Fréttablaðið - 19.08.2004, Blaðsíða 44

32 19. ágúst 2004 FIMMTUDAGUR
[ Frammistaða íslenska liðsins ]
[ Frammistaða íslenska liðsins ]VINÁTTULANDSLEIKUR
FÓTBOLTI Það er óhætt að segja að
karnivalstemning hafi ríkt á
Laugardalsvelli í gær þegar Ís-
lendingar lögðu Ítali að velli, 2-0, í
vináttulandsleik í knattspyrnu.
Rúmlega tuttugu þúsund manns
settu vallarmet og studdu dyggi-
lega við bakið á íslensku strákun-
um sem sýndu snilldartilþrif gegn
stjörnunum frá Ítalíu.
Það voru ekki liðnar nema um
fimmtán mínútur þegar Eiður
Smári Guðjohnsen skoraði fyrsta
markið þegar hann fylgdi eftir
skoti Gylfa Einarssonar.
Íslendingar komu öllum á
óvart þegar þeir létu kné fylgja
kviði og Gylfi skoraði annað
markið aðeins tveimur mínútum
síðar.
Sjálfstraust íslensku strákanna
óx mikið eftir það og létu þeir bolt-
ann ganga manna á milli. Með smá
heppni hefði íslenska liðið getað
bætt tveimur mörkum við. Það
sem eftir lifði fyrri hálfleiks léku
íslensku strákarnir við hvurn sinn
fingur og létu boltann ganga
manna á milli án þess að Ítalarnir
fengju nokkuð við ráðið.
Íslensku strákarnir byrjuðu
seinni hálfleikinn af miklum krafti
en náðu ekki að koma boltanum í
netið. Þeir bökkuðu síðan heldur
mikið þegar líða fór á leikinn og
fyrir vikið komust Ítalirnir meira
inn í leikinn. Þeir áttu nokkur
hættuleg færi sem strönduðu ým-
ist á vörninni eða Árna Gauti
markverði.
Íslenska liðið lék einn sinn
besta landsleik í áraraðir í gær.
Leikmenn létu boltann ganga vel á
milli manna og börðust allir sem
einn fyrir liðið.
Það má sannarlega óska ís-
lenska liðinu til hamingju með sig-
urinn í gær því hann var fyllilega
verðskuldaður. Íslenskir áhorf-
endur eiga líka þakklæti skilið
fyrir dyggan stuðning en sem fyrr
er þörf á fjölbreyttari barátt-
söngvum og -köllum.
kristjan@frettabladid.is
1–0 Eiður Smári Guðjohnsen 17.
2–0 Gylfi Einarsson 19.
DÓMARINN
Peter Fröjdefeldt Góður
BESTUR Á VELLINUM
Gylfi Einarsson Íslandi
TÖLFRÆÐIN
Skot (á mark) 8–15 (6–8)
Varin skot 6–2
Horn 0–7
Aukaspyrnur fengnar 14–15
Rangstöður 0–8
FRÁBÆRIR
Gylfi Einarsson Íslandi
MJÖG GÓÐIR
Eiður Smári Guðjohnsen Íslandi
Brynjar Björn Gunnarsson Íslandi
Árni Gautur Arason Íslandi
Rúnar Kristinsson Íslandi
Heiðar Helguson Íslandi
Kristján Örn Sigurðsson Íslandi
GÓÐIR
Birkir Kristinsson Íslandi
Ólafur Örn Bjarnason Íslandi
Hermann Hreiðarsson Íslandi
Þórður Guðjónsson Íslandi
Indriði Sigurðsson íslandi
2-0
ÍSLAND ÍTALÍA
MARK Gylfi Einarsson skorar hér seinna mark Íslendinga gegn Ítölum í gær. Rúmlega 20 þúsund áhorfendur fögnuðu gríðarlega enda
ekki á hverjum degi sem stórþjóð er lögð að velli. Gylfi var besti maðurinn á vellinum í gær en hann lagði einnig upp fyrra markið.
Fréttablaðið/Vilhelm
Stórkostlegur sigur
Ísland vann Ítali 2–0 fyrir framan 20 þúsund áhorfendur á
Laugardalsvellinum í gær. Eiður Smári og Gylfi skoruðu mörkin.
Byrjunarliðið
Birkir Kristinsson markvörður
Spilaði af mikilli yfirvegun allan tímann
og sýndi að við eigum eftir að sakna
þessa trausta og örugga markvarðar.
Kristján Örn Sigurðsson miðvörður
Spilaði sinn fyrsta alvörulandsleik og steig
vart feilspor. Fékk boltann mikið og skil-
aði honum vel frá sér.
Ólafur Örn Bjarnason miðvörður
Stjórnaði vörninni vel en átti helst í vand-
ræðum með háa bolta inn fyrir vörnina í
seinni hálfleik.
