Fréttablaðið - 08.06.2004, Blaðsíða 14
14 8. júní 2004 ÞRIÐJUDAGUR
UPPSAGNIR Á GAZA
Tvö börn háskólakennara á Gaza mót-
mæla uppsögn föður síns en Sameinuðu
þjóðirnar hafa ákveðið að loka nokkrum
skólum á svæðinu sem reknir eru fyrir
alþjóðlegt fé til að rýma fyrir nýrri og betri
skólastofnunum.
Lyfjalisti tekinn í notkun á Landspítalanum:
Markvisst val á því
besta og ódýrasta
LYFJAMÁL „Tilgangurinn með lyfja-
listanum er að reyna að velja
markvisst það besta og ódýrasta,“
sagði Jóhannes Gunnarsson,
hjúkrunarforstjóri á Landspítala -
háskólasjúkrahúsi. Tekinn hefur
verið upp lyfjalisti við spítalann
og hefur hann nú verið birtur í
frumútgáfu.
Heilbrigðisráðherra skipaði á
sínum tíma starfshóp um átak í
lyfjamálum heilbrigðisstofnana.
Hópurinn skilaði áfangaskýrslu í
lok nóvember 2003. Meðal þess
sem þar var lögð áhersla á var að
á öllum heilbrigðisstofnunum
væri lyfjalisti sem byggði á
klínískum leiðbeiningum, upplýs-
ingum um virkni, öryggi og gæði
lyfja og upplýsingum um verð.
Með hliðsjón af tillögum
starfshópsins var síðan hafin
vinna við gerð lyfjalista á LSH.
Jóhannes sagði að fagfólk spítal-
ans gæti síðan gert athugasemdir
við hann ef því sýndist svo. Í
haust yrði listinn endurskoðaður
og lagður fram í endanlegu formi.
„Eins og tíðkast með alla lyfja-
lista er þessi listi leiðbeinandi,“
sagði Jóhannes og bætti við að
tekið yrði tillit til sérþarfa. Um
slík frávik yrði að taka sérstakar
ákvarðanir. Á listanum væru þau
lyf sem miðað væri við að yrðu að
jafnaði notuð á LSH og ávallt til í
apóteki spítalans. ■
Suðurnesjalæknirinn
formlega áminntur
Læknir sem gaf móður deyfiefni í fæðingu með þeim afleiðingum að
barn hennar lést hefur verið áminntur. Hann hefur áður verið
áminntur, auk þess sem fjölmargar kærur hafa borist hans vegna.
HEILBRIGÐISMÁL Settur landlæknir
hefur formlega áminnt lækn-
inn. sem gaf móður á Heilbrigð-
isstofnun Suðurnesja deyfiefni í
legháls meðan á fæðingu stóð.
Barnið var tekið með bráðakeis-
araskurði, en síðan flutt á Land-
spítala - háskólasjúkrahús þar
sem það lést. Lögreglurannsókn
í málinu er lokið.
Jón Hilmar Alfreðsson, sett-
ur landlæknir, sendi heilbrigðis-
ráðuneytinu áminninguna í lok
síðasta mánaðar. Umræddur
læknir hafði áður fengið áminn-
ingu, auk þess sem á annan tug
kæra og kvartana höfðu borist
Landlæknisembættinu vegna
hans, samkvæmt heimildum
Fréttablaðsins.
Forsaga málsins er, að móðir-
in kom á Heilbrigðisstofnunina
til að fæða barn sitt í lok sept-
ember sl. Fæðingin gekk með
eðlilegum hætti. Þegar líða tók
á hana bað móðirin um að fá
mænudeyfingu. Henni var þá
tjáð að svæfingalæknirinn væri
ekki á staðnum. Síðan var henni
boðin leghálsdeyfing, sem hún
þáði. Henni var ekki tjáð hvaða
áhættu slík deyfing gæti haft í
för með sér, svo sem fall í hjart-
slætti. Samkvæmt fyrirliggj-
andi hjartalínuriti datt hjart-
sláttur barnsins niður fimm til
sjö mínútum eftir að deyfingin
var sett upp og kom ekki upp
aftur. Hálftíma til 35 mínútum
síðan var gerður bráðakeisara-
skurður á konunni. Barnið var
flutt með sjúkrabíl á Landspít-
ala, þar sem það lést skömmu
síðar.
