Fréttablaðið - 08.06.2004, Blaðsíða 36

28 8. júní 2004 ÞRIÐJUDAGUR
Úrslitaeinvígi NBA-deildarinnar hófst á sunnudagskvöldið:
Pistons vann fyrsta leikinn
KÖRFUBOLTI Detroit Pistons er kom-
ið með forystu, 1-0, í lokaeinvígi
NBA-deildarinnar í körfuknatt-
leik eftir tólf stiga sigur, 87-75, á
Los Angeles Lakers í fyrsta leik
liðanna í Staples Center í Los Ang-
eles á sunnudagskvöldið.
Jafnræði var með liðunum í
fyrri hálfleik en leikmenn Detroit
sig fram úr í síðari hálfleik og
tryggðu sér óvæntan og mikil-
vægan sigur.
Það sem gerir þennan sigur
enn sætari fyrir Detroit er að
þeim tókst að ná sigri þrátt fyrir
að þeirra sterkasti sóknarmaður,
Richard Hamilton, ætti slakan
leik og tröllið Shaquille O’Neal hjá
Los Angeles Lakers færi hamför-
um undir körfunni. Það var hinn
sterki varnarleikur, sem er aðals-
merki liðsins, auk góðra sóknartil-
þrifa hjá Chauncey Billups sem
færði þeim sanngjarnan sigur.
Ben Wallace, miðherjinn sterki
hjá Detroit, sem mátti sín lítils
gegn O’Neal sagði eftir leikinn að
lykillinn að sigri Detroit hefði
verið sá að þeir eru ekki háðir ein-
um manni sóknarlega.
„Það geta allir tekið af skarið í
liðinu og ef einn leikmaður er í
vandræðum þá kemur annar mað-
ur í hans stað,“ sagði Wallace eft-
ir leikinn.
Eins og áður sagði átti O’Neal
frábæran leik í liði Lakers, skor-
aði 34 stig og tók 11 fráköst. Kobe
Bryant skoraði 25 stig en það háði
Lakers verulega að stjörnurnar
Gary Payton og Karl Malone voru
ósýnilegar allan leikinn og skor-
uðu aðeins sjö stig saman, nokkuð
sem er langt frá þeirra besta.
Chaunchey Billups var stiga-
hæstur hjá Detroit með 22 stig,
Rasheed Wallace skoraði 14 stig,
Richard Hamilton skoraði 12 stig
og Tayshaun Prince skoraði 11
stig.
Annar leikurinn fer fram í Los
Angeles í kvöld og verður í beinni
útsendingu á sjónvarpsstöðinni
Sýn. Útsending hefst kl. 0.55. ■
Valdi íslenska liðið
fram yfir það sænska
Kristján Andrésson er einn af þeim leikmönnum sem komu inn í íslenska landsliðshópinn í
handknattleik fyrir síðari leikinn gegn Ítölum um laust sæti á HM, sem fram fór á sunnudag.
HANDBOLTI Kristján er leikmaður
sem fáir kannast sennilega við, og
það ekki furða þar sem hann hef-
ur búið nánast alla sína ævi í Sví-
þjóð þar sem hann spilar með liði
GUIF Eskilstuna í sænsku úrvals-
deildinni. Þrátt fyrir að hafa ekki
skorað mark gegn Ítölum þótti
Kristján hafa staðið sig mjög vel í
leiknum, og ljóst að þarna er
framtíðarleikmaður landsliðsins á
ferð. „Ég spila með liði Eskilst-
una, sem er bær rúma 100 kíló-
metra frá höfuðborginni Stokk-
hólmi. Ég spila með bæjarliðinu
og okkur gekk sæmilega í deild-
inni í ár, höfnuðum í 6. sæti af 14
liðum en duttum síðan út í átta
liða úrslitum,“ sagði Kristján þeg-
ar Fréttablaðið hitti hann að máli í
vikunni.
