Fréttablaðið - 19.08.2004, Blaðsíða 62
„Það var nýbúið að kaupa þessa
taflmenn sem voru síðast notaðir
17. júní. Síðan þá hefur ekkert til
þeirra spurst,“ segir Kristján Kor-
mákur Guðjónsson, framkvæmda-
stjóri Skákfélagsins Hróksins, sem
stendur í mikilli leit að eins metra
háum taflmönnum sem á að nota í
skákmóti á útitaflinu við Lækjar-
götu um helgina. „Taflmennirnir
eru úr plasti og eru afskaplega létt-
ir og meðfærilegir. Við eigum aðra
taflmenn sem listamaðurinn Jón
Gunnar smíðaði um árið en þeir
lentu nýverið í eldi og eru því ónot-
hæfir,“ segir Kristján.
„Ég held ekki að þeim hafi verið
stolið og ég kenni engum um þetta.
Um er að ræða einhvern misskiln-
ing. Ég ræddi við fólk hjá Reykja-
víkurborg og þar var ég sendur í
Hitt Húsið. Þar á eftir talaði ég við
Benóný Ægisson sem gaf mér
nokkur númer en það bar engan ár-
angur nema að ég fékk símanúmer
hjá birgðarstöð ÍTR í Skerjafirði.
Þaðan var ég sendur í Húsdýra-
garðinn og þar könnuðust menn
ekkert við taflmennina en höfðu
mikinn áhuga á að endurheimta þá,
þannig að þeir lofa hverjum þeim
sem geta gefið upplýsingar um
hvar þá er að finna i árskorti í Hús-
dýragarðinn fyrir alla fjölskyld-
una, „ segir framkvæmdastjórinn.
„Annars er ég mjög bjartsýnn á að
taflmennirnir finnist fyrir helgi, ef
ekki munum við verða með hefð-
bundið fjöltefli í miðbænum í stað
stóra útitaflsins.“ Lögreglan er
ekki byrjuð að blanda sér í málið
en Kristján lýsti því yfir að gripið
yrði til róttækari aðgerða ef tafl-
mennirnir finnast ekki. ■
Týndir taflmenn
EFTIRLÝSTIR
Hefur einhver séð svona taflmenn? Hrafn Jökulsson, forseti Hróksins, heldur á einum af
hrókunum úr taflsettinu týnda, 17. júní, síðasta daginn sem til þeirra spurðist.
50 19. ágúst 2004 FIMMTUDAGUR
... fær íslenska landsliðið í hand-
knattleik fyrir að sýna sterkan
karakter og sigra Slóvena á
Ólympíuleikunum í gær.
HRÓSIÐ
í dag
Borgarlögmaður
hafnar kröfum
erfingja Kjarvals
Kraftaverk í
Skagafirði
Lúpínuseyðið læknaði
Einar bónda af
krabbameini
Þingmenn sneyptir
Schwarzenegger
hundsaði íslensku
sendinefndina
AÐ MÍNU SKAPI
SÖNGVARINN SVERRIR BERGMANN
Miðnæturstemningin á menningarnótt
TÓNLISTIN Ég er þessa dagana mest að
hlusta á svona frekar lágstemmda tón-
list. Ég er búinn að hlusta á I See A
Darkness með Bonnie „Prince“ Billy
fram og til baka, diskur sem ég mæli
með fyrir alla. Annars er ég mest í dag
að hlusta á Bryter
LAYTER með Nick Drake. Frábær diskur
og alger skömm að þessi gaur hafi farið
svona fljótt.
BÓKIN Ég er því miður ekki nógu góður
að lesa bækur. Það eina sem ég í raun
les eru dagblöð, netsíður og tímarit. En
hver veit nema maður finni sér góða
bók á komandi jólum þó svo að mér
finnist litlar líkur á því.
BÍÓMYNDIN Ég varð fyrir því láni að
rekast á Devil’s Advocate á leigunni um
daginn. Alveg brilliant mynd þar sem Al
Pacino fer á kostum þó svo að Keanu
Reeves sýni það enn og aftur hvað hann
er hroðalegur leikari.
BORGIN Reykjavík er eina málið. Hátt
áfengisverð, leigan uppúr öllu valdi og
allar götur lokaðar vegna viðgerða.
Hvað er hægt að biðja um meira?
BÚÐIN 10-11 í Lágmúla, opin allan sól-
arhringinn.
VERKEFNIÐ Ég syng í Hárinu í Austur-
bæ en þetta er í fyrsta skipti sem ég
hef tekið þátt í einhverju sem tengist
leikhúsi. Þetta er ótrúlega gaman enda
frábær hópur sem er í þessu verki.
Fyrsta miðnætursýningin okkar er á
menningarnótt og þá verður stemning-
in án efa í hámarki enda orkan gríðar-
leg í borginni. Fínt að fara eftir flug-
eldasýninguna í Austurbæ, eiga góða
stund og skella sér svo bara aftur í bæ-
inn.
