Fréttablaðið - 03.06.2004, Blaðsíða 14

14 3. júní 2004 FIMMTUDAGUR
MÓTMÆLT Í RÓM
Friðarsinnar efndu til mótmæla í Róm í
gær, meðan herinn fór í skrúðgöngu um
götur borgarinnar. Þessi mótmælti mis-
þyrmingum fanga í Írak.
HAGKERFIÐ Oíuverð mun halda
áfram að hækka á þessu ári en
síðan lækka hratt á því næsta.
Seðlabankinn gerir ráð fyrir
þessari þróun í þjóðhagsspá
sinni. Samkvæmt spá bankans
mun eldsneytisverð þrýsta
verðbólgunni upp fyrir þol-
mörk.
Olíuverð er nú í fjórtán ára
hámarki. Hækkunin að undan-
förnu kom á óvart, en talið var
að aukið framboð frá Írak
myndi hafa áhrif til lækkunar.
Búast má við því að olíufram-
leiðsla verði aukin í kjölfar
fundar OPEC í dag.
Seðlabankinn byggir spá um
olíuverð á framvirkum samn-
ingum á markaði. Þar kaupa
menn og selja olíu langt fram í
tímann. Samkvæmt því veðjar
markaðurinn á að olíuverð
hækki áfram á þessu ári en
fari síðan hratt lækkandi.
Bensínverðbólgan mun ganga
til baka verði þróunin þessi, en
um leið mun losna um fé í hag-
kerfinu sem ýtt gæti undir
aðra þenslu. ■
Arnarholti verður
lokað í haust
Geðdeildinni í Arnarholti á Kjalarnesi verður lokað í haust. Lokunin er
til komin vegna sparnaðaraðgerða sem Landspítala - háskólasjúkrahúsi
hefur verið gert að grípa til. Tæplega 40 sjúklingar dvelja í Arnarholti.
HEILBRIGÐISMÁL Eydís Sveinbjarn-
ardóttir, sviðstjóri geðsviðs Land-
spítala - háskólasjúkrahúss, stað-
festi í gær, að geðdeildinni í Arn-
arholti á Kjalarnesi yrði lokað í
haust. Þar rekur Landspítalinn
tvær deildir. Átta sjúklingar dvel-
ja á annarri en 27 á hinni. Fyrr-
nefndi hópurinn kom úr Gunnars-
holti, þegar LSH hætti rekstrinum
þar. Starfsfólki deildarinnar hef-
ur verið gert viðvart um hvað til
standi.
„Það er ljóst, eins og verkefni
spítalans eru, að við komum til
með að loka Arnarholti,“ sagði Ey-
dís. „Ég hef sagt við starfsfólkið
þarna að því verði lokað.“
Eydís sagði að spítalinn hefði
ekki sett nákvæma tímasetningu
á lokun Arnarholts. Þó væri ljóst,
að minni deildinni yrði lokað í
september og hinni með haustinu.
Spurð hvað yrði um sjúkling-
ana sem dvelja nú í Arnarholti
sagði Eydís að farið yrði yfir það í
sumar hvar þeim yrði komið fyrir,
á meðan þeir biðu eftir úrræðum í
félagslega kerfinu.
„Spítalinn mun ekki útskrifa
þetta fólk út á guð og gaddinn,“
sagði hún. „Við munum reyna að
hafa það innan spítalans, þar til
ljóst verður hver úrræðin verða.
Það er ljóst að með þessu erum
við að fylgja ákveðnum sparnað-
aráformum.“
Eins og Fréttablaðið greindi
nýlega frá hefur Árni Magnússon
félagsmálaráðherra ákveðið að
láta gera úttekt á búsetuþörfum
geðfatlaðra um land allt. Slík út-
tekt hefur þegar verið gerð á
Reykjavíkursvæðinu. Síðan
hyggst ráðherra láta gera áætlun
um uppbyggingu búsetuúrræða
fyrir þennan samfélagshóp. Ljóst
er að þörfin er brýn, því að sögn
Eydísar bíða nú hátt í 80 manns á
geðsviði Landspítala - háskóla-
sjúkrahúss eftir að komast út af
spítalanum og í búsetu. Sumir í
þessum hópi hafa dvalið á
geðsviðinu í fleiri ár. Þeir hafa
fengið viðhaldsmeðferð, að því er
Eydís sagði, sem þeir geta allt
eins fengið á eigin heimili í félags-
legri búsetu.
