Fréttablaðið - 03.09.2004, Blaðsíða 8

LYFJAVERÐ „Þessir samningar rík-
isins um lækkun lyfjaverðs virka
fyrst og fremst þannig, að ríkið
er að taka sjúklingaafslættina
eignarnámi. Svo má færa fyrir
því rök, að ríkið sé einnig að gera
upptækan hluta af vörubirgðum
apótekanna,“ sagði Sigurður
Jónsson, framkvæmdastjóri
Samtaka verslunar og þjónustu.
Um mánaðamótin tók gildi
áfangi samkomulags ríkisins og
Félags íslenskra stórkaupmanna
um lækkun lyfjaverðs um 200
milljónir króna. Áður hafði verið
gert samkomulag sem kvað á um
300 milljóna króna sparnað.
Talsmenn lyfjasmásala hafa
gefið út, að vegna þessa séu sjúk-
lingaafslættirnir í uppnámi, þar
sem svigrúm apótekanna í þeim
efnum hafi minnkað til muna.
„Ég tel líklegt að sjúklingaaf-
slættir apótekanna á lyfjum
minnki verulega og hverfi jafn-
vel í einhverjum apótekanna,“
sagði Sigurður. Hann bætti við að
þessar aðgerðir orsökuðu verð-
fellingu hluta af vörubirgðum ap-
ótekanna, þar sem menn gætu
ekki selt hana á því verði sem
þeir hefðu ætlað þegar þeir
keyptu hana inn.
„En meginatriðið er, að til þess
að ríkið næði þessum sparnaðar-
markmiðum sínum, þá hafa menn
orðið að ganga á hlut sjúkling-
anna.“ ■
8 3. september 2004 FÖSTUDAGUR
Sparnaðarsamningar ríkisins um lyfjaverð:
Eignarnám í afsláttum og vörubirgðum
SKOÐANAKÖNNUN Samkvæmt þjóðar-
púlsi Gallups fyrir septembermán-
uð, þar sem spurt var um viðhorf til
kvótakerfisins og afstöðu fólks til
frjáls innflutnings á landbúnaðar-
vörum, eru stuðningsmenn Fram-
sóknarflokksins sáttastir við
óbreytt fyrirkomulag í þessum
málaflokkum. Einungis 16 prósent
þeirra sögðust styðja frjálsan inn-
flutning á landbúnaðarvörum og
um 40 prósent þeirra segjast ánægð
með kvótakerfið.
Framsóknarmenn skera sig
nokkuð úr þegar borið er saman við
heildarniðurstöður. Þannig bendir
könnunin til að einungis 18 prósent
þjóðarinnar séu ánægð með kvóta-
kerfið og að þriðjungur hennar vilji
gefa innflutning á landbúnaðarvör-
um frjálsan. Stuðningur við frjáls-
an innflutning fer vaxandi.
Síðast var spurt um viðhorf til
kvótakerfisins árið 1998. Um 64
prósent sögðust óánægð með kvóta-
kerfið nú í stað nærri 72 pósenta
árið 1998. Ánægjan hefur að sama
skapi aukist um 6 prósent, en hún
var 12 prósent árið 1998 og mælist
18 prósent nú. Um 18 prósent eru
hvorki ánægð né óánægð með
kvótakerfið.
Sjálfstæðismenn eru næst-
ánægðastir með kerfið, á eftir
framsóknarmönnum, en um 29 pró-
sent þeirra sögðust sátt. Hins vegar
styðja einungis 11 prósent Samfylk-
ingarfólks kvótakerfið og 5 prósent
vinstri grænna. Karlar virðast mun
ánægðari með kerfið en konur. Um
25 prósent karla styðja það, en
einungis 10 prósent kvenna.
Gallup hefur spurt um viðhorf
til frjáls innflutnings á landbúnað-
arvörum reglulega síðan 1993. Þá
vildu 23 prósent frjálsan innflutn-
ing og 31 prósent var alfarið á móti.
Nú styður um þriðjungur þjóðar-
innar frelsið og andstaðan er komin
niður í 25 prósent. Mikill munur
mælist á afstöðu kynjanna til máls-
ins. Um 41 prósent karla er alfarið
fylgjandi frjálsum innflutningi en
einungis 24 prósent kvenna.
Það eru helst stuðningsmenn
Samfylkingarinnar sem vill frjáls-
an innflutning. Um 43 prósent þeir-
