Fréttablaðið - 08.06.2004, Blaðsíða 9
9ÞRIÐJUDAGUR 8. júní 2004
LAUNAMÁL Íslenska ríkið þarf að
greiða það sem upp á vantar á launa-
greiðslur Bandaríkjahers til starfs-
manna á Keflavíkurflugvelli. Gunn-
ar Snorri Gunnarsson, ráðuneytis-
stjóri í utanríkisráðuneytinu, segir
ríkið svo eiga gagnkröfu á Banda-
ríkin. Hann segir utanríkisráðherra
hafa kallað sendiherra Bandaríkj-
anna á sinn fund fyrir rúmri viku
vegna málsins. „Við höfum fengið
vísbendingar um að mál séu í
vinnslu og vonumst til að þau leysist
farsællega,“ sagði hann og var von-
góður um ráðuneytið gæti haft milli-
göngu um afgreiðslu sambærilegra
mála og dómur er þegar fallinn í.
Verkalýðs- og sjómannafélag
Keflavíkur hafði í liðinni viku bet-
ur í einu máli vegna vanefnda á
greiðslu starfsmenntaálags. Enn
hafa launagreiðslur þó ekki verið
leiðréttar af hálfu hersins. Eins er
ástatt um fleiri starfsmenn. Guð-
jón H. Arngrímsson, varaformaður
félagsins, segir að eins hafi fjöldi
starfsmanna í eldhúsi og víðar ekki
fengið umsamdar launahækkanir
um áramót. Málshöfðun er í undir-
búningi vegna þeirra.
Í varnarsamningnum er kveðið
á um að starfsfólk hersins skuli
njóta sömu launakjara og kveðið er
á um í kjarasamningum hér. Kaup-
skrárnefnd úrskurðar um launa-
mál á vellinum og á að tryggja að
starfsmenn hafi sömu kjör og sam-
bærilegir starfsmenn hér á ís-
lenskum vinnumarkaði.
Friðþór Eydal, upplýsingafull-
trúi Bandaríkjahers, segir að her-
inn vanti greiðsluheimildir vegna
launahækkana sem hér hafa orðið.
„Bandarísk lög kveða á um ákveðið
þak á upphæðir í launahækkanir í
herstöðvum erlendis. Hækkanir
sem hafa átt sér stað á undanförn-
um misserum fara umfram þessi
hámörk,“ sagði hann.
olikr@frettabladid.is
HERSTÖÐIN Á KEFLAVÍKURFLUGVELLI
Starfsfólk Bandaríkjahers sem fær greidd
laun samkvæmt gildandi kjarasamningum
hefur ekki fengið greiddar umsamdar
launahækkanir frá því síðasta haust.
Kjaramál starfsmanna varnarliðsins:
Ákvæði varnarsamnings
um launagreiðslur brotin
KISTA REAGANS
Líkkista Ronalds Reagan, fyrrverandi forseta
Bandaríjkanna, sést hér komin í Forseta-
bókasafnið í Simi Valley í Kaliforníu í gær.
Safnið ber nafn Reagans og mun kista hans
standa þar uppi fram á miðvikudag til
minningar um hinn látna forseta.
■ AMERÍKA
FANGAUPPREISN LÝKUR Fangar í
brasilískri lögreglustöð slepptu í
gær fangaverði sem þeir höfðu
hneppt í gíslingu og lögðu niður
vopn. Þeir höfðu náð lögreglustöð á
sitt vald en gáfust upp eftir að ríkis-
stjórinn í Ríó de Janeiro lýsti yfir
neyðarástandi. Í millitíðinni lét einn
maður lífið.
HEFÐI BETUR ALDREI FÆÐST
„Hann, sá sem hefði aldrei átt að
fæðast, er látinn,“ sagði kúbversk
útvarpsstöð um andlát Ronalds
Reagan, fyrrum forseta Bandaríkj-
anna. „Gleyminn og ábyrgðarlaus
eins og hann var gleymdi hann að
taka verstu verk sín með sér í gröf-
ina,“ sagði útvarpsstöðin og þykir
endurspegla vilja stjórnvalda.
■ MIÐAUSTURLÖND
SKOTIÐ Á DANI Danskir her-
menn sem voru á eftirlitsferð
í suðurhluta Íraks urðu fyrir
skotárás ókunnugra víga-
manna. Átta menn sáust flýja
svæðið og fannst bíll sem þeir
skildu eftir. Í honum voru eld-
flaugar, handsprengjur og
byssur.
LOFTÁRÁS Í LÍBANON Ísraelskar
herþotur réðust á stöðvar palest-
ínskra vígamanna nærri Beirút,
höfuðborg Líbanons. Að sögn lí-
banskra embættismanna skutu
herþoturnar fjórum eldflaugum
að skotmörkum í Naamehhæðun-
um, suður af Beirút. Óvíst var
um mannfall.
■ EVRÓPA
SEX Í HUNGURVERKFALLI Sendi-
herrar átta ESB-ríkja og yfirmaður
sendinefndar Öryggis- og sam-
vinnustofnunar Evrópu í Hvíta-
Rússlandi, hittu í gær sex stjórnar-
andstöðuþingmenn sem eru í hung-
urverkfalli. Þingmennirnir mót-
mæla einræðistilburðum Alexand-
ers Lukasjenko forseta.