Ekki náðist í Árna Magnússon
félagsmálaráðherra í gær, til að
inna hann eftir því hvort hafin
væri vinna við búsetuúrræði geð-
fatlaðra. jss@frettabladid.is
Ahmed Chalabi:
Upplýsti um
leyndarmál
BANDARÍKIN Ahmed Chalabi,
sem féll fyrir skemmstu í
ónáð hjá Bandaríkjamönnum
eftir að hafa notið stuðnings
varnarmálaráðuneytisins, er
sagður hafa upplýst írönsk
stjórnvöld um að Bandaríkja-
menn gætu lesið dulmál
þeirra.
Bandarískir fjölmiðlar hafa
greint frá þessu undanfarna
daga og hafa þetta eftir ónafn-
greindum embættismönnum.
Condoleezza Rice þjóðarör-
yggisráðgjafi neitaði að tjá sig
um málið í sjónvarpsviðtali á
NBC-sjónvarpsstöðinni. ■
Kjarnorkuhneyksli:
Sonur ráðherra
grunaður
KUALA LUMPUR, AP Baráttumenn
fyrir mannréttindum hafa beint
þeim tilmælum til malasískra
stjórnvalda að þau rannsaki hvort
áhrifamiklir einstaklingar í
Malasíu séu tengdir alþjóðlegum
kjarnorkuvopnahring.
Tilmælin eru sett fram í kjöl-
far handtöku háttsetts manns inn-
an netsins. Mannréttindasinnarn-
ir telja meðal annars að rannsaka
þurfi son forsætisráðherrans. ■
Þingflokkur VG:
Aðför að
Landspítala
mótmælt
HEILBRIGÐISMÁL Þingflokkur
Vinstrihreyfingarinnar græns
framboðs mótmælir harðlega
áframhaldandi aðför að Landspít-
ala - háskólasjúkrahúsi og varar
við því að frekari aðhaldsaðgerð-
ir valdi varanlegri eyðileggingu
á áratuga uppbyggingarstarfi.
Þetta yrðu afleiðingar svelti-
stefnu ríkisstjórnarinnar sem
greinilega er framfylgt til að
knýja sjúkrahúsið til að einka-
væða starfsemi sína.
Þá hafnar þingflokkurinn al-
gerlega öllum hugmyndum um
frekari komugjöld og sjúklinga-
skatta sem komið hafa til um-
ræðu í stjórn sjúkrahússins. ■
LANDSPÍTALI
Vinstri grænir hafna „sveltistefnu ríkis-
stjórnarinnar.“
35 ára borgarastríð:
Leita lausna í
Noregi
FILIPPSEYJAR, AP Þess verður freist-
að í Ósló að binda endi á langlíf-
ustu uppreisnarinnar sem enn
stendur yfir í Asíu.
Stjórnvöld í Filippseyjum og
leiðtogar marxískra uppreisnar-
manna hafa samþykkt að setjast
að samningafundi í norsku höfuð-
borginni síðar í mánuðinum. Þar
verður sérstök áhersla lögð á
efnahagslegar og félagslegar um-
bætur sem eru forsenda fyrir
friðarsamkomulagi. Uppreisnar-
menn munu einnig þrýsta á
stjórnvöld um að fá samtök sín
tekin af listum annarra ríkja yfir
hryðjuverkasamtök. ■
2.000 ÁBENDINGAR
Bandarísku alríkislögreglunni,
FBI, bárust rúmlega 2.000 ábend-
ingar fyrsta sólarhringinn eftir
að birtar voru myndir af sjö ein-
staklingum sem yfirvöld leita að
og telja að tengist al-Kaída
hryðjuverkahreyfingunni.
