Fréttablaðið - 03.08.2005, Qupperneq 34

MIÐVIKUDAGUR 3. ÁGÚST 2005 MARKAÐURINN8
F R É T T A S K Ý R I N G
Hagnaður Íslandsbanka, KB banka og Lands-
banka var 54 milljarðar á fyrstu sex mánuð-
um ársins. Allir bankarnir voru að skila met-
hagnaði og skýrist það í fyrsta lagi af því að
allir hafa vaxið mikið, bæði með innri og ytri
vexti, og skila því óhjákvæmilega auknum
hagnaði samfara auknum tekjum.
Markaðsvirði bankanna hefur aukist mjög
hratt á undanförnum tveimur árum en árið
2003 voru Kaupþing og Búnaðarbanki sam-
einaðir og Landsbankinn einkavæddur.
Geta bankanna til að vaxa hér á landi er
takmörkuð og því hafa þeir leitað út fyrir
landsteinana. Allir bankarnir hafa að undan-
förnu fest kaup á erlendum fjármálafyrir-
tækjum, bæði á Norðurlöndunum og í Bret-
landi. Mikið starf er því framundan í að sam-
ræma reksturinn innan bankanna.
Hlutabréfaverð hefur hækkað mikið sem
skilar sér í auknum hagnaði bankanna. Einnig
hafa þeir verið að selja eignir. Íslandsbanki
seldi til að mynda Sjóvá nýlega og KB banki
hefur selt hluta í VÍS.
MIKILL GENGISHAGNAÐUR
Samanlagður gengishagnaður bankanna er
rúmir 36 milljarðar króna og er gengishagn-
aður KB banka helmingurinn af því. Gengis-
hagnaður er fyrst og fremst tilkominn vegna
hækkunar á gengi hlutabréfa sem bankinn á í
öðrum fyrirtækjum. Innan gengishagnaðs
flokkast svo einnig arður af hlutabréfum,
hagnaður af afleiðum og hagnaður af gjald-
eyrisviðskiptum. Ört stækkandi hluti innan
bankanna er svokölluð fjárfestingabanka-
starfsemi en hún felst í því að kaupa í óskráð-
um félögum og skrá þau svo á markað með
hagnaði.
Bankarnir hafa löngum verið gagnrýndir
fyrir hversu miklar eignir þeirra lægju á inn-
lendum hlutabréfamarkaði og virðast bank-
arnir mjög misjafnir hvað þetta varðar.
ÞÓKNANATEKJUR VAXA
Eins og sést á stöplaritinu hér til hliðar eru
tekjur bankanna frá mörgum mismunandi
sviðum. Bankarnir skilgreina afkomusvið sín
ólíkt og því er skipting tekna miðuð við
hvernig hver banki setur fram afkomusvið
sín.
Einungis lítill hluti tekna bankanna kemur
frá viðskiptabankasviði en áður komu tekjur
bankanna nánast eingöngu frá þeirri starf-
semi.
Bankarnir hafa einnig verið að auka mikið
þjónustu við einstaklinga og bjóða upp á alls-
kyns gerðir af lánum. Einnig eiga bankarnir
fjármögnunarfyrirtæki á borð við Glitni og
SP Fjármögnun sem lána til bílakaupa og ann-
arra vélakaupa.
ÓTRÚLEG FJÖLGUN EIGNA
Heildareignir bankanna nema 4.400 milljörð-
um króna og hafa vaxið gífurlega að undan-
förnu. Helstu eignir bankanna eru útlán til
viðskiptavina þeirra. Áður voru efnahags-
reikningar bankanna einfaldari og saman-
stóðu að stærstum hluta af innlánum frá við-
skiptavinum annars vegar og útlánum hins
vegar. Einnig eiga bankarnir umtalsvert af
skuldabréfum, hlutabréfum og öðrum eign-
um sem auðvelt er að koma í verð. Eignir
bankanna hafa aukist mikið með kaupum
þeirra erlendis, til að
mynda voru eignir
FIH bankans í Dan-
mörku um 800 millj-
arðar króna en það
voru að mestu lán til
íbúðakaupa.
Útlánasöfnin hafa
vaxið að mestu erlend-
is að undanförnu en
hér á landi er mesti
vöxturinn vegna
íbúðalána.