Hermann Hreiðarsson miðvörður
Minna áberandi en oft áður en vann alla
skallabolta og allar tæklingar en var
rólegur í hlaupum sínum upp völlinn.
Þórður Guðjónsson hægri-vængmaður
Var mjög ógnandi á vængnum og átti
þátt í báðum mörkum. Hélt breiddinni
vel og skilaði boltanum vel frá sér.
Brynjar Björn Gunnarsson miðjumaður
Með bestu landsleikjum hans. Skilaði
boltanum frábærlega frá sér, leysti þröng-
ar stöður á laglegan hátt og vann vel.
Rúnar Kristinsson miðjumaður
Það var eins og að horfa á Frakkaleikinn
fræga að fylgjast með Rúnari í fyrri
hálfleik. Geislaði af sjálfstrausti og átti
enn einn frábæra landsleikinn.
Gylfi Einarsson miðjumaður
Maður leiksins. Var úti um allt, vinnandi
boltann, spilaði boltanum vel frá sér og
átti bæði mörkin með frábærum
hlaupum sínum inn í teiginn. Gylfi spilaði
loksins sína stöðu og hún verður vart
tekin af honum í bráð.
Indriði Sigurðsson vinstri-vængmaður
Átti margar frábærar rispur upp vinstri
vænginn þótt engin þeirra hafi skilað
marki. Hljóp ófáa kílómetrana í leiknum
og hefur eignað sér þessa stöðu.
Eiður Smári Guðjohnsen framherji
Var stórskostlegur í fyrri hálfleik, alltaf á
ferðinni platandi alla varnarmenn allt í
kringum sig. Gott mark en var rólegur í
seinni hálfleik.
Heiðar Helguson framherji
Þennan mann þekkjum við og hann
breytist ekkert. Ítalirnir vissu samt varla
hvað á sig stóð veðrið þegar hann press-
aði hvern einasta bolta allan tímann.
Varamenn
Árni Gautur Arason markvörður
Leysti Birki af eftir 49. mínútur, fékk mun
meira að gera og varði oft glæsilega
þegar Ítalir sóttu að marki Íslands undir
lok leiksins.
Pétur Marteinsson varnarmaður
Kom inn fyrir Þórð á 85. mínútu.
Arnar Grétarsson miðjumaður
Kom inn fyrir Gylfa á 67. mínútu. Hélt
boltanum vel og stóð sig vel.
Jóhannes Karl Guðjónsson miðjumaður
Kom inn fyrir Rúnar á 64. mínútu.
Veigar Páll Gunnarsson sóknarmaður
Kom inn fyrir Heiðar á 83. mínútu.
Birkir Kristinsson
„Það var alls ekki hægt að ná betri
úrslitum en þetta. Að vinna Ítali á
heimavelli er draumi líkast. Þetta er ein-
hver gjöf sem manni áhlotnast bara
einu sinni á lífsleiðinni,“ sagði Birkir
Kristinsson sem lék kveðjuleik sinn með
landsliðinu. „Maður var að hugsa um
það fyrir leikinn að það væri leiðinlegt
að enda ferilinn á lélegum leik sem
myndi skyggja á alla hina. Sem betur
fer gerðist það ekki,“ bætti Birkir við.
Eggert Magnússon
„Ég trúði því alveg frá byrjun að við
myndum slá metið. Ég sagði það fyrir
leikinn að við það að fá alla þessa
áhorfendur þá yrði liðið að skemmta
áhorfendunum líka og það gerði íslens-
ka liðið líka. Sigur á móti einu stærsta
knattspyrnuliði heims eru frábær úrslit,
sagði Eggert Magnússon sem á allan
heiðurinn af deginum í gær. Fékk Ítalina
í heimsókn og fékk einnig þá ævin-
týralegu hugmynd að bæta aðsóknar-
metið sem tókst á svo eftirminnilegan
hátt.
Gylfi Einarsson
„Þetta var frábært að mæta hingað og
spila fyrir 20 þúsund manns. Þó að
þetta væri vináttuleikur þá eru Ítalir ein
af þessum stóru þjóðum sem allir vilja
vinna og tilfinningin að sigra þá var
góð,“ sagði Gylfi Einarsson sem átti
frábæran leik og skoraði sitt fyrsta mark
fyrir Ísland. „Við lögðum það upp að
fara í þennan leik á fullu og bera enga
virðingu fyrir þeim. Við ætluðum að
sýna þeim að við erum gott fótboltalið
líka og við sýndum það sérstaklega í
fyrri hálfleik. Við áttum sigurinn skilinn,“
sagði Gylfi.
