Fréttablaðið - 03.09.2004, Blaðsíða 50
Silja Hauksdóttir kemur fyrir
eins og hún hafi ekki gert annað
um ævina en að leikstýra kvik-
myndum. Í það minnsta talar hún
um myndina sína Dís eins og
hvert annað dagsverk. Hlýjan og
væntumþykjan fer þó ekki milli
mála, hún er bara svo eðlileg. Eins
og ekkert sé sjálfsagðara en að
gæða skáldsögu lífi, færa hana á
hvítt tjald og sýna þeim sem sjá
vilja.
Þó að Dís sé fyrsta myndin sem
Silja leikstýrir er þetta ekki í
fyrsta sinn sem hún vinnur við
kvikmyndir. Nítján ára lék hún í
Draumadísum og nokkrum árum
síðar í Fíaskó. „Síðan hef ég unnið
alls konar störf sem tengjast kvik-
myndagerð.“ Silja bjó því að
reynslu auk þess sem hún nam
kvikmyndagerð í Tékklandi.
„Maður lærir verklagið og ég
nýtti mér það. Svo byggist þetta á
innsæi.“
Dís verður til
Skáldsaga Silju, Birnu Önnu
Björnsdóttur og Oddnýjar Sturlu-
dóttur um Dís kom út fyrir fjórum
árum og segir frá ungri konu í
Reykjavík, lífi hennar og draum-
um. Var henni líst sem óvenjulega
venjulegri stelpu. Bókin var skrif-
uð sumarið 2000 og kvikmynda-
handritið ári síðar. „Við skrifuð-
um bókina saman á þrjár tölvur
við eitt eldhúsborð en þegar kom
að handritaskrifunum æxlaðist
það þannig að í þau tvö ár sem
verkið var í vinnslu var alltaf ein-
hver okkar þriggja í útlöndum.
Handritið er því mikið til skrifað í
gegnum tölvupóst. Við margskrif-
uðum þetta og fyrsta uppkastið
var ekki mjög gott,“ segir Silja og
glottir. Bókinni er ekki fylgt ná-
kvæmlega eftir, raunar þvert á
móti. „Dís situr eftir og nokkrar
aðrar persónur og atburðarásin er
einfölduð til muna.“
Þar sem þær stöllur bjuggu
ekki að reynslu af handritaskrif-
um leituðu þær til sérfræðings.
„Við vorum með svokallaðan
handritalækni sem kenndi okkur
tökin á þessu og þróaði þetta með
okkur. Það hjálpaði okkur auðvit-
að mikið.“
Gefandi starf
Auðheyrt er á Silju að hún hef-
ur gaman af að búa til kvikmynd-
ir. Næstum allt er skemmtilegt.
„Það er bara allt þetta ferli, að fá
að segja sögu og sjá hana verða að
veruleika. Þetta er svo áþreifan-
legt. Filmurúlla í dollu sem maður
fer og sýnir fólki. Þetta er líka af-
skaplega gefandi.“ Og það er
greinilegt hversvegna Silja lagði
leikstjórnina fyrir sig en ekki
framleiðslustjórn. „Mér finnast
praktísk mál leiðinlegust við
kvikmyndagerð. Skipulagning og
lausir endar.“
Skipulagið er þó lykilatriði því
það er milljónafyrirtæki að búa
til kvikmynd. Gerð Dísar kostaði
í kringum 70 milljónir króna sem
reyndar þykja ekkert sérlega
miklir peningar þegar bíó er ann-
ars vegar. Og um þrjátíu manns
komu að verkinu. „Dís er fremur
lítil og ódýr,“ segir Silja.
Finnst þú hafir séð hana áður
Sem kunnugt er fer Álfrún
Örnólfsdóttir með hlutverk Dís-
ar. Silja segir hana snemma hafa
orðið fyrir valinu. „Hún kom
strax til greina. Mér finnst hún
nefnilega hafa svo augljóslega
það sem við þurftum. Hún er
sjarmerandi stelpa, greinilega
vel gefin og vel máli farin. Svo er
hún eitthvað svo kunnugleg og
það er það sem vildum því
þannig er Dís, þér finnst þú hafir
séð hana áður.“
Dís er mikil kvennamynd að
því leytinu til að fjöldi kvenna í
starfsliðinu var meiri en gengur
og gerist. „Þetta kom nú bara af
sjálfu sér. Það var valinn maður í
hverju rúmi og í þessu tilviki
mikið af völdum konum. Það var
okkur ekkert sérstakt kappsmál
að hafa margar konur.“ Silja seg-
ir að andinn á tökustöðunum hafi
verið skemmtilegur. „Það var
mjög góður mórall, allir frekar
ungir en samt með reynslu og
þekkingu og starfsgleðin var
mikil. Við vorum mjög hress,“
segir Silja, hress sjálf og ánægð
með lífið og tilveruna.
