Fréttablaðið - 28.04.2005, Síða 56

„Ég ætla að vera með veislu á
laugardaginn í félagsheimili
hestamannafélagsins Andvara í
Garðabæ,“ segir María Lovísa
Ragnarsdóttir fatahönnuður, sem
er fimmtug í dag. Þangað stefnir
hún á sjöunda tug vinafólks og
fjölskyldu.
María segist ekki vera mikið
afmælisbarn í sér en hins vegar
sé hún mikil veislukona. Þá þyki
henni gaman að fá gjafir, sem að
öllum líkindum verða ófáar á
slíku stórafmæli.
María Lovísa mun að mestu
leyti sjá um veisluna sjálf en þó
með aðstoð góðra vina. Í dag
ætlar hún að halda upp á daginn
með því að skella sér á hestbak ef
veður leyfir, enda stundar hún
hestamennsku af krafti.
Annars segist María alltaf
vera að hanna föt en hún hefur
starfað við það í 22 ár. „Ég vissi
það mjög fljótlega að þetta væri
eitthvað sem ég vildi gera,“ segir
María. Amma hennar var lærð
saumakona og mamma hennar
saumaði einnig mikið alla sína
tíð. „Ég var farin að teikna föt í
barnaskóla,“ segir María og er
viss um að hæfileikinn sé með-
fæddur.
Hún segir þó erfitt að lýsa
fötum sínum. Hún hanni bæði sel-
skapsfatnað og föt til daglegs
brúks. Hún segir vinkonur sínar
þó kalla stíl hennar kastala- eða
hallarstíl þar sem fötin hennar
séu svolítið drottningarleg.
María segist fá hugmyndir
sínar héðan og þaðan, bæði úr
nýjum og gömlum bíómyndum,
tískublöðum og fleiru. Þó segir
hún helstu áhrifavalda í sínu lífi
vera mömmu sína og ömmu.
Í sumar ætlar María Lovísa að
skella sér til Danmerkur í sumar-
bústað með fjölskyldu sinni. Þá
ætlar hún að fara í hestaferð í
Landsveit í heila viku. Þau fara
20 saman með rúmlega 60 hesta í
rekstri. María segir að það sé
alveg hægt að vera lúxustýpa þó
að maður stundi hestamennsku,
enda segist hún sjálf vera voða
mikið fyrir þægindi. ■
28 28. apríl 2005 FIMMTUDAGUR
HARPER LEE
(1926) á afmæli í dag.
Mikil veislukona
TÍMAMÓT: MARÍA LOVÍSA FATAHÖNNUÐUR 50 ÁRA
„Lestur er svipaður andardrættinum.
Ég unni ekki lestri fyrr en ég fór að
óttast að geta ekki lesið lengur.“
Hin bandaríska Nelle Harper Lee er með þekktari rithöf-
undum seinni tíma þrátt fyrir að hafa aðeins gefið út eina
skáldsögu. To Kill a Mockingbird kom út árið 1960 og
vann til Pulitzer-verðlauna árið eftir.
timamot@frettabladid.is
MARÍA LOVÍSA Ætlar að halda veislu í tilefni fimmtugsafmælisins.
Þennan dag árið 1879 gerðu 25
skipverjar á Bounty uppreisn undir
forystu Fletcher Christian stýri-
manns. William Bligh skipstjóri og
átján stuðningsmenn hans voru
látnir sigla sinn sjó á opnum ára-
báti en komust á land eftir að hafa
rekið á hafi í tæpa tvo mánuði.
Christian setti stefnuna á eyjuna
Tubuai sunnan Tahítí.
Skipið hafði látið úr höfn í
Englandi rúmum tveimur árum
fyrr og hélt til Vestur-Indía. Í októ-
ber 1788 kom það til Tahítí og
áhöfnin dvaldi þar í fimm mánuði
og naut lystisemda lífsins.
Hinn 4. apríl 1789 lagði Bounty
úr höfn og rúmum þremur vikum
seinna náðu uppreisnarmenn
skipinu á sitt vald. Þeir ætluðu að
setjast að á Tubuai, en eftir að
hafa hrökklast þaðan sigldu þeir
norður til Tahítí. Sextán skipverjar
ákváðu að verða eftir þar þrátt
fyrir að eiga á hættu að vera
handsamaðir af breskum yfirvöld-
um. Sú varð síðar raunin og þrír
þeirra voru hengdir.
Christian, auk átta skipverja og
tæplega tuttugu eyjarskegga, þar
af tólf kvenna, sigldu suður í Kyrr-
haf. Í janúar árið 1790 námu þau
land á hinni óbyggðu Pitcairn
eyju, um þúsund mílur austur af
Tahítí. Þrátt fyrir leit fundu Bretar
Fletcher og föruneyti hans hvergi.
Árið 1808 áðu bandarískir hval-
veiðimenn á eyjunni og fundu
þar eftirlifendur hópsins. John Ad-
ams var eini uppreisnarmaðurinn
sem lifði enn. Honum var veitt
sakaruppgjöf og bjó á Pitcairn
eyju til dauðadags. Í dag búa um
40 manns á Pitcairn eyju og eru
flestir afkomendur landnemanna.
NIÐJAR LANDNÁMSMANNA Á
PITCAIRN
ÞETTA GERÐIST MERKISATBURÐIR
1819 Tukthúsið í Reykjavík er
gert að embættisbústað
fyrir stiftamtmann. Þar er
stjórnarráðshúsið nú.
1923 Fyrsti knattspyrnuleikurinn
fer fram á Wembley-leik-
vanginum.
1938 Stefán Íslandi óperusöngv-
ari kemur fram í fyrsta sinn
í Konunglega leikhúsinu í
Kaupmannahöfn.