Í álitsgerð setts landlæknis
segist hann álykta „ ... að barnið
hafi dáið af afleiðingum súrefn-
isskorts í fæðingu, en súrefnis-
skorturinn verið afleiðing af
toxiskum áhrifum marcains.
Því tel ég líklegt að verulegt
magn af lyfinu hafi borist yfir í
barnið og þá væntanlega um
blóðrás til legs, um fylgju í
barnið“.
Matthías Halldórsson að-
stoðarlandlæknir kvaðst ekki
vilja ræða þetta einstaka mál,
en almennt sagt væri áminning
af þessu tagi stjórnsýsluaðgerð.
Menn tækju slíkan gjörning
mjög alvarlega. Ef læknir hlyti
áminningu með skömmu milli-
bili og fyrir gjörðir sem væru
svipaðs eðlis, þá þýddi það
sviptingu læknaleyfis.
jss@frettabladid.is
Fluttur með sjúkraflugi:
Tveir menn
slógust
LÖGREGLA Fótbrotinn maður var
fluttur með sjúkraflugi frá Pat-
reksfirði til Reykjavíkur í gær-
morgun eftir ryskingar við annan
mann. Talið er að maðurinn hafi
brotnað við að falla niður tíu til
tólf metra barð á milli Aðalstræt-
is og Strandgötu.
Ekki var alveg ljóst hvað varð
til þess að fótur mannsins brotn-
aði en málið er í rannsókn lögregl-
unnar á Patreksfirði. Yfirlög-
regluþjónn í umdæminu segir að
fyrir utan þetta eina atvik hafi
helgin gengið vel fyrir sig þrátt
fyrir ölvun og mikið skemmtana-
hald. ■
HUGAÐ AÐ HEIMFERÐ
Bandarísk yfirvöld hyggjast draga tæplega
12 þúsund hermenn frá Suður-Kóreu
fyrir lok næsta árs.
Bandarískir hermenn:
Fækkar á
Kóreuskag-
anum
KÓREA, AP Tæplega 12 þúsund
bandarískir hermenn verða sendir
til síns heima frá Suður-Kóreu fyrir
lok næsta árs gangi hugmyndir
bandarískra stjórnvalda eftir. Kom
þetta fram í viðræðum þjóðanna um
framtíð hersins í landinu en Banda-
ríkjamenn vilja að þriðjungur her-
manna komi heim en í landinu eru
alls 37 þúsund hermenn. Verður
þetta í fyrsta sinn síðan 1992 sem
Bandaríkjamenn fækka hermönn-
um á Kóreuskaganum og er hluti af
mikilli endurskipulagningu herafla
landsins á heimsvísu. ■
■ LÖGREGLUFRÉTTIR
Írak:
Stórum
áfanga náð
ÍRAK, AP Náðst hefur samkomulag
við níu af öflugustu sveitum upp-
reisnarmanna í Írak um að leggja
niður vopn og hætta með öllu
skyndiárásum sínum á íbúa og
vegfarendur. Þetta tilkynnti nýr
forsætisráðherra landsins í gær
og þykir árangurinn góður enda
hefur Iyad Allawi ekki verið lengi
við stjórnvölinn. Uppreisnarsveit-
irnar hafa skapað mikla ringulreið
þar sem þær ráðast á allt kvikt í
sínum landshlutum og vægja
engu. Forsætisráðherrann sagði
að liðsmenn sveitanna hafi fallist
á að hætta alfarið vopnaskaki sínu
eða í sumum tilfellum að ganga til
liðs við öryggisheri Íraks. ■
ÓTRYGGT ÁSTAND
Gífurleg öryggisgæsla er enn víða um Írak
en nú horfir til betri vegar þegar níu
stærstu sveitir uppreisnarmanna
í landinu leggja niður vopn.