ra eru fylgjandi því. Um 36 prósent
sjálfstæðismanna vilja frjálsan inn-
flutning og vinstri grænir virðast
ekki vera svo mótfallnir hugmynd-
inni heldur, a.m.k. ekki miðað við
framsóknarmenn. Um 28 prósent
stuðningsmanna Vinstri grænna
vilja frjálsan innflutning, en ein-
ungis 16 prósent framsóknar-
manna, eins og áður segir.
Könnunin var gerð dagana 11. til
24. ágúst. Úrtakið var 1.217 manns
á aldrinum 18 til 75 ára, og var það
valið með tilviljun úr þjóðskrá.
Svarhlutfall var um 62%.
gs@frettabladid.is
Evrópuráðið:
Mónakó
fær aðild
MÓNAKÓ, AP Sex árum eftir að
Mónakó sótti upphaflega um að-
ild að Evrópuráðinu hefur ráðið
loks komist að þeirri niðurstöðu
að lögum örríkisins við Miðjarð-
arhaf hafi verið breytt nægilega
mikið til að þau uppfylli kröfur
sem ráðið gerir til aðildarríkja
um stöðu mannréttindamála.
Meðal þess sem þurfti að
breyta voru lög um kosningarétt
og peningaþvætti auk þess að
fella úr gildi samkomulag við
Frakkland sem tryggði frönsk-
um þegnum ákveðinn hluta af
öllum stöðum embættismanna í
Mónakó. ■
SVONA ERUM VIÐ
SKIPTING
FLATARMÁLS ÍSLANDS
Landsvæði Ferkílómetrar
Ár 606
Birkiskógur og kjarr 1.165
Vötn 1.747
Jöklar 11.179
Mólendi, graslendi og ræktun 27.009
Votlendi 37.285
Mosagróður 37.285
Ógróið land og bersvæðisgróður 42.476
HEIMILD: HAGTÖLUR LANDBÚNAÐARINS 2004
LATIBÆR FYRIR
HÉRAÐSDÓMI
– hefur þú séð DV í dag?
Tekist á um ofsagróðann
Þjóðarpúls Gallups:
Ríkisstjórnin
réttir úr kútnum
SKOÐANAKÖNNUN Stuðningur við
ríkisstjórnina eykst og fylgi
stjórnarflokkanna fer upp á við,
samkvæmt nýjum þjóðarpúlsi
Gallups. Miðað við þjóðarpúls í
ágústmánuði eykst fylgi við
ríkisstjórnina um átta prósent
og segjast nú 46 prósent styðja
hana.
Sjálfstæðisflokkurinn er
aftur orðinn stærsti stjórnmála-
flokkurinn, með 33 prósenta
fylgi, en Samfylkingin kemur
fast á hæla hans með 32 pró-
senta fylgi. Vinstri grænir
missa þrjú prósent frá síðustu
könnun og mælast nú með 16
prósenta fylgi. Framsóknar-
flokkurinn bætir við sig tveimur
prósentustigum og fengi nú 14,5
prósent. Frjálslyndi flokkurinn
mælist með rúmlega 4 prósenta
fylgi, og dalar þar með um eitt
prósent.
Um 18 prósent tóku ekki af-
stöðu eða neituðu að gefa hana
upp og 7,5 prósent sögðust ekki
myndu kjósa eða skila auðu ef
kosningar færu fram í dag.
Könnunin var gerð dagana
27. júlí til 29. ágúst 2004. Úrtak-
ið var 2.773 manns á aldrinum
18 til 75 ára, og var það valið
með tilviljun úr þjóðskrá. Svar-
hlutfall var 63%. Vikmörk í
könnuninni eru 1-3%. ■
SIGURÐUR JÓNSSON
Ríkið tekur sjúklingaafslætti apótekanna
eignarnámi og hluta af vörubirgðum þeirra.
Framsóknar-
menn sáttastir
Kjósendur Framsóknarflokksins eru ánægðastir með kvótakerfið og
mest mótfallnir því að gefa innflutning á landbúnaðarafurðum frjálsan,
ef marka má niðurstöðu þjóðarpúls Gallups.
FRAMSÓKN Á FLOKKSÞINGI
Framsóknarmenn eru sáttastir við kvótakerfið og mest andsnúnir því að taka upp frjálsan
innflutning á landbúnaðarvörum, samkvæmt nýjum þjóðarpúlsi Gallups.
- mest lesna blað landsins
Á SUNNUDÖGUM

Atvinnuauglýsingar sem fara inn

á 75% heimila landsins

Auglýsingasíminn er 550 5000

auglysingar@frettabladid.is
08-09 2.9.2004 21:16 Page 2