snæbjörnsson verður fulltrúi Íslands í
Júróvisjón. Hann segist hlakka til að stíga á sviðið.
Gamall
draumur
rætist
JÓNSI Í JÚRÓVISJÓN
Jónsi hefur síðustu daga notið leið-
sagnar Selmu Björnsdóttur. Hann
býst samt ekki við því að semja
einhvern dans fyrir lokakeppnina.
„Við verðum ekki með kóreógrafíu
dauðans, lyftur og pífur eða eitt-
hvað svoleiðis,“ segir hann.