Fréttablaðið - 12.01.2005, Page 39

MIÐVIKUDAGUR 12. janúar 2005
Árið 1998 kom út fyrstu persónu
skotleikur sem hristi ærlega upp í
leikjaheiminum. Leikurinn heitir
Half-Life og fór sigurför um
heiminn og hirti flest öll verðlaun-
in það árið. Framhald leiksins er
nú komið og ekki seinna vænna.
Söguhetjan Gordon Freeman
mætir aftur í baráttuna og er
sögusviðið City 17 í nánustu
framtíð. Mannfólkið býr í ánauð
og stóri bróðir fylgist með öllu og
öllum. Gordon nær sambandi við
gamla starfsfélaga úr Black
Mesa-tilraunarstöðinni sem eru
nú í andspyrnuhreyfingu gegn
stóra bróðir (Combine) og fyrrum
yfirmanni Black Mesa, Dr.
Wallace Breen.
Til þess að spila leikinn þarf
öflugan vélbúnað því annars næst
ekki rétti fílingurinn úr leiknum.
Með nýja tölvu skellti ég HL2 í
gang og lifði mig inn í hlutverkið.
HL2-heimurinn er gífurlega
lifandi og vel hannaður. City 17 er
með austur-evrópskum bygging-
arstíl þó svo íbúarnir eru satt að
segja af amerísku bergi brotnir.
Gordon er leiddur áfram í
gegnum borgina með atburðarás
sem er í senn spennandi og ör-
væntingafull. Þegar komið er út
fyrir borgarmörkin breytist takt-
urinn í leiknum og þarf Gordon að
komast heill á húfi frá öllum þeim
hættum sem þar búa en með að-
stoð meðlima andspyrnuhreyfing-
arinnar eru allir vegir færir. Þeir
ganga í lið með Gordon sem getur
gefið þeim nokkrar einfaldar
skipanir. Þeir gefa líka skotfæri
og sjúkrakassa þegar þörf er á.
Í þetta sinn fær Gordon að nýta
sjó- og landfarartæki til að kom-
ast á milli staða enda eru þær
margar hindranirnar sem Gordon
þarf að yfirstíga og eru farar-
tækin nauðsynlegur partur til að
sýna stærð HL2-umhverfisins.
Allmargar lykilstaðsetningar
eru í leiknum og er hasarinn mis-
munandi eftir staðsetningu. Það
bragðbætir leikinn mikið og gefur
spilaranum líka innsýn í öflin á
bak við valdatjöldin.
Gordon þarf góðan vopnabún-
að og er af nógu af taka. Helst má
nefna þyngdarleysisbyssuna sem
getur sogað til sín lausa hluti og
notað þá sem skotfæri. Alveg
magnað tæki sem er eitt það
frumlegasta sem ég hef komist í.
Öll myndræn og sjónræn
vinnsla leiksins er framúrskar-
andi og leikjavélin er til fyrir-
myndar. Satt að segja er lítið hægt
að setja út á leikinn nema að
framleiðendur hefðu mátt setja
meira kjöt á söguna og tengsl hins
dularfulla G-man við Gordon.
Einnig hefði leikurinn mátt vera
lengri en það er bara óskhyggja.
Allavega vona ég að framhaldið
taki ekki önnur fimm ár í fram-
leiðslu til að fá svar við öllum
þeim spurningum sem vöknuðu
við spilun leiksins.
franzgunnarsson@hotmail.com
Skylduspilun á framhaldi
VÉLBÚNAÐUR: PC
FRAMLEIÐANDI: VALVE
ÚTGEFANDI: VALVE
NIÐURSTAÐA: Valve hafa toppað sjálfa sig og skilað afburðarleik með Half Life 2. Skotleikur ársins á
PC. Skylduspilun fyrir alla fyrstu persónu skotleikjaspilara.
[ TÖLVULEIKIR ]
UMFJÖLLUN
... og mundu eftir ostinum!