Fréttablaðið - 03.09.2004, Blaðsíða 32
Einfaldur morgunmatur Hafragrautur er ein-
faldur og einstaklega hollur morgunmatur.
Aðeins tekur nokkrar mínútur að hita hann og
gefur hann kraft sem endist út allan daginn.
Tilvalið er að henda út í hann fræjum, hnetum
eða þurrkuðum ávöxtum til tilbreytingar.
Til hnífs og skeiðar
GUÐRÚN JÓHANNSDÓTTIR ELDAR EFTIRRÉTT.
Tiramisu þýðir „tak mig upp“ á ítölsku og vísar ef til vill til þeirrar
upplyftingar sem orkuríkt innihald réttarins veitir, eða þá til þess
hvernig hver munnbiti lyftir anda þess sem á bragðar í hæstu hæðir.
Íslensk rifsber fara mjög vel með þessum eftirrétti.
Byrjið á að skilja eggin. Þeytið eggjarauður og sykur vel saman og
hrærið svo mascarpone-ostinum saman við. Stífþeytið í annarri skál
þrjár af eggjahvítunum með ögn af salti og blandið þeim svo varlega
saman við eggjarauðukremið. Rífið allt súkkulaðið niður með rifjárni.
Setjið þunnt lag af kreminu í botninn á djúpu fati. Dýfið Ladyfingers-
kexinu í kaffi og Kahlua-blöndu og þekið botninn með lagi af kökum.
Setjið lag af kremi ofan á kökurnar, því næst lag af rifnu súkkulaði og
þar ofan á annað lag af kökum sem einnig hafa fengið að kynnast kaffi-
blöndunni. Endið með lagi af kremi sem er svo þakið rifnu súkkulaði.
Skreytið með eins miklu af rifsberjum og ykkur lystir. Látið standa í
um þrjár klukkustundir í ísskáp áður en rétturinn er borinn fram. ■
5 egg
salt
150 g sykur
500 g mascarpone-ostur
200 g suðusúkkulaði
11/2 pakki Ladyfingers-kex
1 glas sterkt kaffi (espresso kaffi best)
2 msk. Kahlua líkjör (má sleppa)
Rifsber
„Uppáhaldssveppurinn minn vex
ekki á Íslandi,“ segir Ágúst Pét-
ursson, kennari, sveppaáhuga-
maður og matargúru að auki. „Sá
sveppur heitir myrkill og er af-
skaplega sérkennilegur í laginu,
svona eins og hann sé á röngunni,
og bragðið er sterkt og sérstakt.
Þessi sveppur vex í sendnum jarð-
vegi í frekar heitum löndum. En
hann er sjaldgæfur og kílóið af
honum þurrkuðum er á um 30.000
krónur. Flestir falla fyrir honum
um leið og þeir bragða hann.“
Ágúst segir að skógarsveppirn-
ir séu það sem fólk er að tína hér
heima. „Það eru aðallega furu-
sveppir og lerkisveppir og þeir
sem eru lengra komnir fara í
kantarellurnar og kóngssveppina.
Það er að segja ef það veit hvar þá
er að finna,“ bætir hann við, hlær
leyndardómsfullur og harðneitar
að gefa upp staðsetningar. „Ég get
upplýst að þeir eru helst í gömlu
skóglendi. En allir þessir sveppir
hafa í sér svo mikið bragð af
skógi, ekki síst kóngssveppurinn,
það er bara eins og að borða
skóg,“ segir hann hlæjandi.
Ágúst matreiðir sveppina á
margvíslegan hátt og segir þá alla
jafn ljúffenga þegar þeir eru ein-
faldlega steiktir í smjöri og hvít-
lauk. „Þá eru þeir góðir í eggja-
kökur og pasta og hægt að búa til
úr þeim rjómasósur svo eitthvað
sé nefnt.“ Hann mælir þó ekki
með að þeir séu notaðir hráir.
„Það eru ekki bara mennirnir sem
elska sveppi, flugurnar verpa í þá
þannig að helst vill maður steikja
þá. Hægt er að geyma þá í frysti
eftir að þeir hafa verið steiktir
eða léttsoðnir.“
Það eru til sveppir á Íslandi
sem hafa létt eitrunaráhrif þannig
að Ágúst segir vissara fyrir byrj-
endur að fá leiðsögn í sveppatínsl-
unni. „Það er til ágætis sveppa-
handbók sem gott er að hafa til
leiðsagnar svo fólk sé ekki að taka
neina sénsa. Furusveppina og
lerkisveppina er maður alveg
öruggur með og gott að byrja á
þeim.“
Ágúst fær sérstakt glimt í
augað þegar hann talar um
sveppatínsluferðirnar og segist fá
útrás fyrir veiðieðlið þegar hann
tínir sveppi. „Ég fer ekki í sveppa-
tínslu heldur á sveppaveiðar,“
segir hann og skellir upp úr.
Sveppi er hægt að tína fram að
fyrstu frostum. ■
Suður-Afríska vínið Namaqua hefur rokið upp
sölulista víða um lönd, til að mynda í Bretlandi
þar sem það er söluhæsta kassavínið. Ástæðan er
að vínið er ákaflega aðgengilegt og þægilegt auk
þess að vera á fantagóðu verði. Vínið er léttleik-
andi og ljúft með miðlungs fyllingu. Eftirbragðið er
leikandi, nokkuð milt með þægilega berjatóna.