Hermann Hreiðarsson
„Þetta var stórskostlegur leikur og það
var gott að koma svona til baka eftir
tapið fyrir Englandi í síðasta leik. Við
ætluðum að sýna okkar rétta andlit og
við gerðum það,“ sagði Hermann
Hreiðarsson. „Það voru allir að skila
sínu, baráttan var til staðar og kraftur
og vilji var í öllum leikmönnum. Að
skora tvö mörk hjá Ítalíu, sem eru
gríðarlega sterkir varnarlega, og fá mun
fleiri færi er hrikalega sterkt.“
Ítalinn Fabio Bazzani
„Við komumst aldrei í gang í þessum
leik, náðum engu sambandi og það
er engin afsökun þótt við séum enn-
þá á miðju æfingatímabili. Við erum
allir atvinnumenn sem eiga að geta
sýnt okkar rétta andlit, hvort sem það
er 18. ágúst eða 18. maí“ sagði Fabio
Bazzani, framherji Sampdoria sem var
vonsvikinn að hafa ekki nýtt tækifær-
ið sem hann fékk með landsliðinu
betur.
Ásgeir Sigurvinsson, landsliðsþjálfari:
Frábær leikur
FÓTBOLTI Ásgeir Sigurvinsson var að
vonum ánægður með sigurinn
gegn Ítölum í gær enda sýndu ís-
lensku strákarnir snilldartilþrif.
„Þetta var náttúrlega frábær
leikur og stemningin var ótrúleg.
Leikmennirnir börðust vel frá
fyrstu mínútu og voru staðráðnir í
að standa sig,“ sagði Ásgeir og
ljómaði af gleði.
Ítalska landsliðið lék ekki sann-
færandi á köflum á meðan ís-
lensku strákarnir blómstruðu. Það
munaði miklu að Ísland skoraði tvö
mörk á tveggja mínútna kafla.
„Það var vissulega gott að skora
tvö mörk snemma í leiknum en við
vissum að Ítalirnir kæmu sterkir
til baka í seinni hálfleik. Það vant-
aði að vísu nokkra lykilleikmenn
hjá þeim en þetta er engu að síður
feiknasterkt lið. Það eru margir
leikmenn sem hafa unnið Meist-
aradeildina með félagsliðum sín-
um. Við sýndum hins vegar frá-
bæran leik.“ Íslenska liðið var
geysilega einbeitt í leik sínum og
fóru leikmenn grimmir í hvern
einasta bolta. Gylfi Einarsson og
Brynjar Björn Gunnarsson áttu
frábæran leik. „Gylfi og Brynjar
stóðu sig frábærlega og það er orð-
in mikil samkeppni um stöður í lið-
inu,“ sagði Ásgeir. „En það er allt
annað að sjá til Brynjars núna
enda er hann kominn í nýtt lið þar
sem hann fær að spila. Fyrir vikið
hefur sjálfstraustið hjá honum
aukist og hann er að spila vel.“
Ásgeir var yfir sig hrifinn af
stemningunni á Laugardalsvelli.
„Það var frábær stemning hér og
söguleg stund þar sem vallarmetið
var bætt. Það var gríðarlegur fjöl-
di í stæðunum og það er rétt hægt
að ímynda sér hvernig stemningin
hefði verið ef þeir áhorfendur
hefðu staðið nær.“
ÁSGEIR SIGURVINSSON
Landsliðsþjálfarinn var að vonum ánægður með leikinn í gær.
FRÉTTABLAÐIÐ/VILHELM.
Leiðinlegt að byrja með þessum hætti
„Það var leiðinlegt að byrja hið
mikla ævintýri sem það er að þjálfa
Ítalska landsliðið með þessum hætti
en það er ekki mikið um þennan leik
að segja í sjálfu sér og við verðum
einfaldlega að einbeita okkur að
leiknum gegn Norðmönnum í byrj-
un september“ sagði Marcello
Lippi þjálfari Ítala. „Leikurinn gaf
engan vegin rétta mynd af liðinu
en ég ætla ekki að vera að afsaka
frammistöðuna neitt, þið sáuð hvað
þetta var slæmt. Ég vil ekki tala
um einstaka leikmenn mína, það
taka allir sameiginlega ábyrgð á
þessu. Ég þarf að skoða þennan
leik vandlega og fara yfir hann
með leikmönnum mínum, við höf-
um bara 10 daga til stefnu fyrir
næsta leik og þetta var ekki gott
veganesti. Íslendingarnir voru
ákafari, einbeittari og með meiri
sigurvilja. Ég var ekki að velta fyr-
ir mér einstaklingunum í íslenska
liðinu, það spilaði allt vel. Fram-
línumennirnir þeirra tveir, Gudjon-
sen og Helguson, voru mjög frískir
og hreyfanlegir og liðð í heild
miklu hungraðra en við. Þessi 10
mínútna kafli í fyrri hálfleik þar
sem við fengum á okkur mörkin
tvö var afrdrifaríkur, þar var mik-
ið einbeitingarleysi á ferð.“