Kristján er 23 ára og hefur eins
og áður segir búið alla sína tíð í
Svíþjóð að undanskildum tveimur
árum hér á Íslandi þegar hann var
fimm og sex ára gamall. Kristján
á ekki langt að sækja handbolta-
hæfileikana; faðir hans Andrés
Kristjánsson lék sjö landsleiki á
sínum tíma og skoraði í þeim
fimm mörk. „Ég er kominn með
fjóra landsleiki og 10 mörk þannig
að ég er búinn að toppa pabba í
markaskoruninni,“ segir Kristján
glettinn, en hann var fyrst valinn
í landsliðið á æfingamótinu sem
haldið var í Belgíu í lok maí síð-
astliðins. Þar voru það yngri leik-
menn Íslands sem fengu að sprey-
ta sig, margir hverjir í fyrsta
skipti.
Ég á heima á Íslandi
Þar sem Kristján er uppalinn í
Svíþjóð nánast alla sína tíð stóð
hann frammi fyrir þeim kosti að
geta valið á milli þess að leika
með sænska landsliðinu eða því
íslenska. Hann segir það val ekki
hafa reynst erfitt. „Þjálfari u-18
ára landsliðs Svía vildi fá mig í
sitt lið á sínum tíma, en ég neitaði.
Mamma og pabbi eru bæði íslensk
og mig langaði ekkert að vera
Svíi,“ segir Kristján, en hann á að
baki fjölda leikja með yngri lands-
liðum Íslands. Yngri bróðir Krist-
jáns, Haukur, sem er 17 ára, hefur
einnig gert það gott í handboltan-
um í Svíþjóð og var hann nýlega
valinn í sænska unglingalandslið-
ið í fyrsta skiptið. Öfugt við Krist-
ján valdi Haukur að leika fyrir
Svíþjóð.
„Hann er einfaldlega miklu
meiri Svíi en ég. Mér finnst ég
vera að koma heim þegar ég fer
til Íslands. Þegar ég fer til Sví-
þjóðar er ég bara að fara út,“ seg-
ir Kristján, sem er þó ekki að
flytjast heim, í það minnsta ekki á
næstunni. „Ég á eitt ár eftir af
samningi mínum við GUIF og lík-
ar mjög vel við að búa í Svíþjóð.
En ég er mjög ánægður og þakk-
látur yfir að fá tækifæri með
landsliðinu og ætla bara að reyna
að standa mig,“ segir hann.
Langar til Aþenu
Kristján, sem spilar í stöðu
leikstjórnanda, byrjaði heldur
seint að æfa handbolta af fullum
krafti og var það fótboltinn sem
átti hug hans allan framan af ævi.
„Ég var orðinn 12-13 ára þegar
bekkjarfélagi minn dró mig með á
handboltaæfingu. Mér fannst það
mjög gaman og eftir það varð ekki
aftur snúið,“ segir Kristján, sem
er eins konar hálfatvinnumaður
hjá GUIF, eins og stærstur hluti
leikmanna liðsins.
Flesta handboltamenn dreymir
um að vera valdir í landsliðshóp-
inn sem fer á Ólympíuleikana sem
haldnir verða í Aþenu í sumar. Þar
er Kristján engin undantekning.
„En ég bíð bara rólegur og sé
til. Það er mjög skemmtilegt að
vera hérna á Íslandi og hitta
strákana í liðinu, en það eru marg-
ir góðir aðrir leikmenn sem eru
inni í myndinni. En auðvitað lang-
ar mig,“ segir Kristján. Hann tel-
ur íslenska landsliðið eiga fína
möguleika á því að vinna til verð-
launa á Ólympíuleikunum.
„Þetta er mjög gott landslið og
til að mynda er talað mjög vel um
það í Svíþjóð. Það er mikil virðing
borin fyrir leikmönnum á borð við
Ólaf Stefánsson, Guðjón Val Sig-
urðsson og Sigfús Sigurðsson.