bjorn@frettabladid.is
42 3. september 2004 FÖSTUDAGUR
Ómissandi á DVD
Alien-myndirnar fjórar eru fáanlegar allar saman í feitum DVD-pakka með glás af
áhugaverðu aukaefni. Fyrsta myndin markaði ákveðin þáttaskil í hryllingsmyndasögunni
og þó þær sem fylgdu í kjölfarið séu ólíkar innbyrðis er ekki hægt annað en að hafa
gaman af kynngimagnaðri geimófreskjunni sem ekkert fær stöðvað. Fyrstu myndirnar
tvær, Alien og Aliens, eru skyldueign allra alvöru safnara en hinar meinlaus bónus.
[ SMS ]
UM MYNDIRNAR Í BÍÓ
THE BOURNE SUPREMACY
Gagnrýnandi Fréttablaðsins mælir ekki
með því að fólk fari þunnt á annað ævin-
týri Bourne.
The Bourne Supremacy
„Hraðinn er slíkur í atburðarás, klippingu og öðru
að varla er hægt að mæla með því að fara á mynd-
ina nema maður sé tiltölulega skýr í kollinum. Sem
sagt ekki of þunnur eða með nefrennsli á háu stigi.
Annars er hætt við að þráðurinn tapist. Reyndar má
þó segja um þessa mynd að þó svo að þráðurinn
tapist á stöku stað má samt hafa gaman að henni.
Hún er nefnilega vel gerð, vel leikin og í alla staði
hin ánægjulegasta afþreying.“ GS
Capturing the Friedmans
„Leikstjórinn dregur hvorki taum lögreglu né sak-
bornings í málinu og áhorfandanum er treyst til að
móta eigin hlið á sannleikanum. Myndefni sonar-
ins, Seth, er allt í senn yfirþyrmandi, heillandi, við-
bjóðslegt og forvitnilegt en nálgunin gerir það að
verkum að heimsókn til Friedmans-fjölskyldunnar
verður að upplifun sem er engri lík. Vægast sagt
einstök heimildarmynd og því glæpur að láta hana
framhjá sér fara.“ EÁ
Saved!
„Myndin er þroskasaga Mary og handritið tekst á
við öll helstu ágreiningsmál kristinnar trúar í
biblíubeltinu á mjög smekklegan og mannlegan
hátt. Þrátt fyrir þessar grafalvarlegu pælingar um
lífið og tilurð þess gleymir leikstjórinn og handrits-
höfundurinn Brian Dannelly ekki að vera fyndinn.
Saved! er mjög góð mynd, hefur það yfirbragð að
vera skondin háskóla-unglingamynd, en er svo
miklu meira en það. Spyr spurninguna hvort kristin
trú sé eina rétta og gefur fallega og friðsamlega
niðurstöðu í lokin.“ BÖS
Hellboy
„Það vantar ekki hasarinn og flottar tæknibrellurn-
ar og þeir sem þekkja Hellboy úr myndasögublöð-
unum virðast almennt sammála um að þessi lög-
un að kvikmyndaforminu sé býsna vel heppnuð.
Þar munar sjálfsagt mest um að myndin gefur
húmornum mikið pláss og leyfir kostulegri per-
sónu vítisengilsins góða að njóta sín en hann þarf
til að mynda að glíma við ástina á milli þess sem
hann bjargar heiminum. Þetta þýðir auðvitað að
myndin missir dampinn inn á milli og þá er hætt
við að þeim sem ekki þekkja kauða láti sér leiðast
og finnist myndin vera ómarkviss og langdregin.“ÞÞ
The Village
„Þorpið er ekkert sérlega æsandi fyrir aðdáendur
þess konar mynda, en það sem Shyamalan gerir
betur í þessari mynd en í Sjötta skilningavitinu og
Unbreakable að minnsta kosti er að koma í gegn
ógnvænlegri sýn á eðli samfélaga í anda Thomas
Hobbes; það er óttinn sem heldur samfélaginu
saman, hversu einfalt sem það er.“ SS
Fahrenheit 9/11
„Íraksstríðshluti myndarinnar er gífurlega áhrifa-
mikill og skilur vonandi engan eftir ósnortinn. Það
að Íslendingar eru „í hópi hinna viljugu“ gerir það
að verkum að Fahrenheit 9/11 verður sjálfvirkt
skylduáhorf hér á landi og hvet ég alla, viljuga sem
óviljuga, til að fara á þessa áhrifamiklu og ógleym-
anlegu heimildarmynd.“ KD
Good Bye Lenin
„Það var mikið búið að auglýsa hversu fyndin þessi
mynd væri og hve óvenjulegt það væri fyrir þýska
kvikmynd. Ég var ekki alveg að átta mig á þeim
húmornum. Það breytir því ekki að fyrir mynd sem
fór afar hægt af stað þróaðist hún í mjög hugljúfa
fjölskyldusögu sem ég hafði ánægju af.“ SS
King Arthur
„Þjóðsagan um Artúr konung er ótrúlega safaríkur
efniviður í ævintýraspennumynd með rómantísku
ívafi og dass af tragedíu. Það er allt til staðar, göf-
ugur konungur, glæsilegir riddarar, fögur mey, óút-
reiknanlegur seiðkarl, galdrasverð, mystísk höll,
ástarþríhyrningur o.fl. o.fl. Ofurframleiðandinn Jerry
Bruckheimer er hins vegar samkvæmur sjálfum sér
og valtar yfir allt sem heitir fágun og fínlegheit.