DÝRT AÐ DÆLA
Bensínhækkanir valda tímabundinni verð-
bólgu en Seðlabankinn gerir ráð fyrir lækk-
un eldsneytis á næsta ári.
Seðlabankinn um þróun olíuverðs:
Hröð lækkun á næsta ári
FR
ÉT
TA
B
LA
Ð
IÐ
/G
VA
Lögreglustjóri Karachi:
Rekinn á
staðnum
PAKISTAN, AP Lögreglustjórinn í
Karachi og yfirmenn lögreglunn-
ar í tveimur hverfum borgarinnar
urðu að gjalda fyrir blóðugar róst-
ur síðustu daga með starfi sínu.
Í það minnsta 25 manns létust í
þriggja daga blóðugum átökum
súnnímúslima og sjíamúslima
sem brutust út í borginni á sunnu-
dag. Ástandið var orðið öllu ró-
legra í gær. Þá fundaði ríkisstjóri
Sindh, sem borgin Karachi
tilheyrir, með yfirmönnum lög-
reglunnar og eftir það var til-
kynnt að lögreglustjórinn og und-
irmennirnir tveir hefðu verið
færðir til í starfi. ■
ÓLGA Í KARACHI
Lögregla beitti táragasi til að dreifa fólki í
átökum sem kostuðu 25 manns lífið á
þremur dögum.
NÍU ÁR FYRIR HRYÐJUVERK
Fyrsti maðurinn til að verða
fundinn sekur um hryðjuverka-
starfsemi í Ástralíu var dæmdur
til níu ára fangelsisvistar. Jack
Roche var fundinn sekur um að
hafa skipulagt sprengjuárás á
sendiráð Ísraels í Ástralíu en
ekkert varð úr árásinni. ■
■ EYJAÁLFA
■ BANDARÍKIN
FJÖLMIÐLAR „Ég á erfitt með að
treysta vinnubrögðum á borð við
þau sem íslenskir fjölmiðlar
hafa sýnt í þessu máli.“ segir
Pétur Blöndal, þingmaður Sjálf-
stæðisflokksins, um umfjöllun
fjölmiðla um undirskriftalistann
þar sem forseti Íslands var
hvattur til að synja fjölmiðlalög-
unum.
„Gagnrýnisleysi fjölmiðla
hefur verið með ólíkindum,“
bætir Pétur við. „Enginn af
stærstu fjölmiðlum landsins hef-
ur gert athugasemd við listann;
ekki Fréttablaðið, Morgunblaðið,
DV, Stöð 2 eða Ríkisútvarpið. Til-
kynningum Fjölmiðlasambands-
ins er slengt fram án athuga-
semda á öllum þessum miðlum.“
Pétur segir að til þess að undir-
skriftasöfnun sé marktæk þurfi
fólk annað hvort að rita nafn sitt
með eigin hendi eða undirskrift-
irnar að vera rafrænar.
Síðasta haust voru um 1.200
manns skráðir í Sjálfstæðis-
flokkin með áþekkri undir-
skriftasöfnun. Pétur segir það
sama gilda um hana. „Þær skrán-
ingar hafa ekkert gildi. Fólk
verður að gera upp við sig hvort
það vilji vera í flokknum þegar
kemur að því að greiða félags-
gjöld.“ ■
PÉTUR BLÖNDAL
Telur gagnrýnisleysi fjölmiðla hafa verið
með ólíkindum.
Pétur Blöndal:
Treystir ekki íslenskum fjölmiðlum
ARNARHOLTI LOKAÐ
Tveimur geðdeildum LSH í Arnarholti á Kjalarnesi verður lokað í haust. Um er að ræða þátt í þeim sparnaði sem stjórnvöld hafa lagt fyrir
Landspítalann.