Þetta er hörkulið og við eigum al-
veg jafn mikinn séns og aðrir“.
vignir@frettabladid.is
LEIKIR
 20.00 KR og ÍBV mætast á KR-vel-
linum í Landsbankadeild kvenna í
knattspyrnu.
SJÓNVARP
 14.25 Trans World Sport á Stöð 2.
Íþróttir um allan heim.
 16.40 Fótboltakvöld á RÚV.
Endurtekinn þáttur frá kvöldinu
áður frá leikjum í 4. umferð
Landsbankadeildarinnar.
 17.50 Olíssport á Sýn. Endurtekinn
þáttur frá kvöldinu áður.
 18.30 Leiðin á EM 2004 (2:4) á
RÚV.
 19.05 Trans World Sport á Sýn.
Íþróttir um allan heim.
 20.00 Motorworld á Sýn.
 20.30 Fákar á Sýn. Þáttur um
hesta.
 22.00 Olíssport á Sýn.
 23.15 Trans World Sport á Stöð 2.
Íþróttir um allan heim.
 00.15 Gillette-sportpakkinn á Sýn.
Allt milli himins og jarðar í
íþróttaheiminum.
 00.55 NBA-boltinn á Sýn. Bein
útsending frá öðrum leik Los
Angeles Lakers og Detroit
Pistons í lokaeinvígi NBA-deil-
darinnar í körfuknattleik.
GÓÐUR BIKAR
Hinn argentínski Gaston Gaudio, sem bar
óvænt sigur úr býtum á opna franska
meistaramótinu í tennis, sést hér halda á
bikarnum sem fékkst fyrir sigurinn. Með
sigrinum stökk Gaudio upp um 34 sæti á
heimslistanum, í það tíunda.
TENNIS
HVAÐ? HVENÆR? HVAR?
5 6 7 8 9 10 11
Þriðjudagur
JÚNÍ
Valsstelpurnar í Lands-
bankadeild kvenna:
Fagna
mörkum
með stæl
FÓTBOLTI „Þetta er eitthvað sem við
ákváðum að gera fyrir fyrsta leik-
inn á Íslandsmótinu. Daginn fyrir
leikinn ákváðum við stelpurnar
hvernig við myndum fagna fyrstu
sjö mörkunum okkar,“ sagði Lauf-
ey Ólafsdóttir, lykilmaður liðsins
á miðjunni, en Valsstelpurnar
hafa fagnað öllum sex mörkum
sínum í sumar með mismunandi
hætti.
Í 3-1 sigri á Stjörnunni í fyrra-
kvöld komu þrjú ólík fagnaðar-
læti. Fyrst var eins og boltinn
væri handsprengja, í öðru mark-
inu hlupu þær allar út á hliðarlínu
og þurrkuðu af sér svitann og að
lokum léku þær eftir létta golf-
sveiflu.
Allt í anda Eyjaliðsins frá 1995
sem vakti þjóðarathygli fyrir leik-
gleði og litríkan fagnað.
„Þetta myndar ákveðna stemn-
ingu hjá okkur og við peppum
okkur upp við þetta,“ sagði Lauf-
ey, sem kom Val á bragðið gegn
Stjörnunni með stórglæsilegu
marki en fagnaðurinn í sumar
hefur komið í seinni hálfleik þar
sem Valsliðið á enn eftir að opna
markareikninginn sinn í fyrri
hálfleik. ■
TVÖ STIG FRÁ WALLACE
Rasheed Wallace skorar hér tvö af 14 stig-
um sínum gegn Lakers án þess að Shaq-
uille O’Neal komi nokkrum vörnum við.
SÆNSKI ÍSLENDINGURINN
KRISTJÁN ANDRÉSSON
Kristján kveðst vera Íslendingur í
húð og hár og að valið hjá
honum á milli íslenska land-
sliðsins og þess sænska hafi ekki
verið erfitt.