Fréttablaðið - 28.03.2004, Page 6

6 28. mars 2004 SUNNUDAGUR
■ Lögreglufréttir
■ Landhelgisgæslan
Veistusvarið?
1Hver er formaður Verslunarmanna-félags Reykjavíkur?
2Málefni Heilbrigðisstofnunar Suður-nesja hafa verið í fréttum að undan-
förnu. Hver er framkvæmdastjóri stofnun-
arinnar?
3Vandræðaástand hefur skapast íNapolí á Ítalíu. Hvað veldur vand-
ræðunum?
Svörin eru á bls. 54
Gerði tilraun til þjófnaðar og ók fullur:
Tekinn í tvígang
á skömmum tíma
LÖGREGLUMÁL Átján ára þjófur gerði
tilraun til að ræna einnota myndavél
úr verslun 10-11 í Lágmúla aðfara-
nótt laugardags. Þjófurinn kastaði
myndavélinni frá sér og hvarf á
braut þegar öryggisvörður Securitas
innti piltinn eftir kassakvittun.
Öryggisvörðurinn varð piltsins
aftur var rúmum klukkutíma síðar
þar sem hann var að bjástra við
glugga á fyrirtæki í Lágmúlanum og
kallaði á tvo starfsbræður sína sem
voru skammt undan. Pilturinn lagði
á flótta upp á vinnupalla þegar hann
varð var við öryggisverðina. Þegar
verðirnir eltu hann upp á vinnupall-
ana stökk hann niður um fjóra metra
og barst eltingarleikurinn í Hallar-
múla þar sem öryggisverðirnir náðu
piltinum. Hann var ölvaður og af-
hentu öryggisverðirnir lögreglu pilt-
inn. Lögreglan gat ekki haldið piltin-
um nema í skamma stund og var
hann því látinn laus eftir yfirheyrsl-
ur.
Annar öryggisvarðanna sem
hljóp manninn uppi varð aftur var
við kauða um klukkutíma síðar. Þá
var pilturinn ölvaður undir stýri. Ör-
yggisvörðurinn var á leið heim úr
vinnu ásamt tveimur félögum sínum
og hringdu þeir á lögregluna sem gaf
þeim heimild til að fylgja manninum
eftir, stöðva hann og halda honum
þar til lögregla kæmi á staðinn. Á
gatnamótum Grensásvegar og Bú-
staðarvegar náði öryggisvörðurinn
lyklum af þeim ölvaða eftir að hann
hafði stöðvað á rauðu ljósi. ■
Ógnuðu starfsfólki með
sprautunál og járnrörum
Ræningi ógnaði starfsmanni með sprautunál, sem hann sagði sýkta af lifrarbólgu C, í verslun 10-
11. Þá rændu tveir menn söluturn í Kópavogi vopnaðir járnrörum. Táragasi var úðað yfir dyra-
vörð eftir að hann lenti í vandræðum með þrjá gesti.
RÁN Maður á tvítugsaldri vopnað-
ur sprautunál ruddist inn í versl-
un 10-11 á Seljavegi í Reykjavík á
ellefta tímanum á föstudagskvöld.
Ræninginn ógnaði starfsmanni
með sprautunálinni og sagði hana
sýkta af lifrarbólgu C. Starfsmað-
urinn tók enga áhættu og afhenti
ræningjanum peninga úr sjóðs-
vélinni sem hvarf á braut að rán-
inu loknu. Starfsmaðurinn gat
gefið greinargóða lýsingu á ræn-
ingjanum sem gerði enga tilraun
til að hylja andlit sitt. Lögreglan
áttaði sig fljótt á því hver ræning-
inn var en hann
hefur komið áður
við sögu lögreglu.
Hann var handtek-
inn á Njálsgötu um
hálftíma síðar og
látinn gista fanga-
geymslur um nótt-
ina. Yfirheyrslur
yfir ræningjanum fóru fram í
gær.
Fyrr um kvöldið, um klukkan
átta, réðust tveir ungir menn inn
í söluturn við Hlíðarveg í Kópa-
vogi og ógnuðu starfsmanni með
járnrörum. Ræningjarnir, sem
huldu andlit sín, höfðu tóbak og
einhverja skiptimynt á brott með
sér út í myrkrið. Mannanna tveg-
gja er nú leitað.