Nýkominn með bílpróf:
Tekinn á
ofsahraða
LÖGREGLA Piltur með rúmlega
tveggja vikna gamalt ökuleyfi var
tekinn á 152 kílómetra hraða á
Reykjanesbraut á móts við Hval-
eyrarskóla, á tólfta tímanum í
gær. Þar sem pilturinn var tekinn
er leyfilegur hámarkshraði 80
kílómetrar á klukkustund.
Pilturinn getur átt von á því að
vera sviptur ökuleyfi í tvo mánuði
auk 60 þúsund króna sektar. ■
SPORTBÍLADEKK
6.714
9.428
7.136
10.717
9.800
11.716
11.800
11.800
11.800
13.800
13.900
16.574
20.429
15.800
16.900
195/50 R 15
195/55 R 15
195/60 R 15
205/45 R 16
205/55 R 16
215/55 R 16
205/40 R 17
215/40 R 17
215/45 R 17
225/45 R 17
235/45 R 17
245/45 R 17
215/40 R 18
225/40 R 18
235/40 R 18
LOW PROFILE
•Gúmmívinnustofan
•Dekkið Hafnarfirði
•Bæjardekk Mosfellsbæ,
•Hjólkó
•Hjólbarðav. Akranesi
•Höfðadekk,
•Essó Geirsgötu.
Útsölustaðir
STÆRÐ VERÐ STGR.
REYKJAVÍK • AKUREYRI
„Bumbubaninn“
sívinsæli
gerir sitt gagn.
GRUNAÐUR UM ÖLVUN Sendibíll
valt á Þjórsárdalsvegi til móts við
bæinn Fossnes á sunnudagskvöld.
Ökumaðurinn slasaðist ekki en
hann er grunaður um ölvun við
akstur. Bíllinn var fjarlægður af
vettvangi með dráttarbíl.
LÖGÐU Á FLÓTTA Þrír menn voru
handteknir á Þingeyri og fluttir á
lögreglustöðina á Ísafirði aðfaranótt
laugardags. Mennirnir voru allir
ölvaðir og hlupu út úr bíl sínum
þegar þeir sáu lögregluna. Í fyrstu
vildi enginn viðurkenna að hafa
ekið bílnum en síðar um nóttina ját-
aði einn þeirra ölvunarakstur. ■
HEILBRIGÐISSTOFNUN SUÐURNESJA
Læknirinn sem sprautaði konu með deyfiefni í legháls meðan á fæðingu stóð,
hefur verið áminntur formlega.
Vígasveitir stjórnmálaflokka afvopnast
BAGDAD, AP Níu íraskir stjórnmála-
flokkar hafa orðið við beiðni nýrr-
ar ríkisstjórnar landsins um að af-
vopna vígasveitir sem þeir hafa
komið upp. Með þessu er stigið
skref í þá átt að tryggja völd
stjórnvalda og öryggi í landinu.
Samkomulagið nær þó ekki til
vígasveita róttæka sjíaklerksins
Muqtada al-Sadr.
Iyad Allaw, forsætisráðherra
Íraks, sagði að borgaralegar víga-
sveitir yrðu hér eftir ólöglegar og
liðsmenn þeirra taldir útlagar.
Hann sagði að liðsmenn þeirra
vígasveita sem yrðu lagðar niður
myndu annað hvort ganga til liðs
við her og lögreglu landsins eða
snúa aftur til borgaralegra starfa.
Hann sagði 100.000 manns vera
liðsmenn vígasveitanna.
Hugmyndin er að vígasveitirn-
ar verði að fullu lagðar niður á
næsta ári. ■
LANDSPÍTALI - HÁSKÓLASJÚKRAHÚS
Lyfjalisti hefur verið tekinn í notkun til að
stemma stigu við ört vaxandi lyfjakostnaði
á spítalanum.
VÍGAMENN Í BAGDAD
Engin þeirra níu vígasveita sem verða lagðar niður hefur barist gegn stjórnvöldum.