Fréttablaðið - 21.12.2004, Qupperneq 11

11ÞRIÐJUDAGUR 21. desember 2004
SJÓMANNI BJARGAÐ
Ástralskt varðskip á þúsunda sjómílna sigl-
ingu fyrir höndum með dauðveikan sjó-
mann innanborðs.
Ævintýraleg björgun:
Sjómaður
sóttur í
Suðurhöf
BJÖRGUN Lífshættulega veikum,
portúgölskum sjómanni var
bjargað úr spænskum togara og
fluttur í ástralskt varðskip á
föstudag. Sjómaðurinn var sóttur
í skipið skammt undan Suður-
skautslandinu og var þegar haldið
með hann áleiðis til Fremantle í
Ástralíu. Skipverjar ástralska
varðskipsins hafa gefið meðvit-
undarlausum sjómanninum blóð.
Skipið er væntanlegt í höfn á jóla-
dag enda átti það í gær 2000 sjó-
mílna (3.700 kílómetra) siglingu
til hafnar. ■
Skjalafals:
Falsaði
kaupverð
DÓMSMÁL Maður á sextugsaldri
var í Héraðsdómi Vestfjarða
dæmdur til greiða 80 þúsund
krónur í sekt fyrir skjalafals og
tollalagabrot. Verði sektin ekki
greidd innan fjögurra vikna kem-
ur tíu daga fangelsi hennar í stað.
Maðurinn falsaði afrit af sölu-
tilboði rafmagnsgítars með því að
breyta verði gítarsins úr 860 evr-
um í 220 og reyndi því að komast
hjá rúmlega fimmtán þúsund
króna aðflutningsgjöldum. ■
JÓLAVERSLUNIN Óvenjustór hluti
jólaverslunarinnar í ár virðist
fólginn í því að fólk sé að kaupa
sér heilu innréttingarnar og raf-
tæki í eldhúsið, að sögn Emils B.
Karlssonar hjá Samtökum versl-
unar og þjónustu.
Samtökin kanna vikulega takt-
inn í versluninni og Emil sagði að
þetta hefði komið fram í samtöl-
um við stjórnendur verslana í
gærmorgun. Jafnframt væri stað-
fest að jólaverslunin væri að lág-
marki 10 prósent umfram það
sem verið hefði í fyrra.
„Það hefur verið afar blómleg
verslun nú á aðventunni í bygg-
ingavörum og raftækjum, svo
dæmi séu nefnd,“ sagði hann.
„Fólk kaupir uppþvottavél, ísskáp
og eldavél á einu bretti. Fréttir
frá Eurocard um helgina þess efn-
is að 35 prósenta aukning hefði
verið í kortaverslun með raftæki
eiga því sína skýringu. Bygginga-
vöruverslanirnar sjá einnig mikla
aukningu í sölu. Þá selst mjög
mikið af flatskjásjónvörpum.“
Emil benti á að fasteignasala
væri mikil um þessar mundir og
margir að flytja. Í sumum tilvikum
hreinsaði fólk allt út og keypti nýtt.
Það virtist því vera að kaupa jóla-
gjöf fyrir alla fjölskylduna. -jss
STARFSMAÐUR BYKO
Mikið hefur borið á að fólk fjárfesti í heilu innréttingunum og raftækjasettunum á aðventunni.
Óvenjustór hluti jólaverslunar í ár:
Heilu innréttingarnar og raftæki
10-11 20.12.2004 20:40 Page 3