Táragasi var sprautað á andlit
dyravarðar á Langabar á Lauga-
vegi aðfaranótt laugardags.
Dyravörðurinn hafði lent í vand-
ræðum með þrjá gesti staðarinn
og hafði fengið aðra gesti til að
aðstoða sig við að koma mönnun-
um út. Átökin enduðu með að
einn mannanna beitti táragasi
sem hann hafði meðferðis og
þurfti að flytja dyravörðinn á
slysadeild.
hrs@frettabladid.is
Reykjavík:
Tilkynnt um
árás með kylfu
LÖGREGLAN Maður hringdi í lögregl-
una í Reykjavík og tilkynnti að mað-
ur hefði ráðist á fólk með hafnar-
boltakylfu á Laugavegi rétt fyrir
klukkan þrjú aðfaranótt laugar-
dags.
Maðurinn sagði árásarmanninn
hafa ekið á brott á bifreið með
ákveðnu bílnúmeri og lýsti einnig
bílnum. Á uppgefnum árásarstað á
Laugavegi var hvorki að finna
árásarmann né fólk sem orðið haf-
ði fyrir árásinni. Bíllinn með núm-
erinu sem lögreglunni hafði verið
gefið upp passaði ekki við þá lýs-
ingu á bílnum sem maðurinn hafði
gefið. ■
Bankastræti
Sleginn
með flösku
LÖGREGLAN Tveir menn urðu fyrir
árás fyrir utan Hús málarans í
Bankastræti í Reykjavík seint á
föstudagsnótt. Annar var sleginn í
andlitið með flösku og hlaut blæð-
ingu vegna sárs á höku. Hinn fann
til eymsla í brjóstkassa eftir högg
sem honum hafði verið veitt.
Skömmu síðar var maður hand-
tekinn en hann var talinn hafa
verið í hópi árásarmannanna. ■
ÖLVAÐIR GESTIR TIL VANDRÆÐA
Starfsmaður á Langabar kallaði
eftir hjálp lögreglu vegna
nokkurra ölvaðra gesta sem hann
hafði lent í vandræðum með rétt
fyrir klukkan þrjú. Vandræða-
gestirnir voru á bak og burt þeg-
ar lögreglan kom á staðinn.
ÖLVUNARAKSTUR Fimm ökumenn
voru teknir grunaðir um ölvun
við akstur í Reykjavík í gær-
morgun. Þá var einn ökumaður
tekinn fyrir að keyra ölvaður í
Kópavogi.
NÁÐUST Á HLAUPUM Tveir menn
náðust á hlaupum eftir að hafa
brotist inn í herrafataverslun við
Suðurlandsbraut um klukkan eitt
í gærdag. Tilkynnt var um fjóra
grunsamlega menn og þegar lög-
reglan kom á staðinn tóku þeir
allir til fótanna og skildu eftir
bílinn sem þeir höfðu komið á.
10-11 LÁGMÚLA
Öryggisvörður Securitas hafði hendur í hári
pilts sem ætlaði að stela myndavél í versl-
un 10-11. Þjófurinn átti eftir að koma
meira við sögu.
FLUTTU VEIKT UNGABARN Áhöfn
þyrlu Landhelgisgæslunnar
sótti veikt ungabarn til Ísa-
fjarðar, seinni part föstudags,
og flutti það til Reykjavíkur
ásamt móður sinni. Lent var á
Reykjavíkurflugvelli um klukk-
an hálf tíu og var barnið flutt
með sjúkrabíl á Landspítalann
við Hringbraut.
■
Lögreglan átt-
aði sig fljótt á
því hver ræn-
inginn var en
hann hefur
komið áður við
sögu lögreglu.
ERILL HJÁ LÖGREGLUNNI Á HÖFUÐBORGARSVÆÐINU
Tvö vopnuð rán voru framinn á föstudagskvöld annað í Reykjavík og hitt í Kópavogi, þá var táragasi úðað á dyravörð.
FR
ÉT
TA
B
LA
Ð
IÐ
/R
Ó
B
ER
T