Bankarnir hafa
margfaldast að mark-
aðsvirði en samanlagt
markaðsvirði bankanna fjögurra nemur 800
milljörðum króna eða sem nemur þjóðar-
framleiðslu Íslands á ári.
BJART FRAMUNAN
Uppgjör bankanna sýna að vöxtur þeirra hef-
ur ekki orðið á kostnað arðsemi og flest virð-
ist ganga þeim í hag um þessar mundir. Geng-
ishagnaður vegur þó ennþá mjög þungt í
hagnaði bankanna en aðrir tekjustofnar bank-
anna skila einnig auknum hagnaði. Erlend
starfsemi bankanna hefur verið styrkt mikið,
bæði með mikilli aukningu lána, fyrirtækja-
verkefna og annarrar þjónustu.
Vaxtatekjur bankanna aukast sífellt í takt
við útlán þeirra en þó drógust vaxtatekjur
KB banka saman milli fyrsta og annars árs-
fjórðungs vegna minni verðbólgu.
Tekjur bankanna vegna erlendrar starf-
semi aukast sífellt og eru nú tekjur KB banka
70 prósent erlendis frá. Hreiðar Már Sigurðs-
son, forstjóri KB banka, segir stefnt að því að
tekjur á Íslandi verði einungis 20 prósent af
tekjum bankans í lok ársins.
Ekki er hægt að búast áfram við hagnaði í
líkingu við þann hagnað sem bankarnir hafa
verið að skila að undanförnu nema með enn
frekari stækkun. Markaðsaðstæður banka og
fjármálafyrirtækja hafa verið eins og best
verður á kosið. Einnig hafa bankarnir verið
að selja ýmsar eignir með góðum hagnaði.
Bankarnir hafa dágott svigrúm til að stækka
enn frekar og má því búast við einhverjum
frekari kaupum á næstunni.
Bankarnir bólgna út
Hagnaður bankanna var 54 milljarðar á fyrstu sex mánuðum ársins og hafa þeir aldrei hagnast jafn
mikið. Methagnaðinn má rekja til góðra aðstæðna á hlutabréfamarkaði, sem og aukinna þóknana og
vaxtatekna. Dögg Hjaltalín skoðaði hvað stendur upp úr rekstri bankanna um þessar mundir og
hvort hagnaður þeirra muni sífellt aukast.
STJÓRNENDUR BANKANNA Bjarni Ár-
mannsson, forstjóri Íslandsbanka; Baldur
Guðnason, forstjóri Eimskips; Hreiðar Már
Sigurðsson, forstjóri KB banka; Lýður Guð-
mundsson, forstjóri Bakkavarar og Sigurjón
Þ. Árnason, bankastjóri Landsbankans.
Fr
ét
ta
bl
að
ið
/K
G
B
35
30
25
20
15
10
5
0
Íslandsbanki KB banki Landsbanki Straumur
■ Markaðsviðskipti
■ Fjárfestingabankastarfsemi
■ Fjárstýring
■ Fyrirtækjasvið
■ Viðskiptabankasvið
■ Eignastýring
■ Önnur starfsemi
H A G N A Ð U R B A N K A N N A E F T I R A F K O M U S V I Ð U M
Íslandsbanki KB banki Landsbanki Straumur
Hreinar vaxtatekjur 10,1 13,7 9,4 0,3
Þjónustutekjur 3,9 9,4 7,6 0,6
Gengismunur 3,2 18,6 6,1 8,6
Hagnaður 10,6 24,8 11,1 7,6
Hagnaður á hlut 0,83 37,9 1,33 1,33
Arðsemi eigin fjár 37% 36% 56% 22%
Eigið fé 77 170 59 46
Heildareignir 1.335 1.899 1.022 121
Innlán til viðskiptavina 321 234 263
Útlán 1.111 1.365 828
Markaðsvirði 183 369 171 77
Meðalstöðugildi 1.259 1.692 1.294 23
H E L S T U S T Æ R Ð I R B A N K A N N A F Y R S T U S E X
M Á N U Ð I Á R S I N S – Í M I L L J Ö R Ð U M K R Ó N A
08-09 Markadur lesið 2.8.2005 15:20 Page 2