Fréttablaðið - 09.12.2004, Síða 45

ég sýningu á Thorvaldsen. Ég er mjög
ánægður með þær myndir en annars á
ég ógrynni af myndum sem ég er mjög
ángæður með. Hvað myndbönd varðar
er Long Face myndbandið með Mínus í
miklu uppáhaldi en ég gerði það með
vini mínum Hálfdáni Pedersen leik-
myndahönnuði,“ segir Börkur aðspurð-
ur um uppáhaldsverkin. Skyldi hann
aldrei fá leið á starfinu?
„Nei, ég er blessunarlega laus við
það. En auðvitað efast ég oft um eign
getu. Sérstaklega þegar ég horfi á snill-
ingana úti í heimi,“ segir hann og nefn-
ir nafn leikstjórans Jonathans Glazer.
„Ég er mikill aðdáandi hans. Hann
var lengi einn færasti tónlistarmynd-
bandaleikstjóri samtímans en er nú
kominn yfir í kvikmyndagerð. Hann
gerði til dæmis Birth með Nicole Kid-
man og Sexy Beast. Hans verk eru af-
skaplega spennandi að mínu mati. Af
ljósmyndurunum finnst mér Gregory
Crewdson einn sá færasti. Hann leggur
gríðarlega vinnu í hverja mynd og bygg-
ir oft heilu sviðsmyndirnar fyrir hverja
ljósmynd. Svo er ég mjög hrifinn af því
sem Helmut Newton gerði og Philip-
Lorca diCorcia. Taryn Simon er banda-
rískur ljósmyndari. Þó hún sé bara
nokkrum árum eldri en ég er hún kom-
in óskaplega langt. Hún hefur gert
ógeðslega margar flottar herferðir og
svo eru hennar persónulegu verk ekki
síðri.“
Börkur vill alls ekki gefa upp hvað sé
fram undan. Bransinn er fullur af leynd-
armálum. Hann viðurkennir þó að vera
með nokkur myndbönd í vinnslu og að
skrifa handrit að stuttmynd og þó það sé
kominn desember er hann ekki í neinu
jólaskapi.
„Ég fer aldrei í jólaskap fyrr en 23.
desember. Jólaskapið kemur með skötu-
lyktinni. Annars finnst mér desember
alltaf frekar niðurdrepandi. Það breytist
ekkert hjá manni nema það er kaldara
og dimmara. Að setja upp jólaseríur í
byrjun desember finnst mér svolítið eins
og að setja plástur á beinbrot. Þetta er
allt hálfgerð blekking.“ ●
Þeir sem vilja fræðast betur um
myndir Barkar geta farið inn á slóðina
www.borkur.deluxe.is
F211FIMMTUDAGUR 9. desember 2004






 Gerry Butler tekur sig vel út.
Sprite-herferðin er í sérstöku uppáhaldi
hjá honum.
„Mikael Torfason rithöfundur
og ritstjóri er stór áhrifavaldur í
mínu lífi, utan ömmu minnar sál-
ugu Margrétar Eggertsdóttur
sem ól mig upp fyrstu árin þegar
foreldrar mínir ungir héldu utan
til náms og las heil ósköp fyrir
mig,“ segir skáldið Jökull Vals-
son, sem nú gefur út sína fyrstu
skáldsögu; hryllingssöguna Börn-
in í Húmdölum.
„Fyrsta bók Mikaels, Falskur
fugl, var auðvitað brautryðj-
andaverk og í henni kvað við
tón sem hafði ekki heyrst
áður. Reyndar var sagt um
þá bók að íslenskar bók-
menntir hefðu misst svein-
dóminn við útkomu henn-
ar. Sjálfur var ég sammála;
þetta var nýjungakennt
hjá Mikael og margir sem
hafa byggt á hans tóni síð-
an. Bókin hafði þau áhrif á
mig að ég sannfærðist um
að hægt væri að fara
aðrar leiðir en
þær hefðbundnu
og þegar ég byrjaði að skrifa var
hermdi ég dálítið eftir raunsæisstíl
Mikaels, en hann skrifaði í talstíl;
eins og fólk talar í raun og veru.
Svo var það umfjöllunarefnið og
hvernig Mikael nálgaðist það.
Fram að útgáfu Falsks fugls hafði
allt sem tengdist dópi og sora
mannlífsins verið skrifað í prédik-
unartóni. Slíkt var ekki til staðar
þarna og ég dáðist að því. Svo þró-
ar maður óhjákvæmilega sinn
eigin stíl, en ég á Mikael
margt að þakka.“
Áhrifavaldurinn Á Mikael margt að þakka
Jökull Valsson rithöfundur
Segir Mikael Torfason hafa
mótað hann sem rithöfund
með talstíl og raunsæi.
Mikael Torfason rithöfundur og
ritstjóri. Braut blað í íslenskri
skáldsagnagerð með bók sinni
Fölskum fugli að mati Jökuls.