Fréttablaðið - 22.06.2005, Síða 17

Smáauglýsingar
byrja í dag á bls. 5
Flokkar
Bílar & farartæki
Keypt & selt
Þjónusta
Heilsa
Skólar & námskeið
Heimilið
Tómstundir & ferðir
Húsnæði
Atvinna
Tilkynningar
Góðan dag!
Í dag er miðvikudagur 22. júní,
173. dagur ársins 2005.
REYKJAVÍK 2.55 13.30 00.05
AKUREYRI 1.26 13.14 1.01
Heimild: Almanak Háskólans
Sólarupprás Hádegi Sólarlag
Miðnæturgöngur eru algengar á þessum
árstíma. Eflaust hafa margir verið úti í
náttúrunni síðustu nótt sem er sú stysta
á árinu og svo er Jónsmessunóttin á
næsta leiti, þrungin dulúð.
Fyrir tveimur árum fór Friðgerður Sam-
úelsdóttir tannlæknir í sólstöðugöngu á
Kaldbak, hæsta fjall Vestfjarða. Slóst
hún í för með hópi á vegum JC félagsins
á Ísafirði. „Við vorum ótrúlega heppin
með veður og víðsýnið var ævintýra-
legt,“ rifjar hún upp. Hún er beðin að
lýsa útsýninu af toppnum nánar. „Arnar-
fjörður og Dýrafjörður eru næstir, hvor á
sína hönd og í norðaustri Drangajökull en
Strandafjöllin og Húnaflóinn sunnan við
hann. Snæfellsnesið blasir við í suðri og
þetta kvöld var jökullinn roðagylltur í
miðnætursólinni.“ Í huganum snýr hún
sér aftur norður. „Það var dásamleg upp-
lifun að fylgjast með sólinni síga hálfa
leið í hafið út við sjóndeildarhring, koma
svo upp og baða landið geislum.“
Friðgerður segir hópinn hafa lagt upp
úr svokölluðum Fossdal og fararstjórinn
Þórir Örn Guðmundsson hafi frætt fólkið
á leiðinni. „Gísla saga Súrssonar lifnaði
við þarna, enda gerist hún að miklu leyti
í nágrenninu,“ segir hún og bætir við.
„Svo var gítar með í för og sungið og
trallað, meðal annars til heiðurs stúlku
sem ætlaði að gifta sig fljótlega stuttu
seinna og var „gæsuð“ í ferðinni.“
Kaldbakur gnæfir efst í hinum mikil-
fenglega fjallgarði milli Arnarfjarðar og
Dýrafjarðar sem stundum er nefndur
vestfirsku Alparnir. Hann er 998 metra
hár og á toppnum er varða sem togar
hann upp í 1.000 metrana. Friðgerður
telur gönguna á hann ekki erfiða enda
hafi 120 manns verið í sólstöðuferðinni
og hver og einn farið á þeim hraða sem
honum hentaði. „Við vorum alla nóttina á
ferð og enduðum með að lauga okkur í
heitum potti á Þingeyri undir morgun.“
Friðgerður er vön fjallgöngum og
þegar viðtalið er tekið er hún á förum
vestur að Ögri í Ísfjarðardjúpi til að vera
undir vestfirskum himni um sólstöður,
þegar varla sést munur dags og nætur.
gun@frettabladid.is
Dásamleg upplifun á toppnum
nam@frettabladid.is
Vorbrautskráning 800
kandídata frá Háskóla Íslands
fer fram í
Egilshöll laug-
ardaginn 25.
júní nk. kl. 13
og er áætlað
að athöfnin
standi yfir í
tvær og hálfa
klukkustund. Flestir útskrifast úr
félagsvísindadeild eða um 230.
Metaðsókn er í Verzlunarskól-
ann fyrir næsta skólaár en alls
hafa 563 umsóknir borist. Alls
hafa 247 piltar og 316 stúlkur
sótt um skólavist. Til viðbótar
hafa 328 sótt um Verzlunar-
skólann sem fyrsta varaval og
199 sem annað varaval.
Skólinn tekur inn 336 nýnema.
Rektorar allra íslenskra há-
skóla skrifuðu í síðustu viku
undir yfirlýsingu um forsendur
og frelsi háskóla á sérstakri at-
höfn í hátíðarsal
Háskóla Íslands.
Yfirlýsingin markar
stórt spor í íslenskri
háskólasögu og er í
raun eins konar
stjórnarskrá háskóla
hérlendis sem
kveður á um þau grunngildi
sem þeim ber að starfa eftir.
Stjórn Listaháskóla Íslands
hefur sent Þorgerði K. Gunnars-
dóttur menntamálaráðherra og
Steinunni V. Óskarsdóttur borg-
arstjóra erindi þar sem óskað
er eftir við þær að gefinn verði
kostur á að Listaháskólinn verði
byggður á aðliggjandi lóð við
fyrirhugað tónlistarhús og ráð-
stefnumiðstöð á bakka gömlu
hafnarinnar í Reykjavík.
Friðgerður, Úlfur Úlfarsson og Ingibjörg Guðmundsdóttir (úr BG og Ingibjörgu) á toppnum 2003.
LIGGUR Í LOFTINU
í námi
FASTEIGNIR HEIMILI HEILSA HÚS NÁM MATUR BÍLAR ATVINNA FERÐIR BRÚÐKAUP TILBOÐ o.fl.
KRÍLIN
Mér finnst
sardínur góðar
draslið
í miðjunni!
Hvað á flugan að vera stór?
BLS. 3
][
SMÁAUGLÝSINGASÍMINN ER 550 5000 OG Á visir.is
ÞÚ GETUR PANTAÐ
SMÁAUGLÝSINGAR
Á visir.is