Það er óhætt að segja að sköpun-
arkrafturinn ráði ríkjum hjá
Ólafi Jóhanni Ólafssyni um þess-
ar mundir en fimm mánaðagöm-
ul dóttir hans, Sóley, afhenti í
gær útgáfustjóra Máls og menn-
ingar, Páli Valssyni, endanlegt
handrit að glænýrri skáldsögu
rithöfundarins. „Ein aðalpersóna
bókarinnar heitir líka Sóley en
þó að ég hafi ráðið nafngiftinni í
bókinni var það Anna konan mín
sem valdi nafnið á dótturina,“
segir hinn ástsæli höfundur Ólaf-
ur Jóhann.
Nýja skáldsagan er mikil að
vöxtum, um fimm hundruð blað-
síður eftir grimman niðurskurð,
en áætlað er að bókin komi út í
október. „Að mínu mati er þetta
metnaðarfyllsta bókmenntaverk
sem Ólafur hefur skrifað til
þessa,“ segir Páll Valsson. „Þetta
er breið epísk saga sem fer víða
bæði í tíma og rúmi, mikil örlaga-
saga, en við getum ekkert gefið
meira upp um efni hennar að
sinni.“
Mikil leynd hvílir yfir væntan-
legri bók en Ólafur segir ástæð-
una að finna í viðfangsefninu.
Nýja bókin er byggð á ýmsum
raunverulegum atburðum líkt og
var um síðustu bók Ólafs, Höll
minninganna, þar sem persóna af
holdi og blóði var kveikjan að
skáldsögunni. „Munurinn er sá að
hér er um að ræða fleiri en eina
manneskju og þetta fólk er ekki
úr fortíðinni heldur samtíman-
um,“ segir Ólafur sem hefur unn-
ið bæði upp úr samtölum við fólk
og rituðum heimildum. „Það hafa
líka þó nokkrir haft samband við
mig að fyrra bragði og lagt fram
upplýsingar og margir hverjir
hafa tekið af mér loforð um að ég
láti aldrei uppi hvaðan þær upp-
lýsingar komu. Sem ég stend að
sjálfsögðu við.“
Fyrri bækur Ólafs hafa komið
út undir merki Vöku Helgafells
og ekki verður breyting á því
þótt Ólafur vinni nú með útgáfu-
stjóra Máls og menningar enda
eru bæði útgáfumerkin undir
hatti Eddu útgáfu. „Ég var svo
heppinn að fá nú Pál Valsson til
að ritstýra mér í fyrsta sinn,“
segir Ólafur en í gegnum árin
hafa þeir félagarnir spilað reglu-
lega saman fótbolta og segir Páll
að samspil þeirra hafi verið
mjög gefandi og skemmtilegt,
bæði á fótboltavellinum og rit-
vellinum.
Höll minninganna kom út árið
2001 á Íslandi. Bókin seldist þá í
um 18 þúsund eintökum og hefur
nýverið fengið afar lofsamlega
dóma bæði í Bandaríkjunum og
á Bretlandi en áætlað er að nýja
skáldsagan komi út í Bretlandi
árið 2006.
„Ég hef ekki enn sett mig í
samband við útgáfustjórann
minn í Bandaríkjunum,“ segir
Ólafur. „Þó að ég búi lungann af
árinu í Bandaríkjunum og bæk-
urnar mínar séu farnar að koma
nokkuð víða út í heiminum, þá
snertir það mig alltaf mest þeg-
ar þær koma út á Íslandi. Enda
eru genin íslensk.“
Auk þess að eignast dóttur og
gefa út bók með stuttu millibili
er einnig í bígerð Hollywood-
kvikmynd sem er unnin upp úr
skáldsögu Ólafs Slóð fiðrildanna.
„Handritið er tilbúið en það er
unnið af Liv Ullmann sem er
jafnframt leikstjóri myndarinn-
ar,“ segir Ólafur og ýjar að því
að næstu stórtíðindi gætu orðið
af því hvaða leikkona hreppi að-
alhlutverk kvikmyndarinnar.
tora@frettabladid.is
BÆKUR
ÓLAFUR JÓHANN ÓLAFSSON
■ Sendir frá sér nýja skáldsögu í haust
sem byggir á raunverulegum atburðum.
Sóleyjar Ólafs Jóhanns
FR
ÉT
TA
B
LA
Ð
IÐ
/G
U
N
N
AR
A
N
D
RÉ
SS
O
N
FAÐIR TVEGGJA SÓLEYJA
Ein aðalpersóna nýrrar skáldsögu Ólafs Jóhanns ber sama nafn og fimm mánaðagömul
dóttir hans Sóley en hér er Sóley ásamt föður sínum og ritstjóra hans Páli Valssyni.
■ VEISTU SVARIÐ?
Svör við spurningum á bls. 6
1
3
2
183 þúsund
Gerhard Schröder
Marcelo Lippi