Fréttablaðið - 03.09.2004, Blaðsíða 53
45FÖSTUDAGUR 3. september 2004
Katrín Elvarsdóttir ljósmyndari
opnaði um síðustu helgi sýningu
í Hafnarborg, menningarmið-
stöðinni í Hafnarfirði. Sýning-
una nefnir hún Minni, enda notar
hún ljósmyndatæknina til þess
að líkja eftir því hvernig minnið
virkar.
„Ég nota plastmyndavél sem
heitir Holga en tók úr henni
stykkið sem skiptir filmunni nið-
ur í ramma. Þess vegna blæðir
ljósið yfir á næstu mynd og það
verða engin skil. Ég tek eina
mynd, sný síðan filmunni áfram
en fer samt ekki alla leið og tek
svo aðra mynd. Sný síðan film-
unni aðeins lengra og tek aftur
mynd. Myndirnar koma hver
ofan í aðra.“
Myndefnin eru hversdagsleg-
ir hlutir sem allir kannast við,
hús, gangstéttir, fólk, en sami
hluturinn sést alltaf frá
nokkrum sjónarhornum.
„Með þessari aðferð verða
myndirnar dálítið dularfullar og
hálf súrrealískar, svipað og það
sem maður sér fyrir sér í minn-
inu eftir á. Maður sér hlutina
ekki sem heild heldur meira eins
og brot úr hlutum sem blandast
saman.“
Katrín útskrifaðist sem ljós-
myndari frá Boston árið 1993 og
hefur sýnt ljósmyndir sínar
víða, bæði á samsýningum og
einkasýningum í Bandaríkjun-
um, Danmörku og hér á landi.
„Ég hef búið mestmegnis í
Ameríku en er nýflutt hingað
heim.“ ■
BROT ÚR MYNDUM SEM BLANDAST SAMAN Katrín Elvarsdóttir ljósmyndari sýnir verk sín í Hafnarborg, Hafnarfirði.
FR
ÉT
TA
B
LA
Ð
IÐ
/G
VA
■ LJÓSMYNDASÝNING
Líkt eftir minningum með myndum
ÚR VERKI ÓLAFAR INGÓLFSDÓTTUR,
MANWOMAN Nútímadanshátíð verður
sett í Borgarleikhúsinu í kvöld.
FR
ÉT
TA
B
LA
Ð
IÐ
/V
IL
H
EL
M
Danshátíð í
örum vexti
„Þetta er þriðja árið sem við höldum
þessa hátíð,“ segir Ólöf Ingólfsdótt-
ir, sem hleypti af stokkunum fyrstu
nútímadanshátíðinni í Reykjavík
árið 2002 ásamt nokkrum félögum
sínum, þeim Jóhanni Björgvinssyni,
Ástrósu Gunnarsdóttur, Svein-
björgu Þórhallsdóttur, Nadíu Banine
og Cameron Corbett.
Þau höfðu velt því mikið fyrir
sér hvað þau gætu gert til þess að
efla danslistina á Íslandi.
„Við fengum margar hugmyndir
en komumst að þeirri niðurstöðu að
þetta væri nokkuð sem við gætum
gert til þess að skapa nýjan vett-
vang fyrir dans á Íslandi. Og við
bara drifum í því.“
Hátíðin hefur vaxið og dafnað ár
frá ári og verður að teljast býsna öfl-
ug í ár, þó enn sé hún í mótun. Í ár
verða fumsýnd sjö íslensk verk, þar
af þrjú á setningarathöfninni í kvöld.
Það er Ólafur Ragnar Grímsson,
forseti Íslands, sem setur hátíðina í
Borgarleikhúsinu klukkan átta í
kvöld. Að því búnu verða sýnd
verkin „Án titils“ eftir Ástrósu
Gunnarsdóttur, „Græna verkið“
eftir Jóhann Björgvinsson og
„ManWoMan“ eftir Ólöfu Ingólfs-
dóttur og Ismo-Pekka Heikinheimo.
Önnur íslensk verk sem frum-
sýnd verða á hátíðinni eru „Lít ég
út fyrir að vera pallíettudula“ eftir
Sveinbjörgu Þórhallsdóttur og
Margréti Söru Guðjónsdóttur,
„Græna verkið“ eftir Jóhann
Björgvinsson, „So“ eftir Cameron
Corbett og „The Concept of
Beauty“ eftir Nadiu Banine.
„Þessi hátíð hefur tvímælalaust
eflt sköpun íslenskra danshöfunda,
og hún veitir líka fleiri dönsurum
tækifæri til að koma fram.“
Ein erlend gestasýning verður á
hátíðinni í ár. Það er sænska verkið
„Where do we go from this?“ eftir
Peter Anderson, sem verður frum-
sýnt í Borgarleikhúsinu annað kvöld.
„Þetta er í fyrsta sinn sem er-
lend gestasýning er á hátíðinni. Við
stefnum að því að þetta verði al-
þjóðleg hátíð á heimsmælikvarða í
framtíðinni og þetta er fyrsta
skrefið í þá átt.“
Hátíðin stendur yfir helgina og
svo verður haldið áfram um næstu
helgi líka. Dagskráin er fjölbreytt
og forvitnileg, og fyrir utan dans-
verk á sviði verða einnig sýndar
nokkrar dansstuttmyndir eftir Hel-
enu Jónsdóttur. ■
■ DANSLIST
52-53 (44-45) Slanga 2.9.2004 20:29 Page 3