1945 Benito Mussolini er hand-
samaður og skotinn ásamt
ástkonu sinni.
1947 Thor Heyerdahl leggur af
stað á Kon-Tiki flekanum
frá Perú til Pólynesíu.
1967 Muhammad Ali hunsar
herkvaðningu og er sviptur
meistaratitlinum í hnefa-
leikum.
1969 Charles De Gaulle segir af
sér sem forseti Frakklands.
Uppreisnin á Bounty
Elskulegur eiginmaður minn, sonur og faðir,
Haukur Óskar Ársælsson
Lækjasmára 6, Kópavogi,
verður jarðsunginn frá Digraneskirkju í dag, fimmtudaginn 28. apríl, kl.
15.00. Blóm og kransar eru vinsamlegast afþakkaðir, en þeim sem vilja
minnast hins látna er bent á deild A6 á Landspítala Fossvogi. Fyrir hönd
tengdabarna, barnabarna, barnabarnabarna og systkina hins látna,
Unnur Jónsdóttir,
Klara Vemundsdóttir,
A. Halla Hauksdóttir,
Heiða Hauksdóttir,
G. Harpa Hauksdóttir,
Ragnar Hauksson,
Jónína Björnsdóttir,
Halldóra María Ríkarðsdóttir.
ÁRBÓK 2005 Fjallað er um Austfirði frá
Reyðarfirði til Seyðisfjarðar.
Ferðafélag Íslands:
Árbók 2005
komin út
Austfirðir frá Reyðarfirði til
Seyðisfjarðar heitir ný Árbók
Ferðafélags Ís-
lands sem komin
er út og er sú sjö-
tugasta og fimmta
í röðinni. Hjörleif-
ur Guttormsson
náttúrufræðingur
skrifaði bókina og
tók flestallar af
þeim 350 litmynd-
um sem prýða
hana. Ellefu staðfræðikort eru í
bókinni auk 13 jarðfræðikorta og
skýringaruppdrátta.
Útgáfu Árbókar 2005 var fagn-
að hjá Ferðafélaginu í gærkvöld
með kynningu höfundar á bókinni
í máli og myndum. Hjörleifur
segir Austfirði einstaka í sinni röð
og skera sig frá öllum öðrum
landshlutum. Þar mætist ólíkar
landslagsheildir auk þess sem
jarðfræðin sé heillandi.
Þetta er fimmta árbókin sem
Hjörleifur skrifar og hafa þær all-
ar fjallað með einum eða öðrum
hætti um austanvert landið. Í bók-
inni í ár segir Hjörleifur að fjallað
sé um hjarta fjarðanna á miðju
Austurlandi, á svæði sem ferða-
fólk sýni vaxandi áhuga og hafi
verið mikið í umræðunni að
undanförnu. ■
AFMÆLI
Júlíus Brjánsson leik-
ari er 54 ára.
Þórir Björn Kolbeinsson, formaður
Félags íslenskra heimilislækna, er fimm-
tugur.
Margrét J.
Pálmadóttir kórstjóri
er 49 ára.
Gunnar Karlsson
myndlistarmaður er
47 ára.
Andrés Magnússon,
auglýsinga- og blaða-
maður, er fertugur.
ANDLÁT
Matthías Jónsson, fyrrverandi kennari í
Skógarskóla, lést föstudaginn 15. apríl.
Útförin fór fram í kyrrþey.
Gunnþór Pétursson, fyrrverandi sjó-
maður, Fannborg 1, Kópavogi, lést
sunnudaginn 24. apríl.
Jörundur Kristinsson, skipstjóri, lést
sunnudaginn 24. apríl.
Svavar Gíslason, vörubílstjóri frá Viðey,
Traðarlandi 4, Reykjavík, lést mánudag-
inn 25. apríl.
Ellefu ár skilja bassaleikarann og gítarleikarann að:
Tveir úlfar eiga afmæli í dag
Vinirnir og samstarfsmennirnir
Jón Ólafsson bassaleikari og
Ingvar Grétarsson gítarleikari
sem spila saman í hljómsveitinni
Úlfum eiga báðir afmæli í dag.
Ingvar er 42 ára en Jón ögn eldri,
53 ára. „Það er ótrúlega margt líkt
með okkur,“ svarar Jón aðspurð-
ur. „Konan hans Ingvars tekur
sérstaklega vel eftir þessu, það
eru víst alls konar dyntir í okkur
báðum.“
Úlfar hafa verið til í þrjú ár en
Jón gekk til liðs við hljómsveitina
fyrir einu og hálfu ári. Þegar tví-
menningarnir komust að því að
þeir eiga sama afmælisdag hafði
Ingvar á orði að annað hvort
myndi samstarfið ganga einstak-
lega vel eða þá að allt færi á ann-
an endann. Hið fyrrnefnda varð
blessunarlega ofan á.
Þriðji Úlfurinn, Guðmundur
Stefánsson trymbill, á afmæli 2.
febrúar.
Úlfar leika í Vélsmiðjunni á
Akureyri um helgina, en þar var
Pollurinn áður til húsa. Jón býst
við góðu stuði á ballinu eins og
vanalega þegar Úlfar slá upp
dansleik. ■
ÚLFARNIR JÓN OG INGVAR
Tilkynningar um merkisatburði,
stórafmæli, andlát og jarðarfarir
í smáletursdálkinn hér að ofan
má senda á netfangið
timamot@frettabladid.is.
Auglýsingar á að senda á
auglysingar@frettabladid.is eða
hringja í síma
550 5000.
HJÖRLEIFUR
GUTTORMSSON