Hentar vel með grillsteikum hverskonar í BBQ eða
köldum sósum, pasta- og pottréttum, fuglakjöti og
mildum ostum. Eins er það mjög gott eitt og sér,
eða með öðrum orðum: pottþétt partívín!
Verð í Vínbúðum 3.340 kr.
Namaqua Soft Red:
Pottþétt partívín
Nýtt í Vínbúðum
Vínin frá Montes hafa lengi verið einhver vinsælustu vínin frá Chile hérlend-
is og þar með í hópi allra mest seldu vína. Frá engu landi er flutt inn meira
vín til Íslands en Chile. Suður-amerísk vín virðast hitta okkur í hjartastað líkt
og töfraraunsæið í skáldskapnum úr álfunni. Mest seldu Montes-vínin heita
Villa Montes og hafa fjölmörg vín úr þeirri vínlínu fengist hérlendis. Nú hefur
hvítvín úr þrúgunni
chardonnay bæst í flóruna
í Vínbúðum. Hér ræður
ávöxturinn ríkjum og Villa
Montes Chardonnay er
höfugt með krydduðum
ávaxtakeim. Hentar ákaf-
lega vel með einfaldari
fiskréttum og kryddminni
mat.
Verð í Vínbúðum 990 kr.
Villa Montes Chardonnay:
Nýtt hvítvín frá Montes
Hvítvín vikunnar
Castello Banfi Col di Sasso 2002 var valið vín þessarar
viku í víntímaritinu Wine Spectator. Hlaut það 87 stig af 100
mögulegum. Col di Sasso þýðir á íslensku „grýtt hæð“.
„Yndislegt og ljúft ofur-Toskanavín með þroskaðan ávöxt og
klassískan ítalskan stíl,“ segir vínrýnirinn Michael Franz í
stórblaðinu Washington Post.
Fæst í Heiðrúnu og Kringlunni og kostar 1.190 kr.
Castello Banfi Col di Sasso:
87 stig í Wine Spectator
Rauðvín vikunnar
Tími sveppaáhugamanna:
Á sveppaveiðum í gömlu skóglendi
Ágúst er nú þegar búinn að fara í eina „sveppaveiðiferð“ og á eftir að fara í fleiri áður en fer
að frysta, enda er þá ekki lengur hægt að tína sveppi
FR
ÉT
TA
B
LA
Ð
IÐ
/V
AL
LI
Á laugardaginn verður farin sveppa-
tínsluferð í Heiðmörk á vegum Skóg-
ræktarfélags Reykjavíkur. Leiðbeinandi í
göngunni er Bjarni Diðrik Sigurðsson,
skógarvistfræðingur hjá Rannsóknar-
stöðinni á Mógilsá.
„Nú er sveppatíminn í algleymingi og
um að gera að ná sér í sveppi fyrir vet-
urinn,“ segir Bjarni. „Ég mun hitta fólk í
Furulundi þar sem er grill og leik-
aðstaða, norðarlega í Heiðmörkinni. Í
göngunni ætla ég að veita fræðslu um
sveppi, sveppatínslu og meðferð svep-
pa. Aðalatriðið er að kenna fólki að
þekkja helstu matsveppi en þessi ganga
er fyrir þá sem langar að komast inn í
skógana og sveppatínsluna, ekki síst
byrjendur. Sveppatínsla er á Íslandi er
mun einfaldari hér en í nágrannalönd-
unum. Það er líka gaman fyrir fólk að
vita að hér er hægt að tína flesta þá
sveppi sem finnast í nágrannalöndun-
um, sem eru margir hverjir seldir í gour-
met-búðum fyrir tugþúsundir kílóið.“
Allir eru velkomnir í gönguna með
Bjarna sem hefst sem fyrr segir stund-
víslega kl. 10 á morgun. ■
Haustganga á laugardag:
Sveppatínsla í Heiðmörk
Kóngssveppurinn er mikið ljúfmeti og
finnst víða á Íslandi.
Furusveppurinn sem líka er kallaður
smjörsveppur er algengastur íslenskra
sveppa ásamt lerki- og birkisveppi.
Álbakkar úr Europris:
Upplagðir
fyrir bláberin
Álbakkar með álklæddu pappaloki
fást nú í verslunum Europris. Þeir
henta vel fyrir matvæli í frystinn, til
dæmis bláber eða önnur ber sem
geyma á til vetrarins. Það
er nefnilega upp-
lagt að frysta
ber til að eiga í
be r j a só su r ,
o s t a k ö k u r ,
bökur, og aðra
smárétti, útá skyrið
eða saman við
hristinginn. Einnig
henta bakkarnir auð-
vitað vel undir matarafganga sem nýta
á síðar. Bakkarnir fást í tveimur stærð-
um, fimm og átta desilítra og eru í sex
stykkja pakkningum. Hver pakkning
kostar 195 krónur. ■
32 (04) Allt matur 2.9.2004 16:21 Page 2