Góður biti í hundskjaft.“
KD
„Some people play hard to get. I play hard to want.“
- Rokkspæjarinn Ford Fairlane er ekkert að
rembast við að krækja í dömurnar. Þetta er einfalt;
komi þær sem koma vilji og fari þær sem fara vilja.
Óvenjulega venjuleg stelpa
Peter Jackson, leikstjóri Lord of
the Rings, segir það vera æsku-
draum sinn að fá að leikstýra end-
urgerð myndarinnar King Kong.
Tökur á myndinni hefjast í
heimabæ hans Wellington á Nýja
Sjálandi á mánudag. Jackson seg-
ist fyrst hafa reynt að leikstýra
King Kong þegar hann var ung-
lingur. Notaði hann þá litla upp-
tökuvél og pappalíkan af Empire
State byggingunni. „Það er frá-
bært að fá loksins að búa þessa
mynd til,“ sagði Jackson. „Ég hef
dýrkað hana síðan ég var krakki.
Mig langaði til að verða leikstjóri
eftir að ég sá King Kong fyrst.“
Gamanleikarinn Jack Black
fer með hlutverk í myndinni.
„Þegar ég horfði á Lord of the
Rings hugsaði ég með mér: „Ég
verð að komast í næstu mynd
hans,“ sagði Black. „Síðan fannst
mér það fáránlegt því allir ættu
eftir að vilja gera það sama. Eftir
það fékk ég tilboð um að leika í
King Kong. Maður bíður alla ævi
eftir því að fá svoleiðis boð.“
Talið er að King Kong muni
kosta rúma níu milljarða króna.
Lord of the Rings þríleikurinn
kostaði um 21 milljarð króna en
hann hefur halað inn um 210
milljarða víðsvegar um heiminn.
Frumsýningardagur King Kong
er áætlaður 14. desember á næsta
ári. ■
Dís
frumsýnd
Kvikmyndin Dís eftir Birnu Önnu
Björnsdóttur, Oddnýju Sturludótt-
ur og Silju Hauksdóttur, í leik-
stjórn þeirrar síðast nefndu var
frumsýnd í gærkvöldi. Myndin er
byggð á samnefndri bók sem kom
út fyrir fjórum árum og hefur
selst í yfir tíu þúsund eintökum.
Álfrún Örnólfsdóttir fer með
hlutverk Dísar og Ilmur Krist-
jánsdóttir leikur vinkonu hennar
Blævi. Í öðrum meginhlutverkum
eru Árni Tryggvason, Gunnar
Hansson, Þórunn Erna Clausen,
Ylfa Edelstein, Unnur Ösp Stef-
ánsdóttir og Ívar Örn Sverrisson.
Fyrirtæki Baltasars Kormáks,
Sögn/Blueeyes Productions fram-
leiðir myndina. ■
JACKSON OG AÐALLEIKARNIR Peter Jackson, í miðjunni, á Nýja Sjálandi ásamt
aðalleikurum King Kong, þeim Naomi Watts, Adrien Brody og Jack Black.
Æskudraumur Jacksons að rætast
AP
/M
YN
D
FR
ÉT
TA
B
LA
Ð
IÐ
/E
.Ó
L.
SILJA HAUKSDÓTTIR HANDRITSHÖFUNDUR OG LEIKSTJÓRI Hefur leikið í tveimur
bíómyndum, unnið margvísleg önnur störf við kvikmyndir og lært kvikmyndagerð í Tékklandi.
50-51 (42-43) Bíósíða 2.9.2004 21:43 Page 2