Fréttablaðið - 30.12.2004, Qupperneq 61

Í stjórnartíð núver-
andi valdhafa hefur
tekjudreifing orðið mun
ójafnari. Hún var ein sú jafn-
asta í heimi en er nú ójafnari
en á Norðurlöndunum og
svipuð og í Bretlandi.
Forðast að fjalla um umdeild mál
Stjórnmálamenn virðast forðast
að fjalla um umdeild mál. Ein-
göngu þau mál gera okkur kjós-
endum þó kleift að velja á milli
þeirra. Núverandi ríkisstjórn er
þar engin undantekning. Hún
nýtur þess þó að hafa verið svo
lengi að völdum að hægt er að
dæma af verkum sínum í tveim-
ur umdeildum málum sem
stjórnarliðar vilja lítið fjalla
um. Í stjórnartíð núverandi
valdhafa hefur tekjudreifing
orðið mun ójafnari. Hún var ein
sú jafnasta í heimi en er nú
ójafnari en á Norðurlöndunum
og svipuð og í Bretlandi. Ef
fram heldur sem horfir tekur
það um 10 ár að ná svipuðum
ójöfnuði og í Bandaríkjunum og
eru fyrirhugaðar skattalækkan-
ir fyrsta skrefið í þá átt. Þetta
gerist þrátt fyrir innleiðingu
markaðshagkerfis á seinustu
árum sem á samkvæmt frjáls-
hyggjumönnum að minnka
ójöfnuð.
Sérstakar aðgerðir hefur þurft
til að auka ójöfnuðinn. Þær að-
gerðir felast meðal annars í því
að færa skattbyrði í auknum
mæli á þá tekjulægri með lækk-
un eignarskatts, rýrnun per-
sónuafsláttar, lækkun hátekju-
skatts, og með hinum ósýnilega
tekjuskatti, tryggingagjaldi,
sem leggst á öll laun hversu lág
sem þau eru. Sú staðreynd að
stjórnarliðar hafa oftast hand-
valið kaupendur ríkisfyrirtækja
í stað þess að selja þau hæst-
bjóðanda hefur einnig aukið á
ójöfnuð. Baráttan við gróður-
húsaáhrifin hefur ekki farið hátt
enda framlag Íslands umdeilan-
legt. Á seinustu fjórum árum
hefur t.d. meðaleyðsla nýs bíls
aukist um 20% og er nú um 12
lítrar á hundraðið. Þannig eyða
nýir íslenskir bílar tvöfalt
meira en evrópskir og 20%
meira en bandarískir. Það eru
því sterkar líkur á því að Íslend-
ingar séu á eyðslufrekustu bíl-
um í heimi og leggi því umtals-
vert til gróðurhúsaáhrifanna. Á
meðan er t.d. hægt að knýja
2000 bíla með umhverfisvænu
gasi frá sorphaugunum á Álfs-
nesi,en aðeins 46 bílar nota það.
Ástæður þessa má eflaust
einnig rekja til stefnu stjórn-
valda, en þau lækkuðu gjöld á
eyðslufrekari bílum mun meir
en á þá sparneytnari. Vonandi
leggja stjórnarliðar áherslu á
árangur sinn í ofangreindum
málum í næstu kosningum, eins
og í öðrum umdeildum málum.
Þannig mun val okkar kjósenda
síður byggjast á ímyndarauglýs-
ingum. ■
21FIMMTUDAGUR 30. desember 2004
Ekki gagnkvæm aðdáun
Er fólk búið að lesa leikdóminn [eftir Pál
Baldvin Baldvinsson] um Öxina og jörð-
ina í DV í dag? Það er nú aldeilis bomb-
an og hlýtur að vekja umræður. Þá er að
finna í dómnum ansi eitraða pillu á
Þröst Helgason sem fylgir verkinu úr
hlaði í leikskrá, en eitthvað skortir víst á
gagnkvæma aðdáun þessara tveggja
manna.
Ágúst Borgþór Sverrisson á
agustborgthor.blogspot.com
Vestrænt lýðræði
Vissulega er þó til eitthvað sem heitir
vestrænt lýðræði og afbrigði af því verð-
ur stundað í Úkraínu í dag. Það er sá
siður að endurtaka kosningar þangað til
rétti maðurinn vinnur sigur. Í því skyni
eru sendir á vettvang „alþjóðlegir eftir-
litsmenn“ sem reynast allir halda með
öðrum frambjóðandanum. Slíkir eftir-
litsmenn virðast stundum bæði blindir
og heyrnarlausir þegar kemur að því að
þefa uppi misferli. Dæmi um það má
sjá í forsetakosningunum í Afganistan í
september síðastliðnum þar sem eftir-
litsmennirnir virtust staðráðnir í því að
sniðganga allar vísbendingar um gróft
og víðtækt misferli þar sem forsetinn
sem skipaður hafði verið af Bandaríkja-
stjórn var að vinna kosningarnar, „rétt
úrslit“ höfðu fengist.
Sverrir Jakobsson á murinn.is
Leiðist ofboðslega
Mér leiðist ofboðslega. Hef nákvæm-
lega ekkert gert skemmtilegt um hátíð-
arnar, misst af fjölskylduboðum, ekki
getað einbeitt mér að bóklestri né áti.
Né hef ég getað notað dagana til grísku-
náms eins og ég ætlaði mér. Náði að
horfa á lengdu útgáfuna af The Return
of the King, þriðja hluta Lord of the
Rings. Einn gallinn við myndina er hvað
hersveitir óvinarins eru álappalegar –
það er engin von að manni finnist þetta
lið óttalegt. Hetjurnar eiga ekki í nein-
um vandræðum með að lumbra á ork-
unum svokölluðu – þeir eru eins og
fyrirbæri úr þriðja flokks fríksjóvi, kjaga
um skakklappaðir, klaufskir og af-
skræmdir. Svo er ótrúlega fyndið að í
myndinni talar enginn saman – allir
halda ræður. Myndin er öll í ávarpsfalli.
Egill Helgason á visir.is
Máttur auglýsinga
Í kjölfar söfnunar um auglýsingu í New
York Times hefur skapast nokkur um-
ræða um auglýsingar og mátt þeirra. Inn
í þá umræðu hefur spunnist umræða
um alþingiskosningarnar seinustu og þá
„sviknu vöru“ sem auglýsingastofur
prönguðu inn á neytendur, í þessu tilviki
kjósendur. Auglýsingastofurnar hafi ráð-
ist í velheppnaðar lýtaaðgerðir og með
miklum auglýsingaherferðum hafi tekist
að lappa upp á gamaldags ímyndir úr-
eltra flokka.
Tómas Hafliðason á frelsi.is
GUÐMUNDUR ÖRN JÓNSSON
VERKFRÆÐINGUR
UMRÆÐAN
XXXXXÍ HASTÖFUM
,,
BRÉF TIL BLAÐSINS
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
20-61 (20-21) leiðari-viðskipti 29.12.2004 19:24 Page 3